ശ്രീമദ്ഭഗവദ്ഗീതാ പാരായണ - ഷോഡശോഽധ്യായഃ
Sri Krishna · പരമ്പരാഗത ഭക്തിഗ്രന്ഥം
ഓം ശ്രീ പരമാത്മനേ നമഃ അഥ ഷോഡശോഽധ്യായഃ ദൈവാസുരസംപദ്വിഭാഗയോഗഃ
ശ്രീ ഭഗവാനുവാച
അഭയം സത്ത്വസംശുദ്ധിഃ ജ്ഞാനയോഗവ്യവസ്ഥിതിഃ । ദാനം ദമശ്ച യജ്ഞശ്ച സ്വാധ്യായസ്തപ ആര്ജവമ് ॥1
അഹിംസാ സത്യമക്രോധഃ ത്യാഗഃ ശാംതിരപൈശുനമ് । ദയാ ഭൂതേഷ്വലോലുപ്ത്വം മാര്ദവം ഹ്രീരചാപലമ് ॥2॥
തേജഃ ക്ഷമാ ധൃതിഃ ശൌചമ് അദ്രോഹോ നാതിമാനിതാ । ഭവംതി സംപദം ദൈവീമ് അഭിജാതസ്യ ഭാരത ॥3॥
ദംഭോ ദര്പോഽഭിമാനശ്ച ക്രോധഃ പാരുഷ്യമേവ ച । അജ്ഞാനം ചാഭിജാതസ്യ പാര്ഥ സംപദമാസുരീമ് ॥4॥
ദൈവീ സംപദ്വിമോക്ഷായ നിബംധായാസുരീ മതാ । മാ ശുചഃ സംപദം ദൈവീമ് അഭിജാതോഽസി പാംഡവ ॥5॥
ദ്വൌ ഭൂതസര്ഗൌ ലോകേഽസ്മിന് ദൈവ ആസുര ഏവ ച । ദൈവോ വിസ്തരശഃ പ്രോക്തഃ ആസുരം പാര്ഥ മേ ശൃണു ॥6॥
പ്രവൃത്തിം ച നിവൃത്തിം ച ജനാ ന വിദുരാസുരാഃ । ന ശൌചം നാപി ചാചാരഃ ന സത്യം തേഷു വിദ്യതേ ॥7॥
അസത്യമപ്രതിഷ്ഠം തേ ജഗദാഹുരനീശ്വരമ് । അപരസ്പരസംഭൂതം കിമന്യത്കാമഹൈതുകമ് ॥8॥
ഏതാം ദൃഷ്ടിമവഷ്ടഭ്യ നഷ്ടാത്മാനോഽല്പബുദ്ധയഃ । പ്രഭവംത്യുഗ്രകര്മാണഃ ക്ഷയായ ജഗതോഽഹിതാഃ ॥9॥
കാമമാശ്രിത്യ ദുഷ്പൂരം ദംഭമാനമദാന്വിതാഃ । മോഹാദ്ഗൃഹീത്വാസദ്ഗ്രാഹാന് പ്രവര്തംതേഽശുചിവ്രതാഃ ॥10॥
ചിംതാമപരിമേയാം ച പ്രലയാംതാമുപാശ്രിതാഃ । കാമോപഭോഗപരമാഃ ഏതാവദിതി നിശ്ചിതാഃ ॥11॥
ആശാപാശശതൈര്ബദ്ധാഃ കാമക്രോധപരായണാഃ । ഈഹംതേ കാമഭോഗാര്ഥമ് അന്യായേനാര്ഥസംചയാന് ॥12॥
ഇദമദ്യ മയാ ലബ്ധമ് ഇമം പ്രാപ്സ്യേ മനോരഥമ് । ഇദമസ്തീദമപി മേ ഭവിഷ്യതി പുനര്ധനമ് ॥13॥
അസൌ മയാ ഹതഃ ശതൃഃ ഹനിഷ്യേ ചാപരാനപി । ഈശ്വരോഽഹമഹം ഭോഗീ സിദ്ധോഽഹം ബലവാന്സുഖീ ॥14॥
ആഢ്യോഽഭിജനവാനസ്മി കോഽന്യോഽസ്തി സദൃശോ മയാ । യക്ഷ്യേ ദാസ്യാമി മോദിഷ്യേ ഇത്യജ്ഞാനവിമോഹിതാഃ ॥15॥
അനേകചിത്തവിഭ്രാംതാഃ മോഹജാലസമാവൃതാഃ । പ്രസക്താഃ കാമഭോഗേഷു പതംതി നരകേഽശുചൌ ॥16॥
ആത്മസംഭാവിതാഃ സ്തബ്ധാഃ ധനമാനമദാന്വിതാഃ । യജംതേ നാമയജ്ഞൈസ്തേ ദംഭേനാവിധിപൂർവകമ് ॥17॥
അഹംകാരം ബലം ദര്പം കാമം ക്രോധം ച സംശ്രിതാഃ । മാമാത്മപരദേഹേഷു പ്രദ്വിഷംതോഽഭ്യസൂയകാഃ ॥18॥
താനഹം ദ്വിഷതഃ ക്രൂരാന് സംസാരേഷു നരാധമാന് । ക്ഷിപാമ്യജസ്രമശുഭാന് ആസുരീഷ്വേവ യോനിഷു ॥19॥
ആസുരീം യോനിമാപന്നാഃ മൂഢാ ജന്മനി ജന്മനി । മാമപ്രാപ്യൈവ കൌംതേയ തതോ യാംത്യധമാം ഗതിമ് ॥20॥
ത്രിവിധം നരകസ്യേദം ദ്വാരം നാശനമാത്മനഃ । കാമഃ ക്രോധസ്തഥാ ലോഭഃ തസ്മാദേതത്ത്രയം ത്യജേത് ॥21॥
ഏതൈർവിമുക്തഃ കൌംതേയ തമോദ്വാരൈസ്ത്രിഭിര്നരഃ । ആചരത്യാത്മനഃ ശ്രേയഃ തതോ യാതി പരാം ഗതിമ് ॥22॥
യഃ ശാസ്ത്രവിധിമുത്സൃജ്യ വര്തതേ കാമകാരതഃ । ന സ സിദ്ധിമവാപ്നോതി ന സുഖം ന പരാം ഗതിമ് ॥23॥
തസ്മാച്ഛാസ്ത്രം പ്രമാണം തേ കാര്യാകാര്യവ്യവസ്ഥിതൌ । ജ്ഞാത്വാ ശാസ്ത്രവിധാനോക്തം കര്മ കര്തുമിഹാര്ഹസി ॥24॥
॥ ഓം തത്സദിതി ശ്രീമദ്ഭഗവദ്ഗീതാസു ഉപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേ ദൈവാസുരസംപദ്വിഭാഗയോഗോ നാമ ഷോഡശോഽധ്യായഃ ॥
ശ്രീമദ്ഭഗവദ്ഗീതാ പാരായണ - ഷോഡശോഽധ്യായഃ - ഒരു പരിചയം
This is the sixteenth chapter of the Bhagavad Gita, Daivasura Sampad Vibhaga Yoga, set out for parayana. Krishna describes the divine qualities that lead to freedom, fearlessness, purity of heart, charity, self-control, truth, non-violence, compassion, gentleness, forgiveness and humility, and the demonic qualities that lead to bondage: hypocrisy, arrogance, pride, anger, harshness and ignorance. He describes the demonic mind, which denies truth and order and lives for endless desire, and names lust, anger and greed as the three gates to ruin. He ends: let the scriptures be your guide in deciding what to do and what not to do.
ഉറവിടം: Mahabharata, Bhishma Parva (Bhagavad Gita, chapter 16)
എപ്പോൾ ജപിക്കാം: In daily Gita parayana, on Gita Jayanti and Ekadashi.
നിങ്ങൾക്കറിയാമോ?
- Krishna reassures Arjuna in verse 5: "Do not grieve, you are born with the divine qualities."
- Verse 24 makes the scriptures the guide for right action, "tasmat shastram pramanam te".
പതിവ് ചോദ്യങ്ങൾ
What are the three gates to ruin?
Lust, anger and greed.
What does Krishna tell Arjuna in verse 5?
Not to grieve, for he is born with the divine qualities.
What should guide action, according to verse 24?
The scriptures.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ