MuhurtaNow

ಶ್ರೀ ಬಗಲಾಮುಖೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

नारद उवाच

भगवन् देवदेवेश सृष्टिस्थितिलयेश्वर । शतमष्टोत्तरं नाम्नां बगलाया वदाधुना ॥ 1

श्री भगवानुवाच

शृणु वत्स प्रवक्ष्यामि नाम्नामष्टोत्तरं शतम् । पीतांबर्या महादेव्याः स्तोत्रं पापप्रणाशनम् ॥ 2

यस्य प्रपठनात्सद्यो वादी मूकोभवेत् क्षणात् । रिपवस्स्तंभनं यांति सत्यं सत्यं वदाम्यहम् ॥ 3 ॥

ॐ अस्य श्रीपीतांबर्यष्टोत्तरशतनामस्तोत्रस्य सदाशिव ऋषिः अनुष्टुप्छंदः श्रीपीतांबरी देवता श्रीपीतांबरी प्रीतये जपे विनियोगः ।

ॐ बगला विष्णुवनिता विष्णुशंकरभामिनी । बहुला देवमाता च महाविष्णुप्रसूरपि ॥ 4 ॥

महामत्स्या महाकूर्मा महावाराहरूपिणी । नारसिंहप्रिया रम्या वामना पटुरूपिणी ॥ 5 ॥

जामदग्न्यस्वरूपा च रामा रामप्रपूजिता । कृष्णा कपर्दिनी कृत्या कलहा च विकारिणी ॥ 6 ॥

बुद्धिरूपा बुद्धभार्या बौद्धपाषंडखंडिनी । कल्किरूपा कलिहरा कलिदुर्गतिनाशिनी ॥ 7 ॥

कोटिसूर्यप्रतीकाशा कोटिकंदर्पमोहिनी । केवला कठिना काली कला कैवल्यदायिनी ॥ 8 ॥

केशवी केशवाराध्या किशोरी केशवस्तुता । रुद्ररूपा रुद्रमूर्ती रुद्राणी रुद्रदेवता ॥ 9 ॥

नक्षत्ररूपा नक्षत्रा नक्षत्रेशप्रपूजिता । नक्षत्रेशप्रिया नित्या नक्षत्रपतिवंदिता ॥ 10 ॥

नागिनी नागजननी नागराजप्रवंदिता । नागेश्वरी नागकन्या नागरी च नगात्मजा ॥ 11 ॥

नगाधिराजतनया नगराजप्रपूजिता । नवीना नीरदा पीता श्यामा सौंदर्यकारिणी ॥ 12 ॥

रक्ता नीला घना शुभ्रा श्वेता सौभाग्यदायिनी । सुंदरी सौभगा सौम्या स्वर्णाभा स्वर्गतिप्रदा ॥ 13 ॥

रिपुत्रासकरी रेखा शत्रुसंहारकारिणी । भामिनी च तथा माया स्तंभिनी मोहिनी शुभा ॥ 14 ॥

रागद्वेषकरी रात्री रौरवध्वंसकारिणी । यक्षिणी सिद्धनिवहा सिद्धेशा सिद्धिरूपिणी ॥ 15 ॥

लंकापतिध्वंसकरी लंकेशरिपुवंदिता । लंकानाथकुलहरा महारावणहारिणी ॥ 16 ॥

देवदानवसिद्धौघपूजितापरमेश्वरी । पराणुरूपा परमा परतंत्रविनाशिनी ॥ 17 ॥

वरदा वरदाराध्या वरदानपरायणा । वरदेशप्रिया वीरा वीरभूषणभूषिता ॥ 18 ॥

वसुदा बहुदा वाणी ब्रह्मरूपा वरानना । बलदा पीतवसना पीतभूषणभूषिता ॥ 19 ॥

पीतपुष्पप्रिया पीतहारा पीतस्वरूपिणी । इति ते कथितं विप्र नाम्नामष्टोत्तरं शतम् ॥ 20 ॥

यः पठेत्पाठयेद्वापि शृणुयाद्वा समाहितः । तस्य शत्रुः क्षयं सद्यो याति नैवात्र संशयः ॥ 21 ॥

प्रभातकाले प्रयतो मनुष्यः पठेत्सुभक्त्या परिचिंत्य पीताम् । ध्रुवं भवेत्तस्य समस्तवृद्धिः विनाशमायाति च तस्य शत्रुः ॥ 22 ॥

इति श्रीविष्णुयामले नारदविष्णुसंवादे श्रीबगलाष्टोत्तरशतनामस्तोत्रम् ।

ಶ್ರೀ ಬಗಲಾಮುಖೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ ಬಗ್ಗೆ

ಬಗಳಾಮುಖೀ ಅಷ್ಟೋತ್ತರ ಶತನಾಮ ಸ್ತೋತ್ರ ದಶಮಹಾವಿದ್ಯೆಗಳಲ್ಲಿ ಒಬ್ಬಳಾದ, "ಹಳದಿ ವಸ್ತ್ರಧಾರಿಣಿ" ಪೀತಾಂಬರಿ ಎಂದು ಪ್ರಸಿದ್ಧಳಾದ ಬಗಳಾಮುಖೀ ದೇವಿಯ ೧೦೮ ನಾಮಗಳನ್ನು ನೀಡುತ್ತದೆ. ನಾರದ ಅವಳ ನೂರೆಂಟು ನಾಮಗಳನ್ನು ವಿಷ್ಣುವನ್ನು ಕೇಳುತ್ತಾನೆ; ಭಕ್ತನನ್ನು ವಿರೋಧಿಸುವುದೆಲ್ಲವನ್ನೂ ಸ್ತಂಭಿಸಿ ಮೌನಗೊಳಿಸುವ ಮಹಾದೇವಿಯಾಗಿ ಅವಳನ್ನು ಸ್ತುತಿಸುವ ಈ ಸ್ತೋತ್ರವನ್ನು ವಿಷ್ಣು ಉಪದೇಶಿಸುತ್ತಾನೆ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ವಿಷ್ಣುಯಾಮಳ

ಯಾವಾಗ ಪಠಿಸಬೇಕು: ಬಗಳಾಮುಖೀ ಜಯಂತಿಯಂದು, ಮಂಗಳವಾರ ಮತ್ತು ಗುರುವಾರಗಳಲ್ಲಿ, ಮತ್ತು ಮಹಾವಿದ್ಯಾ ಉಪಾಸನೆಯಲ್ಲಿ, ಸಂಪ್ರದಾಯದಂತೆ ಹಳದಿ ಹೂವುಗಳೊಡನೆ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು ವಿಷ್ಣುಯಾಮಳದಲ್ಲಿ ನಾರದ ವಿಷ್ಣು ಸಂವಾದವಾಗಿ ಇರಿಸುತ್ತದೆ.
  • ಬಗಳಾಮುಖಿಯನ್ನು ಹಳದಿ ವಸ್ತ್ರ, ಹೂವು, ಅರಿಶಿನದಿಂದ ಪೂಜಿಸಲಾಗುತ್ತದೆ; ಸ್ಥಗಿತಗೊಳಿಸುವ ಸ್ತಂಭನ ಶಕ್ತಿಗೆ ಅವಳು ಪ್ರಸಿದ್ಧ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಬಗಳಾಮುಖಿ ಯಾರು?

ವಿರೋಧವನ್ನು ಸ್ತಂಭಿಸಿ ಮೌನಗೊಳಿಸುವ, ಹಳದಿ ವಸ್ತ್ರಧಾರಿಣಿ, ದಶಮಹಾವಿದ್ಯೆಗಳಲ್ಲಿ ಒಬ್ಬಳು.

ಈ ಸ್ತೋತ್ರ ಎಲ್ಲಿಂದ ಬಂದಿದೆ?

ಕೊನೆಯ ಸಾಲು ಹೇಳುವಂತೆ ವಿಷ್ಣುಯಾಮಳ.

ಅವಳ ಪೂಜೆಯಲ್ಲಿ ಹಳದಿ ಏಕೆ?

ಅವಳು "ಹಳದಿ ವಸ್ತ್ರಧಾರಿಣಿ" ಪೀತಾಂಬರಿ; ಹಳದಿ ಅರ್ಪಣೆ ಅವಳಿಗೆ ಸಾಂಪ್ರದಾಯಿಕ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.