MuhurtaNow

നാരായണീയം ദശക 59 - വേണുഗാനവര്ണനമ്

Vishnu · പരമ്പരാഗത ഭക്തിഗ്രന്ഥം

त्वद्वपुर्नवकलायकोमलं प्रेमदोहनमशेषमोहनम् । ब्रह्म तत्त्वपरचिन्मुदात्मकं वीक्ष्य सम्मुमुहुरन्वहं स्त्रियः ॥1॥

मन्मथोन्मथितमानसाः क्रमात्त्वद्विलोकनरतास्ततस्ततः । गोपिकास्तव न सेहिरे हरे काननोपगतिमप्यहर्मुखे ॥2॥

निर्गते भवति दत्तदृष्टयस्त्वद्गतेन मनसा मृगेक्षणाः । वेणुनादमुपकर्ण्य दूरतस्त्वद्विलासकथयाऽभिरेमिरे ॥3॥

काननांतमितवान् भवानपि स्निग्धपादपतले मनोरमे । व्यत्ययाकलितपादमास्थितः प्रत्यपूरयत वेणुनालिकाम् ॥4॥

मारबाणधुतखेचरीकुलं निर्विकारपशुपक्षिमंडलम् । द्रावणं च दृषदामपि प्रभो तावकं व्यजनि वेणुकूजितम् ॥5॥

वेणुरंध्रतरलांगुलीदलं तालसंचलितपादपल्लवम् । तत् स्थितं तव परोक्षमप्यहो संविचिंत्य मुमुहुर्व्रजांगनाः ॥6॥

निर्विशंकभवदंगदर्शिनीः खेचरीः खगमृगान् पशूनपि । त्वत्पदप्रणयि काननं च ताः धन्यधन्यमिति नन्वमानयन् ॥7॥

आपिबेयमधरामृतं कदा वेणुभुक्तरसशेषमेकदा । दूरतो बत कृतं दुराशयेत्याकुला मुहुरिमाः समामुहन् ॥8॥

प्रत्यहं च पुनरित्थमंगनाश्चित्तयोनिजनितादनुग्रहात् । बद्धरागविवशास्त्वयि प्रभो नित्यमापुरिह कृत्यमूढताम् ॥9॥

रागस्तावज्जायते हि स्वभावा- न्मोक्षोपायो यत्नतः स्यान्न वा स्यात् । तासां त्वेकं तद्द्वयं लब्धमासीत् भाग्यं भाग्यं पाहि मां मारुतेश ॥10॥

നാരായണീയം ദശക 59 - വേണുഗാനവര്ണനമ് - ഒരു പരിചയം

The fifty-ninth dashaka of the Narayaneeyam describes the power of Krishna's flute. Seeing his body, tender as a fresh kalaya flower, the embodiment of love that charms all and is in truth Brahman, pure awareness and bliss, the gopis are lost in wonder day after day. They cannot bear even his going into the forest with the cows. When he plays the flute there, its music flows over all of Vrindavana: the cows stand still with grass in their mouths, the calves forget to drink, the deer and birds gather, the rivers slow their flow, and the gopis, hearing it from afar, forget their work and long only for him.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • This dashaka follows the Venu Gita, "song of the flute", in the Bhagavatam, book 10, chapter 21.
  • Krishna's flute is seen in devotion as the call of the Lord to every soul.

പതിവ് ചോദ്യങ്ങൾ

What does this dashaka describe?

The enchanting power of Krishna's flute.

How do the cows react to the flute?

They stand still with grass in their mouths.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.