MuhurtaNow

ಮಹಾ ಗಣಪತಿ ಮಂತ್ರವಿಗ್ರಹ ಕವಚಂ

Ganesha · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಓಂ ಅಸ್ಯ ಶ್ರೀಮಹಾಗಣಪತಿ ಮಂತ್ರವಿಗ್ರಹ ಕವಚಸ್ಯ । ಶ್ರೀಶಿವ ಋಷಿಃ । ದೇವೀಗಾಯತ್ರೀ ಛಂದಃ । ಶ್ರೀ ಮಹಾಗಣಪತಿರ್ದೇವತಾ । ಓಂ ಶ್ರೀಂ ಹ್ರೀಂ ಕ್ಲೀಂ ಗ್ಲೌಂ ಗಂ ಬೀಜಾನಿ । ಗಣಪತಯೇ ವರವರದೇತಿ ಶಕ್ತಿಃ । ಸರ್ವಜನಂ ಮೇ ವಶಮಾನಯ ಸ್ವಾಹಾ ಕೀಲಕಮ್ । ಶ್ರೀ ಮಹಾಗಣಪತಿಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಕರನ್ಯಾಸಃ । ಓಂ ಶ್ರೀಂ ಹ್ರೀಂ ಕ್ಲೀಂ – ಅಂಗುಷ್ಠಾಭ್ಯಾಂ ನಮಃ । ಗ್ಲೌಂ ಗಂ ಗಣಪತಯೇ – ತರ್ಜನೀಭ್ಯಾಂ ನಮಃ । ವರವರದ – ಮಧ್ಯಮಾಭ್ಯಾಂ ನಮಃ । ಸರ್ವಜನಂ ಮೇ – ಅನಾಮಿಕಾಭ್ಯಾಂ ನಮಃ । ವಶಮಾನಯ – ಕನಿಷ್ಠಿಕಾಭ್ಯಾಂ ನಮಃ । ಸ್ವಾಹಾ – ಕರತಲ ಕರಪೃಷ್ಠಾಭ್ಯಾಂ ನಮಃ ।

ನ್ಯಾಸಃ । ಓಂ ಶ್ರೀಂ ಹ್ರೀಂ ಕ್ಲೀಂ – ಹೃದಯಾಯ ನಮಃ । ಗ್ಲೌಂ ಗಂ ಗಣಪತಯೇ – ಶಿರಸೇ ಸ್ವಾಹಾ । ವರವರದ – ಶಿಖಾಯೈ ವಷಟ್ । ಸರ್ವಜನಂ ಮೇ – ಕವಚಾಯ ಹುಮ್ । ವಶಮಾನಯ – ನೇತ್ರತ್ರಯಾಯ ವೌಷಟ್ । ಸ್ವಾಹಾ – ಅಸ್ತ್ರಾಯ ಫಟ್ ।

ಧ್ಯಾನಂ – ಬೀಜಾಪೂರಗದೇಕ್ಷುಕಾರ್ಮುಕ ಋಜಾ ಚಕ್ರಾಬ್ಜಪಾಶೋತ್ಪಲ ವ್ರೀಹ್ಯಗ್ರಸ್ವವಿಷಾಣರತ್ನಕಲಶಪ್ರೋದ್ಯತ್ಕರಾಂಭೋರುಹಃ । ಧ್ಯೇಯೋ ವಲ್ಲಭಯಾ ಸಪದ್ಮಕರಯಾ ಶ್ಲಿಷ್ಟೋಜ್ವಲದ್ಭೂಷಯಾ ವಿಶ್ವೋತ್ಪತ್ತಿವಿಪತ್ತಿಸಂಸ್ಥಿತಿಕರೋ ವಿಘ್ನೇಶ ಇಷ್ಟಾರ್ಥದಃ ।

ಇತಿ ಧ್ಯಾತ್ವಾ । ಲಂ ಇತ್ಯಾದಿ ಮಾನಸೋಪಚಾರೈಃ ಸಂಪೂಜ್ಯ ಕವಚಂ ಪಠೇತ್ ।

ಓಂಕಾರೋ ಮೇ ಶಿರಃ ಪಾತು ಶ್ರೀಂಕಾರಃ ಪಾತು ಫಾಲಕಮ್ । ಹ್ರೀಂ ಬೀಜಂ ಮೇ ಲಲಾಟೇಽವ್ಯಾತ್ ಕ್ಲೀಂ ಬೀಜಂ ಭ್ರೂಯುಗಂ ಮಮ ॥ 1 ॥

ಗ್ಲೌಂ ಬೀಜಂ ನೇತ್ರಯೋಃ ಪಾತು ಗಂ ಬೀಜಂ ಪಾತು ನಾಸಿಕಾಮ್ । ಗಂ ಬೀಜಂ ಮುಖಪದ್ಮೇಽವ್ಯಾದ್ಮಹಾಸಿದ್ಧಿಫಲಪ್ರದಮ್ ॥ 2 ॥

ಣಕಾರೋ ದಂತಯೋಃ ಪಾತು ಪಕಾರೋ ಲಂಬಿಕಾಂ ಮಮ । ತಕಾರಃ ಪಾತು ಮೇ ತಾಲ್ವೋರ್ಯೇಕಾರ ಓಷ್ಠಯೋರ್ಮಮ ॥ 3 ॥

ವಕಾರಃ ಕಂಠದೇಶೇಽವ್ಯಾದ್ರಕಾರಶ್ಚೋಪಕಂಠಕೇ । ದ್ವಿತೀಯಸ್ತು ವಕಾರೋ ಮೇ ಹೃದಯಂ ಪಾತು ಸರ್ವದಾ ॥ 4 ॥

ರಕಾರಸ್ತು ದ್ವಿತೀಯೋ ವೈ ಉಭೌ ಪಾರ್ಶ್ವೌ ಸದಾ ಮಮ । ದಕಾರ ಉದರೇ ಪಾತು ಸಕಾರೋ ನಾಭಿಮಂಡಲೇ ॥ 5 ॥

ರ್ವಕಾರಃ ಪಾತು ಮೇ ಲಿಂಗಂ ಜಕಾರಃ ಪಾತು ಗುಹ್ಯಕೇ । ನಕಾರಃ ಪಾತು ಮೇ ಜಂಘೇ ಮೇಕಾರೋ ಜಾನುನೋರ್ದ್ವಯೋಃ ॥ 6 ॥

ವಕಾರಃ ಪಾತು ಮೇ ಗುಲ್ಫೌ ಶಕಾರಃ ಪಾದಯೋರ್ದ್ವಯೋಃ । ಮಾಕಾರಸ್ತು ಸದಾ ಪಾತು ದಕ್ಷಪಾದಾಂಗುಲೀಷು ಚ ॥ 7 ॥

ನಕಾರಸ್ತು ಸದಾ ಪಾತು ವಾಮಪಾದಾಂಗುಲೀಷು ಚ । ಯಕಾರೋ ಮೇ ಸದಾ ಪಾತು ದಕ್ಷಪಾದತಲೇ ತಥಾ ॥ 8 ॥

ಸ್ವಾಕಾರೋ ಬ್ರಹ್ಮರೂಪಾಖ್ಯೋ ವಾಮಪಾದತಲೇ ತಥಾ । ಹಾಕಾರಃ ಸರ್ವದಾ ಪಾತು ಸರ್ವಾಂಗೇ ಗಣಪಃ ಪ್ರಭುಃ ॥ 9 ॥

ಪೂರ್ವೇ ಮಾಂ ಪಾತು ಶ್ರೀರುದ್ರಃ ಶ್ರೀಂ ಹ್ರೀಂ ಕ್ಲೀಂ ಫಟ್ ಕಲಾಧರಃ । ಆಗ್ನೇಯ್ಯಾಂ ಮೇ ಸದಾ ಪಾತು ಹ್ರೀಂ ಶ್ರೀಂ ಕ್ಲೀಂ ಲೋಕಮೋಹನಃ ॥ 10 ॥

ದಕ್ಷಿಣೇ ಶ್ರೀಯಮಃ ಪಾತು ಕ್ರೀಂ ಹ್ರಂ ಐಂ ಹ್ರೀಂ ಹ್ಸ್ರೌಂ ನಮಃ । ನೈರೃತ್ಯೇ ನಿರೃತಿಃ ಪಾತು ಆಂ ಹ್ರೀಂ ಕ್ರೋಂ ಕ್ರೋಂ ನಮೋ ನಮಃ ॥ 11 ॥

ಪಶ್ಚಿಮೇ ವರುಣಃ ಪಾತು ಶ್ರೀಂ ಹ್ರೀಂ ಕ್ಲೀಂ ಫಟ್ ಹ್ಸ್ರೌಂ ನಮಃ । ವಾಯುರ್ಮೇ ಪಾತು ವಾಯವ್ಯೇ ಹ್ರೂಂ ಹ್ರೀಂ ಶ್ರೀಂ ಹ್ಸ್ಫ್ರೇಂ ನಮೋ ನಮಃ ॥ 12 ॥

ಉತ್ತರೇ ಧನದಃ ಪಾತು ಶ್ರೀಂ ಹ್ರೀಂ ಶ್ರೀಂ ಹ್ರೀಂ ಧನೇಶ್ವರಃ । ಈಶಾನ್ಯೇ ಪಾತು ಮಾಂ ದೇವೋ ಹ್ರೌಂ ಹ್ರೀಂ ಜೂಂ ಸಃ ಸದಾಶಿವಃ ॥ 13 ॥

ಪ್ರಪನ್ನಪಾರಿಜಾತಾಯ ಸ್ವಾಹಾ ಮಾಂ ಪಾತು ಈಶ್ವರಃ । ಊರ್ಧ್ವಂ ಮೇ ಸರ್ವದಾ ಪಾತು ಗಂ ಗ್ಲೌಂ ಕ್ಲೀಂ ಹ್ಸ್ರೌಂ ನಮೋ ನಮಃ ॥ 14 ॥

ಅನಂತಾಯ ನಮಃ ಸ್ವಾಹಾ ಅಧಸ್ತಾದ್ದಿಶಿ ರಕ್ಷತು । ಪೂರ್ವೇ ಮಾಂ ಗಣಪಃ ಪಾತು ದಕ್ಷಿಣೇ ಕ್ಷೇತ್ರಪಾಲಕಃ ॥ 15 ॥

ಪಶ್ಚಿಮೇ ಪಾತು ಮಾಂ ದುರ್ಗಾ ಐಂ ಹ್ರೀಂ ಕ್ಲೀಂ ಚಂಡಿಕಾ ಶಿವಾ । ಉತ್ತರೇ ವಟುಕಃ ಪಾತು ಹ್ರೀಂ ವಂ ವಂ ವಟುಕಃ ಶಿವಃ ॥ 16 ॥

ಸ್ವಾಹಾ ಸರ್ವಾರ್ಥಸಿದ್ಧೇಶ್ಚ ದಾಯಕೋ ವಿಶ್ವನಾಯಕಃ । ಪುನಃ ಪೂರ್ವೇ ಚ ಮಾಂ ಪಾತು ಶ್ರೀಮಾನಸಿತಭೈರವಃ ॥ 17 ॥

ಆಗ್ನೇಯ್ಯಾಂ ಪಾತು ನೋ ಹ್ರೀಂ ಹ್ರೀಂ ಹ್ರುಂ ಕ್ರೋಂ ಕ್ರೋಂ ರುರುಭೈರವಃ । ದಕ್ಷಿಣೇ ಪಾತು ಮಾಂ ಕ್ರೌಂ ಕ್ರೋಂ ಹ್ರೈಂ ಹ್ರೈಂ ಮೇ ಚಂಡಭೈರವಃ ॥ 18 ॥

ನೈರೃತ್ಯೇ ಪಾತು ಮಾಂ ಹ್ರೀಂ ಹ್ರೂಂ ಹ್ರೌಂ ಹ್ರೌಂ ಹ್ರೀಂ ಹ್ಸ್ರೈಂ ನಮೋ ನಮಃ । ಸ್ವಾಹಾ ಮೇ ಸರ್ವಭೂತಾತ್ಮಾ ಪಾತು ಮಾಂ ಕ್ರೋಧಭೈರವಃ ॥ 19 ॥

ಪಶ್ಚಿಮೇ ಈಶ್ವರಃ ಪಾತು ಕ್ರೀಂ ಕ್ಲೀಂ ಉನ್ಮತ್ತಭೈರವಃ । ವಾಯವ್ಯೇ ಪಾತು ಮಾಂ ಹ್ರೀಂ ಕ್ಲೀಂ ಕಪಾಲೀ ಕಮಲೇಕ್ಷಣಃ ॥ 20 ॥

ಉತ್ತರೇ ಪಾತು ಮಾಂ ದೇವೋ ಹ್ರೀಂ ಹ್ರೀಂ ಭೀಷಣಭೈರವಃ । ಈಶಾನ್ಯೇ ಪಾತು ಮಾಂ ದೇವಃ ಕ್ಲೀಂ ಹ್ರೀಂ ಸಂಹಾರಭೈರವಃ ॥ 21 ॥

ಊರ್ಧ್ವಂ ಮೇ ಪಾತು ದೇವೇಶಃ ಶ್ರೀಸಮ್ಮೋಹನಭೈರವಃ । ಅಧಸ್ತಾದ್ವಟುಕಃ ಪಾತು ಸರ್ವತಃ ಕಾಲಭೈರವಃ ॥ 22 ॥

ಇತೀದಂ ಕವಚಂ ದಿವ್ಯಂ ಬ್ರಹ್ಮವಿದ್ಯಾಕಲೇವರಮ್ । ಗೋಪನೀಯಂ ಪ್ರಯತ್ನೇನ ಯದೀಚ್ಛೇದಾತ್ಮನಃ ಸುಖಮ್ ॥ 23 ॥

ಜನನೀಜಾರವದ್ಗೋಪ್ಯಾ ವಿದ್ಯೈಷೇತ್ಯಾಗಮಾ ಜಗುಃ । ಅಷ್ಟಮ್ಯಾಂ ಚ ಚತುರ್ದಶ್ಯಾಂ ಸಂಕ್ರಾಂತೌ ಗ್ರಹಣೇಷ್ವಪಿ ॥ 24 ॥

ಭೌಮೇಽವಶ್ಯಂ ಪಠೇದ್ಧೀರೋ ಮೋಹಯತ್ಯಖಿಲಂ ಜಗತ್ । ಏಕಾವೃತ್ಯಾ ಭವೇದ್ವಿದ್ಯಾ ದ್ವಿರಾವೃತ್ಯಾ ಧನಂ ಲಭೇತ್ ॥ 25 ॥

ತ್ರಿರಾವೃತ್ಯಾ ರಾಜವಶ್ಯಂ ತುರ್ಯಾವೃತ್ಯಾಽಖಿಲಾಃ ಪ್ರಜಾಃ । ಪಂಚಾವೃತ್ಯಾ ಗ್ರಾಮವಶ್ಯಂ ಷಡಾವೃತ್ಯಾ ಚ ಮಂತ್ರಿಣಃ ॥ 26 ॥

ಸಪ್ತಾವೃತ್ಯಾ ಸಭಾವಶ್ಯಾ ಅಷ್ಟಾವೃತ್ಯಾ ಭುವಃ ಶ್ರಿಯಮ್ । ನವಾವೃತ್ಯಾ ಚ ನಾರೀಣಾಂ ಸರ್ವಾಕರ್ಷಣಕಾರಕಮ್ ॥ 27 ॥

ದಶಾವೃತ್ತೀಃ ಪಠೇನ್ನಿತ್ಯಂ ಷಣ್ಮಾಸಾಭ್ಯಾಸಯೋಗತಃ । ದೇವತಾ ವಶಮಾಯಾತಿ ಕಿಂ ಪುನರ್ಮಾನವಾ ಭುವಿ ॥ 28 ॥

ಕವಚಸ್ಯ ಚ ದಿವ್ಯಸ್ಯ ಸಹಸ್ರಾವರ್ತನಾನ್ನರಃ । ದೇವತಾದರ್ಶನಂ ಸದ್ಯೋ ನಾತ್ರಕಾರ್ಯಾ ವಿಚಾರಣಾ ॥ 29 ॥

ಅರ್ಧರಾತ್ರೇ ಸಮುತ್ಥಾಯ ಚತುರ್ಥ್ಯಾಂ ಭೃಗುವಾಸರೇ । ರಕ್ತಮಾಲಾಂಬರಧರೋ ರಕ್ತಗಂಧಾನುಲೇಪನಃ ॥ 30 ॥

ಸಾವಧಾನೇನ ಮನಸಾ ಪಠೇದೇಕೋತ್ತರಂ ಶತಮ್ । ಸ್ವಪ್ನೇ ಮೂರ್ತಿಮಯಂ ದೇವಂ ಪಶ್ಯತ್ಯೇವ ನ ಸಂಶಯಃ ॥ 31 ॥

ಇದಂ ಕವಚಮಜ್ಞಾತ್ವಾ ಗಣೇಶಂ ಭಜತೇ ನರಃ । ಕೋಟಿಲಕ್ಷಂ ಪ್ರಜಪ್ತ್ವಾಪಿ ನ ಮಂತ್ರಂ ಸಿದ್ಧಿದೋ ಭವೇತ್ ॥ 32 ॥

ಪುಷ್ಪಾಂಜಲ್ಯಷ್ಟಕಂ ದತ್ವಾ ಮೂಲೇನೈವ ಸಕೃತ್ ಪಠೇತ್ । ಅಪಿವರ್ಷಸಹಸ್ರಾಣಾಂ ಪೂಜಾಯಾಃ ಫಲಮಾಪ್ನುಯಾತ್ ॥ 33 ॥

ಭೂರ್ಜೇ ಲಿಖಿತ್ವಾ ಸ್ವರ್ಣಸ್ತಾಂ ಗುಟಿಕಾಂ ಧಾರಯೇದ್ಯದಿ । ಕಂಠೇ ವಾ ದಕ್ಷಿಣೇ ಬಾಹೌ ಸಕುರ್ಯಾದ್ದಾಸವಜ್ಜಗತ್ ॥ 34 ॥

ನ ದೇಯಂ ಪರಶಿಷ್ಯೇಭ್ಯೋ ದೇಯಂ ಶಿಷ್ಯೇಭ್ಯ ಏವ ಚ । ಅಭಕ್ತೇಭ್ಯೋಪಿ ಪುತ್ರೇಭ್ಯೋ ದತ್ವಾ ನರಕಮಾಪ್ನುಯಾತ್ ॥ 35 ॥

ಗಣೇಶಭಕ್ತಿಯುಕ್ತಾಯ ಸಾಧವೇ ಚ ಪ್ರಯತ್ನತಃ । ದಾತವ್ಯಂ ತೇನ ವಿಘ್ನೇಶಃ ಸುಪ್ರಸನ್ನೋ ಭವಿಷ್ಯತಿ ॥ 36 ॥

ಇತಿ ಶ್ರೀದೇವೀರಹಸ್ಯೇ ಶ್ರೀಮಹಾಗಣಪತಿ ಮಂತ್ರವಿಗ್ರಹಕವಚಂ ಸಂಪೂರ್ಣಮ್ ।

ಮಹಾ ಗಣಪತಿ ಮಂತ್ರವಿಗ್ರಹ ಕವಚಂ ಬಗ್ಗೆ

ಮಹಾಗಣಪತಿ ಮಂತ್ರವಿಗ್ರಹ ಕವಚ ಮಹಾಗಣಪತಿಯ ದೇಹವೇ ಅವನ ಮಂತ್ರ (ಮಂತ್ರವಿಗ್ರಹ) ಎಂದು ಕಾಣುವ ರಕ್ಷಾಕವಚ; ಅದರ ಅಕ್ಷರಗಳನ್ನು ರಕ್ಷೆಗಾಗಿ ಭಕ್ತನ ದೇಹದ ಮೇಲೆ ಇರಿಸಲಾಗುತ್ತದೆ. ವಿನಿಯೋಗ (ಋಷಿ ಶಿವ, ಛಂದಸ್ಸು ದೇವೀಗಾಯತ್ರೀ, ದೇವತೆ ಮಹಾಗಣಪತಿ, ಬೀಜಗಳು "ಶ್ರೀಂ ಹ್ರೀಂ ಕ್ಲೀಂ") ಮತ್ತು ಕರನ್ಯಾಸದಿಂದ ಆರಂಭವಾಗುತ್ತದೆ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ದೇವೀರಹಸ್ಯ

ಯಾವಾಗ ಪಠಿಸಬೇಕು: ಸಂಕಷ್ಟಿ ಮತ್ತು ವಿನಾಯಕ ಚತುರ್ಥಿಯಂದು, ಬುಧವಾರಗಳಲ್ಲಿ, ಮತ್ತು ಗಣಪತಿ ಹೋಮದ ಮುನ್ನ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು ದೇವೀರಹಸ್ಯದಲ್ಲಿ ಇರಿಸುತ್ತದೆ.
  • "ಮಂತ್ರವಿಗ್ರಹ" ಎಂದರೆ ದೇವತೆಯ ರೂಪ ಅವನ ಮಂತ್ರದ ಧ್ವನಿಗಳಿಂದಲೇ ಆದದ್ದು.

ಪದೇ ಪದೇ ಕೇಳುವ ಪ್ರಶ್ನೆಗಳು

"ಮಂತ್ರವಿಗ್ರಹ" ಎಂದರೇನು?

ಮಂತ್ರದಿಂದಾದ ರೂಪ: ದೇವತೆಯ ದೇಹವೇ ಅವನ ಮಂತ್ರ.

ಇದು ಎಲ್ಲಿಂದ ಬಂದಿದೆ?

ಕೊನೆಯ ಸಾಲು ಹೇಳುವಂತೆ ದೇವೀರಹಸ್ಯ.

ಇದನ್ನು ಯಾವಾಗ ಪಠಿಸುತ್ತಾರೆ?

ಚತುರ್ಥಿ, ಬುಧವಾರ ಮತ್ತು ಗಣಪತಿ ಹೋಮದ ಮುನ್ನ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.