MuhurtaNow

ಶ್ರೀ ಮಾತಂಗೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಶ್ರೀಭೈರವ್ಯುವಾಚ

ಭಗವನ್ ಶ್ರೋತುಮಿಚ್ಛಾಮಿ ಮಾತಂಗ್ಯಾಃ ಶತನಾಮಕಮ್ । ಯದ್ಗುಹ್ಯಂ ಸರ್ವತಂತ್ರೇಷು ಕೇನಾಪಿ ನ ಪ್ರಕಾಶಿತಮ್ ॥ 1

ಶ್ರೀಭೈರವ ಉವಾಚ

ಶೃಣು ದೇವಿ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಮ್ । ನಾಖ್ಯೇಯಂ ಯತ್ರ ಕುತ್ರಾಪಿ ಪಠನೀಯಂ ಪರಾತ್ಪರಮ್ ॥ 2

ಯಸ್ಯೈಕವಾರಪಠನಾತ್ಸರ್ವೇ ವಿಘ್ನಾ ಉಪದ್ರವಾಃ । ನಶ್ಯಂತಿ ತತ್ಕ್ಷಣಾದ್ದೇವಿ ವಹ್ನಿನಾ ತೂಲರಾಶಿವತ್ ॥ 3 ॥

ಪ್ರಸನ್ನಾ ಜಾಯತೇ ದೇವೀ ಮಾತಂಗೀ ಚಾಸ್ಯ ಪಾಠತಃ । ಸಹಸ್ರನಾಮಪಠನೇ ಯತ್ಫಲಂ ಪರಿಕೀರ್ತಿತಮ್ । ತತ್ಕೋಟಿಗುಣಿತಂ ದೇವೀನಾಮಾಷ್ಟಶತಕಂ ಶುಭಮ್ ॥ 4 ॥

ಅಸ್ಯ ಶ್ರೀಮಾತಂಗ್ಯಷ್ಟೋತ್ತರಶತನಾಮಸ್ತೋತ್ರಸ್ಯ ಭಗವಾನ್ಮತಂಗ ಋಷಿಃ ಅನುಷ್ಟುಪ್ಛಂದಃ ಶ್ರೀಮಾತಂಗೀ ದೇವತಾ ಶ್ರೀಮಾತಂಗೀ ಪ್ರೀತಯೇ ಜಪೇ ವಿನಿಯೋಗಃ ।

ಮಹಾಮತ್ತಮಾತಂಗಿನೀ ಸಿದ್ಧಿರೂಪಾ ತಥಾ ಯೋಗಿನೀ ಭದ್ರಕಾಳೀ ರಮಾ ಚ । ಭವಾನೀ ಭವಪ್ರೀತಿದಾ ಭೂತಿಯುಕ್ತಾ ಭವಾರಾಧಿತಾ ಭೂತಿಸಂಪತ್ಕರೀ ಚ ॥ 1 ॥

ಧನಾಧೀಶಮಾತಾ ಧನಾಗಾರದೃಷ್ಟಿ- -ರ್ಧನೇಶಾರ್ಚಿತಾ ಧೀರವಾಪೀ ವರಾಂಗೀ । ಪ್ರಕೃಷ್ಟಾ ಪ್ರಭಾರೂಪಿಣೀ ಕಾಮರೂಪಾ ಪ್ರಹೃಷ್ಟಾ ಮಹಾಕೀರ್ತಿದಾ ಕರ್ಣನಾಲೀ ॥ 2 ॥

ಕರಾಳೀ ಭಗಾ ಘೋರರೂಪಾ ಭಗಾಂಗೀ ಭಗಾಹ್ವಾ ಭಗಪ್ರೀತಿದಾ ಭೀಮರೂಪಾ । ಭವಾನೀ ಮಹಾಕೌಶಿಕೀ ಕೋಶಪೂರ್ಣಾ ಕಿಶೋರೀ ಕಿಶೋರಪ್ರಿಯಾ ನಂದೀಹಾ ॥ 3 ॥

ಮಹಾಕಾರಣಾಽಕಾರಣಾ ಕರ್ಮಶೀಲಾ ಕಪಾಲೀ ಪ್ರಸಿದ್ಧಾ ಮಹಾಸಿದ್ಧಖಂಡಾ । ಮಕಾರಪ್ರಿಯಾ ಮಾನರೂಪಾ ಮಹೇಶೀ ಮಲೋಲ್ಲಾಸಿನೀ ಲಾಸ್ಯಲೀಲಾಲಯಾಂಗೀ ॥ 4 ॥

ಕ್ಷಮಾ ಕ್ಷೇಮಶೀಲಾ ಕ್ಷಪಾಕಾರಿಣೀ ಚಾ- -ಽಕ್ಷಯಪ್ರೀತಿದಾ ಭೂತಿಯುಕ್ತಾ ಭವಾನೀ । ಭವಾರಾಧಿತಾ ಭೂತಿಸತ್ಯಾತ್ಮಿಕಾ ಚ ಪ್ರಭೋದ್ಭಾಸಿತಾ ಭಾನುಭಾಸ್ವತ್ಕರಾ ಚ ॥ 5 ॥

ಧರಾಧೀಶಮಾತಾ ಧರಾಗಾರದೃಷ್ಟಿ- -ರ್ಧರೇಶಾರ್ಚಿತಾ ಧೀವರಾ ಧೀವರಾಂಗೀ । ಪ್ರಕೃಷ್ಟಾ ಪ್ರಭಾರೂಪಿಣೀ ಪ್ರಾಣರೂಪಾ ಪ್ರಕೃಷ್ಟಸ್ವರೂಪಾ ಸ್ವರೂಪಪ್ರಿಯಾ ಚ ॥ 6 ॥

ಚಲತ್ಕುಂಡಲಾ ಕಾಮಿನೀ ಕಾಂತಯುಕ್ತಾ ಕಪಾಲಾಽಚಲಾ ಕಾಲಕೋದ್ಧಾರಿಣೀ ಚ । ಕದಂಬಪ್ರಿಯಾ ಕೋಟರೀ ಕೋಟದೇಹಾ ಕ್ರಮಾ ಕೀರ್ತಿದಾ ಕರ್ಣರೂಪಾ ಚ ಕಾಕ್ಷ್ಮೀಃ ॥ 7 ॥

ಕ್ಷಮಾಂಗೀ ಕ್ಷಯಪ್ರೇಮರೂಪಾ ಕ್ಷಯಾ ಚ ಕ್ಷಯಾಕ್ಷಾ ಕ್ಷಯಾಹ್ವಾ ಕ್ಷಯಪ್ರಾಂತರಾ ಚ । ಕ್ಷವತ್ಕಾಮಿನೀ ಕ್ಷಾರಿಣೀ ಕ್ಷೀರಪೂರ್ಣಾ ಶಿವಾಂಗೀ ಚ ಶಾಕಂಭರೀ ಶಾಕದೇಹಾ ॥ 8 ॥

ಮಹಾಶಾಕಯಜ್ಞಾ ಫಲಪ್ರಾಶಕಾ ಚ ಶಕಾಹ್ವಾಽಶಕಾಹ್ವಾ ಶಕಾಖ್ಯಾ ಶಕಾ ಚ । ಶಕಾಕ್ಷಾಂತರೋಷಾ ಸುರೋಷಾ ಸುರೇಖಾ ಮಹಾಶೇಷಯಜ್ಞೋಪವೀತಪ್ರಿಯಾ ಚ ॥ 9 ॥

ಜಯಂತೀ ಜಯಾ ಜಾಗ್ರತೀ ಯೋಗ್ಯರೂಪಾ ಜಯಾಂಗಾ ಜಪಧ್ಯಾನಸಂತುಷ್ಟಸಂಜ್ಞಾ । ಜಯಪ್ರಾಣರೂಪಾ ಜಯಸ್ವರ್ಣದೇಹಾ ಜಯಜ್ವಾಲಿನೀ ಯಾಮಿನೀ ಯಾಮ್ಯರೂಪಾ ॥ 10 ॥

ಜಗನ್ಮಾತೃರೂಪಾ ಜಗದ್ರಕ್ಷಣಾ ಚ ಸ್ವಧಾವೌಷಡಂತಾ ವಿಲಂಬಾಽವಿಲಂಬಾ । ಷಡಂಗಾ ಮಹಾಲಂಬರೂಪಾಸಿಹಸ್ತಾ- ಪದಾಹಾರಿಣೀಹಾರಿಣೀ ಹಾರಿಣೀ ಚ ॥ 11 ॥

ಮಹಾಮಂಗಳಾ ಮಂಗಳಪ್ರೇಮಕೀರ್ತಿ- -ರ್ನಿಶುಂಭಚ್ಛಿದಾ ಶುಂಭದರ್ಪಾಪಹಾ ಚ । ತಥಾಽಽನಂದಬೀಜಾದಿಮುಕ್ತಿಸ್ವರೂಪಾ ತಥಾ ಚಂಡಮುಂಡಾಪದಾ ಮುಖ್ಯಚಂಡಾ ॥ 12 ॥

ಪ್ರಚಂಡಾಽಪ್ರಚಂಡಾ ಮಹಾಚಂಡವೇಗಾ ಚಲಚ್ಚಾಮರಾ ಚಾಮರಾ ಚಂದ್ರಕೀರ್ತಿಃ । ಸುಚಾಮೀಕರಾ ಚಿತ್ರಭೂಷೋಜ್ಜ್ವಲಾಂಗೀ ಸುಸಂಗೀತಗೀತಾ ಚ ಪಾಯಾದಪಾಯಾತ್ ॥ 13 ॥

ಇತಿ ತೇ ಕಥಿತಂ ದೇವಿ ನಾಮ್ನಾಮಷ್ಟೋತ್ತರಂ ಶತಮ್ । ಗೋಪ್ಯಂ ಚ ಸರ್ವತಂತ್ರೇಷು ಗೋಪನೀಯಂ ಚ ಸರ್ವದಾ ॥ 14 ॥

ಏತಸ್ಯ ಸತತಾಭ್ಯಾಸಾತ್ಸಾಕ್ಷಾದ್ದೇವೋ ಮಹೇಶ್ವರಃ । ತ್ರಿಸಂಧ್ಯಂ ಚ ಮಹಾಭಕ್ತ್ಯಾ ಪಠನೀಯಂ ಸುಖೋದಯಮ್ ॥ 15 ॥

ನ ತಸ್ಯ ದುಷ್ಕರಂ ಕಿಂಚಿಜ್ಜಾಯತೇ ಸ್ಪರ್ಶತಃ ಕ್ಷಣಾತ್ । ಸುಕೃತಂ ಯತ್ತದೇವಾಪ್ತಂ ತಸ್ಮಾದಾವರ್ತಯೇತ್ಸದಾ ॥ 16 ॥

ಸದೈವ ಸನ್ನಿಧೌ ತಸ್ಯ ದೇವೀ ವಸತಿ ಸಾದರಮ್ । ಅಯೋಗಾ ಯೇ ತ ಏವಾಗ್ರೇ ಸುಯೋಗಾಶ್ಚ ಭವಂತಿ ವೈ ॥ 17 ॥

ತ ಏವ ಮಿತ್ರಭೂತಾಶ್ಚ ಭವಂತಿ ತತ್ಪ್ರಸಾದತಃ । ವಿಷಾಣಿ ನೋಪಸರ್ಪಂತಿ ವ್ಯಾಧಯೋ ನ ಸ್ಪೃಶಂತಿ ತಾನ್ ॥ 18 ॥

ಲೂತಾವಿಸ್ಫೋಟಕಾಃ ಸರ್ವೇ ಶಮಂ ಯಾಂತಿ ಚ ತತ್ಕ್ಷಣಾತ್ । ಜರಾಪಲಿತನಿರ್ಮುಕ್ತಃ ಕಲ್ಪಜೀವೀ ಭವೇನ್ನರಃ ॥ 19 ॥

ಅಪಿ ಕಿಂ ಬಹುನೋಕ್ತೇನ ಸಾನ್ನಿಧ್ಯಂ ಫಲಮಾಪ್ನುಯಾತ್ । ಯಾವನ್ಮಯಾ ಪುರಾ ಪ್ರೋಕ್ತಂ ಫಲಂ ಸಾಹಸ್ರನಾಮಕಮ್ । ತತ್ಸರ್ವಂ ಲಭತೇ ಮರ್ತ್ಯೋ ಮಹಾಮಾಯಾಪ್ರಸಾದತಃ ॥ 20 ॥

ಇತಿ ಶ್ರೀರುದ್ರಯಾಮಲೇ ಶ್ರೀಮಾತಂಗೀಶತನಾಮಸ್ತೋತ್ರಮ್ ।

ಶ್ರೀ ಮಾತಂಗೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ ಬಗ್ಗೆ

ಮಾತಂಗೀ ಅಷ್ಟೋತ್ತರ ಶತನಾಮ ಸ್ತೋತ್ರ ದಶಮಹಾವಿದ್ಯೆಯರಲ್ಲಿ ಒಬ್ಬಳಾದ ಮಾತಂಗೀ ದೇವಿಯ ೧೦೮ ನಾಮಗಳನ್ನು ನೀಡುತ್ತದೆ. ದೇವಿ ಶಿವನನ್ನು ಕೇಳುವುದರಿಂದ ಆರಂಭ: ಭಗವನ್, ಎಲ್ಲ ತಂತ್ರಗಳಲ್ಲಿ ಗುಹ್ಯವಾದ, ಯಾರೂ ಪ್ರಕಾಶಿಸದ ಮಾತಂಗಿಯ ಶತನಾಮ ಕೇಳಲು ಬಯಸುತ್ತೇನೆ; ಶಿವ ಉತ್ತರಿಸುತ್ತಾನೆ: "ಕೇಳು ದೇವಿ, ಎಲ್ಲೆಂದರಲ್ಲಿ ಹೇಳಬಾರದ, ರಹಸ್ಯಾತಿರಹಸ್ಯವಾದ, ಪರಾತ್ಪರ ಸ್ತೋತ್ರ ಹೇಳುತ್ತೇನೆ."

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ರುದ್ರಯಾಮಳ

ಯಾವಾಗ ಪಠಿಸಬೇಕು: ಮಹಾವಿದ್ಯಾ ಉಪಾಸನೆಯಲ್ಲಿ, ಗುಪ್ತ ನವರಾತ್ರಿಯಲ್ಲಿ, ಮತ್ತು ಸಂಗೀತ ಕಲೆಗಳ ಕಲಿಕೆಯ ಮುನ್ನ, ಸಾಮಾನ್ಯವಾಗಿ ಗುರುವಿನ ಮಾರ್ಗದರ್ಶನದಲ್ಲಿ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು ರುದ್ರಯಾಮಳದಲ್ಲಿ ಇರಿಸುತ್ತದೆ.
  • ಒಂಬತ್ತನೇ ಮಹಾವಿದ್ಯೆ ಮಾತಂಗಿ ವಾಕ್, ಸಂಗೀತ, ಕಲೆಗಳ ದೇವತೆ; ಸರಸ್ವತಿಯ ತಾಂತ್ರಿಕ ರೂಪ ಎನ್ನಲಾಗುತ್ತದೆ.
  • ಅವಳನ್ನು ಗಾಢ ಹಸಿರು ಬಣ್ಣದಲ್ಲಿ, ವೀಣೆ ನುಡಿಸುತ್ತಾ, ಗಿಳಿಯೊಡನೆ ಚಿತ್ರಿಸಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಮಾತಂಗಿ ಯಾರು?

ವಾಕ್, ಸಂಗೀತ, ಕಲೆಗಳ ದೇವತೆ, ಒಂಬತ್ತನೇ ಮಹಾವಿದ್ಯೆ.

ನಾಮಗಳನ್ನು ಉಪದೇಶಿಸುವವರು ಯಾರು?

ದೇವಿಯ ಕೋರಿಕೆಯಂತೆ ಶಿವ.

ಇದು ಎಲ್ಲಿಂದ ಬಂದದ್ದು?

ಕೊನೆಯ ಸಾಲು ಹೇಳುವಂತೆ ರುದ್ರಯಾಮಳ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.