MuhurtaNow

നാരായണീയം ദശക 86 - സാല്വവധം മഹാഭാരതയുദ്ധമ്

Vishnu · പരമ്പരാഗത ഭക്തിഗ്രന്ഥം

సాల్వో భైష్మీవివాహే యదుబలవిజితశ్చంద్రచూడాద్విమానం విందన్ సౌభం స మాయీ త్వయి వసతి కురుంస్త్వత్పురీమభ్యభాంక్షీత్ । ప్రద్యుమ్నస్తం నిరుంధన్నిఖిలయదుభటైర్న్యగ్రహీదుగ్రవీర్యం తస్యామాత్యం ద్యుమంతం వ్యజని చ సమరః సప్తవింశత్యహాంతః ॥1॥

తావత్త్వం రామశాలీ త్వరితముపగతః ఖండితప్రాయసైన్యం సౌభేశం తం న్యరుంధాః స చ కిల గదయా శార్ఙ్గమభ్రంశయత్తే । మాయాతాతం వ్యహింసీదపి తవ పురతస్తత్త్వయాపి క్షణార్ధం నాజ్ఞాయీత్యాహురేకే తదిదమవమతం వ్యాస ఏవ న్యషేధీత్ ॥2॥

క్షిప్త్వా సౌభం గదాచూర్ణితముదకనిధౌ మంక్షు సాల్వేఽపి చక్రే- ణోత్కృత్తే దంతవక్త్రః ప్రసభమభిపతన్నభ్యముంచద్గదాం తే । కౌమోదక్యా హతోఽసావపి సుకృతనిధిశ్చైద్యవత్ప్రాపదైక్యం సర్వేషామేష పూర్వం త్వయి ధృతమనసాం మోక్షణార్థోఽవతారః ॥3॥

త్వయ్యాయాతేఽథ జాతే కిల కురుసదసి ద్యూతకే సంయతాయాః క్రందంత్యా యాజ్ఞసేన్యాః సకరుణమకృథాశ్చేలమాలామనంతామ్ । అన్నాంతప్రాప్తశర్వాంశజమునిచకితద్రౌపదీచింతితోఽథ ప్రాప్తః శాకాన్నమశ్నన్ మునిగణమకృథాస్తృప్తిమంతం వనాంతే ॥4॥

యుద్ధోద్యోగేఽథ మంత్రే మిలతి సతి వృతః ఫల్గునేన త్వమేకః కౌరవ్యే దత్తసైన్యః కరిపురమగమో దూత్యకృత్ పాండవార్థమ్ । భీష్మద్రోణాదిమాన్యే తవ ఖలు వచనే ధిక్కృతే కౌరవేణ వ్యావృణ్వన్ విశ్వరూపం మునిసదసి పురీం క్షోభయిత్వాగతోఽభూః ॥5॥

జిష్ణోస్త్వం కృష్ణ సూతః ఖలు సమరముఖే బంధుఘాతే దయాలుం ఖిన్నం తం వీక్ష్య వీరం కిమిదమయి సఖే నిత్య ఏకోఽయమాత్మా । కో వధ్యః కోఽత్ర హంతా తదిహ వధభియం ప్రోజ్ఝ్య మయ్యర్పితాత్మా ధర్మ్యం యుద్ధం చరేతి ప్రకృతిమనయథా దర్శయన్ విశ్వరూపమ్ ॥6॥

భక్తోత్తంసేఽథ భీష్మే తవ ధరణిభరక్షేపకృత్యైకసక్తే నిత్యం నిత్యం విభిందత్యయుతసమధికం ప్రాప్తసాదే చ పార్థే । నిశ్శస్త్రత్వప్రతిజ్ఞాం విజహదరివరం ధారయన్ క్రోధశాలీ- వాధావన్ ప్రాంజలిం తం నతశిరసమథో వీక్ష్య మోదాదపాగాః ॥7॥

యుద్ధే ద్రోణస్య హస్తిస్థిరరణభగదత్తేరితం వైష్ణవాస్త్రం వక్షస్యాధత్త చక్రస్థగితరవిమహాః ప్రార్దయత్సింధురాజమ్ । నాగాస్త్రే కర్ణముక్తే క్షితిమవనమయన్ కేవలం కృత్తమౌలిం తత్రే త్రాపి పార్థం కిమివ నహి భవాన్ పాండవానామకార్షీత్ ॥8॥

యుద్ధాదౌ తీర్థగామీ స ఖలు హలధరో నైమిశక్షేత్రమృచ్ఛ- న్నప్రత్యుత్థాయిసూతక్షయకృదథ సుతం తత్పదే కల్పయిత్వా । యజ్ఞఘ్నం వల్కలం పర్వణి పరిదలయన్ స్నాతతీర్థో రణాంతే సంప్రాప్తో భీమదుర్యోధనరణమశమం వీక్ష్య యాతః పురీం తే ॥9॥

సంసుప్తద్రౌపదేయక్షపణహతధియం ద్రౌణిమేత్య త్వదుక్త్యా తన్ముక్తం బ్రాహ్మమస్త్రం సమహృత విజయో మౌలిరత్నం చ జహ్రే । ఉచ్ఛిత్యై పాండవానాం పునరపి చ విశత్యుత్తరాగర్భమస్త్రే రక్షన్నంగుష్ఠమాత్రః కిల జఠరమగాశ్చక్రపాణిర్విభో త్వమ్ ॥10॥

ధర్మౌఘం ధర్మసూనోరభిదధదఖిలం ఛందమృత్యుస్స భీష్మ- స్త్వాం పశ్యన్ భక్తిభూమ్నైవ హి సపది యయౌ నిష్కలబ్రహ్మభూయమ్ । సంయాజ్యాథాశ్వమేధైస్త్రిభిరతిమహితైర్ధర్మజం పూర్ణకామం సంప్రాప్తో ద్వరకాం త్వం పవనపురపతే పాహి మాం సర్వరోగాత్ ॥11॥

നാരായണീയം ദശക 86 - സാല്വവധം മഹാഭാരതയുദ്ധമ് - ഒരു പരിചയം

Dashaka 86 of the Narayaneeyam begins with Salva, who attacks Dvaraka from his magical flying city Saubha while Krishna is away, and is defeated. It moves to the great war of the Mahabharata and its end: Bhishma, teaching Yudhishthira all of dharma and gazing at the Lord, merges into Brahman; Yudhishthira performs three horse sacrifices; and Krishna returns to Dvaraka.

രചയിതാവ്: Melpathur Narayana Bhattathiri (1560 to 1646)

എപ്പോൾ ജപിക്കാം: In daily Narayaneeyam parayana and at Guruvayur.

നിങ്ങൾക്കറിയാമോ?

  • Each dashaka ends with a prayer to the Lord of Guruvayur (Vatalayesha, Marutpuresha).
  • The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.

പതിവ് ചോദ്യങ്ങൾ

Who was Salva?

A king who attacked Dvaraka from the flying city Saubha.

How does Bhishma's life end here?

After teaching Yudhishthira, he merges into Brahman while gazing at Krishna.

Who wrote the Narayaneeyam?

Melpathur Narayana Bhattathiri, in 1586.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.