MuhurtaNow

ಶ್ರೀ ಕಾಳೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಭೈರವ ಉವಾಚ

ಶತನಾಮ ಪ್ರವಕ್ಷ್ಯಾಮಿ ಕಾಳಿಕಾಯಾ ವರಾನನೇ । ಯಸ್ಯ ಪ್ರಪಠನಾದ್ವಾಗ್ಮೀ ಸರ್ವತ್ರ ವಿಜಯೀ ಭವೇತ್ ॥ 1

ಕಾಳೀ ಕಪಾಲಿನೀ ಕಾಂತಾ ಕಾಮದಾ ಕಾಮಸುಂದರೀ । ಕಾಳರಾತ್ರಿಃ ಕಾಳಿಕಾ ಚ ಕಾಲಭೈರವಪೂಜಿತಾ ॥ 2 ॥

ಕುರುಕುಲ್ಲಾ ಕಾಮಿನೀ ಚ ಕಮನೀಯಸ್ವಭಾವಿನೀ । ಕುಲೀನಾ ಕುಲಕರ್ತ್ರೀ ಚ ಕುಲವರ್ತ್ಮಪ್ರಕಾಶಿನೀ ॥ 3 ॥

ಕಸ್ತೂರೀರಸನೀಲಾ ಚ ಕಾಮ್ಯಾ ಕಾಮಸ್ವರೂಪಿಣೀ । ಕಕಾರವರ್ಣನಿಲಯಾ ಕಾಮಧೇನುಃ ಕರಾಳಿಕಾ ॥ 4 ॥

ಕುಲಕಾಂತಾ ಕರಾಳಾಸ್ಯಾ ಕಾಮಾರ್ತಾ ಚ ಕಳಾವತೀ । ಕೃಶೋದರೀ ಚ ಕಾಮಾಖ್ಯಾ ಕೌಮಾರೀ ಕುಲಪಾಲಿನೀ ॥ 5 ॥

ಕುಲಜಾ ಕುಲಕನ್ಯಾ ಚ ಕುಲಹಾ ಕುಲಪೂಜಿತಾ । ಕಾಮೇಶ್ವರೀ ಕಾಮಕಾಂತಾ ಕುಂಜರೇಶ್ವರಗಾಮಿನೀ ॥ 6 ॥

ಕಾಮದಾತ್ರೀ ಕಾಮಹರ್ತ್ರೀ ಕೃಷ್ಣಾ ಚೈವ ಕಪರ್ದಿನೀ । ಕುಮುದಾ ಕೃಷ್ಣದೇಹಾ ಚ ಕಾಳಿಂದೀ ಕುಲಪೂಜಿತಾ ॥ 7 ॥

ಕಾಶ್ಯಪೀ ಕೃಷ್ಣಮಾತಾ ಚ ಕುಲಿಶಾಂಗೀ ಕಳಾ ತಥಾ । ಕ್ರೀಂ ರೂಪಾ ಕುಲಗಮ್ಯಾ ಚ ಕಮಲಾ ಕೃಷ್ಣಪೂಜಿತಾ ॥ 8 ॥

ಕೃಶಾಂಗೀ ಕಿನ್ನರೀ ಕರ್ತ್ರೀ ಕಲಕಂಠೀ ಚ ಕಾರ್ತಿಕೀ । ಕಂಬುಕಂಠೀ ಕೌಳಿನೀ ಚ ಕುಮುದಾ ಕಾಮಜೀವಿನೀ ॥ 9 ॥

ಕುಲಸ್ತ್ರೀ ಕೀರ್ತಿಕಾ ಕೃತ್ಯಾ ಕೀರ್ತಿಶ್ಚ ಕುಲಪಾಲಿಕಾ । ಕಾಮದೇವಕಳಾ ಕಲ್ಪಲತಾ ಕಾಮಾಂಗವರ್ಧಿನೀ ॥ 10 ॥

ಕುಂತಾ ಚ ಕುಮುದಪ್ರೀತಾ ಕದಂಬಕುಸುಮೋತ್ಸುಕಾ । ಕಾದಂಬಿನೀ ಕಮಲಿನೀ ಕೃಷ್ಣಾನಂದಪ್ರದಾಯಿನೀ ॥ 11 ॥

ಕುಮಾರೀಪೂಜನರತಾ ಕುಮಾರೀಗಣಶೋಭಿತಾ । ಕುಮಾರೀರಂಜನರತಾ ಕುಮಾರೀವ್ರತಧಾರಿಣೀ ॥ 12 ॥

ಕಂಕಾಳೀ ಕಮನೀಯಾ ಚ ಕಾಮಶಾಸ್ತ್ರವಿಶಾರದಾ । ಕಪಾಲಖಟ್ವಾಂಗಧರಾ ಕಾಲಭೈರವರೂಪಿಣೀ ॥ 13 ॥

ಕೋಟರೀ ಕೋಟರಾಕ್ಷೀ ಚ ಕಾಶೀಕೈಲಾಸವಾಸಿನೀ । ಕಾತ್ಯಾಯನೀ ಕಾರ್ಯಕರೀ ಕಾವ್ಯಶಾಸ್ತ್ರಪ್ರಮೋದಿನೀ ॥ 14 ॥

ಕಾಮಾಕರ್ಷಣರೂಪಾ ಚ ಕಾಮಪೀಠನಿವಾಸಿನೀ । ಕಂಕಿನೀ ಕಾಕಿನೀ ಕ್ರೀಡಾ ಕುತ್ಸಿತಾ ಕಲಹಪ್ರಿಯಾ ॥ 15 ॥

ಕುಂಡಗೋಲೋದ್ಭವಪ್ರಾಣಾ ಕೌಶಿಕೀ ಕೀರ್ತಿವರ್ಧಿನೀ । ಕುಂಭಸ್ತನೀ ಕಟಾಕ್ಷಾ ಚ ಕಾವ್ಯಾ ಕೋಕನದಪ್ರಿಯಾ ॥ 16 ॥

ಕಾಂತಾರವಾಸಿನೀ ಕಾಂತಿಃ ಕಠಿನಾ ಕೃಷ್ಣವಲ್ಲಭಾ । ಇತಿ ತೇ ಕಥಿತಂ ದೇವಿ ಗುಹ್ಯಾದ್ಗುಹ್ಯತರಂ ಪರಮ್ ॥ 17 ॥

ಪ್ರಪಠೇದ್ಯ ಇದಂ ನಿತ್ಯಂ ಕಾಳೀನಾಮಶತಾಷ್ಟಕಮ್ । ತ್ರಿಷು ಲೋಕೇಷು ದೇವೇಶಿ ತಸ್ಯಾಽಸಾಧ್ಯಂ ನ ವಿದ್ಯತೇ ॥ 18 ॥

ಪ್ರಾತಃಕಾಲೇ ಚ ಮಧ್ಯಾಹ್ನೇ ಸಾಯಾಹ್ನೇ ಚ ಸದಾ ನಿಶಿ । ಯಃ ಪಠೇತ್ಪರಯಾ ಭಕ್ತ್ಯಾ ಕಾಳೀನಾಮಶತಾಷ್ಟಕಮ್ ॥ 19 ॥

ಕಾಳಿಕಾ ತಸ್ಯ ಗೇಹೇ ಚ ಸಂಸ್ಥಾನಂ ಕುರುತೇ ಸದಾ । ಶೂನ್ಯಾಗಾರೇ ಶ್ಮಶಾನೇ ವಾ ಪ್ರಾಂತರೇ ಜಲಮಧ್ಯತಃ ॥ 20 ॥

ವಹ್ನಿಮಧ್ಯೇ ಚ ಸಂಗ್ರಾಮೇ ತಥಾ ಪ್ರಾಣಸ್ಯ ಸಂಶಯೇ । ಶತಾಷ್ಟಕಂ ಜಪನ್ಮಂತ್ರೀ ಲಭತೇ ಕ್ಷೇಮಮುತ್ತಮಮ್ ॥ 21 ॥

ಕಾಳೀಂ ಸಂಸ್ಥಾಪ್ಯ ವಿಧಿವತ್ ಸ್ತುತ್ವಾ ನಾಮಶತಾಷ್ಟಕೈಃ । ಸಾಧಕಃ ಸಿದ್ಧಿಮಾಪ್ನೋತಿ ಕಾಳಿಕಾಯಾಃ ಪ್ರಸಾದತಃ ॥ 22 ॥

ಇತಿ ಶ್ರೀ ಕಾಳೀ ಕಕಾರಾಷ್ಟೋತ್ತರಶತನಾಮ ಸ್ತೋತ್ರಮ್ ।

ಶ್ರೀ ಕಾಳೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ ಬಗ್ಗೆ

ಈ ಕಾಳೀ ಅಷ್ಟೋತ್ತರ ಶತನಾಮ ಸ್ತೋತ್ರ ಕಾಳಿಕಾದೇವಿಯ ೧೦೮ ನಾಮಗಳನ್ನು ಶ್ಲೋಕರೂಪದಲ್ಲಿ ನೀಡುತ್ತದೆ; ಎಲ್ಲವೂ "ಕ" ಅಕ್ಷರದಿಂದ ಆರಂಭ: ಕಾಳೀ, ಕಪಾಲಿನೀ, ಕಾಂತಾ, ಕಾಮದಾ, ಕಾಮಸುಂದರೀ, ಕಾಲರಾತ್ರಿ ಹೀಗೆ. ಈ ನಾಮಗಳನ್ನು ಪಠಿಸುವವನು ವಾಗ್ಮಿಯೂ ಎಲ್ಲೆಡೆ ವಿಜಯಿಯೂ ಆಗುತ್ತಾನೆ ಎಂದು ಶಿವ ದೇವಿಗೆ ಹೇಳುತ್ತಾನೆ.

ಯಾವಾಗ ಪಠಿಸಬೇಕು: ಕಾಳೀಪೂಜೆ (ಬಂಗಾಳದಲ್ಲಿ ದೀಪಾವಳಿ ರಾತ್ರಿ), ಅಮಾವಾಸ್ಯೆ, ಮಂಗಳವಾರ, ಶುಕ್ರವಾರ ಮತ್ತು ನವರಾತ್ರಿಯಲ್ಲಿ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು "ಕಕಾರ" ಸ್ತೋತ್ರ ಎನ್ನುತ್ತದೆ: ಎಲ್ಲ ನಾಮಗಳೂ ಕಾಳಿಯ ಹೆಸರಿನ ಮೊದಲ ಅಕ್ಷರ "ಕ"ದಿಂದ ಆರಂಭ.
  • ಶಿವ ದೇವಿಗೆ ("ವರಾನನೇ", ಸುಂದರವದನೆಯೇ) ಹೇಳುವ ರೂಪದಲ್ಲಿದೆ.
  • ದೀಪಾವಳಿಯ ಅಮಾವಾಸ್ಯೆಯಂದು ಆಚರಿಸುವ ಕಾಳೀಪೂಜೆ ಬಂಗಾಳದ ಮಹಾ ಹಬ್ಬಗಳಲ್ಲಿ ಒಂದು.

ಪದೇ ಪದೇ ಕೇಳುವ ಪ್ರಶ್ನೆಗಳು

ಎಲ್ಲ ನಾಮಗಳೂ "ಕ"ದಿಂದ ಏಕೆ ಆರಂಭ?

ಇದು ಕಕಾರ ಸ್ತೋತ್ರ: ಪ್ರತಿ ನಾಮವೂ ಕಾಳಿಯ ಹೆಸರಿನ ಮೊದಲ ಅಕ್ಷರದಿಂದ ಆರಂಭ.

ಸ್ತೋತ್ರವನ್ನು ಹೇಳುವವರು ಯಾರು?

ದೇವಿಗೆ ಉಪದೇಶಿಸುವ ಶಿವ.

ಇದನ್ನು ಯಾವಾಗ ಪಠಿಸುತ್ತಾರೆ?

ಕಾಳೀಪೂಜೆ, ಅಮಾವಾಸ್ಯೆ, ಮಂಗಳವಾರ, ಶುಕ್ರವಾರ ಮತ್ತು ನವರಾತ್ರಿಯಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.