നാരായണീയം ദശക 31 - ബലിദര്പഹരണമ്
Vishnu · പരമ്പരാഗത ഭക്തിഗ്രന്ഥം
ಪ್ರೀತ್ಯಾ ದೈತ್ಯಸ್ತವ ತನುಮಹಃಪ್ರೇಕ್ಷಣಾತ್ ಸರ್ವಥಾಽಪಿ ತ್ವಾಮಾರಾಧ್ಯನ್ನಜಿತ ರಚಯನ್ನಂಜಲಿಂ ಸಂಜಗಾದ । ಮತ್ತಃ ಕಿಂ ತೇ ಸಮಭಿಲಷಿತಂ ವಿಪ್ರಸೂನೋ ವದ ತ್ವಂ ವಿತ್ತಂ ಭಕ್ತಂ ಭವನಮವನೀಂ ವಾಽಪಿ ಸರ್ವಂ ಪ್ರದಾಸ್ಯೇ ॥1॥
ತಾಮೀಕ್ಷಣಾಂ ಬಲಿಗಿರಮುಪಾಕರ್ಣ್ಯ ಕಾರುಣ್ಯಪೂರ್ಣೋಽ- ಪ್ಯಸ್ಯೋತ್ಸೇಕಂ ಶಮಯಿತುಮನಾ ದೈತ್ಯವಂಶಂ ಪ್ರಶಂಸನ್ । ಭೂಮಿಂ ಪಾದತ್ರಯಪರಿಮಿತಾಂ ಪ್ರಾರ್ಥಯಾಮಾಸಿಥ ತ್ವಂ ಸರ್ವಂ ದೇಹೀತಿ ತು ನಿಗದಿತೇ ಕಸ್ಯ ಹಾಸ್ಯಂ ನ ವಾ ಸ್ಯಾತ್ ॥2॥
ವಿಶ್ವೇಶಂ ಮಾಂ ತ್ರಿಪದಮಿಹ ಕಿಂ ಯಾಚಸೇ ಬಾಲಿಶಸ್ತ್ವಂ ಸರ್ವಾಂ ಭೂಮಿಂ ವೃಣು ಕಿಮಮುನೇತ್ಯಾಲಪತ್ತ್ವಾಂ ಸ ದೃಪ್ಯನ್ । ಯಸ್ಮಾದ್ದರ್ಪಾತ್ ತ್ರಿಪದಪರಿಪೂರ್ತ್ಯಕ್ಷಮಃ ಕ್ಷೇಪವಾದಾನ್ ಬಂಧಂ ಚಾಸಾವಗಮದತದರ್ಹೋಽಪಿ ಗಾಢೋಪಶಾಂತ್ಯೈ ॥3॥
ಪಾದತ್ರಯ್ಯಾ ಯದಿ ನ ಮುದಿತೋ ವಿಷ್ಟಪೈರ್ನಾಪಿ ತುಷ್ಯೇ- ದಿತ್ಯುಕ್ತೇಽಸ್ಮಿನ್ ವರದ ಭವತೇ ದಾತುಕಾಮೇಽಥ ತೋಯಮ್ । ದೈತ್ಯಾಚಾರ್ಯಸ್ತವ ಖಲು ಪರೀಕ್ಷಾರ್ಥಿನಃ ಪ್ರೇರಣಾತ್ತಂ ಮಾ ಮಾ ದೇಯಂ ಹರಿರಯಮಿತಿ ವ್ಯಕ್ತಮೇವಾಬಭಾಷೇ ॥4॥
ಯಾಚತ್ಯೇವಂ ಯದಿ ಸ ಭಗವಾನ್ ಪೂರ್ಣಕಾಮೋಽಸ್ಮಿ ಸೋಽಹಂ ದಾಸ್ಯಾಮ್ಯೇವ ಸ್ಥಿರಮಿತಿ ವದನ್ ಕಾವ್ಯಶಪ್ತೋಽಪಿ ದೈತ್ಯಃ । ವಿಂಧ್ಯಾವಲ್ಯಾ ನಿಜದಯಿತಯಾ ದತ್ತಪಾದ್ಯಾಯ ತುಭ್ಯಂ ಚಿತ್ರಂ ಚಿತ್ರಂ ಸಕಲಮಪಿ ಸ ಪ್ರಾರ್ಪಯತ್ತೋಯಪೂರ್ವಮ್ ॥5॥
ನಿಸ್ಸಂದೇಹಂ ದಿತಿಕುಲಪತೌ ತ್ವಯ್ಯಶೇಷಾರ್ಪಣಂ ತದ್- ವ್ಯಾತನ್ವಾನೇ ಮುಮುಚುಃ-ಋಷಯಃ ಸಾಮರಾಃ ಪುಷ್ಪವರ್ಷಮ್ । ದಿವ್ಯಂ ರೂಪಂ ತವ ಚ ತದಿದಂ ಪಶ್ಯತಾಂ ವಿಶ್ವಭಾಜಾ- ಮುಚ್ಚೈರುಚ್ಚೈರವೃಧದವಧೀಕೃತ್ಯ ವಿಶ್ವಾಂಡಭಾಂಡಮ್ ॥6॥
ತ್ವತ್ಪಾದಾಗ್ರಂ ನಿಜಪದಗತಂ ಪುಂಡರೀಕೋದ್ಭವೋಽಸೌ ಕುಂಡೀತೋಯೈರಸಿಚದಪುನಾದ್ಯಜ್ಜಲಂ ವಿಶ್ವಲೋಕಾನ್ । ಹರ್ಷೋತ್ಕರ್ಷಾತ್ ಸುಬಹು ನನೃತೇ ಖೇಚರೈರುತ್ಸವೇಽಸ್ಮಿನ್ ಭೇರೀಂ ನಿಘ್ನನ್ ಭುವನಮಚರಜ್ಜಾಂಬವಾನ್ ಭಕ್ತಿಶಾಲೀ ॥7॥
ತಾವದ್ದೈತ್ಯಾಸ್ತ್ವನುಮತಿಮೃತೇ ಭರ್ತುರಾರಬ್ಧಯುದ್ಧಾ ದೇವೋಪೇತೈರ್ಭವದನುಚರೈಸ್ಸಂಗತಾ ಭಂಗಮಾಪನ್ । ಕಾಲಾತ್ಮಾಽಯಂ ವಸತಿ ಪುರತೋ ಯದ್ವಶಾತ್ ಪ್ರಾಗ್ಜಿತಾಃ ಸ್ಮಃ ಕಿಂ ವೋ ಯುದ್ಧೈರಿತಿ ಬಲಿಗಿರಾ ತೇಽಥ ಪಾತಾಲಮಾಪುಃ ॥8॥
ಪಾಶೈರ್ಬದ್ಧಂ ಪತಗಪತಿನಾ ದೈತ್ಯಮುಚ್ಚೈರವಾದೀ- ಸ್ತಾರ್ತ್ತೀಯೀಕಂ ದಿಶ ಮಮ ಪದಂ ಕಿಂ ನ ವಿಶ್ವೇಶ್ವರೋಽಸಿ । ಪಾದಂ ಮೂರ್ಧ್ನಿ ಪ್ರಣಯ ಭಗವನ್ನಿತ್ಯಕಂಪಂ ವದಂತಂ ಪ್ರಹ್ಲಾದ್ಸ್ತಂ ಸ್ವಯಮುಪಗತೋ ಮಾನಯನ್ನಸ್ತವೀತ್ತ್ವಾಮ್ ॥9॥
ದರ್ಪೋಚ್ಛಿತ್ತ್ಯೈ ವಿಹಿತಮಖಿಲಂ ದೈತ್ಯ ಸಿದ್ಧೋಽಸಿ ಪುಣ್ಯೈ- ರ್ಲೋಕಸ್ತೇಽಸ್ತು ತ್ರಿದಿವವಿಜಯೀ ವಾಸವತ್ವಂ ಚ ಪಶ್ಚಾತ್ । ಮತ್ಸಾಯುಜ್ಯಂ ಭಜ ಚ ಪುನರಿತ್ಯನ್ವಗೃಹ್ಣಾ ಬಲಿಂ ತಂ ವಿಪ್ರೈಸ್ಸಂತಾನಿತಮಖವರಃ ಪಾಹಿ ವಾತಾಲಯೇಶ ॥10॥
നാരായണീയം ദശക 31 - ബലിദര്പഹരണമ് - ഒരു പരിചയം
The thirty-first dashaka of the Narayaneeyam tells how Vamana measured the worlds. Delighted at the sight of the Lord's small form, King Bali bows with folded hands and asks the young brahmana what he desires. Though full of compassion, the Lord, wishing to humble Bali's pride, praises his family and asks for three steps of land. Despite his guru Shukra's warning, Bali gives the gift; the Lord grows to cosmic size and covers earth and heaven in two steps, and Bali offers his own head for the third. Pleased, the Lord tells him that all this was to remove his pride, grants him rule of Sutala, the future rank of Indra, and union with himself.
രചയിതാവ്: Melpathur Narayana Bhattathiri (1560 to 1646)
എപ്പോൾ ജപിക്കാം: In daily Narayaneeyam parayana and at Guruvayur.
നിങ്ങൾക്കറിയാമോ?
- Bali's gift, given even after his guru warned him, makes him a model of the king who keeps his word.
- Onam in Kerala celebrates King Bali's yearly return to visit his people.
പതിവ് ചോദ്യങ്ങൾ
What does Vamana ask for?
Three steps of land.
Where does Bali place the third step?
On his own head.
Who wrote the Narayaneeyam?
Melpathur Narayana Bhattathiri, in 1586.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ