தே³வ்யபராத⁴ க்ஷமாபண ஸ்தோத்ரம்
Devi · பாரம்பரிய பக்தி நூல்
ন মংত্রং নো যংত্রং তদপি চ ন জানে স্তুতিমহো ন চাহ্বানং ধ্য়ানং তদপি চ ন জানে স্তুতিকথাঃ । ন জানে মুদ্রাস্তে তদপি চ ন জানে বিলপনং পরং জানে মাতস্ত্বদনুসরণং ক্লেশহরণম্ ॥ 1 ॥
বিধেরজ্ঞানেন দ্রবিণবিরহেণালসতয়া বিধেয়াশক্যত্বাত্তব চরণয়োর্য়া চ্য়ুতিরভূত্ । তদেতত্ ক্ষংতব্য়ং জননি সকলোদ্ধারিণি শিবে কুপুত্রো জায়েত ক্বচিদপি কুমাতা ন ভবতি ॥ 2 ॥
পৃথিব্য়াং পুত্রাস্তে জননি বহবঃ সংতি সরলাঃ পরং তেষাং মধ্য়ে বিরলতরলোঽহং তব সুতঃ । মদীয়োঽয়ং ত্য়াগঃ সমুচিতমিদং নো তব শিবে কুপুত্রো জায়েত ক্বচিদপি কুমাতা ন ভবতি ॥ 3 ॥
জগন্মাতর্মাতস্তব চরণসেবা ন রচিতা ন বা দত্তং দেবি দ্রবিণমপি ভূযস্তব ময়া । তথাপি ত্বং স্নেহং ময়ি নিরুপমং যত্প্রকুরুষে কুপুত্রো জায়েত ক্বচিদপি কুমাতা ন ভবতি ॥ 4 ॥
পরিত্যক্তা দেবান্বিবিধবিধিসেবাকুলতয়া ময়া পংচাশীতেরধিকমপনীতে তু বযসি । ইদানীং চেন্মাতস্তব যদি কৃপা নাপি ভবিতা নিরালংবো লংবোদরজননি কং যামি শরণম্ ॥ 5 ॥
শ্বপাকো জল্পাকো ভবতি মধুপাকোপমগিরা নিরাতংকো রংকো বিহরতি চিরং কোটিকনকৈঃ । তবাপর্ণে কর্ণে বিশতি মনুবর্ণে ফলমিদং জনঃ কো জানীতে জননি জপনীয়ং জপবিধৌ ॥ 6 ॥
চিতাভস্মালেপো গরলমশনং দিক্পটধরো জটাধারী কংঠে ভুজগপতিহারী পশুপতিঃ । কপালী ভূতেশো ভজতি জগদীশৈকপদবীং ভবানী ত্বত্পাণিগ্রহণপরিপাটী ফলমিদম্ ॥ 7 ॥
ন মোক্ষস্য়াকাংক্ষা ন চ বিভববাংছাপি চ ন মে ন বিজ্ঞানাপেক্ষা শশিমুখি সুখেচ্ছাপি ন পুনঃ । অতস্ত্বাং সংয়াচে জননি জননং যাতু মম বৈ মৃডানী রুদ্রাণী শিব শিব ভবানীতি জপতঃ ॥ 8 ॥
নারাধিতাসি বিধিনা বিবিধোপচারৈঃ কিং রূক্ষচিংতনপরৈর্ন কৃতং বচোভিঃ । শ্য়ামে ত্বমেব যদি কিংচন ময়্যনাথে ধত্সে কৃপামুচিতমংব পরং তবৈব ॥ 9 ॥
আপত্সু মগ্নঃ স্মরণং ত্বদীয়ং করোমি দুর্গে করুণার্ণবে শিবে । নৈতচ্ছঠত্বং মম ভাবয়েথাঃ ক্ষুধাতৃষার্তাঃ জননীং স্মরংতি ॥ 10 ॥
জগদংব বিচিত্রমত্র কিং পরিপূর্ণা করুণাস্তি চেন্ময়ি । অপরাধপরংপরাবৃতং ন হি মাতা সমুপেক্ষতে সুতম্ ॥ 11 ॥
মত্সমঃ পাতকী নাস্তি পাপঘ্নী ত্বত্সমা ন হি । এবং জ্ঞাত্বা মহাদেবী যথা যোগ্য়ং তথা কুরু ॥ 12 ॥
ইতি শ্রীমচ্ছংকরাচার্য় বিরচিতং দেব্যপরাধক্ষমাপণ স্তোত্রম্ ।
தே³வ்யபராத⁴ க்ஷமாபண ஸ்தோத்ரம் பற்றி
The Devi Aparadha Kshamapana Stotram is Adi Shankaracharya's moving prayer to the Divine Mother for forgiveness. "I know no mantra, no yantra, no hymn of praise, no way to invoke or meditate on you, no mudras; I only know that following you takes away all troubles." Through ignorance, poverty and laziness he has failed to serve her feet, and he asks her to forgive, as a mother forgives her child.
இயற்றியவர்: Adi Shankaracharya, as its closing line states
எப்போது பாராயணம் செய்வது: At the end of Devi puja, during Navaratri, and whenever one seeks forgiveness.
உங்களுக்குத் தெரியுமா?
- Its most famous line is "kuputro jayeta kvachid api kumata na bhavati": a bad son may sometimes be born, but there is never a bad mother.
- Its colophon names Adi Shankaracharya as its author.
அடிக்கடி கேட்கப்படும் கேள்விகள்
What does "kuputro jayeta kvachid api kumata na bhavati" mean?
"A bad son may be born, but a bad mother never": the Mother always forgives.
Who wrote it?
Adi Shankaracharya, as its colophon states.
When is it recited?
At the end of Devi worship and during Navaratri.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்