MuhurtaNow

നാരായണീയം ദശക 85 - ജരാസംധവധം - ശിശുപാലവധമ്

Vishnu · പരമ്പരാഗത ഭക്തിഗ്രന്ഥം

തതോ മഗധഭൂഭൃതാ ചിരനിരോധസംക്ലേശിതം ശതാഷ്ടകയുതായുതദ്വിതയമീശ ഭൂമീഭൃതാമ് । അനാഥശരണായ തേ കമപി പൂരുഷം പ്രാഹിണോ- ദയാചത സ മാഗധക്ഷപണമേവ കിം ഭൂയസാ ॥1॥

യിയാസുരഭിമാഗധം തദനു നാരദോദീരിതാ- ദ്യുധിഷ്ഠിരമഖോദ്യമാദുഭയകാര്യപര്യാകുലഃ । വിരുദ്ധജയിനോഽധ്വരാദുഭയസിദ്ധിരിത്യുദ്ധവേ ശശംസുഷി നിജൈഃ സമം പുരമിയേഥ യൌധിഷ്ഠിരീമ് ॥2॥

അശേഷദയിതായുതേ ത്വയി സമാഗതേ ധര്മജോ വിജിത്യ സഹജൈര്മഹീം ഭവദപാംഗസംവര്ധിതൈഃ । ശ്രിയം നിരുപമാം വഹന്നഹഹ ഭക്തദാസായിതം ഭവംതമയി മാഗധേ പ്രഹിതവാന് സഭീമാര്ജുനമ് ॥3॥

ഗിരിവ്രജപുരം ഗതാസ്തദനു ദേവ യൂയം ത്രയോ യയാച സമരോത്സവം ദ്വിജമിഷേണ തം മാഗധമ് । അപൂര്ണസുകൃതം ത്വമും പവനജേന സംഗ്രാമയന് നിരീക്ഷ്യ സഹ ജിഷ്ണുനാ ത്വമപി രാജയുദ്ധ്വാ സ്ഥിതഃ ॥4॥

അശാംതസമരോദ്ധതം ബിടപപാടനാസംജ്ഞയാ നിപാത്യ ജരരസ്സുതം പവനജേന നിഷ്പാടിതമ് । വിമുച്യ നൃപതീന് മുദാ സമനുഗൃഹ്യ ഭക്തിം പരാം ദിദേശിഥ ഗതസ്പൃഹാനപി ച ധര്മഗുപ്ത്യൈ ഭുവഃ ॥5॥

പ്രചക്രുഷി യുധിഷ്ഠിരേ തദനു രാജസൂയാധ്വരം പ്രസന്നഭൃതകീഭവത്സകലരാജകവ്യാകുലമ് । ത്വമപ്യയി ജഗത്പതേ ദ്വിജപദാവനേജാദികം ചകര്ഥ കിമു കഥ്യതേ നൃപവരസ്യ ഭാഗ്യോന്നതിഃ ॥6॥

തതഃ സവനകര്മണി പ്രവരമഗ്ര്യപൂജാവിധിം വിചാര്യ സഹദേവവാഗനുഗതഃ സ ധര്മാത്മജഃ । വ്യധത്ത ഭവതേ മുദാ സദസി വിശ്വഭൂതാത്മനേ തദാ സസുരമാനുഷം ഭുവനമേവ തൃപ്തിം ദധൌ ॥7॥

തതഃ സപദി ചേദിപോ മുനിനൃപേഷു തിഷ്ഠത്സ്വഹോ സഭാജയതി കോ ജഡഃ പശുപദുര്ദുരൂടം വടുമ് । ഇതി ത്വയി സ ദുർവചോവിതതിമുദ്വമന്നാസനാ- ദുദാപതദുദായുധഃ സമപതന്നമും പാംഡവാഃ ॥8॥

നിവാര്യ നിജപക്ഷഗാനഭിമുഖസ്യവിദ്വേഷിണ- സ്ത്വമേവ ജഹൃഷേ ശിരോ ദനുജദാരിണാ സ്വാരിണാ । ജനുസ്ത്രിതയലബ്ധയാ സതതചിംതയാ ശുദ്ധധീ- സ്ത്വയാ സ പരമേകതാമധൃത യോഗിനാം ദുര്ലഭാമ് ॥9॥

തതഃ സുമഹിതേ ത്വയാ ക്രതുവരേ നിരൂഢേ ജനോ യയൌ ജയതി ധര്മജോ ജയതി കൃഷ്ണ ഇത്യാലപന്। ഖലഃ സ തു സുയോധനോ ധുതമനാസ്സപത്നശ്രിയാ മയാര്പിതസഭാമുഖേ സ്ഥലജലഭ്രമാദഭ്രമീത് ॥10॥

തദാ ഹസിതമുത്ഥിതം ദ്രുപദനംദനാഭീമയോ- രപാംഗകലയാ വിഭോ കിമപി താവദുജ്ജൃംഭയന് । ധരാഭരനിരാകൃതൌ സപദി നാമ ബീജം വപന് ജനാര്ദന മരുത്പുരീനിലയ പാഹി മാമാമയാത് ॥11॥

നാരായണീയം ദശക 85 - ജരാസംധവധം - ശിശുപാലവധമ് - ഒരു പരിചയം

The eighty-fifth dashaka of the Narayaneeyam tells of the slaying of Jarasandha. A messenger comes from the twenty thousand eight hundred kings long imprisoned by Jarasandha, king of Magadha, seeking Krishna, the refuge of the helpless. At the same time Narada brings word of Yudhishthira's wish to perform the Rajasuya sacrifice. On Uddhava's advice Krishna goes to Indraprastha, and then with Bhima and Arjuna, disguised as brahmanas, to Magadha; Bhima fights Jarasandha for many days, and at Krishna's sign splits him in two. The kings are freed, and the dashaka ends with the laughter of Bhima and Draupadi at Duryodhana in the hall of illusions, a seed of the great war.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • Krishna showed Bhima how to defeat Jarasandha by splitting a blade of grass in two and throwing the halves apart.
  • Jarasandha was born in two halves joined by the demoness Jara, which is why he could be killed only by being split apart.

പതിവ് ചോദ്യങ്ങൾ

Who kills Jarasandha?

Bhima, at Krishna's sign.

How many kings were freed?

Twenty thousand eight hundred, as the text says.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.