MuhurtaNow

നാരായണീയം ദശക 50 - വത്സാസുര-ബകാസുരയോഃ വധമ്

Vishnu · പരമ്പരാഗത ഭക്തിഗ്രന്ഥം

तरलमधुकृत् वृंदे वृंदावनेऽथ मनोहरे पशुपशिशुभिः साकं वत्सानुपालनलोलुपः । हलधरसखो देव श्रीमन् विचेरिथ धारयन् गवलमुरलीवेत्रं नेत्राभिरामतनुद्युतिः ॥1॥

विहितजगतीरक्षं लक्ष्मीकरांबुजलालितं ददति चरणद्वंद्वं वृंदावने त्वयि पावने । किमिव न बभौ संपत्संपूरितं तरुवल्लरी- सलिलधरणीगोत्रक्षेत्रादिकं कमलापते ॥2॥

विलसदुलपे कांतारांते समीरणशीतले विपुलयमुनातीरे गोवर्धनाचलमूर्धसु । ललितमुरलीनादः संचारयन् खलु वात्सकं क्वचन दिवसे दैत्यं वत्साकृतिं त्वमुदैक्षथाः ॥3॥

रभसविलसत्पुच्छं विच्छायतोऽस्य विलोकयन् किमपि वलितस्कंधं रंध्रप्रतीक्षमुदीक्षितम् । तमथ चरणे बिभ्रद्विभ्रामयन् मुहुरुच्चकैः कुहचन महावृक्षे चिक्षेपिथ क्षतजीवितम् ॥4॥

निपतति महादैत्ये जात्या दुरात्मनि तत्क्षणं निपतनजवक्षुण्णक्षोणीरुहक्षतकानने । दिवि परिमिलत् वृंदा वृंदारकाः कुसुमोत्करैः शिरसि भवतो हर्षाद्वर्षंति नाम तदा हरे ॥5॥

सुरभिलतमा मूर्धन्यूर्ध्वं कुतः कुसुमावली निपतति तवेत्युक्तो बालैः सहेलमुदैरयः । झटिति दनुजक्षेपेणोर्ध्वं गतस्तरुमंडलात् कुसुमनिकरः सोऽयं नूनं समेति शनैरिति ॥6॥

क्वचन दिवसे भूयो भूयस्तरे परुषातपे तपनतनयापाथः पातुं गता भवदादयः । चलितगरुतं प्रेक्षामासुर्बकं खलु विस्म्रृतं क्षितिधरगरुच्छेदे कैलासशैलमिवापरम् ॥7॥

पिबति सलिलं गोपव्राते भवंतमभिद्रुतः स किल निगिलन्नग्निप्रख्यं पुनर्द्रुतमुद्वमन् । दलयितुमगात्त्रोट्याः कोट्या तदाऽऽशु भवान् विभो खलजनभिदाचुंचुश्चंचू प्रगृह्य ददार तम् ॥8॥

सपदि सहजां संद्रष्टुं वा मृतां खलु पूतना- मनुजमघमप्यग्रे गत्वा प्रतीक्षितुमेव वा । शमननिलयं याते तस्मिन् बके सुमनोगणे किरति सुमनोवृंदं वृंदावनात् गृहमैयथाः ॥9॥

ललितमुरलीनादं दूरान्निशम्य वधूजनै- स्त्वरितमुपगम्यारादारूढमोदमुदीक्षितः । जनितजननीनंदानंदः समीरणमंदिर- प्रथितवसते शौरे दूरीकुरुष्व ममामयान् ॥10॥

നാരായണീയം ദശക 50 - വത്സാസുര-ബകാസുരയോഃ വധമ് - ഒരു പരിചയം

The fiftieth dashaka of the Narayaneeyam tells of Krishna's life as a young cowherd in Vrindavana and the slaying of Vatsasura and Bakasura. With Balarama and the cowherd boys, Krishna tends the calves in lovely Vrindavana, humming with bees; the earth is blessed by the touch of his feet. A demon disguised as a calf joins the herd, and Krishna whirls him by the legs and kills him; then the demon Baka, a huge crane, swallows Krishna, who burns his throat and tears his beak apart. In the evening the women hear his flute from afar and run to see him, and his mother is filled with joy.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • Vatsasura and Bakasura were sent by Kamsa to kill the child Krishna.
  • The image of the gopis running at the sound of the distant flute at dusk is one of the tender scenes of the Narayaneeyam.

പതിവ് ചോദ്യങ്ങൾ

Which demons are slain here?

Vatsasura, disguised as a calf, and Bakasura, a giant crane.

How did Krishna kill Vatsasura?

He whirled him by the legs.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.