നാരായണീയം ദശക 39 - യോഗമായാ പ്രാദുര്ഭാവം തഥാ ഗോകുലേ കൃഷ്ണജന്മോത്സവമ്
Vishnu · പരമ്പരാഗത ഭക്തിഗ്രന്ഥം
भवंतमयमुद्वहन् यदुकुलोद्वहो निस्सरन् ददर्श गगनोच्चलज्जलभरां कलिंदात्मजाम् । अहो सलिलसंचयः स पुनरैंद्रजालोदितो जलौघ इव तत्क्षणात् प्रपदमेयतामाययौ ॥1॥
प्रसुप्तपशुपालिकां निभृतमारुदद्बालिका- मपावृतकवाटिकां पशुपवाटिकामाविशन् । भवंतमयमर्पयन् प्रसवतल्पके तत्पदा- द्वहन् कपटकन्यकां स्वपुरमागतो वेगतः ॥2॥
ततस्त्वदनुजारवक्षपितनिद्रवेगद्रवद्- भटोत्करनिवेदितप्रसववार्तयैवार्तिमान् । विमुक्तचिकुरोत्करस्त्वरितमापतन् भोजरा- डतुष्ट इव दृष्टवान् भगिनिकाकरे कन्यकाम् ॥3॥
ध्रुवं कपटशालिनो मधुहरस्य माया भवे- दसाविति किशोरिकां भगिनिकाकरालिंगिताम् । द्विपो नलिनिकांतरादिव मृणालिकामाक्षिप- न्नयं त्वदनुजामजामुपलपट्टके पिष्टवान् ॥4॥
ततः भवदुपासको झटिति मृत्युपाशादिव प्रमुच्य तरसैव सा समधिरूढरूपांतरा । अधस्तलमजग्मुषी विकसदष्टबाहुस्फुर- न्महायुधमहो गता किल विहायसा दिद्युते ॥5॥
नृशंसतर कंस ते किमु मया विनिष्पिष्टया बभूव भवदंतकः क्वचन चिंत्यतां ते हितम् । इति त्वदनुजा विभो खलमुदीर्य तं जग्मुषी मरुद्गणपणायिता भुवि च मंदिराण्येयुषी ॥6॥
प्रगे पुनरगात्मजावचनमीरिता भूभुजा प्रलंबबकपूतनाप्रमुखदानवा मानिनः । भवन्निधनकाम्यया जगति बभ्रमुर्निर्भयाः कुमारकविमारकाः किमिव दुष्करं निष्कृपैः ॥7॥
ततः पशुपमंदिरे त्वयि मुकुंद नंदप्रिया- प्रसूतिशयनेशये रुदति किंचिदंचत्पदे । विबुध्य वनिताजनैस्तनयसंभवे घोषिते मुदा किमु वदाम्यहो सकलमाकुलं गोकुलम् ॥8॥
अहो खलु यशोदया नवकलायचेतोहरं भवंतमलमंतिके प्रथममापिबंत्या दृशा । पुनः स्तनभरं निजं सपदि पाययंत्या मुदा मनोहरतनुस्पृशा जगति पुण्यवंतो जिताः ॥9॥
भवत्कुशलकाम्यया स खलु नंदगोपस्तदा प्रमोदभरसंकुलो द्विजकुलाय किन्नाददात् । तथैव पशुपालकाः किमु न मंगलं तेनिरे जगत्त्रितयमंगल त्वमिह पाहि मामामयात् ॥10॥
നാരായണീയം ദശക 39 - യോഗമായാ പ്രാദുര്ഭാവം തഥാ ഗോകുലേ കൃഷ്ണജന്മോത്സവമ് - ഒരു പരിചയം
The thirty-ninth dashaka of the Narayaneeyam tells how Vasudeva carried the newborn Krishna to Gokula. Carrying the baby, he came out of the prison and saw the Yamuna in full flood; but the waters parted like a magic show and let him pass. He entered Nanda's cowherd settlement where all lay asleep, the doors open, left Krishna beside Yashoda and took her baby girl back. The next morning Nanda, overjoyed, gave gifts to all, and the cowherds celebrated.
രചയിതാവ്: Melpathur Narayana Bhattathiri (1560 to 1646)
എപ്പോൾ ജപിക്കാം: In daily Narayaneeyam parayana, at Guruvayur, and on Krishna Janmashtami.
നിങ്ങൾക്കറിയാമോ?
- The baby girl Vasudeva brought back was Yogamaya, who slipped from Kamsa's hands and warned him that his slayer was already born.
- Krishna's birth festival in Gokula, Nandotsava, is celebrated the day after Janmashtami.
പതിവ് ചോദ്യങ്ങൾ
What happens in this dashaka?
Vasudeva carries baby Krishna across the Yamuna to Gokula.
Whom does he bring back?
Yashoda's baby daughter, Yogamaya.
Who wrote the Narayaneeyam?
Melpathur Narayana Bhattathiri, in 1586.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ