MuhurtaNow

നാരായണീയം ദശക 12 - വരാഹാവതാരമ്

Vishnu · പരമ്പരാഗത ഭക്തിഗ്രന്ഥം

സ്വായംഭുവോ മനുരഥോ ജനസര്ഗശീലോ ദൃഷ്ട്വാ മഹീമസമയേ സലിലേ നിമഗ്നാമ് । സ്രഷ്ടാരമാപ ശരണം ഭവദംഘ്രിസേവാ- തുഷ്ടാശയം മുനിജനൈഃ സഹ സത്യലോകേ ॥1॥

കഷ്ടം പ്രജാഃ സൃജതി മയ്യവനിര്നിമഗ്നാ സ്ഥാനം സരോജഭവ കല്പയ തത് പ്രജാനാമ് । ഇത്യേവമേഷ കഥിതോ മനുനാ സ്വയംഭൂഃ - രംഭോരുഹാക്ഷ തവ പാദയുഗം വ്യചിംതീത് ॥ 2 ॥

ഹാ ഹാ വിഭോ ജലമഹം ന്യപിബം പുരസ്താ- ദദ്യാപി മജ്ജതി മഹീ കിമഹം കരോമി । ഇത്ഥം ത്വദംഘ്രിയുഗലം ശരണം യതോഽസ്യ നാസാപുടാത് സമഭവഃ ശിശുകോലരൂപീ ।3॥

അംഗുഷ്ഠമാത്രവപുരുത്പതിതഃ പുരസ്താത് ഭോയോഽഥ കുംഭിസദൃശഃ സമജൃംഭഥാസ്ത്വമ് । അഭ്രേ തഥാവിധമുദീക്ഷ്യ ഭവംതമുച്ചൈ - ർവിസ്മേരതാം വിധിരഗാത് സഹ സൂനുഭിഃ സ്വൈഃ ॥4॥

കോഽസാവചിംത്യമഹിമാ കിടിരുത്ഥിതോ മേ നാസാപുടാത് കിമു ഭവേദജിതസ്യ മായാ । ഇത്ഥം വിചിംതയതി ധാതരി ശൈലമാത്രഃ സദ്യോ ഭവന് കില ജഗര്ജിഥ ഘോരഘോരമ് ॥5॥

തം തേ നിനാദമുപകര്ണ്യ ജനസ്തപഃസ്ഥാഃ സത്യസ്ഥിതാശ്ച മുനയോ നുനുവുര്ഭവംതമ് । തത്സ്തോത്രഹര്ഷുലമനാഃ പരിണദ്യ ഭൂയ- സ്തോയാശയം വിപുലമൂര്തിരവാതരസ്ത്വമ് ॥6॥

ഊര്ധ്വപ്രസാരിപരിധൂമ്രവിധൂതരോമാ പ്രോത്ക്ഷിപ്തവാലധിരവാങ്മുഖഘോരഘോണഃ । തൂര്ണപ്രദീര്ണജലദഃ പരിഘൂര്ണദക്ഷ്ണാ സ്തോതൃന് മുനീന് ശിശിരയന്നവതേരിഥ ത്വമ് ॥7॥

അംതര്ജലം തദനുസംകുലനക്രചക്രം ഭ്രാമ്യത്തിമിംഗിലകുലം കലുഷോര്മിമാലമ് । ആവിശ്യ ഭീഷണരവേണ രസാതലസ്ഥാ - നാകംപയന് വസുമതീമഗവേഷയസ്ത്വമ് ॥8॥

ദൃഷ്ട്വാഽഥ ദൈത്യഹതകേന രസാതലാംതേ സംവേശിതാം ഝടിതി കൂടകിടിർവിഭോ ത്വമ് । ആപാതുകാനവിഗണയ്യ സുരാരിഖേടാന് ദംഷ്ട്രാംകുരേണ വസുധാമദധാഃ സലീലമ് ॥9॥

അഭ്യുദ്ധരന്നഥ ധരാം ദശനാഗ്രലഗ്ന മുസ്താംകുരാംകിത ഇവാധികപീവരാത്മാ । ഉദ്ധൂതഘോരസലിലാജ്ജലധേരുദംചന് ക്രീഡാവരാഹവപുരീശ്വര പാഹി രോഗാത് ॥10॥

നാരായണീയം ദശക 12 - വരാഹാവതാരമ് - ഒരു പരിചയം

The twelfth dashaka of the Narayaneeyam tells of the Varaha (boar) avatara. Svayambhuva Manu, ready to create, sees the earth sunk in the waters of dissolution and goes to Brahma for refuge: "Where shall my offspring live, O lotus-born, when the earth is drowned?" As Brahma thinks, a tiny boar appears from his nostril and swiftly grows to the size of a mountain, roaring so that the sages praise him. He plunges into the ocean, finds the earth and lifts her on the tip of his tusk, looking as if adorned with a sprout of musta grass, and rises from the dark waters.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • In the Bhagavatam, Varaha appears from Brahma's nostril as a creature no bigger than a thumb.
  • Varaha Jayanti, the day of this avatara, is celebrated in the month of Bhadrapada.

പതിവ് ചോദ്യങ്ങൾ

Why does Manu go to Brahma?

Because the earth is sunk in the waters.

How does Varaha lift the earth?

On the tip of his tusk.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.