MuhurtaNow

ಶ್ರೀ ತಾರಾಂಬಾ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

श्री शिव उवाच

तारिणी तरला तन्वी तारा तरुणवल्लरी । ताररूपा तरी श्यामा तनुक्षीणपयोधरा ॥ 1

तुरीया तरुणा तीव्रगमना नीलवाहिनी । उग्रतारा जया चंडी श्रीमदेकजटाशिरा ॥ 2 ॥

तरुणी शांभवी छिन्नफाला स्याद्भद्रदायिनी । उग्रा उग्रप्रभा नीला कृष्णा नीलसरस्वती ॥ 3 ॥

द्वितीया शोभना नित्या नवीना नित्यभीषणा । चंडिका विजयाराध्या देवी गगनवाहिनी ॥ 4 ॥

अट्टहासा करालास्या चरास्यादीशपूजिता । सगुणाऽसगुणाऽराध्या हरींद्रादिप्रपूजिता ॥ 5 ॥

रक्तप्रिया च रक्ताक्षी रुधिरास्यविभूषिता । बलिप्रिया बलिरता दुर्गा बलवती बला ॥ 6 ॥

बलप्रिया बलरता बलरामप्रपूजिता । अर्धकेशेश्वरी केशा केशवा स्रग्विभूषिता ॥ 7 ॥

पद्ममाला च पद्माक्षी कामाख्या गिरिनंदिनी । दक्षिणा चैव दक्षा च दक्षजा दक्षिणेरता ॥ 8 ॥

वज्रपुष्पप्रिया रक्तप्रिया कुसुमभूषिता । माहेश्वरी महादेवप्रिया पन्नगभूषिता ॥ 9 ॥

इडा च पिंगला चैव सुषुम्नाप्राणरूपिणी । गांधारी पंचमी पंचाननादिपरिपूजिता ॥ 10 ॥

तथ्यविद्या तथ्यरूपा तथ्यमार्गानुसारिणी । तत्त्वरूपा तत्त्वप्रिया तत्त्वज्ञानात्मिकाऽनघा ॥ 11 ॥

तांडवाचारसंतुष्टा तांडवप्रियकारिणी । तालनादरता क्रूरतापिनी तरणिप्रभा ॥ 12 ॥

त्रपायुक्ता त्रपामुक्ता तर्पिता तृप्तिकारिणी । तारुण्यभावसंतुष्टा शक्ति-र्भक्तानुरागिणी ॥ 13 ॥

शिवासक्ता शिवरतिः शिवभक्तिपरायणा । ताम्रद्युति-स्ताम्ररागा ताम्रपात्रप्रभोजिनी ॥ 14 ॥

बलभद्रप्रेमरता बलिभु-ग्बलिकल्पनी । रामप्रिया रामशक्ती रामरूपानुकारिणी ॥ 15 ॥

इत्येतत्कथितं देवि रहस्यं परमाद्भुतम् । श्रुत्वामोक्षमवाप्नोति तारादेव्याः प्रसादतः ॥ 16 ॥

य इदं पठति स्तोत्रं तारास्तुतिरहस्यजम् । सर्वसिद्धियुतो भूत्वा विहरेत् क्षिति मंडले ॥ 17 ॥

तस्यैव मंत्रसिद्धिः स्यान्मयि भक्तिरनुत्तमा । भवत्येव महामाये सत्यं सत्यं न संशयः ॥ 18 ॥

मंदे मंगलवारे च यः पठेन्निशि संयुतः । तस्यैव मंत्रसिद्धिस्स्याद्गाणापत्यं लभेत सः ॥ 19 ॥

श्रद्धयाऽश्रद्धया वाऽपि पठेत्तारा रहस्यकम् । सोऽचिरेणैवकालेन जीवन्मुक्तश्शिवो भवेत् ॥ 20 ॥

सहस्रावर्तनाद्देवि पुरश्चर्याफलं लभेत् । एवं सततयुक्ता ये ध्यायंतस्त्वामुपासते ॥ 21 ॥

ते कृतार्था महेशानि मृत्युसंसारवर्त्मनः ॥ 22 ॥

इति श्री स्वर्णमालातंत्रे तारांबाष्टोत्तरशतनाम स्तोत्रम् ।

ಶ್ರೀ ತಾರಾಂಬಾ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ ಬಗ್ಗೆ

ಶ್ರೀ ತಾರಾಂಬಾ ಅಷ್ಟೋತ್ತರ ಶತನಾಮ ಸ್ತೋತ್ರ ಸ್ವರ್ಣಮಾಲಾ ತಂತ್ರದಿಂದ ದಶಮಹಾವಿದ್ಯೆಗಳಲ್ಲಿ ಎರಡನೆಯವಳಾದ ತಾರಾದೇವಿಯ ೧೦೮ ನಾಮಗಳನ್ನು ನೀಡುತ್ತದೆ. ಆರಂಭ: ತಾರಿಣೀ, ತರಲಾ, ತನ್ವೀ, ತಾರಾ, ತರುಣವಲ್ಲರೀ, ತಾರಾರೂಪಾ, ತರೀ, ಶ್ಯಾಮಾ. ಮುಂದಿನ ಶ್ಲೋಕಗಳು ಅವಳನ್ನು ತುರೀಯಾ, ಉಗ್ರತಾರಾ, ಜಯಾ, ಚಂಡೀ, ಏಕಜಟಾ, ನೀಲಸರಸ್ವತೀ, ಶಾಂಭವೀ ಎನ್ನುತ್ತವೆ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಸ್ವರ್ಣಮಾಲಾ ತಂತ್ರ

ಯಾವಾಗ ಪಠಿಸಬೇಕು: ತಾರಾ ಜಯಂತಿಯಂದು (ಚೈತ್ರ ಶುಕ್ಲ ನವಮಿ), ಮಹಾವಿದ್ಯಾ ಪೂಜೆಯಲ್ಲಿ, ಮತ್ತು ಗುರುವಿನ ಮಾರ್ಗದರ್ಶನದಲ್ಲಿ.

ನಿಮಗೆ ಗೊತ್ತೇ?

  • "ತಾರಾ" ಎಂದರೆ "ನಕ್ಷತ್ರ" ಮತ್ತು "ದಾಟಿಸುವವಳು"; ಭಕ್ತರನ್ನು ಸಂಸಾರಸಾಗರ ದಾಟಿಸುವ ರಕ್ಷಕಿ.
  • "ನೀಲಸರಸ್ವತೀ" ವಾಕ್ಕು ವಿದ್ಯೆಗಳಿಗೆ ಸಂಬಂಧಿಸಿದ ತಾರಾರೂಪ.

ಪದೇ ಪದೇ ಕೇಳುವ ಪ್ರಶ್ನೆಗಳು

ತಾರಾ ಯಾರು?

ದಶಮಹಾವಿದ್ಯೆಗಳಲ್ಲಿ ಎರಡನೆಯವಳು, ರಕ್ಷಕ ದೇವಿ.

"ತಾರಿಣೀ" ಎಂದರೇನು?

ಸಂಸಾರಸಾಗರವನ್ನು "ದಾಟಿಸುವವಳು".

ಈ ಸ್ತೋತ್ರ ಎಲ್ಲಿಂದ?

ಕೊನೆಯ ಸಾಲು ಹೇಳುವಂತೆ ಸ್ವರ್ಣಮಾಲಾ ತಂತ್ರದಿಂದ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.