MuhurtaNow

നാരായണീയം ദശക 37 - ശ്രീകൃഷ്ണാവതാരോപക്രമമ്

Vishnu · പരമ്പരാഗത ഭക്തിഗ്രന്ഥം

సాంద్రానందతనో హరే నను పురా దైవాసురే సంగరే త్వత్కృత్తా అపి కర్మశేషవశతో యే తే న యాతా గతిమ్ । తేషాం భూతలజన్మనాం దితిభువాం భారేణ దూరార్దితా భూమిః ప్రాప విరించమాశ్రితపదం దేవైః పురైవాగతైః ॥1॥

హా హా దుర్జనభూరిభారమథితాం పాథోనిధౌ పాతుకా- మేతాం పాలయ హంత మే వివశతాం సంపృచ్ఛ దేవానిమాన్ । ఇత్యాదిప్రచురప్రలాపవివశామాలోక్య ధాతా మహీం దేవానాం వదనాని వీక్ష్య పరితో దధ్యౌ భవంతం హరే ॥2॥

ఊచే చాంబుజభూరమూనయి సురాః సత్యం ధరిత్ర్యా వచో నన్వస్యా భవతాం చ రక్షణవిధౌ దక్షో హి లక్ష్మీపతిః । సర్వే శర్వపురస్సరా వయమితో గత్వా పయోవారిధిం నత్వా తం స్తుమహే జవాదితి యయుః సాకం తవాకేతనమ్ ॥3॥

తే ముగ్ధానిలశాలిదుగ్ధజలధేస్తీరం గతాః సంగతా యావత్త్వత్పదచింతనైకమనసస్తావత్ స పాథోజభూః । త్వద్వాచం హృదయే నిశమ్య సకలానానందయన్నూచివా- నాఖ్యాతః పరమాత్మనా స్వయమహం వాక్యం తదాకర్ణ్యతామ్ ॥4॥

జానే దీనదశామహం దివిషదాం భూమేశ్చ భీమైర్నృపై- స్తత్క్షేపాయ భవామి యాదవకులే సోఽహం సమగ్రాత్మనా । దేవా వృష్ణికులే భవంతు కలయా దేవాంగనాశ్చావనౌ మత్సేవార్థమితి త్వదీయవచనం పాథోజభూరూచివాన్ ॥5॥

శ్రుత్వా కర్ణరసాయనం తవ వచః సర్వేషు నిర్వాపిత- స్వాంతేష్వీశ గతేషు తావకకృపాపీయూషతృప్తాత్మసు । విఖ్యాతే మధురాపురే కిల భవత్సాన్నిధ్యపుణ్యోత్తరే ధన్యాం దేవకనందనాముదవహద్రాజా స శూరాత్మజః ॥6॥

ఉద్వాహావసితౌ తదీయసహజః కంసోఽథ సమ్మానయ- న్నేతౌ సూతతయా గతః పథి రథే వ్యోమోత్థయా త్వద్గిరా । అస్యాస్త్వామతిదుష్టమష్టమసుతో హంతేతి హంతేరితః సంత్రాసాత్ స తు హంతుమంతికగతాం తన్వీం కృపాణీమధాత్ ॥7॥

గృహ్ణానశ్చికురేషు తాం ఖలమతిః శౌరేశ్చిరం సాంత్వనై- ర్నో ముంచన్ పునరాత్మజార్పణగిరా ప్రీతోఽథ యాతో గృహాన్ । ఆద్యం త్వత్సహజం తథాఽర్పితమపి స్నేహేన నాహన్నసౌ దుష్టానామపి దేవ పుష్టకరుణా దృష్టా హి ధీరేకదా ॥8॥

తావత్త్వన్మనసైవ నారదమునిః ప్రోచే స భోజేశ్వరం యూయం నన్వసురాః సురాశ్చ యదవో జానాసి కిం న ప్రభో । మాయావీ స హరిర్భవద్వధకృతే భావీ సురప్రార్థనా- దిత్యాకర్ణ్య యదూనదూధునదసౌ శౌరేశ్చ సూనూనహన్ ॥9॥

ప్రాప్తే సప్తమగర్భతామహిపతౌ త్వత్ప్రేరణాన్మాయయా నీతే మాధవ రోహిణీం త్వమపి భోఃసచ్చిత్సుఖైకాత్మకః । దేవక్యా జఠరం వివేశిథ విభో సంస్తూయమానః సురైః స త్వం కృష్ణ విధూయ రోగపటలీం భక్తిం పరాం దేహి మే ॥10॥

നാരായണീയം ദശക 37 - ശ്രീകൃഷ്ണാവതാരോപക്രമമ് - ഒരു പരിചയം

The thirty-seventh dashaka of the Narayaneeyam begins the story of Krishna's birth. The Earth, crushed by the weight of wicked kings born of demons, goes with Brahma and the gods to the ocean of milk and cries for help, and the Lord promises to be born on earth. Devaki is married to Vasudeva; a voice from the sky warns Kamsa that her eighth child will kill him, and he imprisons them and kills their first six sons. At the Lord's command Yogamaya moves the seventh child, Balarama, to Rohini's womb, and the Lord himself, pure being, awareness and bliss, enters Devaki's womb, praised by the gods.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • This dashaka begins the tenth book of the Bhagavatam story in the Narayaneeyam.
  • Balarama is called Sankarshana because he was "drawn" from Devaki's womb to Rohini's.

പതിവ് ചോദ്യങ്ങൾ

Why does the Earth seek help?

She is crushed by the weight of wicked kings.

How is Balarama saved?

Yogamaya moves him to Rohini's womb.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.