ശ്രീ രാമ ഭുജംഗ പ്രയാത സ്തോത്രമ്
Vishnu · പരമ്പരാഗത ഭക്തിഗ്രന്ഥം
വിശുദ്ധം പരം സച്ചിദാനംദരൂപം ഗുണാധാരമാധാരഹീനം വരേണ്യമ് । മഹാംതം വിഭാംതം ഗുഹാംതം ഗുണാംതം സുഖാംതം സ്വയം ധാമ രാമം പ്രപദ്യേ ॥ 1 ॥
ശിവം നിത്യമേകം വിഭും താരകാഖ്യം സുഖാകാരമാകാരശൂന്യം സുമാന്യമ് । മഹേശം കലേശം സുരേശം പരേശം നരേശം നിരീശം മഹീശം പ്രപദ്യേ ॥ 2 ॥
യദാവര്ണയത്കര്ണമൂലേഽംതകാലേ ശിവോ രാമ രാമേതി രാമേതി കാശ്യാമ് । തദേകം പരം താരകബ്രഹ്മരൂപം ഭജേഽഹം ഭജേഽഹം ഭജേഽഹം ഭജേഽഹമ് ॥ 3 ॥
മഹാരത്നപീഠേ ശുഭേ കല്പമൂലേ സുഖാസീനമാദിത്യകോടിപ്രകാശമ് । സദാ ജാനകീലക്ഷ്മണോപേതമേകം സദാ രാമചംദ്രം ഭജേഽഹം ഭജേഽഹമ് ॥ 4 ॥
ക്വണദ്രത്നമംജീരപാദാരവിംദം ലസന്മേഖലാചാരുപീതാംബരാഢ്യമ് । മഹാരത്നഹാരോല്ലസത്കൌസ്തുഭാംഗം നദച്ചംചരീമംജരീലോലമാലമ് ॥ 5 ॥
ലസച്ചംദ്രികാസ്മേരശോണാധരാഭം സമുദ്യത്പതംഗേംദുകോടിപ്രകാശമ് । നമദ്ബ്രഹ്മരുദ്രാദികോടീരരത്ന സ്ഫുരത്കാംതിനീരാജനാരാധിതാംഘ്രിമ് ॥ 6 ॥
പുരഃ പ്രാംജലീനാംജനേയാദിഭക്താന് സ്വചിന്മുദ്രയാ ഭദ്രയാ ബോധയംതമ് । ഭജേഽഹം ഭജേഽഹം സദാ രാമചംദ്രം ത്വദന്യം ന മന്യേ ന മന്യേ ന മന്യേ ॥ 7 ॥
യദാ മത്സമീപം കൃതാംതഃ സമേത്യ പ്രചംഡപ്രകോപൈര്ഭടൈര്ഭീഷയേന്മാമ് । തദാവിഷ്കരോഷി ത്വദീയം സ്വരൂപം സദാപത്പ്രണാശം സകോദംഡബാണമ് ॥ 8 ॥
നിജേ മാനസേ മംദിരേ സന്നിധേഹി പ്രസീദ പ്രസീദ പ്രഭോ രാമചംദ്ര । സസൌമിത്രിണാ കൈകയീനംദനേന സ്വശക്ത്യാനുഭക്ത്യാ ച സംസേവ്യമാന ॥ 9 ॥
സ്വഭക്താഗ്രഗണ്യൈഃ കപീശൈര്മഹീശൈ- -രനീകൈരനേകൈശ്ച രാമ പ്രസീദ । നമസ്തേ നമോഽസ്ത്വീശ രാമ പ്രസീദ പ്രശാധി പ്രശാധി പ്രകാശം പ്രഭോ മാമ് ॥ 10 ॥
ത്വമേവാസി ദൈവം പരം മേ യദേകം സുചൈതന്യമേതത്ത്വദന്യം ന മന്യേ । യതോഽഭൂദമേയം വിയദ്വായുതേജോ ജലോർവ്യാദികാര്യം ചരം ചാചരം ച ॥ 11 ॥
നമഃ സച്ചിദാനംദരൂപായ തസ്മൈ നമോ ദേവദേവായ രാമായ തുഭ്യമ് । നമോ ജാനകീജീവിതേശായ തുഭ്യം നമഃ പുംഡരീകായതാക്ഷായ തുഭ്യമ് ॥ 12 ॥
നമോ ഭക്തിയുക്താനുരക്തായ തുഭ്യം നമഃ പുണ്യപുംജൈകലഭ്യായ തുഭ്യമ് । നമോ വേദവേദ്യായ ചാദ്യായ പുംസേ നമഃ സുംദരായേംദിരാവല്ലഭായ ॥ 13 ॥
നമോ വിശ്വകര്ത്രേ നമോ വിശ്വഹര്ത്രേ നമോ വിശ്വഭോക്ത്രേ നമോ വിശ്വമാത്രേ । നമോ വിശ്വനേത്രേ നമോ വിശ്വജേത്രേ നമോ വിശ്വപിത്രേ നമോ വിശ്വമാത്രേ ॥ 14 ॥
നമസ്തേ നമസ്തേ സമസ്തപ്രപംച- -പ്രഭോഗപ്രയോഗപ്രമാണപ്രവീണ । മദീയം മനസ്ത്വത്പദദ്വംദ്വസേവാം വിധാതും പ്രവൃത്തം സുചൈതന്യസിദ്ധ്യൈ ॥ 15 ॥
ശിലാപി ത്വദംഘ്രിക്ഷമാസംഗിരേണു പ്രസാദാദ്ധി ചൈതന്യമാധത്ത രാമ । നരസ്ത്വത്പദദ്വംദ്വസേവാവിധാനാ- -ത്സുചൈതന്യമേതീതി കിം ചിത്രമത്ര ॥ 16 ॥
പവിത്രം ചരിത്രം വിചിത്രം ത്വദീയം നരാ യേ സ്മരംത്യന്വഹം രാമചംദ്ര । ഭവംതം ഭവാംതം ഭരംതം ഭജംതോ ലഭംതേ കൃതാംതം ന പശ്യംത്യതോഽംതേ ॥ 17 ॥
സ പുണ്യഃ സ ഗണ്യഃ ശരണ്യോ മമായം നരോ വേദ യോ ദേവചൂഡാമണിം ത്വാമ് । സദാകാരമേകം ചിദാനംദരൂപം മനോവാഗഗമ്യം പരം ധാമ രാമ ॥ 18 ॥
പ്രചംഡപ്രതാപപ്രഭാവാഭിഭൂത- -പ്രഭൂതാരിവീര പ്രഭോ രാമചംദ്ര । ബലം തേ കഥം വര്ണ്യതേഽതീവ ബാല്യേ യതോഽഖംഡി ചംഡീശകോദംഡദംഡമ് ॥ 19 ॥
ദശഗ്രീവമുഗ്രം സപുത്രം സമിത്രം സരിദ്ദുര്ഗമധ്യസ്ഥരക്ഷോഗണേശമ് । ഭവംതം വിനാ രാമ വീരോ നരോ വാ സുരോ വാഽമരോ വാ ജയേത്കസ്ത്രിലോക്യാമ് ॥ 20 ॥
സദാ രാമ രാമേതി രാമാമൃതം തേ സദാരാമമാനംദനിഷ്യംദകംദമ് । പിബംതം നമംതം സുദംതം ഹസംതം ഹനൂമംതമംതര്ഭജേ തം നിതാംതമ് ॥ 21 ॥
സദാ രാമ രാമേതി രാമാമൃതം തേ സദാരാമമാനംദനിഷ്യംദകംദമ് । പിബന്നന്വഹം നന്വഹം നൈവ മൃത്യോ- -ര്ബിഭേമി പ്രസാദാദസാദാത്തവൈവ ॥ 22 ॥
അസീതാസമേതൈരകോദംഡഭൂഷൈ- -രസൌമിത്രിവംദ്യൈരചംഡപ്രതാപൈഃ । അലംകേശകാലൈരസുഗ്രീവമിത്രൈ- -രരാമാഭിധേയൈരലം ദൈവതൈര്നഃ ॥ 23 ॥
അവീരാസനസ്ഥൈരചിന്മുദ്രികാഢ്യൈ- -രഭക്താംജനേയാദിതത്ത്വപ്രകാശൈഃ । അമംദാരമൂലൈരമംദാരമാലൈ- -രരാമാഭിധേയൈരലം ദൈവതൈര്നഃ ॥ 24 ॥
അസിംധുപ്രകോപൈരവംദ്യപ്രതാപൈ- -രബംധുപ്രയാണൈരമംദസ്മിതാഢ്യൈഃ । അദംഡപ്രവാസൈരഖംഡപ്രബോധൈ- -രരാമാഭിധേയൈരലം ദൈവതൈര്നഃ ॥ 25 ॥
ഹരേ രാമ സീതാപതേ രാവണാരേ ഖരാരേ മുരാരേഽസുരാരേ പരേതി । ലപംതം നയംതം സദാകാലമേവം സമാലോകയാലോകയാശേഷബംധോ ॥ 26 ॥
നമസ്തേ സുമിത്രാസുപുത്രാഭിവംദ്യ നമസ്തേ സദാ കൈകയീനംദനേഡ്യ । നമസ്തേ സദാ വാനരാധീശവംദ്യ നമസ്തേ നമസ്തേ സദാ രാമചംദ്ര ॥ 27 ॥
പ്രസീദ പ്രസീദ പ്രചംഡപ്രതാപ പ്രസീദ പ്രസീദ പ്രചംഡാരികാല । പ്രസീദ പ്രസീദ പ്രപന്നാനുകംപിന് പ്രസീദ പ്രസീദ പ്രഭോ രാമചംദ്ര ॥ 28 ॥
ഭുജംഗപ്രയാതം പരം വേദസാരം മുദാ രാമചംദ്രസ്യ ഭക്ത്യാ ച നിത്യമ് । പഠന്സംതതം ചിംതയന്സ്വാംതരംഗേ സ ഏവ സ്വയം രാമചംദ്രഃ സ ധന്യഃ ॥ 29 ॥
ഇതി ശ്രീമച്ഛംകരാചാര്യ കൃതം ശ്രീ രാമ ഭുജംഗപ്രയാത സ്തോത്രമ് ।
ശ്രീ രാമ ഭുജംഗ പ്രയാത സ്തോത്രമ് - ഒരു പരിചയം
The Sri Rama Bhujanga Prayata Stotram is a hymn to Lord Rama in the flowing bhujanga prayata metre, traditionally attributed to Adi Shankaracharya. It opens: I take refuge in Rama, pure, supreme, of the form of being, awareness and bliss, the support of all qualities yet himself without support, the most worthy, great and radiant, hidden in the cave of the heart, beyond the qualities, the end of all joy, the light of his own being. It goes on to praise Rama as Shiva, eternal and one, the all-pervading Taraka, the saving name, of the form of happiness and yet beyond form, and then tells his story with deep devotion.
രചയിതാവ്: Traditionally attributed to Adi Shankaracharya
എപ്പോൾ ജപിക്കാം: On Sri Rama Navami, in Rama bhajans, and in daily Rama worship.
നിങ്ങൾക്കറിയാമോ?
- The hymn joins Advaita teaching with devotion, seeing Rama as both the formless Brahman and the beloved Lord.
- "Taraka", the saving one, refers to the Rama name as the mantra that carries one across.
പതിവ് ചോദ്യങ്ങൾ
In what metre is it written?
Bhujanga prayata, the "serpent's movement" metre.
Who is it attributed to?
Traditionally to Adi Shankaracharya.
How does the first verse describe Rama?
As pure being, awareness and bliss, hidden in the heart.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ