MuhurtaNow

ಶ್ರೀ ಷೋಡಶೀ (ತ್ರಿಪುರ ಸುಂದರೀ) ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

भृगुरुवाच

चतुर्वक्त्र जगन्नाथ स्तोत्रं वद मयि प्रभो । यस्यानुष्ठानमात्रेण नरो भक्तिमवाप्नुयात् ॥ 1

ब्रह्मोवाच सहस्रनाम्नामाकृष्य नाम्नामष्टोत्तरं शतम् । गुह्याद्गुह्यतरं गुह्यं सुंदर्याः परिकीर्तितम् ॥ 2 ॥

अस्य श्रीषोडश्यष्टोत्तरशतनामस्तोत्रस्य शंभुरृषिः अनुष्टुप् छंदः श्रीषोडशी देवता धर्मार्थकाममोक्षसिद्ध्यर्थे जपे विनियोगः ।

त्रिपुरा षोडशी माता त्र्यक्षरा त्रितया त्रयी । सुंदरी सुमुखी सेव्या सामवेदपरायणा ॥ 3 ॥

शारदा शब्दनिलया सागरा सरिदंबरा । शुद्धा शुद्धतनुः साध्वी शिवध्यानपरायणा ॥ 4 ॥

स्वामिनी शंभुवनिता शांभवी च सरस्वती । समुद्रमथिनी शीघ्रगामिनी शीघ्रसिद्धिदा ॥ 5 ॥

साधुसेव्या साधुगम्या साधुसंतुष्टमानसा । खट्वांगधारिणी खर्वा खड्गखर्परधारिणी ॥ 6 ॥

षड्वर्गभावरहिता षड्वर्गपरिचारिका । षड्वर्गा च षडंगा च षोढा षोडशवार्षिकी ॥ 7 ॥

क्रतुरूपा क्रतुमती ऋभुक्षक्रतुमंडिता । कवर्गादिपवर्गांता अंतस्थाऽनंतरूपिणी ॥ 8 ॥

अकाराकाररहिता कालमृत्युजरापहा । तन्वी तत्त्वेश्वरी तारा त्रिवर्षा ज्ञानरूपिणी ॥ 9 ॥

काली कराली कामेशी छाया संज्ञाप्यरुंधती । निर्विकल्पा महावेगा महोत्साहा महोदरी ॥ 10 ॥

मेघा बलाका विमला विमलज्ञानदायिनी । गौरी वसुंधरा गोप्त्री गवां पतिनिषेविता ॥ 11 ॥

भगांगा भगरूपा च भक्तिभावपरायणा । छिन्नमस्ता महाधूमा तथा धूम्रविभूषणा ॥ 12 ॥

धर्मकर्मादिरहिता धर्मकर्मपरायणा । सीता मातंगिनी मेधा मधुदैत्यविनाशिनी ॥ 13 ॥

भैरवी भुवना माताऽभयदा भवसुंदरी । भावुका बगला कृत्या बाला त्रिपुरसुंदरी ॥ 14 ॥

रोहिणी रेवती रम्या रंभा रावणवंदिता । शतयज्ञमयी सत्त्वा शतक्रतुवरप्रदा ॥ 15 ॥

शतचंद्रानना देवी सहस्रादित्यसन्निभा । सोमसूर्याग्निनयना व्याघ्रचर्मांबरावृता ॥ 16 ॥

अर्धेंदुधारिणी मत्ता मदिरा मदिरेक्षणा । इति ते कथितं गोप्यं नाम्नामष्टोत्तरं शतम् ॥ 17 ॥

सुंदर्याः सर्वदं सेव्यं महापातकनाशनम् । गोपनीयं गोपनीयं गोपनीयं कलौ युगे ॥ 18 ॥

सहस्रनामपाठस्य फलं यद्वै प्रकीर्तितम् । तस्मात्कोटिगुणं पुण्यं स्तवस्यास्य प्रकीर्तनात् ॥ 19 ॥

पठेत्सदा भक्तियुतो नरो यो निशीथकालेऽप्यरुणोदये वा । प्रदोषकाले नवमीदिनेऽथवा लभेत भोगान्परमाद्भुतान्प्रियान् ॥ 20 ॥

इति ब्रह्मयामले पूर्वखंडे षोडश्यष्टोत्तरशतनाम स्तोत्रम् ।

ಶ್ರೀ ಷೋಡಶೀ (ತ್ರಿಪುರ ಸುಂದರೀ) ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ ಬಗ್ಗೆ

ಶ್ರೀ ಷೋಡಶೀ (ತ್ರಿಪುರಸುಂದರೀ) ಅಷ್ಟೋತ್ತರ ಶತನಾಮ ಸ್ತೋತ್ರ ಕೊನೆಯ ಸಾಲು ಹೇಳುವಂತೆ ಬ್ರಹ್ಮಯಾಮಳದಿಂದ ದಶಮಹಾವಿದ್ಯೆಗಳಲ್ಲಿ ಒಬ್ಬಳಾದ ಷೋಡಶೀ (ತ್ರಿಪುರಸುಂದರೀ, ಲಲಿತಾ)ಯ ೧೦೮ ನಾಮಗಳನ್ನು ನೀಡುತ್ತದೆ. ಬ್ರಹ್ಮನಿಗೆ ಕೋರಿಕೆಯಿಂದ ಆರಂಭ: "ಚತುರ್ಮುಖ ಜಗನ್ನಾಥ, ಯಾವುದರ ಅನುಷ್ಠಾನದಿಂದ ಮನುಷ್ಯ ಭಕ್ತಿ ಪಡೆಯುತ್ತಾನೋ ಆ ಸ್ತೋತ್ರ ಹೇಳು." ಸಹಸ್ರನಾಮದಿಂದ ತೆಗೆದು ಸುಂದರಿಯ ಅಷ್ಟೋತ್ತರ ಶತನಾಮ, ಗುಹ್ಯಕ್ಕಿಂತ ಗುಹ್ಯ ರಹಸ್ಯವನ್ನು ತಿಳಿಸುವೆ ಎನ್ನುತ್ತಾನೆ ಬ್ರಹ್ಮ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಬ್ರಹ್ಮಯಾಮಳ

ಯಾವಾಗ ಪಠಿಸಬೇಕು: ಶುಕ್ರವಾರ ಹುಣ್ಣಿಮೆಗಳಲ್ಲಿ, ನವರಾತ್ರಿಯಲ್ಲಿ, ಮತ್ತು ಗುರುವಿನ ಮಾರ್ಗದರ್ಶನದಲ್ಲಿ ಶ್ರೀವಿದ್ಯಾ ಪೂಜೆಯಲ್ಲಿ.

ನಿಮಗೆ ಗೊತ್ತೇ?

  • "ಷೋಡಶೀ" ಎಂದರೆ "ಹದಿನಾರರ ವಯಸ್ಸಿನವಳು"; ಹದಿನಾರು ಅಕ್ಷರಗಳ ಶ್ರೀವಿದ್ಯಾ ಮಂತ್ರವನ್ನೂ ಸೂಚಿಸುತ್ತದೆ.
  • ತ್ರಿಪುರಸುಂದರಿಯನ್ನು ಶ್ರೀಚಕ್ರದಲ್ಲಿ ಶ್ರೀವಿದ್ಯೆಯ ಪರದೇವತೆಯಾಗಿ ಪೂಜಿಸುತ್ತಾರೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಷೋಡಶೀ ಯಾರು?

ದಶಮಹಾವಿದ್ಯೆಗಳಲ್ಲಿ ಒಬ್ಬಳಾದ ತ್ರಿಪುರಸುಂದರೀ.

ಈ ನಾಮಗಳನ್ನು ತಿಳಿಸುವವರು ಯಾರು?

ಸಹಸ್ರನಾಮದಿಂದ ತೆಗೆದು ಬ್ರಹ್ಮ.

ಇದು ಎಲ್ಲಿಂದ?

ಕೊನೆಯ ಸಾಲು ಹೇಳುವಂತೆ ಬ್ರಹ್ಮಯಾಮಳದಿಂದ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.