ശിവ താംഡവ സ്തോത്രമ്
Shiva · പരമ്പരാഗത ഭക്തിഗ്രന്ഥം
ജടാടവീഗലജ്ജലപ്രവാഹപാവിതസ്ഥലേ ഗലേവലംബ്യ ലംബിതാം ഭുജംഗതുംഗമാലികാമ് । ഡമഡ്ഡമഡ്ഡമഡ്ഡമന്നിനാദവഡ്ഡമർവയം ചകാര ചംഡതാംഡവം തനോതു നഃ ശിവഃ ശിവമ് ॥ 1 ॥
ജടാകടാഹസംഭ്രമഭ്രമന്നിലിംപനിര്ഝരീ- -വിലോലവീചിവല്ലരീവിരാജമാനമൂര്ധനി । ധഗദ്ധഗദ്ധഗജ്ജ്വലല്ലലാടപട്ടപാവകേ കിശോരചംദ്രശേഖരേ രതിഃ പ്രതിക്ഷണം മമ ॥ 2 ॥
ധരാധരേംദ്രനംദിനീവിലാസബംധുബംധുര സ്ഫുരദ്ദിഗംതസംതതിപ്രമോദമാനമാനസേ । കൃപാകടാക്ഷധോരണീനിരുദ്ധദുര്ധരാപദി ക്വചിദ്ദിഗംബരേ മനോ വിനോദമേതു വസ്തുനി ॥ 3 ॥
ജടാഭുജംഗപിംഗളസ്ഫുരത്ഫണാമണിപ്രഭാ കദംബകുംകുമദ്രവപ്രലിപ്തദിഗ്വധൂമുഖേ । മദാംധസിംധുരസ്ഫുരത്ത്വഗുത്തരീയമേദുരേ മനോ വിനോദമദ്ഭുതം ബിഭര്തു ഭൂതഭര്തരി ॥ 4 ॥
സഹസ്രലോചനപ്രഭൃത്യശേഷലേഖശേഖര പ്രസൂനധൂളിധോരണീ വിധൂസരാംഘ്രിപീഠഭൂഃ । ഭുജംഗരാജമാലയാ നിബദ്ധജാടജൂടക ശ്രിയൈ ചിരായ ജായതാം ചകോരബംധുശേഖരഃ ॥ 5 ॥
ലലാടചത്വരജ്വലദ്ധനംജയസ്ഫുലിംഗഭാ- -നിപീതപംചസായകം നമന്നിലിംപനായകമ് । സുധാമയൂഖലേഖയാ വിരാജമാനശേഖരം മഹാകപാലിസംപദേശിരോജടാലമസ്തു നഃ ॥ 6 ॥
കരാലഫാലപട്ടികാധഗദ്ധഗദ്ധഗജ്ജ്വല- ദ്ധനംജയാധരീകൃതപ്രചംഡപംചസായകേ । ധരാധരേംദ്രനംദിനീകുചാഗ്രചിത്രപത്രക- -പ്രകല്പനൈകശില്പിനി ത്രിലോചനേ മതിര്മമ ॥ 7 ॥
നവീനമേഘമംഡലീ നിരുദ്ധദുര്ധരസ്ഫുരത്- കുഹൂനിശീഥിനീതമഃ പ്രബംധബംധുകംധരഃ । നിലിംപനിര്ഝരീധരസ്തനോതു കൃത്തിസിംധുരഃ കളാനിധാനബംധുരഃ ശ്രിയം ജഗദ്ധുരംധരഃ ॥ 8 ॥
പ്രഫുല്ലനീലപംകജപ്രപംചകാലിമപ്രഭാ- -വിലംബികംഠകംദലീരുചിപ്രബദ്ധകംധരമ് । സ്മരച്ഛിദം പുരച്ഛിദം ഭവച്ഛിദം മഖച്ഛിദം ഗജച്ഛിദാംധകച്ഛിദം തമംതകച്ഛിദം ഭജേ ॥ 9 ॥
അഗർവസർവമംഗളാകളാകദംബമംജരീ രസപ്രവാഹമാധുരീ വിജൃംഭണാമധുവ്രതമ് । സ്മരാംതകം പുരാംതകം ഭവാംതകം മഖാംതകം ഗജാംതകാംധകാംതകം തമംതകാംതകം ഭജേ ॥ 10 ॥
ജയത്വദഭ്രവിഭ്രമഭ്രമദ്ഭുജംഗമശ്വസ- -ദ്വിനിര്ഗമത്ക്രമസ്ഫുരത്കരാലഫാലഹവ്യവാട് । ധിമിദ്ധിമിദ്ധിമിധ്വനന്മൃദംഗതുംഗമംഗള ധ്വനിക്രമപ്രവര്തിത പ്രചംഡതാംഡവഃ ശിവഃ ॥ 11 ॥
ദൃഷദ്വിചിത്രതല്പയോര്ഭുജംഗമൌക്തികസ്രജോര്- -ഗരിഷ്ഠരത്നലോഷ്ഠയോഃ സുഹൃദ്വിപക്ഷപക്ഷയോഃ । തൃഷ്ണാരവിംദചക്ഷുഷോഃ പ്രജാമഹീമഹേംദ്രയോഃ സമം പ്രവര്തയന്മനഃ കദാ സദാശിവം ഭജേ ॥ 12 ॥
കദാ നിലിംപനിര്ഝരീനികുംജകോടരേ വസന് വിമുക്തദുര്മതിഃ സദാ ശിരഃസ്ഥമംജലിം വഹന് । വിമുക്തലോലലോചനോ ലലാടഫാലലഗ്നകഃ ശിവേതി മംത്രമുച്ചരന് സദാ സുഖീ ഭവാമ്യഹമ് ॥ 13 ॥
ഇമം ഹി നിത്യമേവമുക്തമുത്തമോത്തമം സ്തവം പഠന്സ്മരന്ബ്രുവന്നരോ വിശുദ്ധിമേതിസംതതമ് । ഹരേ ഗുരൌ സുഭക്തിമാശു യാതി നാന്യഥാ ഗതിം വിമോഹനം ഹി ദേഹിനാം സുശംകരസ്യ ചിംതനമ് ॥ 14 ॥
പൂജാവസാനസമയേ ദശവക്ത്രഗീതം യഃ ശംഭുപൂജനപരം പഠതി പ്രദോഷേ । തസ്യ സ്ഥിരാം രഥഗജേംദ്രതുരംഗയുക്താം ലക്ഷ്മീം സദൈവ സുമുഖിം പ്രദദാതി ശംഭുഃ ॥ 15 ॥
ശിവ താംഡവ സ്തോത്രമ് - ഒരു പരിചയം
The Shiva Tandava Stotram celebrates Lord Shiva's cosmic dance, the tandava, in vivid, rhythmic Sanskrit: the Ganga flowing through his matted hair, the serpent garland, and the beat of the damaru drum. Its fast metre and dense sound patterns make it one of the most powerful and popular hymns to Shiva.
രചയിതാവ്: Ravana, the king of Lanka, according to tradition
എപ്പോൾ ജപിക്കാം: On Mondays, on Pradosha days, in the month of Shravana and on Maha Shivaratri.
നിങ്ങൾക്കറിയാമോ?
- Legend says Ravana sang it when Shiva pressed down Mount Kailash with his toe, trapping Ravana's arms under it after he tried to lift the mountain.
- It is composed in the Panchachamara metre, which alternates short and long syllables to create its drum-like rhythm.
- The legend says Shiva, pleased by the hymn, freed him and named him "Ravana", the one who roared, after the cry he let out under the mountain.
പതിവ് ചോദ്യങ്ങൾ
Who wrote the Shiva Tandava Stotram?
Tradition attributes it to Ravana, the king of Lanka and a devotee of Shiva.
What is the story behind the Shiva Tandava Stotram?
Ravana tried to lift Mount Kailash; Shiva pressed it down with his toe, and Ravana sang this hymn to win his favour.
When is it best to chant it?
Traditionally on Mondays, Pradosha, during Shravana month and on Maha Shivaratri.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ