MuhurtaNow

ശത രുദ്രീയമ്

Shiva · പരമ്പരാഗത ഭക്തിഗ്രന്ഥം

ವ್ಯಾಸ ಉವಾಚ

ಪ್ರಜಾ ಪತೀನಾಂ ಪ್ರಥಮಂ ತೇಜಸಾಂ ಪುರುಷಂ ಪ್ರಭುಮ್ । ಭುವನಂ ಭೂರ್ಭುವಂ ದೇವಂ ಸರ್ವಲೋಕೇಶ್ವರಂ ಪ್ರಭುಂ॥ 1

ಈಶಾನಾಂ ವರದಂ ಪಾರ್ಥ ದೃಷ್ಣವಾನಸಿ ಶಂಕರಮ್ । ತಂ ಗಚ್ಚ ಶರಣಂ ದೇವಂ ವರದಂ ಭವನೇಶ್ವರಮ್ ॥ 2

ಮಹಾದೇವಂ ಮಹಾತ್ಮಾನ ಮೀಶಾನಂ ಜಟಿಲಂ ಶಿವಮ್ । ತ್ಯ್ರಕ್ಷಂ ಮಹಾಭುಜಂ ರುದ್ರಂ ಶಿಖಿನಂ ಚೀರವಾಸನಮ್ ॥ 3

ಮಹಾದೇವಂ ಹರಂ ಸ್ಥಾಣುಂ ವರದಂ ಭವನೇಶ್ವರಮ್ । ಜಗತ್ರ್ಪಾಧಾನಮಧಿಕಂ ಜಗತ್ಪ್ರೀತಮಧೀಶ್ವರಮ್ ॥ 4

ಜಗದ್ಯೋನಿಂ ಜಗದ್ದ್ವೀಪಂ ಜಯನಂ ಜಗತೋ ಗತಿಮ್ । ವಿಶ್ವಾತ್ಮಾನಂ ವಿಶ್ವಸೃಜಂ ವಿಶ್ವಮೂರ್ತಿಂ ಯಶಸ್ವಿನಮ್ ॥ 5

ವಿಶ್ವೇಶ್ವರಂ ವಿಶ್ವವರಂ ಕರ್ಮಾಣಾಮೀಶ್ವರಂ ಪ್ರಭುಮ್ । ಶಂಭುಂ ಸ್ವಯಂಭುಂ ಭೂತೇಶಂ ಭೂತಭವ್ಯಭವೋದ್ಭವಮ್ ॥ 6

ಯೋಗಂ ಯೋಗೇಶ್ವರಂ ಶರ್ವಂ ಸರ್ವಲೋಕೇಶ್ವರೇಶ್ವರಮ್ । ಸರ್ವಶ್ರೇಷ್ಟಂ ಜಗಚ್ಛ್ರೇಷ್ಟಂ ವರಿಷ್ಟಂ ಪರಮೇಷ್ಠಿನಮ್ ॥ 7

ಲೋಕತ್ರಯ ವಿಧಾತಾರಮೇಕಂ ಲೋಕತ್ರಯಾಶ್ರಯಮ್ । ಸುದುರ್ಜಯಂ ಜಗನ್ನಾಥಂ ಜನ್ಮಮೃತ್ಯು ಜರಾತಿಗಮ್ ॥ 8

ಜ್ಞಾನಾತ್ಮಾನಾಂ ಜ್ಞಾನಗಮ್ಯಂ ಜ್ಞಾನಶ್ರೇಷ್ಠಂ ಸುದರ್ವಿದಮ್ । ದಾತಾರಂ ಚೈವ ಭಕ್ತಾನಾಂ ಪ್ರಸಾದವಿಹಿತಾನ್ ವರಾನ್ ॥ 9

ತಸ್ಯ ಪಾರಿಷದಾ ದಿವ್ಯಾರೂಪೈ ರ್ನಾನಾವಿಧೈ ರ್ವಿಭೋಃ । ವಾಮನಾ ಜಟಿಲಾ ಮುಂಡಾ ಹ್ರಸ್ವಗ್ರೀವ ಮಹೋದರಾಃ ॥ 10

ಮಹಾಕಾಯಾ ಮಹೋತ್ಸಾಹಾ ಮಹಾಕರ್ಣಾಸ್ತದಾ ಪರೇ । ಆನನೈರ್ವಿಕೃತೈಃ ಪಾದೈಃ ಪಾರ್ಥವೇಷೈಶ್ಚ ವೈಕೃತೈಃ ॥ 11

ಈದೃಶೈಸ್ಸ ಮಹಾದೇವಃ ಪೂಜ್ಯಮಾನೋ ಮಹೇಶ್ವರಃ । ಸಶಿವಸ್ತಾತ ತೇಜಸ್ವೀ ಪ್ರಸಾದಾದ್ಯಾತಿ ತೇಽಗ್ರತಃ ॥ 12

ತಸ್ಮಿನ್ ಘೋರೇ ಸದಾ ಪಾರ್ಥ ಸಂಗ್ರಾಮೇ ರೋಮಹರ್ಷಿಣೇ । ದ್ರೌಣಿಕರ್ಣ ಕೃಪೈರ್ಗುಪ್ತಾಂ ಮಹೇಷ್ವಾಸೈಃ ಪ್ರಹಾರಿಭಿಃ ॥ 13

ಕಸ್ತಾಂ ಸೇನಾಂ ತದಾ ಪಾರ್ಧ ಮನಸಾಪಿ ಪ್ರಧರ್ಷಯೇತ್ । ಋತೇ ದೇವಾನ್ಮಹೇಷ್ವಾಸಾದ್ಬಹುರೂಪಾನ್ಮಹೇಶ್ವರಾತ್ ॥ 14

ಪ್ಥಾತುಮುತ್ಸಹತೇ ಕಶ್ಚಿನ್ನತಸ್ಮಿನ್ನಗ್ರತಃ ಸ್ಥಿತೇ । ನ ಹಿ ಭೂತಂ ಸಮಂ ತೇನ ತ್ರಿಷು ಲೋಕೇಷು ವಿದ್ಯತೇ ॥ 15

ಗಂಧೇ ನಾಪಿ ಹಿ ಸಂಗ್ರಾಮೇ ತಸ್ಯ ಕೃದ್ದಸ್ಯ ಶತ್ರವಃ । ವಿಸಂಜ್ಞಾ ಹತ ಭೂಯಿಷ್ಟಾ ವೇಪಂತಿಚ ಪತಂತಿ ಚ ॥ 16

ತಸ್ಮೈ ನಮಸ್ತು ಕುರ್ವಂತೋ ದೇವಾ ಸ್ತಿಷ್ಠಂತಿ ವೈದಿವಿ । ಯೇ ಚಾನ್ಯೇ ಮಾನವಾ ಲೋಕೇ ಯೇಚ ಸ್ವರ್ಗಜಿತೋ ನರಾಃ ॥ 17

ಯೇ ಭಕ್ತಾ ವರದಂ ದೇವಂ ಶಿವಂ ರುದ್ರಮುಮಾಪತಿಮ್ । ಇಹ ಲೋಕೇ ಸುಖಂ ಪ್ರಾಪ್ಯತೇ ಯಾಂತಿ ಪರಮಾಂ ಗತಿಮ್ ॥ 18

ನಮಸ್ಕುರುಷ್ವ ಕೌಂತೇಯ ತಸ್ಮೈ ಶಾಂತಾಯ ವೈ ಸದಾ । ರುದ್ರಾಯ ಶಿತಿಕಂಠಾಯ ಕನಿಷ್ಠಾಯ ಸುವರ್ಚಸೇ ॥ 19

ಕಪರ್ದಿನೇ ಕರಳಾಯ ಹರ್ಯಕ್ಷವರದಾಯಚ । ಯಾಮ್ಯಾಯರಕ್ತಕೇಶಾಯ ಸದ್ವೃತ್ತೇ ಶಂಕರಾಯಚ ॥ 20

ಕಾಮ್ಯಾಯ ಹರಿನೇತ್ರಾಯ ಸ್ಥಾಣುವೇ ಪುರುಷಾಯಚ । ಹರಿಕೇಶಾಯ ಮುಂಡಾಯ ಕನಿಷ್ಠಾಯ ಸುವರ್ಚಸೇ ॥ 21

ಭಾಸ್ಕರಾಯ ಸುತೀರ್ಥಾಯ ದೇವದೇವಾಯ ರಂಹಸೇ । ಬಹುರೂಪಾಯ ಪ್ರಿಯಾಯ ಪ್ರಿಯವಾಸಸೇ ॥ 22

ಉಷ್ಣೀಷಿಣೇ ಸುವಕ್ತ್ರಾಯ ಸಹಸ್ರಾಕ್ಷಾಯ ಮೀಡುಷೇ । ಗಿರೀಶೀಯ ಸುಶಾಂತಾಯ ಪತಯೇ ಚೀರವಾಸಸೇ ॥ 23

ಹಿರಣ್ಯಬಾಹವೇ ರಾಜನ್ನುಗ್ರಾಯ ಪತಯೇದಿಶಾಮ್ । ಪರ್ಜನ್ಯಪತಯೇಚೈವ ಭೂತಾನಾಂ ಪತಯೇ ನಮಃ ॥ 24

ವೃಕ್ಷಾಣಾಂ ಪತಯೇಚೈವ ಗವಾಂ ಚ ಪತಯೇ ತಥಾ । ವೃಕ್ಷೈರಾವೃತ್ತಕಾಯಾಯ ಸೇನಾನ್ಯೇ ಮಧ್ಯಮಾಯಚ ॥ 25

ಸ್ರುವಹಸ್ತಾಯ ದೇವಾಯ ಧನ್ವಿನೇ ಭಾರ್ಗವಾಯ ಚ । ಬಹುರೂಪಾಯ ವಿಶ್ವಸ್ಯ ಪತಯೇ ಮುಂಜವಾಸಸೇ ॥ 26

ಸಹಸ್ರಶಿರಸೇ ಚೈವ ಸಹಸ್ರ ನಯನಾಯಚ । ಸಹಸ್ರಬಾಹವೇ ಚೈವ ಸಹಸ್ರ ಚರಣಾಯ ಚ ॥ 27

ಶರಣಂ ಗಚ್ಛ ಕೌಂತೇಯ ವರದಂ ಭುವನೇಶ್ವರಮ್ । ಉಮಾಪತಿಂ ವಿರೂಪಾಕ್ಷಂ ದಕ್ಷಂ ಯಜ್ಞನಿಬರ್ಹಣಮ್ ॥ 28

ಪ್ರಜಾನಾಂ ಪತಿಮವ್ಯಗ್ರಂ ಭೂತಾನಾಂ ಪತಿಮವ್ಯಯಮ್ । ಕಪರ್ದಿನಂ ವೃಷಾವರ್ತಂ ವೃಷನಾಭಂ ವೃಷಧ್ವಜಮ್ ॥ 29

ವೃಷದರ್ಪಂ ವೃಷಪತಿಂ ವೃಷಶೃಂಗಂ ವೃಷರ್ಷಭಮ್ । ವೃಷಾಕಂ ವೃಷಭೋದಾರಂ ವೃಷಭಂ ವೃಷಭೇಕ್ಷಣಮ್ ॥ 30

ವೃಷಾಯುಧಂ ವೃಷಶರಂ ವೃಷಭೂತಂ ಮಹೇಶ್ವರಮ್ । ಮಹೋದರಂ ಮಹಾಕಾಯಂ ದ್ವೀಪಚರ್ಮನಿವಾಸಿನಮ್ ॥ 31

ಲೋಕೇಶಂ ವರದಂ ಮುಂಡಂ ಬ್ರಾಹ್ಮಣ್ಯಂ ಬ್ರಾಹ್ಮಣಪ್ರಿಯಮ್ । ತ್ರಿಶೂಲಪಾಣಿಂ ವರದಂ ಖಡ್ಗಚರ್ಮಧರಂ ಶುಭಮ್ ॥ 32

ಪಿನಾಕಿನಂ ಖಡ್ಗಧರಂ ಲೋಕಾನಾಂ ಪತಿಮೀಶ್ವರಮ್ । ಪ್ರಪದ್ಯೇ ಶರಣಂ ದೇವಂ ಶರಣ್ಯಂ ಚೀರವಾಸನಮ್ ॥ 33

ನಮಸ್ತಸ್ಮೈ ಸುರೇಶಾಯ ಯಸ್ಯ ವೈಶ್ರವಣಸ್ಸಖಾ । ಸುವಾಸಸೇ ನಮೋ ನಿತ್ಯಂ ಸುವ್ರತಾಯ ಸುಧನ್ವಿನೇ ॥ 34

ಧನುರ್ಧರಾಯ ದೇವಾಯ ಪ್ರಿಯಧನ್ವಾಯ ಧನ್ವಿನೇ । ಧನ್ವಂತರಾಯ ಧನುಷೇ ಧನ್ವಾಚಾರ್ಯಾಯ ತೇ ನಮಃ ॥ 35

ಉಗ್ರಾಯುಧಾಯ ದೇವಾಯ ನಮಸ್ಸುರವರಾಯ ಚ । ನಮೋಽಸ್ತು ಬಹುರೂಪಾಯ ನಮಸ್ತೇ ಬಹುದನ್ವಿನೇ ॥ 36

ನಮೋಽಸ್ತು ಸ್ಥಾಣವೇ ನಿತ್ಯಂನಮಸ್ತಸ್ಮೈ ಸುಧನ್ವಿನೇ । ನಮೋಽಸ್ತು ತ್ರಿಪುರಘ್ನಾಯ ಭವಘ್ನಾಯ ಚ ವೈ ನಮಃ ॥ 37

ವನಸ್ಪತೀನಾಂ ಪತಯೇ ನರಾಣಾಂ ಪತಯೇ ನಮಃ । ಮಾತೄಣಾಂ ಪತಯೇ ಚೈವ ಗಣಾನಾಂ ಪತಯೇ ನಮಃ ॥ 38

ಗವಾಂ ಚ ಪತಯೇ ನಿತ್ಯಂ ಯಜ್ಞಾನಾಂ ಪತಯೇ ನಮಃ । ಅಪಾಂ ಚ ಪತಯೇ ನಿತ್ಯಂ ದೇವಾನಾಂ ಪತಯೇ ನಮಃ ॥ 39

ಪೂಷ್ಣೋ ದಂತವಿನಾಶಾಯ ತ್ರ್ಯಕ್ಷಾಯ ವರದಾಯಚ । ಹರಾಯ ನೀಲಕಂಠಾಯ ಸ್ವರ್ಣಕೇಶಾಯ ವೈ ನಮಃ ॥ 40

ಓಂ ಶಾಂತಿಃ ಓಂ ಶಾಂತಿಃ ಓಂ ಶಾಂತಿಃ

ശത രുദ്രീയമ് - ഒരു പരിചയം

This Shata Rudriyam is the hymn to Shiva told by the sage Vyasa to Arjuna in the Mahabharata. After the battle, Arjuna asks about a radiant figure he saw walking ahead of him with a trident, destroying his enemies; Vyasa tells him it was Shankara himself, and urges him to take refuge in that god: the first of the lords of creatures, the Lord of all the worlds, the giver of boons, the great god with matted hair, three eyes and mighty arms, Rudra, Hara, Sthanu. He then praises Shiva's many names and deeds.

ഉറവിടം: Mahabharata, Drona Parva

എപ്പോൾ ജപിക്കാം: On Mondays, Pradosham and Maha Shivaratri, and in Shiva worship.

നിങ്ങൾക്കറിയാമോ?

  • This hymn is found in the Drona Parva of the Mahabharata, where Vyasa reveals Shiva's presence in the war.
  • It shares its name with the Vedic Shatarudriya, the Sri Rudram of the Yajurveda.

പതിവ് ചോദ്യങ്ങൾ

Who tells this hymn?

The sage Vyasa, to Arjuna.

Whom did Arjuna see walking ahead of him?

Lord Shiva, with a trident.

Where is it from?

The Mahabharata, Drona Parva.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.