ಶ್ರೀ ಮಹಿಷಾಸುರ ಮರ್ದಿನೀ ಸ್ತೋತ್ರಂ (ಅಯಿಗಿರಿ ನಂದಿನಿ)
Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ
അയി ഗിരിനംദിനി നംദിതമേദിനി വിശ്വവിനോദിനി നംദിനുതേ ഗിരിവരവിംധ്യശിരോധിനിവാസിനി വിഷ്ണുവിലാസിനി ജിഷ്ണുനുതേ । ഭഗവതി ഹേ ശിതികംഠകുടുംബിനി ഭൂരികുടുംബിനി ഭൂരികൃതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 1 ॥
സുരവരവര്ഷിണി ദുര്ധരധര്ഷിണി ദുര്മുഖമര്ഷിണി ഹര്ഷരതേ ത്രിഭുവനപോഷിണി ശംകരതോഷിണി കല്മഷമോഷിണി ഘോരരതേ । [കില്ബിഷ-, ഘോഷ-] ദനുജനിരോഷിണി ദിതിസുതരോഷിണി ദുര്മദശോഷിണി സിംധുസുതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 2 ॥
അയി ജഗദംബ മദംബ കദംബവനപ്രിയവാസിനി ഹാസരതേ ശിഖരി ശിരോമണി തുംഗഹിമാലയ ശൃംഗനിജാലയ മധ്യഗതേ । മധുമധുരേ മധുകൈടഭഗംജിനി കൈടഭഭംജിനി രാസരതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 3 ॥
അയി ശതഖംഡ വിഖംഡിതരുംഡ വിതുംഡിതശുംഡ ഗജാധിപതേ രിപുഗജഗംഡ വിദാരണചംഡ പരാക്രമശുംഡ മൃഗാധിപതേ । നിജഭുജദംഡ നിപാതിതഖംഡ വിപാതിതമുംഡ ഭടാധിപതേ [-ചംഡ] ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 4 ॥
അയി രണദുര്മദ ശത്രുവധോദിത ദുര്ധരനിര്ജര ശക്തിഭൃതേ ചതുരവിചാരധുരീണ മഹാശിവ ദൂതകൃത പ്രമഥാധിപതേ । ദുരിതദുരീഹ ദുരാശയ ദുര്മതി ദാനവദൂത കൃതാംതമതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 5 ॥
അയി ശരണാഗത വൈരിവധൂവര വീരവരാഭയദായകരേ ത്രിഭുവന മസ്തക ശൂലവിരോധി ശിരോധികൃതാമല ശൂലകരേ । ദുമിദുമിതാമര ദുംദുഭിനാദ മഹോ മുഖരീകൃത തിഗ്മകരേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 6 ॥
അയി നിജഹുംകൃതിമാത്ര നിരാകൃത ധൂമ്രവിലോചന ധൂമ്രശതേ സമരവിശോഷിത ശോണിതബീജ സമുദ്ഭവശോണിത ബീജലതേ । ശിവ ശിവ ശുംഭ നിശുംഭ മഹാഹവ തര്പിത ഭൂത പിശാചരതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 7 ॥
ധനുരനുസംഗ രണക്ഷണസംഗ പരിസ്ഫുരദംഗ നടത്കടകേ കനക പിശംഗ പൃഷത്കനിഷംഗരസദ്ഭട ശൃംഗ ഹതാവടുകേ । കൃതചതുരംഗ ബലക്ഷിതിരംഗ ഘടദ്ബഹുരംഗ രടദ്ബടുകേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 8 ॥
സുരലലനാ തതഥേയി തഥേയി കൃതാഭിനയോദര നൃത്യരതേ കൃത കുകുഥഃ കുകുഥോ ഗഡദാദികതാല കുതൂഹല ഗാനരതേ । ധുധുകുട ധുക്കുട ധിംധിമിത ധ്വനി ധീര മൃദംഗ നിനാദരതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 9 ॥
ജയ ജയ ജപ്യ ജയേ ജയ ശബ്ദപരസ്തുതി തത്പര വിശ്വനുതേ ഭണ ഭണ ഭിംജിമി ഭിംകൃതനൂപുര സിംജിതമോഹിത ഭൂതപതേ । [ഝ-, ഝിം-] നടിതനടാര്ധ നടീനടനായക നാടിതനാട്യ സുഗാനരതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 10 ॥
അയി സുമനഃ സുമനഃ സുമനഃ സുമനഃ സുമനോഹര കാംതിയുതേ ശ്രിത രജനീ രജനീ രജനീ രജനീ രജനീകര വക്ത്രവൃതേ । സുനയന വിഭ്രമര ഭ്രമര ഭ്രമര ഭ്രമര ഭ്രമരാധിപതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 11 ॥
സഹിത മഹാഹവ മല്ലമ തല്ലിക മല്ലിത രല്ലക മല്ലരതേ വിരചിത വല്ലിക പല്ലിക മല്ലിക ഭില്ലിക ഭില്ലിക വര്ഗ വൃതേ । സിതകൃത ഫുല്ലസമുല്ലസിതാരുണ തല്ലജ പല്ലവ സല്ലലിതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 12 ॥
അവിരലഗംഡഗലന്മദമേദുര മത്തമതംഗജ രാജപതേ ത്രിഭുവനഭൂഷണ ഭൂതകലാനിധി രൂപപയോനിധി രാജസുതേ । അയി സുദതീജന ലാലസമാനസ മോഹനമന്മഥ രാജസുതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 13 ॥
കമലദലാമല കോമലകാംതി കലാകലിതാമല ഭാലലതേ സകലവിലാസ കളാനിലയ ക്രമകേലിചലത്കലഹംസകുലേ । അലികുല സംകുല കുവലയ മംഡല മൌലിമിലദ്ഭകുലാലി കുലേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 14 ॥
കരമുരളീരവ വീജിത കൂജിത ലജ്ജിതകോകില മംജുമതേ മിലിത പുലിംദ മനോഹര ഗുംജിത രംജിതശൈല നികുംജഗതേ । നിജഗുണഭൂത മഹാശബരീഗണ സദ്ഗുണസംഭൃത കേളിതലേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 15 ॥
കടിതടപീത ദുകൂലവിചിത്ര മയൂഖതിരസ്കൃത ചംദ്രരുചേ പ്രണതസുരാസുര മൌളിമണിസ്ഫുര ദംശുലസന്നഖ ചംദ്രരുചേ । ജിതകനകാചല മൌളിപദോര്ജിത നിര്ഭരകുംജര കുംഭകുചേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 16 ॥
വിജിത സഹസ്രകരൈക സഹസ്രകരൈക സഹസ്രകരൈകനുതേ കൃത സുരതാരക സംഗരതാരക സംഗരതാരക സൂനുസുതേ । സുരഥസമാധി സമാനസമാധി സമാധി സമാധി സുജാതരതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 17 ॥
പദകമലം കരുണാനിലയേ വരിവസ്യതി യോഽനുദിനം സ ശിവേ അയി കമലേ കമലാനിലയേ കമലാനിലയഃ സ കഥം ന ഭവേത് । തവ പദമേവ പരംപദമിത്യനുശീലയതോ മമ കിം ന ശിവേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 18 ॥
കനകലസത്കല സിംധുജലൈരനുസിംചിനുതേ ഗുണരംഗഭുവം ഭജതി സ കിം ന ശചീകുചകുംഭ തടീപരിരംഭ സുഖാനുഭവമ് । തവ ചരണം ശരണം കരവാണി നതാമരവാണി നിവാസി ശിവം ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 19 ॥
തവ വിമലേംദുകുലം വദനേംദുമലം സകലം നനു കൂലയതേ കിമു പുരുഹൂത പുരീംദുമുഖീ സുമുഖീഭിരസൌ വിമുഖീക്രിയതേ । മമ തു മതം ശിവനാമധനേ ഭവതീ കൃപയാ കിമുത ക്രിയതേ ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 20 ॥
അയി മയി ദീനദയാലുതയാ കൃപയൈവ ത്വയാ ഭവിതവ്യമുമേ അയി ജഗതോ ജനനീ കൃപയാസി യഥാസി തഥാഽനുഭിതാസിരതേ । യദുചിതമത്ര ഭവത്യുരരി കുരുതാദുരുതാപമപാകുരു തേ [മേ] ജയ ജയ ഹേ മഹിഷാസുരമര്ദിനി രമ്യകപര്ദിനി ശൈലസുതേ ॥ 21 ॥
ഇതി ശ്രീ മഹിഷാസുരമര്ദിനി സ്തോത്രമ് ॥
ಶ್ರೀ ಮಹಿಷಾಸುರ ಮರ್ದಿನೀ ಸ್ತೋತ್ರಂ (ಅಯಿಗಿರಿ ನಂದಿನಿ) ಬಗ್ಗೆ
"ಅಯಿ ಗಿರಿನಂದಿನಿ" ಎಂಬ ಆರಂಭದ ಪದಗಳಿಂದ ಪ್ರಸಿದ್ಧವಾದ ಮಹಿಷಾಸುರಮರ್ದಿನಿ ಸ್ತೋತ್ರ, ಮಹಿಷಾಸುರನನ್ನು ಸಂಹರಿಸಿದ ದುರ್ಗೆಯನ್ನು ಸ್ತುತಿಸುತ್ತದೆ. ಇದರ ೨೧ ಶ್ಲೋಕಗಳು ಪ್ರಾಸ ಮತ್ತು ಲಯದಿಂದ ಮೊಳಗುತ್ತವೆ; ಪ್ರತಿಯೊಂದೂ "ಜಯ ಜಯ ಹೇ ಮಹಿಷಾಸುರಮರ್ದಿನಿ ರಮ್ಯಕಪರ್ದಿನಿ ಶೈಲಸುತೇ" ಎಂಬ ಪಲ್ಲವಿಯೊಂದಿಗೆ ಮುಗಿಯುತ್ತದೆ.
ರಚನೆಕಾರರು: ಜನಪ್ರಿಯವಾಗಿ ಆದಿ ಶಂಕರಾಚಾರ್ಯರ ಕೃತಿ ಎನ್ನಲಾಗುತ್ತದೆ
ಯಾವಾಗ ಪಠಿಸಬೇಕು: ನವರಾತ್ರಿಯಲ್ಲಿ, ದುರ್ಗಾಷ್ಟಮಿ ಮತ್ತು ವಿಜಯದಶಮಿಯಂದು, ಮಂಗಳವಾರ ಮತ್ತು ಶುಕ್ರವಾರಗಳಲ್ಲಿ.
ನಿಮಗೆ ಗೊತ್ತೇ?
- "ಗಿರಿನಂದಿನಿ" ಎಂದರೆ ಪರ್ವತರಾಜನ ಮಗಳು: ಹಿಮವಂತನ ಮಗಳಾದ ಪಾರ್ವತಿ, ದುರ್ಗೆ ಅವಳದೇ ರೂಪ.
- ಮೈಸೂರು ಎಂಬ ಹೆಸರು ಮಹಿಷಾಸುರನಿಂದ (ಮಹಿಷೂರು) ಬಂದಿದೆ; ದೇವಿ ಅವನನ್ನು ಸಂಹರಿಸಿದ ಸ್ಥಳವೆಂದು ಚಾಮುಂಡಿ ಬೆಟ್ಟದ ಚಾಮುಂಡೇಶ್ವರಿ ದೇವಾಲಯವನ್ನು ಪೂಜಿಸಲಾಗುತ್ತದೆ.
- ಒಂಬತ್ತು ರಾತ್ರಿಗಳ ಯುದ್ಧದ ನಂತರ ಮಹಿಷಾಸುರನ ಮೇಲೆ ದೇವಿ ಸಾಧಿಸಿದ ಜಯವನ್ನು ವಿಜಯದಶಮಿ ಆಚರಿಸುತ್ತದೆ.
ಈ ಹಬ್ಬಗಳಂದು ಪಠಿಸುತ್ತಾರೆ
ಪದೇ ಪದೇ ಕೇಳುವ ಪ್ರಶ್ನೆಗಳು
"ಅಯಿ ಗಿರಿನಂದಿನಿ" ಎಂದರೇನು?
"ಓ ಪರ್ವತಪುತ್ರಿ", ಹಿಮವಂತನ ಮಗಳಾದ ಪಾರ್ವತಿಯಾಗಿ ದೇವಿಯನ್ನು ಸಂಬೋಧಿಸುವುದು.
ಮಹಿಷಾಸುರ ಯಾರು?
ದೇವತೆಗಳಿಂದಾಗಲಿ ಮನುಷ್ಯರಿಂದಾಗಲಿ ಸೋಲದ ಎಮ್ಮೆಯ ತಲೆಯ ಅಸುರ; ಎಲ್ಲ ದೇವತೆಗಳ ಶಕ್ತಿಯಿಂದ ಮೂಡಿದ ದೇವಿ ಅವನನ್ನು ಸಂಹರಿಸಿದಳು.
ಇದನ್ನು ಯಾವಾಗ ಪಠಿಸುತ್ತಾರೆ?
ಮುಖ್ಯವಾಗಿ ನವರಾತ್ರಿ ಮತ್ತು ವಿಜಯದಶಮಿಯಂದು, ಹಾಗೂ ವಾರದ ದೇವೀಪೂಜೆಯಲ್ಲಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು