MuhurtaNow

ಮಹಾ ಗಣಪತಿ ಮೂಲ ಮಂತ್ರಾಃ (ಪಾದ ಮಾಲಾ ಸ್ತೋತ್ರಂ)

Ganesha · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ ಮೂಲಮಂತ್ರಮ್ ॥ ॥ ಓಂ ಹ್ರೀಂ ಶ್ರೀಂ ಕ್ಲೀಂ ಗ್ಲೌಂ ಗಂ ಗಣಪತಯೇ ವರವರದ ಸರ್ವಜನಂ ಮೇ ವಶಮಾನಯ ಸ್ವಾಹಾ ॥

॥ ಅಥ ಸ್ತೋತ್ರಂ॥ ಓಂ ಇತ್ಯೇತದಜಸ್ಯ ಕಂಠವಿವರಂ ಭಿತ್ವಾ ಬಹಿರ್ನಿರ್ಗತಂ ಹ್ಯೋಮಿತ್ಯೇವ ಸಮಸ್ತಕರ್ಮ ಋಷಿಭಿಃ ಪ್ರಾರಭ್ಯತೇ ಮಾನುಷೈಃ । ಓಮಿತ್ಯೇವ ಸದಾ ಜಪಂತಿ ಯತಯಃ ಸ್ವಾತಮೈಕನಿಷ್ಠಾಃ ಪರಂ ಹ್ಯೋಂಕಾರಾಕೃತಿವಕ್ತ್ರಮಿಂದುನಿಟಿಲಂ ವಿಘ್ನೇಶ್ವರಂ ಭವಾಯೇ ॥ 1॥

ಶ್ರೀಂಬೀಜಂ ಶ್ರಮದುಃಖಜನ್ಮಮರಣವ್ಯಾಧ್ಯಾಧಿಭೀನಾಶಕಂ ಮೃತ್ಯುಕ್ರೋಧನಶಾಂತಿಬಿಂದುವಿಲಸದ್ವರ್ಣಾಕೃತಿಶ್ರೀಪ್ರದಮ್ । ಸ್ವಾಂತಃಸ್ವಾತ್ಮಶರಸ್ಯ ಲಕ್ಷ್ಯಮಜರಸ್ವಾತ್ಮಾವಬೋಧಪ್ರದಂ ಶ್ರೀಶ್ರೀನಾಯಕಸೇವಿತೇ ಭವದನಪ್ರೇಮಾಸ್ಪದಂ ಭಾವಯೇ ॥ 2॥

ಹ್ರೀಂಬೀಜಂ ಹೃದಯತ್ರಿಕೋಣವಿಲಸನ್ಮಧ್ಯಾಸನಸ್ಥಂ ಸದಾ ಚಾಕಾಶಾನಲವಾಮಲೋಚನನಿಶಾನಾಥಾರ್ಧವರ್ಣಾತ್ಮಕಮ್ । ಮಾಯಾಕಾರ್ಯಜಗತ್ಪ್ರಕಾಶಕಮುಮಾರೂಪಂ ಸ್ವಶಕ್ತಿಪ್ರದಂ ಮಾಯಾತೀತಪದಪ್ರದಂ ಹೃದಿ ಭಜೇ ಲೋಕೇಶ್ವರಾರಾಧಿತಮ್ ॥ 3॥

ಕ್ಲೀಂಬೀಜಂ ಕಲಿಧಾತುವತ್ಕಲಯತಾಂ ಸರ್ವೇಷ್ಟದಂ ದೇಹಿನಾಂ ಧಾತೃಕ್ಷ್ಮಾಯುತಶಾಂತಿಬಿಂದುವಿಲಸದ್ವರ್ಣಾತ್ಮಕಂ ಕಾಮದಮ್ । ಶ್ರೀಕೃಷ್ಣಪ್ರಿಯಮಿಂದಿರಾಸುತಮನಃಪ್ರೀತ್ಯೇಕಹೇತುಂ ಪರಂ ಹೃತ್ಪದ್ಮೇ ಕಲಯೇ ಸದಾ ಕಲಿಹರಂ ಕಾಲಾರಿಪುತ್ರಪ್ರಿಯಮ್ ॥ 4॥

ಗ್ಲೌಂಬೀಜಂ ಗುಣರೂಪನಿರ್ಗುಣಪರಬ್ರಹ್ಮಾದಿಶಕ್ತೇರ್ಮಹಾ- ಹಂಕಾರಾಕೃತಿದಂಡಿನೀಪ್ರಿಯಮಜಶ್ರೀನಾಥರುದ್ರೇಷ್ಟದಮ್ । ಸರ್ವಾಕರ್ಷಿಣಿದೇವರಾಜಭುವನಾರ್ಣೇಂದ್ವಾತ್ಮಕಂ ಶ್ರೀಕರಂ ಚಿತ್ತೇ ವಿಘ್ನನಿವಾರಣಾಯ ಗಿರಿಜಜಾತಪ್ರಿಯಂ ಭಾವಯೇ ॥ 5॥

ಗಂಗಾಸುತಂ ಗಂಧಮುಖೋಪಚಾರಪ್ರಿಯಂ ಖಗಾರೋಹಣಭಾಗಿನೇಯಮ್ । ಗಂಗಾಸುತಾದ್ಯಂ ವರಗಂಧತತ್ತ್ವಮೂಲಾಂಬುಜಸ್ಥಂ ಹೃದಿ ಭಾವಯೇಽಹಮ್ ॥ 6॥

ಗಣಪತಯೇ ವರಗುಣನಿಧಯೇ ಸುರಗಣಪತಯೇ ನತಜನತತಯೇ । ಮಣಿಗಣಭೂಷಿತಚರಣಯುಗಾಶ್ರಿತಮಲಹರಣೇ ಚಣ ತೇ ನಮಃ ॥ 7॥

ವರಾಭಯೇ ಮೋದಕಮೇಕದಂತಂ ಕರಾಂಬುಜಾತೈಃ ಸತತಂ ಧರಂತಮ್ । ವರಾಂಗಚಂದ್ರಂ ಪರಭಕ್ತಿಸಾಂದ್ರೈರ್ಜನೈರ್ಭಜಂತಂ ಕಲಯೇ ಸದಾಽಂತಃ ॥ 8॥

ವರದ ನತಜನಾನಾಂ ಸಂತತಂ ವಕ್ರತುಂಡ ಸ್ವರಮಯನಿಜಗಾತ್ರ ಸ್ವಾತ್ಮಬೋಧೈಕಹೇತೋ । ಕರಲಸದಮೃತಾಂಭೋಪೂರ್ಣಪತ್ರಾದ್ಯ ಮಹ್ಯಂ ಗರಗಲಸುತ ಶೀಘ್ರಂ ದೇಹಿ ಮದ್ಬೋಧಮೀಡ್ಯಮ್ ॥ 9॥

ಸರ್ವಜನಂ ಪರಿಪಾಲಯ ಶರ್ವಜ ಪರ್ವಸುಧಾಕರಗರ್ವಹರ । ಪರ್ವತನಾಥಸುತಾಸುತ ಪಾಲಯ ಖರ್ವಂ ಮಾ ಕುರು ದೀನಮಿಮಮ್ ॥ 10 ॥

ಮೇದೋಽಸ್ಥಿಮಾಂಸರುಧಿರಾಂತ್ರಮಯೇ ಶರೀರೇ ಮೇದಿನ್ಯಬಗ್ನಿಮರುದಂಬರಲಾಸ್ಯಮಾನೇ । ಮೇ ದಾರುಣಂ ಮದಮುಖಾಘಮುಮಾಜ ಹೃತ್ವಾ ಮೇಧಾಹ್ವಯಾಸನವರೇ ವಸ ದಂತಿವಕ್ತ್ರ ॥ 11॥

ವಶಂ ಕುರು ತ್ವಂ ಶಿವಜಾತ ಮಾಂ ತೇ ವಶೀಕೃತಾಶೇಷಸಮಸ್ತಲೋಕ । ವಸಾರ್ಣಸಂಶೋಭಿತಮೂಲಪದ್ಮಲಸಚ್ಛ್ರಿಯಾಽಲಿಙ್ತವಾರಣಾಸ್ಯ ॥ 12॥

ಆನಯಾಶುಪದವಾರಿಜಾಂತಿಕಂ ಮಾಂ ನಯಾದಿಗುಣವರ್ಜಿತಂ ತವ । ಹಾನಿಹೀನಪದಜಾಮೃತಸ್ಯ ತೇ ಪಾನಯೋಗ್ಯಮಿಭವಕ್ತ್ರ ಮಾಂ ಕುರು ॥ 13॥

ಸ್ವಾಹಾಸ್ವರೂಪೇಣ ವಿರಾಜಸೇ ತ್ವಂ ಸುಧಾಶನಾನಾಂ ಪ್ರಿಯಕರ್ಮಣೀಡ್ಯಮ್ । ಸ್ವಧಾಸ್ವರೂಪೇಣ ತು ಪಿತ್ರ್ಯಕರ್ಮಣ್ಯುಮಾಸುತೇಜ್ಯಾಮಯವಿಶ್ವಮೂರ್ತೇ ॥ 14॥

ಅಷ್ಟಾವಿಂಶತಿವರ್ಣಪತ್ರಲಸಿತಂ ಹಾರಂ ಗಣೇಶಪ್ರಿಯಂ ಕಷ್ಟಾಽನಿಷ್ಟಹರಂ ಚತುರ್ದಶಪದೈಃ ಪುಷ್ಪೈರ್ಮನೋಹಾರಕಮ್ । ತುಷ್ಟ್ಯಾದಿಪ್ರದಸದ್ಗುರುತ್ತಮಪದಾಂಭೋಜೇ ಚಿದಾನಂದದಂ ಶಿಷ್ಟೇಷ್ಟೋಽಹಮನಂತಸೂತ್ರಹೃದಯಾಽಽಬದ್ಧಂ ಸುಭಕ್ತ್ಯಾಽರ್ಪಯೇ ॥ 15॥

॥ ಇತಿ ಶ್ರೀಅನಂತಾನಂದಕೃತಂ ಶ್ರೀಗುರುಚಿದಾನಂದನಾಥಸಮರ್ಪಿತಂ ಶ್ರೀಮಹಾಗಣಪತಿಮೂಲಮಂತ್ರಮಾಲಾಸ್ತೋತ್ರಮ್ ॥

ಮಹಾ ಗಣಪತಿ ಮೂಲ ಮಂತ್ರಾಃ (ಪಾದ ಮಾಲಾ ಸ್ತೋತ್ರಂ) ಬಗ್ಗೆ

ಮಹಾಗಣಪತಿ ಮೂಲಮಂತ್ರ ಪದಮಾಲಾ ಸ್ತೋತ್ರ ಮಹಾಗಣಪತಿಯ ಮೂಲಮಂತ್ರವನ್ನು ಶ್ಲೋಕದಿಂದ ಶ್ಲೋಕಕ್ಕೆ ಬಿಡಿಸುವ "ಪದಗಳ ಮಾಲೆ". ಮೊದಲು ಬೀಜಾಕ್ಷರಗಳೊಡನೆ "ಓಂ ಹ್ರೀಂ ಶ್ರೀಂ ಕ್ಲೀಂ ಗ್ಲೌಂ ಗಂ ಗಣಪತಯೇ ವರವರದ..." ಎಂಬ ಮೂಲಮಂತ್ರ ನೀಡಿ, ನಂತರ ಅದರ ಪ್ರತಿ ಭಾಗಕ್ಕೂ ಒಂದು ಶ್ಲೋಕ ಮೀಸಲಿಡುತ್ತದೆ; ಬ್ರಹ್ಮನ ಕಂಠದಿಂದ ಹೊರಹೊಮ್ಮುವ, ಋಷಿಗಳು ಪ್ರತಿ ಕರ್ಮವನ್ನೂ ಆರಂಭಿಸುವ ಓಂಕಾರದಿಂದ ಆರಂಭ.

ರಚನೆಕಾರರು: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಅನಂತಾನಂದರು

ಯಾವಾಗ ಪಠಿಸಬೇಕು: ಗಣಪತಿ ಉಪಾಸನೆಯಲ್ಲಿ ಮತ್ತು ಚತುರ್ಥಿಗಳಲ್ಲಿ, ವಿಶೇಷವಾಗಿ ಮಂತ್ರದೀಕ್ಷೆ ಪಡೆದವರು.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಕರ್ತೃವನ್ನು ಅನಂತಾನಂದರು ಎನ್ನುತ್ತದೆ; ಅವರು ಇದನ್ನು ಗುರು ಚಿದಾನಂದನಾಥರಿಗೆ ಅರ್ಪಿಸಿದರು.
  • ಈ ಬಗೆಯ ಸ್ತೋತ್ರಗಳು ಮಂತ್ರದ ಪ್ರತಿ ಅಕ್ಷರವನ್ನೂ ಕ್ರಮವಾಗಿ ಧ್ಯಾನಿಸಿ ಅದನ್ನು ವಿವರಿಸುತ್ತವೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

"ಮೂಲಮಂತ್ರ ಪದಮಾಲೆ" ಎಂದರೇನು?

ಮೂಲಮಂತ್ರವನ್ನು ಪದದಿಂದ ಪದಕ್ಕೆ ಮಾಲೆಯಂತೆ ಬಿಡಿಸುವ ಸ್ತೋತ್ರ.

ಇದನ್ನು ರಚಿಸಿದವರು ಯಾರು?

ಕೊನೆಯ ಸಾಲು ಹೇಳುವಂತೆ ಅನಂತಾನಂದರು.

ಇದನ್ನು ಯಾರು ಪಠಿಸುತ್ತಾರೆ?

ಮುಖ್ಯವಾಗಿ ಮಹಾಗಣಪತಿ ಉಪಾಸನೆಯ ದೀಕ್ಷೆ ಪಡೆದವರು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.