MuhurtaNow

നാരായണീയം ദശക 17 - ധ്രുവചരിതമ്

Vishnu · പരമ്പരാഗത ഭക്തിഗ്രന്ഥം

ಉತ್ತಾನಪಾದನೃಪತೇರ್ಮನುನಂದನಸ್ಯ ಜಾಯಾ ಬಭೂವ ಸುರುಚಿರ್ನಿತರಾಮಭೀಷ್ಟಾ । ಅನ್ಯಾ ಸುನೀತಿರಿತಿ ಭರ್ತುರನಾದೃತಾ ಸಾ ತ್ವಾಮೇವ ನಿತ್ಯಮಗತಿಃ ಶರಣಂ ಗತಾಽಭೂತ್ ॥1॥

ಅಂಕೇ ಪಿತುಃ ಸುರುಚಿಪುತ್ರಕಮುತ್ತಮಂ ತಂ ದೃಷ್ಟ್ವಾ ಧ್ರುವಃ ಕಿಲ ಸುನೀತಿಸುತೋಽಧಿರೋಕ್ಷ್ಯನ್ । ಆಚಿಕ್ಷಿಪೇ ಕಿಲ ಶಿಶುಃ ಸುತರಾಂ ಸುರುಚ್ಯಾ ದುಸ್ಸಂತ್ಯಜಾ ಖಲು ಭವದ್ವಿಮುಖೈರಸೂಯಾ ॥2॥

ತ್ವನ್ಮೋಹಿತೇ ಪಿತರಿ ಪಶ್ಯತಿ ದಾರವಶ್ಯೇ ದೂರಂ ದುರುಕ್ತಿನಿಹತಃ ಸ ಗತೋ ನಿಜಾಂಬಾಮ್ । ಸಾಽಪಿ ಸ್ವಕರ್ಮಗತಿಸಂತರಣಾಯ ಪುಂಸಾಂ ತ್ವತ್ಪಾದಮೇವ ಶರಣಂ ಶಿಶವೇ ಶಶಂಸ ॥3॥

ಆಕರ್ಣ್ಯ ಸೋಽಪಿ ಭವದರ್ಚನನಿಶ್ಚಿತಾತ್ಮಾ ಮಾನೀ ನಿರೇತ್ಯ ನಗರಾತ್ ಕಿಲ ಪಂಚವರ್ಷಃ । ಸಂದೃಷ್ಟನಾರದನಿವೇದಿತಮಂತ್ರಮಾರ್ಗ- ಸ್ತ್ವಾಮಾರರಾಧ ತಪಸಾ ಮಧುಕಾನನಾಂತೇ ॥4॥

ತಾತೇ ವಿಷಣ್ಣಹೃದಯೇ ನಗರೀಂ ಗತೇನ ಶ್ರೀನಾರದೇನ ಪರಿಸಾಂತ್ವಿತಚಿತ್ತವೃತ್ತೌ । ಬಾಲಸ್ತ್ವದರ್ಪಿತಮನಾಃ ಕ್ರಮವರ್ಧಿತೇನ ನಿನ್ಯೇ ಕಠೋರತಪಸಾ ಕಿಲ ಪಂಚಮಾಸಾನ್ ॥5॥

ತಾವತ್ತಪೋಬಲನಿರುಚ್ಛ್-ವಸಿತೇ ದಿಗಂತೇ ದೇವಾರ್ಥಿತಸ್ತ್ವಮುದಯತ್ಕರುಣಾರ್ದ್ರಚೇತಾಃ । ತ್ವದ್ರೂಪಚಿದ್ರಸನಿಲೀನಮತೇಃ ಪುರಸ್ತಾ- ದಾವಿರ್ಬಭೂವಿಥ ವಿಭೋ ಗರುಡಾಧಿರೂಢಃ ॥6॥

ತ್ವದ್ದರ್ಶನಪ್ರಮದಭಾರತರಂಗಿತಂ ತಂ ದೃಗ್ಭ್ಯಾಂ ನಿಮಗ್ನಮಿವ ರೂಪರಸಾಯನೇ ತೇ । ತುಷ್ಟೂಷಮಾಣಮವಗಮ್ಯ ಕಪೋಲದೇಶೇ ಸಂಸ್ಪೃಷ್ಟವಾನಸಿ ದರೇಣ ತಥಾಽಽದರೇಣ ॥7॥

ತಾವದ್ವಿಬೋಧವಿಮಲಂ ಪ್ರಣುವಂತಮೇನ- ಮಾಭಾಷಥಾಸ್ತ್ವಮವಗಮ್ಯ ತದೀಯಭಾವಮ್ । ರಾಜ್ಯಂ ಚಿರಂ ಸಮನುಭೂಯ ಭಜಸ್ವ ಭೂಯಃ ಸರ್ವೋತ್ತರಂ ಧ್ರುವ ಪದಂ ವಿನಿವೃತ್ತಿಹೀನಮ್ ॥8॥

ಇತ್ಯೂಚಿಷಿ ತ್ವಯಿ ಗತೇ ನೃಪನಂದನೋಽಸಾ- ವಾನಂದಿತಾಖಿಲಜನೋ ನಗರೀಮುಪೇತಃ । ರೇಮೇ ಚಿರಂ ಭವದನುಗ್ರಹಪೂರ್ಣಕಾಮ- ಸ್ತಾತೇ ಗತೇ ಚ ವನಮಾದೃತರಾಜ್ಯಭಾರಃ ॥9॥

ಯಕ್ಷೇಣ ದೇವ ನಿಹತೇ ಪುನರುತ್ತಮೇಽಸ್ಮಿನ್ ಯಕ್ಷೈಃ ಸ ಯುದ್ಧನಿರತೋ ವಿರತೋ ಮನೂಕ್ತ್ಯಾ । ಶಾಂತ್ಯಾ ಪ್ರಸನ್ನಹೃದಯಾದ್ಧನದಾದುಪೇತಾ- ತ್ತ್ವದ್ಭಕ್ತಿಮೇವ ಸುದೃಢಾಮವೃಣೋನ್ಮಹಾತ್ಮಾ ॥10॥

ಅಂತೇ ಭವತ್ಪುರುಷನೀತವಿಮಾನಯಾತೋ ಮಾತ್ರಾ ಸಮಂ ಧ್ರುವಪದೇ ಮುದಿತೋಽಯಮಾಸ್ತೇ । ಏವಂ ಸ್ವಭೃತ್ಯಜನಪಾಲನಲೋಲಧೀಸ್ತ್ವಂ ವಾತಾಲಯಾಧಿಪ ನಿರುಂಧಿ ಮಮಾಮಯೌಘಾನ್ ॥11॥

നാരായണീയം ദശക 17 - ധ്രുവചരിതമ് - ഒരു പരിചയം

The seventeenth dashaka of the Narayaneeyam tells the story of Dhruva. King Uttanapada, son of Manu, loves his queen Suruchi, while his other queen Suniti, neglected, takes refuge in the Lord alone. When little Dhruva, Suniti's son, tries to climb onto his father's lap beside Suruchi's son Uttama, Suruchi scolds him harshly. Weeping, he goes to his mother, who tells him to seek the Lord; guided by Narada, the five-year-old performs fierce austerity at Madhuvana, and the Lord appears to him. Dhruva rules long and well, and at the end is carried with his mother in the Lord's celestial chariot to the abode named after him, the pole star.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • The pole star (Dhruva nakshatra) is named after Dhruva, whose steadfast devotion gave him an unmoving place in the sky.
  • Narada taught Dhruva the twelve-syllable mantra "Om namo bhagavate vasudevaya".

പതിവ് ചോദ്യങ്ങൾ

Why did Dhruva seek the Lord?

He was scolded by his stepmother and turned away from his father's lap.

What is named after Dhruva?

The pole star.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.