നിര്ഗുണ മാനസ പൂജാ
Shiva · പരമ്പരാഗത ഭക്തിഗ്രന്ഥം
ശിഷ്യ ഉവാച
അഖംഡേ സച്ചിദാനംദേ നിർവികല്പൈകരൂപിണി । സ്ഥിതേഽദ്വിതീയഭാവേഽപി കഥം പൂജാ വിധീയതേ ॥ 1
പൂര്ണസ്യാവാഹനം കുത്ര സർവാധാരസ്യ ചാസനമ് । സ്വച്ഛസ്യ പാദ്യമര്ഘ്യം ച ശുദ്ധസ്യാചമനം കുതഃ ॥ 2 ॥
നിര്മലസ്യ കുതഃ സ്നാനം വാസോ വിശ്വോദരസ്യ ച । അഗോത്രസ്യ ത്വവര്ണസ്യ കുതസ്തസ്യോപവീതകമ് ॥ 3 ॥
നിര്ലേപസ്യ കുതോ ഗംധഃ പുഷ്പം നിർവാസനസ്യ ച । നിർവിശേഷസ്യ കാ ഭൂഷാ കോഽലംകാരോ നിരാകൃതേഃ ॥ 4 ॥
നിരംജനസ്യ കിം ധൂപൈര്ദീപൈർവാ സർവസാക്ഷിണഃ । നിജാനംദൈകതൃപ്തസ്യ നൈവേദ്യം കിം ഭവേദിഹ ॥ 5 ॥
വിശ്വാനംദയിതുസ്തസ്യ കിം താംബൂലം പ്രകല്പതേ । സ്വയംപ്രകാശചിദ്രൂപോ യോഽസാവര്കാദിഭാസകഃ ॥ 6 ॥
ഗീയതേ ശ്രുതിഭിസ്തസ്യ നീരാജനവിധിഃ കുതഃ । പ്രദക്ഷിണമനംതസ്യ പ്രണാമോഽദ്വയവസ്തുനഃ ॥ 7 ॥
വേദവാചാമവേദ്യസ്യ കിം വാ സ്തോത്രം വിധീയതേ । അംതര്ബഹിഃ സംസ്ഥിതസ്യ ഉദ്വാസനവിധിഃ കുതഃ ॥ 8 ॥
ശ്രീ ഗുരുരുവാച
ആരാധയാമി മണിസംനിഭമാത്മലിംഗമ് മായാപുരീഹൃദയപംകജസംനിവിഷ്ടമ് । ശ്രദ്ധാനദീവിമലചിത്തജലാഭിഷേകൈ- ര്നിത്യം സമാധികുസുമൈര്നപുനര്ഭവായ ॥ 9
അയമേകോഽവശിഷ്ടോഽസ്മീത്യേവമാവാഹയേച്ഛിവമ് । ആസനം കല്പയേത്പശ്ചാത്സ്വപ്രതിഷ്ഠാത്മചിംതനമ് ॥ 10 ॥
പുണ്യപാപരജഃസംഗോ മമ നാസ്തീതി വേദനമ് । പാദ്യം സമര്പയേദ്വിദ്വന്സർവകല്മഷനാശനമ് ॥ 11 ॥
അനാദികല്പവിധൃതമൂലാജ്ഞാനജലാംജലിമ് । വിസൃജേദാത്മലിംഗസ്യ തദേവാര്ഘ്യസമര്പണമ് ॥ 12 ॥
ബ്രഹ്മാനംദാബ്ധികല്ലോലകണകോട്യംശലേശകമ് । പിബംതീംദ്രാദയ ഇതി ധ്യാനമാചമനം മതമ് ॥ 13 ॥
ബ്രഹ്മാനംദജലേനൈവ ലോകാഃ സർവേ പരിപ്ലുതാഃ । അച്ഛേദ്യോഽയമിതി ധ്യാനമഭിഷേചനമാത്മനഃ ॥ 14 ॥
നിരാവരണചൈതന്യം പ്രകാശോഽസ്മീതി ചിംതനമ് । ആത്മലിംഗസ്യ സദ്വസ്ത്രമിത്യേവം ചിംതയേന്മുനിഃ ॥ 15 ॥
ത്രിഗുണാത്മാശേഷലോകമാലികാസൂത്രമസ്മ്യഹമ് । ഇതി നിശ്ചയമേവാത്ര ഹ്യുപവീതം പരം മതമ് ॥ 16 ॥
അനേകവാസനാമിശ്രപ്രപംചോഽയം ധൃതോ മയാ । നാന്യേനേത്യനുസംധാനമാത്മനശ്ചംദനം ഭവേത് ॥ 17 ॥
രജഃസത്ത്വതമോവൃത്തിത്യാഗരൂപൈസ്തിലാക്ഷതൈഃ । ആത്മലിംഗം യജേന്നിത്യം ജീവന്മുക്തിപ്രസിദ്ധയേ ॥ 18 ॥
ഈശ്വരോ ഗുരുരാത്മേതി ഭേദത്രയവിവര്ജിതൈഃ । ബില്വപത്രൈരദ്വിതീയൈരാത്മലിംഗം യജേച്ഛിവമ് ॥ 19 ॥
സമസ്തവാസനാത്യാഗം ധൂപം തസ്യ വിചിംതയേത് । ജ്യോതിര്മയാത്മവിജ്ഞാനം ദീപം സംദര്ശയേദ്ബുധഃ ॥ 20 ॥
നൈവേദ്യമാത്മലിംഗസ്യ ബ്രഹ്മാംഡാഖ്യം മഹോദനമ് । പിബാനംദരസം സ്വാദു മൃത്യുരസ്യോപസേചനമ് ॥ 21 ॥
അജ്ഞാനോച്ഛിഷ്ടകരസ്യ ക്ഷാലനം ജ്ഞാനവാരിണാ । വിശുദ്ധസ്യാത്മലിംഗസ്യ ഹസ്തപ്രക്ഷാലനം സ്മരേത് ॥ 22 ॥
രാഗാദിഗുണശൂന്യസ്യ ശിവസ്യ പരമാത്മനഃ । സരാഗവിഷയാഭ്യാസത്യാഗസ്താംബൂലചർവണമ് ॥ 23 ॥
അജ്ഞാനധ്വാംതവിധ്വംസപ്രചംഡമതിഭാസ്കരമ് । ആത്മനോ ബ്രഹ്മതാജ്ഞാനം നീരാജനമിഹാത്മനഃ ॥ 24 ॥
വിവിധബ്രഹ്മസംദൃഷ്ടിര്മാലികാഭിരലംകൃതമ് । പൂര്ണാനംദാത്മതാദൃഷ്ടിം പുഷ്പാംജലിമനുസ്മരേത് ॥ 25 ॥
പരിഭ്രമംതി ബ്രഹ്മാംഡസഹസ്രാണി മയീശ്വരേ । കൂടസ്ഥാചലരൂപോഽഹമിതി ധ്യാനം പ്രദക്ഷിണമ് ॥ 26 ॥
വിശ്വവംദ്യോഽഹമേവാസ്മി നാസ്തി വംദ്യോ മദന്യതഃ । ഇത്യാലോചനമേവാത്ര സ്വാത്മലിംഗസ്യ വംദനമ് ॥ 27 ॥
ആത്മനഃ സത്ക്രിയാ പ്രോക്താ കര്തവ്യാഭാവഭാവനാ । നാമരൂപവ്യതീതാത്മചിംതനം നാമകീര്തനമ് ॥ 28 ॥
ശ്രവണം തസ്യ ദേവസ്യ ശ്രോതവ്യാഭാവചിംതനമ് । മനനം ത്വാത്മലിംഗസ്യ മംതവ്യാഭാവചിംതനമ് ॥ 29 ॥
ധ്യാതവ്യാഭാവവിജ്ഞാനം നിദിധ്യാസനമാത്മനഃ । സമസ്തഭ്രാംതിവിക്ഷേപരാഹിത്യേനാത്മനിഷ്ഠതാ ॥ 30 ॥
സമാധിരാത്മനോ നാമ നാന്യച്ചിത്തസ്യ വിഭ്രമഃ । തത്രൈവ ബഹ്മണി സദാ ചിത്തവിശ്രാംതിരിഷ്യതേ ॥ 31 ॥
ഏവം വേദാംതകല്പോക്തസ്വാത്മലിംഗപ്രപൂജനമ് । കുർവന്നാ മരണം വാപി ക്ഷണം വാ സുസമാഹിതഃ ॥ 32 ॥
സർവദുർവാസനാജാലം പദപാംസുമിവ ത്യജേത് । വിധൂയാജ്ഞാനദുഃഖൌഘം മോക്ഷാനംദം സമശ്നുതേ ॥ 33 ॥
നിര്ഗുണ മാനസ പൂജാ - ഒരു പരിചയം
The Nirguna Manasa Puja, "mental worship of the formless", is an Advaita dialogue on how to worship the Absolute. The disciple asks: in the undivided Being, Consciousness and Bliss, free of all division, how can worship be done? Where is the invocation for the one who is full, the seat for the support of all, the water for washing the feet of the pure? The teacher replies by turning each step of puja into contemplation of the Self, and concludes that one who casts off all wrong tendencies like dust from the feet enjoys the bliss of liberation.
രചയിതാവ്: Traditionally attributed to Adi Shankaracharya
എപ്പോൾ ജപിക്കാം: For study and reflection, especially in Vedanta classes.
നിങ്ങൾക്കറിയാമോ?
- It is traditionally attributed to Adi Shankaracharya.
- Its 33 verses take each of the usual offerings of puja and show what it means for the formless Self.
പതിവ് ചോദ്യങ്ങൾ
What does "Nirguna Manasa Puja" mean?
"Mental worship of the formless" Absolute.
What question does it ask?
How worship can be offered to the formless, all-pervading Brahman.
How is it answered?
By turning each step of puja into contemplation of the Self.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ