MuhurtaNow

ഗോവിംദ ദാമോദര സ്തോത്രമ്

Vishnu · പരമ്പരാഗത ഭക്തിഗ്രന്ഥം

অগ্রে কুরূণামথ পাংডবানাং দুঃশাসনেনাহৃতবস্ত্রকেশা । কৃষ্ণা তদাক্রোশদনন্যনাথা গোবিংদ দামোদর মাধবেতি ॥ 1॥

শ্রীকৃষ্ণ বিষ্ণো মধুকৈটভারে ভক্তানুকংপিন্ ভগবন্ মুরারে । ত্রাযস্ব মাং কেশব লোকনাথ গোবিংদ দামোদর মাধবেতি ॥ 2॥

বিক্রেতুকামা কিল গোপকন্য়া মুরারিপাদার্পিতচিত্তবৃত্তিঃ । দধ্য়াদিকং মোহবশাদবোচদ্ গোবিংদ দামোদর মাধবেতি ॥ 3॥

উলূখলে সংভৃততংডুলাংশ্চ সংঘট্টয়ংত্য়ো মুসলৈঃ প্রমুগ্ধাঃ । গায়ংতি গোপ্য়ো জনিতানুরাগা গোবিংদ দামোদর মাধবেতি ॥ 4॥

কাচিত্করাংভোজপুটে নিষণ্ণং ক্রীডাশুকং কিংশুকরক্ততুংডম্ । অধ্য়াপয়ামাস সরোরুহাক্ষী গোবিংদ দামোদর মাধবেতি ॥ 5॥

গৃহে গৃহে গোপবধূসমূহঃ প্রতিক্ষণং পিংজরসারিকাণাম্ । স্খলদ্গিরাং বাচয়িতুং প্রবৃত্তো গোবিংদ দামোদর মাধবেতি ॥ 6॥

পর্য়্য়ংকিকাভাজমলং কুমারং প্রস্বাপয়ংত্য়োঽখিলগোপকন্য়াঃ । জগুঃ প্রবংধং স্বরতালবংধং গোবিংদ দামোদর মাধবেতি ॥ 7॥

রামানুজং বীক্ষণকেলিলোলং গোপী গৃহীত্বা নবনীতগোলম্ । আবালকং বালকমাজুহাব গোবিংদ দামোদর মাধবেতি ॥ 8॥

বিচিত্রবর্ণাভরণাভিরামে- ঽভিধেহি বক্ত্রাংবুজরাজহংসি । সদা মদীয়ে রসনেঽগ্ররংগে গোবিংদ দামোদর মাধবেতি ॥ 9॥

অংকাধিরূঢং শিশুগোপগূঢং স্তনং ধয়ংতং কমলৈককাংতম্ । সংবোধয়ামাস মুদা যশোদা গোবিংদ দামোদর মাধবেতি ॥ 10॥

ক্রীডংতমংতর্ব্রজমাত্মজং স্বং সমং বযস্য়ৈঃ পশুপালবালৈঃ । প্রেম্ণা যশোদা প্রজুহাব কৃষ্ণং গোবিংদ দামোদর মাধবেতি ॥ 11॥

যশোদয়া গাঢমুলূখলেন গোকংঠপাশেন নিবধ্যমানঃ । রুরোদ মংদং নবনীতভোজী গোবিংদ দামোদর মাধবেতি ॥ 12॥

নিজাংগণে কংকণকেলিলোলং গোপী গৃহীত্বা নবনীতগোলম্ । আমর্দযত্পাণিতলেন নেত্রে গোবিংদ দামোদর মাধবেতি ॥ 13॥

গৃহে গৃহে গোপবধূকদংবাঃ সর্বে মিলিত্বা সমবাযয়োগে । পুণ্য়ানি নামানি পঠংতি নিত্য়ং গোবিংদ দামোদর মাধবেতি ॥ 14॥

মংদারমূলে বদনাভিরামং বিংবাধরে পূরিতবেণুনাদম্ । গোগোপগোপীজনমধ্যসংস্থং গোবিংদ দামোদর মাধবেতি ॥ 15॥

উত্থায় গোপ্য়ো¶রাত্রভাগে স্মৃত্বা যশোদাসুতবালকেলিম্ । গায়ংতি প্রোচ্চৈর্দধি মংথয়ংত্য়ো গোবিংদ দামোদর মাধবেতি ॥ 16॥

জগ্ধোঽথ দত্তো নবনীতপিংডো গৃহে যশোদা বিচিকিত্সয়ংতী । উবাচ সত্য়ং বদ হে মুরারে গোবিংদ দামোদর মাধবেতি ॥ 17॥

অভ্যর্চ্য় গেহং যুবতিঃ প্রবৃদ্ধ- প্রেমপ্রবাহা দধি নির্মমংথ । গায়ংতি গোপ্য়োঽথ সখীসমেতা গোবিংদ দামোদর মাধবেতি ॥ 18॥

ক্বচিত্ প্রভাতে দধিপূর্ণপাত্রে নিক্ষিপ্য় মংথং যুবতী মুকুংদম্ । আলোক্য় গানং বিবিধং করোতি গোবিংদ দামোদর মাধবেতি ॥ 19॥

ক্রীডাপরং ভোজনমজ্জনার্থং হিতৈষিণী স্ত্রী তনুজং যশোদা । আজূহবত্ প্রেমপরিপ্লুতাক্ষী গোবিংদ দামোদর মাধবেতি ॥ 20॥

সুখং শয়ানং নিলয়ে চ বিষ্ণুং দেবর্ষিমুখ্য়া মুনয়ঃ প্রপন্নাঃ । তেনাচ্য়ুতে তন্মযতাং ব্রজংতি গোবিংদ দামোদর মাধবেতি ॥ 21॥

বিহায় নিদ্রামরুণোদয়ে চ বিধায় কৃত্য়ানি চ বিপ্রমুখ্য়াঃ । বেদাবসানে প্রপঠংতি নিত্য়ং গোবিংদ দামোদর মাধবেতি ॥ 22॥

বৃংদাবনে গোপগণাশ্চ গোপ্য়ো বিলোক্য় গোবিংদবিয়োগখিন্নাম্ । রাধাং জগুঃ সাশ্রুবিলোচনাভ্য়াং গোবিংদ দামোদর মাধবেতি ॥ 23॥

প্রভাতসংচারগতা নু গাবস্- তদ্রক্ষণার্থং তনয়ং যশোদা । প্রাবোধযত্ পাণিতলেন মংদং গোবিংদ দামোদর মাধবেতি ॥ 24॥

প্রবালশোভা ইব দীর্ঘকেশা বাতাংবুপর্ণাশনপূতদেহাঃ । মূলে তরূণাং মুনয়ঃ পঠংতি গোবিংদ দামোদর মাধবেতি ॥ 25॥

এবং ব্রুবাণা বিরহাতুরা ভৃশং ব্রজস্ত্রিয়ঃ কৃষ্ণবিষক্তমানসাঃ । বিসৃজ্য় লজ্জাং রুরুদুঃ স্ম সুস্বরং গোবিংদ দামোদর মাধবেতি ॥ 26॥

গোপী কদাচিন্মণিপংজরস্থং শুকং বচো বাচয়িতুং প্রবৃত্তা । আনংদকংদ ব্রজচংদ্র কৃষ্ণ গোবিংদ দামোদর মাধবেতি ॥ 27॥

গোবত্সবালৈঃ শিশুকাকপক্ষং বধ্নংতমংভোজদলাযতাক্ষম্ । উবাচ মাতা চিবুকং গৃহীত্বা গোবিংদ দামোদর মাধবেতি ॥ 28॥

প্রভাতকালে বরবল্লবৌঘা গোরক্ষণার্থং ধৃতবেত্রদংডাঃ । আকারয়ামাসুরনংতমাদ্য়ং গোবিংদ দামোদর মাধবেতি ॥ 29॥

জলাশয়ে কালিযমর্দনায় যদা কদংবাদপতন্মুরারিঃ । গোপাংগনাশ্চুক্রুশুরেত্য় গোপা গোবিংদ দামোদর মাধবেতি ॥ 30॥

অক্রূরমাসাদ্য় যদা মুকুংদশ্- চাপোত্সবার্থং মথুরাং প্রবিষ্টঃ । তদা স পৌরৈর্জযসীত্যভাষি গোবিংদ দামোদর মাধবেতি ॥ 31॥

কংসস্য় দূতেন যদৈব নীতৌ বৃংদাবনাংতাদ্ বসুদেবসূনূ । (সূনৌ) রুরোদ গোপী ভবনস্য় মধ্য়ে গোবিংদ দামোদর মাধবেতি ॥ 32॥

সরোবরে কালিযনাগবদ্ধং শিশুং যশোদাতনয়ং নিশম্য় । চক্রুর্লুঠংত্য়ঃ পথি গোপবালা গোবিংদ দামোদর মাধবেতি ॥ 33॥

অক্রূরয়ানে যদুবংশনাথং সংগচ্ছমানং মথুরাং নিরীক্ষ্য় । ঊচুর্বিয়োগত্ কিল গোপবালা গোবিংদ দামোদর মাধবেতি ॥ 34॥

চক্রংদ গোপী নলিনীবনাংতে কৃষ্ণেন হীনা কুসুমে শয়ানা । প্রফুল্লনীলোত্পললোচনাভ্য়াং গোবিংদ দামোদর মাধবেতি ॥ 35॥

মাতাপিতৃভ্য়াং পরিবার্যমাণা গেহং প্রবিষ্টা বিললাপ গোপী । আগত্য় মাং পালয় বিশ্বনাথ গোবিংদ দামোদর মাধবেতি ॥ 36॥

বৃংদাবনস্থং হরিমাশু বুদ্ধ্বা গোপী গতা কাপি বনং নিশায়াম্ । তত্রাপ্যদৃষ্ট্বাঽতিভয়াদবোচদ্ গোবিংদ দামোদর মাধবেতি ॥ 37॥

সুখং শয়ানা নিলয়ে নিজেঽপি নামানি বিষ্ণোঃ প্রবদংতি মর্ত্য়াঃ । তে নিশ্চিতং তন্মযতাং ব্রজংতি গোবিংদ দামোদর মাধবেতি ॥ 38॥

সা নীরজাক্ষীমবলোক্য় রাধাং রুরোদ গোবিংদবিয়োগখিন্নাম্ । সখী প্রফুল্লোত্পললোচনাভ্য়াং গোবিংদ দামোদর মাধবেতি ॥ 39॥

জিহ্বে রসজ্ঞে মধুরপ্রিয়া ত্বং সত্য়ং হিতং ত্বাং পরমং বদামি । আবর্ণয়েথা মধুরাক্ষরাণি গোবিংদ দামোদর মাধবেতি ॥ 40॥

আত্য়ংতিকব্য়াধিহরং জনানাং চিকিত্সকং বেদবিদো বদংতি । সংসারতাপত্রযনাশবীজং গোবিংদ দামোদর মাধবেতি ॥ 41॥

তাতাজ্ঞয়া গচ্ছতি রামচংদ্রে সলক্ষ্মণেঽরণ্যচয়ে সসীতে । চক্রংদ রামস্য় নিজা জনিত্রী গোবিংদ দামোদর মাধবেতি ॥ 42॥

একাকিনী দংডককাননাংতাত্ সা নীযমানা দশকংধরেণ । সীতা তদাক্রংদদনন্যনাথা গোবিংদ দামোদর মাধবেতি ॥ 43॥

রামাদ্বিয়ুক্তা জনকাত্মজা সা বিচিংতয়ংতী হৃদি রামরূপম্ । রুরোদ সীতা রঘুনাথ পাহি গোবিংদ দামোদর মাধবেতি ॥ 44॥

প্রসীদ বিষ্ণো রঘুবংশনাথ সুরাসুরাণাং সুখদুঃখহেতো । রুরোদ সীতা তু সমুদ্রমধ্য়ে গোবিংদ দামোদর মাধবেতি ॥ 45॥

অংতর্জলে গ্রাহগৃহীতপাদো বিসৃষ্টবিক্লিষ্টসমস্তবংধুঃ । তদা গজেংদ্রো নিতরাং জগাদ গোবিংদ দামোদর মাধবেতি ॥ 46॥

হংসধ্বজঃ শংখয়ুতো দদর্শ পুত্রং কটাহে প্রতপংতমেনম্ । পুণ্য়ানি নামানি হরের্জপংতং গোবিংদ দামোদর মাধবেতি ॥ 47॥

দুর্বাসসো বাক্যমুপেত্য় কৃষ্ণা সা চাব্রবীত্ কাননবাসিনীশম্ । অংতঃ প্রবিষ্টং মনসা জুহাব গোবিংদ দামোদর মাধবেতি ॥ 48॥

ধ্য়েয়ঃ সদা যোগিভিরপ্রমেয়ঃ চিংতাহরশ্চিংতিতপারিজাতঃ । কস্তূরিকাকল্পিতনীলবর্ণো গোবিংদ দামোদর মাধবেতি ॥ 49॥

সংসারকূপে পতিতোঽত্যগাধে মোহাংধপূর্ণে বিষয়াভিতপ্তে । করাবলংবং মম দেহি বিষ্ণো গোবিংদ দামোদর মাধবেতি ॥ 50॥

ভজস্ব মংত্রং ভববংধমুক্ত্য়ৈ জিহ্বে রসজ্ঞে সুলভং মনোজ্ঞম্ । দ্বৈপাযনাদ্য়ৈর্মুনিভিঃ প্রজপ্তং গোবিংদ দামোদর মাধবেতি ॥ 51॥

ত্বামেব যাচে মম দেহি জিহ্বে সমাগতে দংডধরে কৃতাংতে । বক্তব্যমেবং মধুরং সুভক্ত্য়া গোবিংদ দামোদর মাধবেতি ॥ 52॥

গোপাল বংশীধর রূপসিংধো লোকেশ নারাযণ দীনবংধো । উচ্চস্বরৈস্ত্বং বদ সর্বদৈব গোবিংদ দামোদর মাধবেতি ॥ 53॥

জিহ্বে সদৈবং ভজ সুংদরাণি নামানি কৃষ্ণস্য় মনোহরাণি । সমস্তভক্তার্তিবিনাশনানি গোবিংদ দামোদর মাধবেতি ॥ 54॥

গোবিংদ গোবিংদ হরে মুরারে গোবিংদ গোবিংদ মুকুংদ কৃষ্ণ । গোবিংদ গোবিংদ রথাংগপাণে গোবিংদ দামোদর মাধবেতি ॥ 55॥

সুখাবসানে ত্বিদমেব সারং দুঃখাবসানে ত্বিদমেব গেযম্ । দেহাবসানে ত্বিদমেব জাপ্য়ং গোবিংদ দামোদর মাধবেতি ॥ 56॥

দুর্বারবাক্য়ং পরিগৃহ্য় কৃষ্ণা মৃগীব ভীতা তু কথং কথংচিত্ । সভাং প্রবিষ্টা মনসা জুহাব গোবিংদ দামোদর মাধবেতি ॥ 57॥

শ্রীকৃষ্ণ রাধাবর গোকুলেশ গোপাল গোবর্ধন নাথ বিষ্ণো । জিহ্বে পিবস্বামৃতমেতদেব গোবিংদ দামোদর মাধবেতি ॥ 58॥

শ্রীনাথ বিশ্বেশ্বর বিশ্বমূর্তে শ্রীদেবকীনংদন দৈত্যশত্রো । জিহ্বে পিবস্বামৃতমেতদেব গোবিংদ দামোদর মাধবেতি ॥ 59॥

গোপীপতে কংসরিপো মুকুংদ লক্ষ্মীপতে কেশব বাসুদেব । জিহ্বে পিবস্বামৃতমেতদেব গোবিংদ দামোদর মাধবেতি ॥ 60॥

গোপীজনাহ্লাদকর ব্রজেশ গোচারণারণ্যকৃতপ্রবেশ । জিহ্বে পিবস্বামৃতমেতদেব গোবিংদ দামোদর মাধবেতি ॥ 61॥

প্রাণেশ বিশ্বংভর কৈটভারে বৈকুংঠ নারাযণ চক্রপাণে । জিহ্বে পিবস্বামৃতমেতদেব গোবিংদ দামোদর মাধবেতি ॥ 62॥

হরে মুরারে মধুসূদনাদ্য় শ্রীরাম সীতাবর রাবণারে । জিহ্বে পিবস্বামৃতমেতদেব গোবিংদ দামোদর মাধবেতি ॥ 63॥

শ্রীয়াদবেংদ্রাদ্রিধরাংবুজাক্ষ গোগোপগোপীসুখদানদক্ষ । জিহ্বে পিবস্বামৃতমেতদেব গোবিংদ দামোদর মাধবেতি ॥ 64॥

ধরাভরোত্তারণগোপবেষ বিহারলীলাকৃতবংধুশেষ । জিহ্বে পিবস্বামৃতমেতদেব গোবিংদ দামোদর মাধবেতি ॥ 65॥

বকীবকাঘাসুরধেনুকারে কেশীতৃণাবর্তবিঘাতদক্ষ । জিহ্বে পিবস্বামৃতমেতদেব গোবিংদ দামোদর মাধবেতি ॥ 66॥

শ্রীজানকীজীবন রামচংদ্র নিশাচরারে ভরতাগ্রজেশ । জিহ্বে পিবস্বামৃতমেতদেব গোবিংদ দামোদর মাধবেতি ॥ 67॥

নারাযণানংত হরে নৃসিংহ প্রহ্লাদবাধাহর হে কৃপালো । জিহ্বে পিবস্বামৃতমেতদেব গোবিংদ দামোদর মাধবেতি ॥ 68॥

লীলামনুষ্য়াকৃতিরামরূপ প্রতাপদাসীকৃতসর্বভূপ । জিহ্বে পিবস্বামৃতমেতদেব গোবিংদ দামোদর মাধবেতি ॥ 69॥

শ্রীকৃষ্ণ গোবিংদ হরে মুরারে হে নাথ নারাযণ বাসুদেব । জিহ্বে পিবস্বামৃতমেতদেব গোবিংদ দামোদর মাধবেতি ॥ 70॥

বক্তুং সমর্থোঽপি ন বক্তি কশ্চিদ্- অহো জনানাং ব্যসনাভিমুখ্যম্ । জিহ্বে পিবস্বামৃতমেতদেব গোবিংদ দামোদর মাধবেতি ॥ 71॥

ইতি শ্রীবিল্বমংগলাচার্যবিরচিতং শ্রীগোবিংদদামোদরস্তোত্রং সংপূর্ণম্ ।

ഗോവിംദ ദാമോദര സ്തോത്രമ് - ഒരു പരിചയം

The Govinda Damodara Stotram is a much-loved hymn by Bilvamangala in which every verse ends with the names "Govinda Damodara Madhaveti". It opens with Draupadi in the Kuru court, her clothes and hair seized by Duhshasana, crying out with no other refuge, "Govinda, Damodara, Madhava!" Later verses picture the gopis of Vraja who, while selling milk and curd, forget what they are selling and call out "Govinda, Damodara, Madhava!" instead.

രചയിതാവ്: Bilvamangala (Lilashuka), as its colophon states

എപ്പോൾ ജപിക്കാം: Daily, on Ekadashi and Janmashtami, and as a prayer of surrender in difficulty.

നിങ്ങൾക്കറിയാമോ?

  • Its colophon names Bilvamangala, also called Lilashuka, author of the Krishna Karnamritam.
  • The refrain gathers three names: Govinda (protector of cows), Damodara (bound at the waist by Yashoda) and Madhava (Lakshmi's lord).
  • It teaches that the Lord's names are the sweetest thing a tongue can taste.

ഈ ഉത്സവങ്ങളിൽ ചൊല്ലുന്നു

പതിവ് ചോദ്യങ്ങൾ

What is the refrain?

"Govinda Damodara Madhaveti".

Who wrote it?

Bilvamangala (Lilashuka), as its colophon states.

How does it begin?

With Draupadi calling on Krishna in the Kuru court.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.