ശ്രീ മധ്വാചാര്യ കൃത ദ്വാദശ സ്തോത്ര - അഷ്ടമസ്തോത്രമ്
Vishnu · പരമ്പരാഗത ഭക്തിഗ്രന്ഥം
അഥ അഷ്ടമസ്തോത്രമ്
വംദിതാശേഷവംദ്യോരുവൃംദാരകം ചംദനാചര്ചിതോദാരപീനാംസകമ് । ഇംദിരാചംചലാപാംഗനീരാജിതം മംദരോദ്ധാരിവൃത്തോദ്ഭുജാഭോഗിനമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 1॥
സൃഷ്ടിസംഹാരലീലാവിലാസാതതം പുഷ്ടഷാഡ്ഗുണ്യസദ്വിഗ്രഹോല്ലാസിനമ് । ദുഷ്ടനിഃശേഷസംഹാരകര്മോദ്യതം ഹൃഷ്ടപുഷ്ടാതിശിഷ്ട (അനുശിഷ്ട) പ്രജാസംശ്രയമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 2॥
ഉന്നതപ്രാര്ഥിതാശേഷസംസാധകം സന്നതാലൌകികാനംദദശ്രീപദമ് । ഭിന്നകര്മാശയപ്രാണിസംപ്രേരകം തന്ന കിം നേതി വിദ്വത്സു മീമാംസിതമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 3॥
വിപ്രമുഖ്യൈഃ സദാ വേദവാദോന്മുഖൈഃ സുപ്രതാപൈഃ ക്ഷിതീശേശ്വരൈശ്ചാര്ച്ചിതമ് । അപ്രതര്ക്യോരുസംവിദ്ഗുണം നിര്മലം സപ്രകാശാജരാനംദരൂപം പരമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 4॥
അത്യയോ യസ്യ (യേന) കേനാപി ന ക്വാപി ഹി പ്രത്യയോ യദ്ഗുണേഷൂത്തമാനാം പരഃ । സത്യസംകല്പ ഏകോ വരേണ്യോ വശീ മത്യനൂനൈഃ സദാ വേദവാദോദിതഃ । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 5॥
പശ്യതാം ദുഃഖസംതാനനിര്മൂലനം ദൃശ്യതാം ദൃശ്യതാമിത്യജേശാര്ചിതമ് । നശ്യതാം ദൂരഗം സർവദാപ്യാഽത്മഗം വശ്യതാം സ്വേച്ഛയാ സജ്ജനേഷ്വാഗതമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 6॥
അഗ്രജം യഃ സസര്ജാജമഗ്ര്യാകൃതിം വിഗ്രഹോ യസ്യ സർവേ ഗുണാ ഏവ ഹി । ഉഗ്ര ആദ്യോഽപി യസ്യാത്മജാഗ്ര്യാത്മജഃ സദ്ഗൃഹീതഃ സദാ യഃ പരം ദൈവതമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 7॥
അച്യുതോ യോ ഗുണൈര്നിത്യമേവാഖിലൈഃ പ്രച്യുതോഽശേഷദോഷൈഃ സദാ പൂര്തിതഃ । ഉച്യതേ സർവവേദോരുവാദൈരജഃ സ്വര്ചിതോ ബ്രഹ്മരുദ്രേംദ്രപൂർവൈഃ സദാ । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 8॥
ധാര്യതേ യേന വിശ്വം സദാജാദികം വാര്യതേഽശേഷദുഃഖം നിജധ്യായിനാമ് । പാര്യതേ സർവമന്യൈര്നയത്പാര്യതേ കാര്യതേ ചാഖിലം സർവഭൂതൈഃ സദാ । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 9॥
സർവപാപാനിയത്സംസ്മൃതേഃ സംക്ഷയം സർവദാ യാംതി ഭക്ത്യാ വിശുദ്ധാത്മനാമ് । ശർവഗുർവാദിഗീർവാണ സംസ്ഥാനദഃ കുർവതേ കര്മ യത്പ്രീതയേ സജ്ജനാഃ । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 10॥
അക്ഷയം കര്മ യസ്മിന് പരേ സ്വര്പിതം പ്രക്ഷയം യാംതി ദുഃഖാനി യന്നാമതഃ । അക്ഷരോ യോഽജരഃ സർവദൈവാമൃതഃ കുക്ഷിഗം യസ്യ വിശ്വം സദാഽജാദികമ് । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 11॥
നംദിതീര്ഥോരുസന്നാമിനോ നംദിനഃ സംദധാനാഃ സദാനംദദേവേ മതിമ് । മംദഹാസാരുണാ പാംഗദത്തോന്നതിം വംദിതാശേഷദേവാദിവൃംദം സദാ । പ്രീണയാമോ വാസുദേവം ദേവതാമംഡലാഖംഡമംഡനം പ്രീണയാമോ വാസുദേവമ് ॥ 12॥
ഇതി ശ്രീമദാനംദതീര്ഥഭഗവത്പാദാചാര്യ വിരചിതം ദ്വാദശസ്തോത്രേഷു അഷ്ടമസ്തോത്രം സംപൂര്ണമ്
ശ്രീ മധ്വാചാര്യ കൃത ദ്വാദശ സ്തോത്ര - അഷ്ടമസ്തോത്രമ് - ഒരു പരിചയം
This is the eighth of Sri Madhvacharya's twelve Dwadasha Stotras, a hymn in a lively, dancing metre to Lord Vishnu. It begins "Vanditashesha vandyoru vrindarakam": the one saluted by all the great gods who are themselves worthy of salutation, his broad, strong shoulders anointed with sandal, honoured by the restless side-glances of Indira (Lakshmi), the one who lifted the Mandara mountain; and continues in the same rhythm to praise his beauty and deeds.
രചയിതാവ്: Sri Madhvacharya, as its colophon states
എപ്പോൾ ജപിക്കാം: In Madhva worship and daily recitation, at Udupi, and on Madhva Navami.
നിങ്ങൾക്കറിയാമോ?
- Its colophon names Anandatirtha (Madhvacharya) as its author.
- The Mandara mountain recalls the churning of the ocean, when Vishnu as Kurma held it up on his back.
- The Dwadasha Stotras are sung daily in the worship of Krishna at Udupi.
പതിവ് ചോദ്യങ്ങൾ
Who wrote this stotra?
Sri Madhvacharya, as its colophon states.
What does "Mandaroddhara" recall?
Vishnu lifting the Mandara mountain at the churning of the ocean.
Where are the Dwadasha Stotras sung daily?
In the worship of Krishna at Udupi.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ