MuhurtaNow

கீ³தகோ³விந்த³ம் சதுர்த:² ஸர்க:³ - ஸ்னிக்³த⁴ மது⁴ஸூத³ன:

Sri Krishna · பாரம்பரிய பக்தி நூல்

॥ ಚತುರ್ಥಃ ಸರ್ಗಃ ॥ ॥ ಸ್ನಿಗ್ಧಮಧುಸೂದನಃ ॥

ಯಮುನಾತೀರವಾನೀರನಿಕುಂಜೇ ಮಂದಮಾಸ್ಥಿತಮ್ । ಪ್ರಾಹ ಪ್ರೇಮಭರೋದ್ಭ್ರಾಂತಂ ಮಾಧವಂ ರಾಧಿಕಾಸಖೀ ॥ 25 ॥

॥ ಗೀತಂ 8 ॥

ನಿಂದತಿ ಚಂದನಮಿಂದುಕಿರಣಮನು ವಿಂದತಿ ಖೇದಮಧೀರಮ್ । ವ್ಯಾಲನಿಲಯಮಿಲನೇನ ಗರಲಮಿವ ಕಲಯತಿ ಮಲಯಸಮೀರಮ್ ॥ ಸಾ ವಿರಹೇ ತವ ದೀನಾ ಮಾಧವ ಮನಸಿಜವಿಶಿಖಭಯಾದಿವ ಭಾವನಯಾ ತ್ವಯಿ ಲೀನಾ ॥ 1 ॥

ಅವಿರಲನಿಪತಿತಮದನಶರಾದಿವ ಭವದವನಾಯ ವಿಶಾಲಮ್ । ಸ್ವಹೃದಯರ್ಮಣೀ ವರ್ಮ ಕರೋತಿ ಸಜಲನಲಿನೀದಲಜಾಲಮ್ ॥ 2 ॥

ಕುಸುಮವಿಶಿಖಶರತಲ್ಪಮನಲ್ಪವಿಲಾಸಕಲಾಕಮನೀಯಮ್ । ವ್ರತಮಿವ ತವ ಪರಿರಂಭಸುಖಾಯ ಕರೋತಿ ಕುಸುಮಶಯನೀಯಮ್ ॥ 3 ॥

ವಹತಿ ಚ ಗಲಿತವಿಲೋಚನಜಲಭರಮಾನನಕಮಲಮುದಾರಮ್ । ವಿಧುಮಿವ ವಿಕಟವಿಧುಂತುದದಂತದಲನಗಲಿತಾಮೃತಧಾರಮ್ ॥ 4 ॥

ವಿಲಿಖತಿ ರಹಸಿ ಕುರಂಗಮದೇನ ಭವಂತಮಸಮಶರಭೂತಮ್ । ಪ್ರಣಮತಿ ಮಕರಮಧೋ ವಿನಿಧಾಯ ಕರೇ ಚ ಶರಂ ನವಚೂತಮ್ ॥ 5 ॥

ಪ್ರತಿಪದಮಿದಮಪಿ ನಿಗತತಿ ಮಾಧವ ತವ ಚರಣೇ ಪತಿತಾಹಮ್ । ತ್ವಯಿ ವಿಮುಖೇ ಮಯಿ ಸಪದಿ ಸುಧಾನಿಧಿರಪಿ ತನುತೇ ತನುದಾಹಮ್ ॥ 6 ॥

ಧ್ಯಾನಲಯೇನ ಪುರಃ ಪರಿಕಲ್ಪ್ಯ ಭವಂತಮತೀವ ದುರಾಪಮ್ । ವಿಲಪತಿ ಹಸತಿ ವಿಷೀದತಿ ರೋದಿತಿ ಚಂಚತಿ ಮುಂಚತಿ ತಾಪಮ್ ॥ 7 ॥

ಶ್ರೀಜಯದೇವಭಣಿತಮಿದಮಧಿಕಂ ಯದಿ ಮನಸಾ ನಟನೀಯಮ್ । ಹರಿವಿರಹಾಕುಲಬಲ್ಲವಯುವತಿಸಖೀವಚನಂ ಪಠನೀಯಮ್ ॥ 8 ॥

ಆವಾಸೋ ವಿಪಿನಾಯತೇ ಪ್ರಿಯಸಖೀಮಾಲಾಪಿ ಜಾಲಾಯತೇ ತಾಪೋಽಪಿ ಶ್ವಸಿತೇನ ದಾವದಹನಜ್ವಾಲಾಕಲಾಪಾಯತೇ । ಸಾಪಿ ತ್ವದ್ವಿರಹೇಣ ಹಂತ ಹರಿಣೀರೂಪಾಯತೇ ಹಾ ಕಥಂ ಕಂದರ್ಪೋಽಪಿ ಯಮಾಯತೇ ವಿರಚಯಞ್ಶಾರ್ದೂಲವಿಕ್ರೀಡಿತಮ್ ॥ 26 ॥

॥ ಗೀತಂ 9 ॥

ಸ್ತನವಿನಿಹಿತಮಪಿ ಹಾರಮುದಾರಮ್ । ಸಾ ಮನುತೇ ಕೃಶತನುರತಿಭಾರಮ್ ॥ ರಾಧಿಕಾ ವಿರಹೇ ತವ ಕೇಶವ ॥ 1 ॥

ಸರಸಮಸೃಣಮಪಿ ಮಲಯಜಪಂಕಮ್ । ಪಶ್ಯತಿ ವಿಷಮಿವ ವಪುಷಿ ಸಶಂಕಮ್ ॥ 2 ॥

ಶ್ವಸಿತಪವನಮನುಪಮಪರಿಣಾಹಮ್ । ಮದನದಹನಮಿವ ವಹತಿ ಸದಾಹಮ್ ॥ 3 ॥

ದಿಶಿ ದಿಶಿ ಕಿರತಿ ಸಜಲಕಣಜಾಲಮ್ । ನಯನನಲಿನಮಿವ ವಿಗಲಿತನಾಲಮ್ ॥ 4 ॥

ನಯನವಿಷಯಮಪಿ ಕಿಸಲಯತಲ್ಪಮ್ । ಕಲಯತಿ ವಿಹಿತಹುತಾಶವಿಕಲ್ಪಮ್ ॥ 5 ॥

ತ್ಯಜತಿ ನ ಪಾಣಿತಲೇನ ಕಪೋಲಮ್ । ಬಾಲಶಶಿನಮಿವ ಸಾಯಮಲೋಲಮ್ ॥ 6 ॥

ಹರಿರಿತಿ ಹರಿರಿತಿ ಜಪತಿ ಸಕಾಮಮ್ । ವಿರಹವಿಹಿತಮರಣೇನ ನಿಕಾಮಮ್ ॥ 7 ॥

ಶ್ರೀಜಯದೇವಭಣಿತಮಿತಿ ಗೀತಮ್ । ಸುಖಯತು ಕೇಶವಪದಮುಪುನೀತಮ್ ॥ 8 ॥

ಸಾ ರೋಮಾಂಚತಿ ಸೀತ್ಕರೋತಿ ವಿಲಪತ್ಯುತ್ಕಂಪತೇ ತಾಮ್ಯತಿ ಧ್ಯಾಯತ್ಯುದ್ಭ್ರಮತಿ ಪ್ರಮೀಲತಿ ಪತತ್ಯುದ್ಯಾತಿ ಮೂರ್ಚ್ಛತ್ಯಪಿ । ಏತಾವತ್ಯತನುಜ್ವರೇ ವರತನುರ್ಜೀವೇನ್ನ ಕಿಂ ತೇ ರಸಾತ್ ಸ್ವರ್ವೈದ್ಯಪ್ರತಿಮ ಪ್ರಸೀದಸಿ ಯದಿ ತ್ಯಕ್ತೋಽನ್ಯಥಾ ನಾಂತಕಃ ॥ 27 ॥

ಸ್ಮರಾತುರಾಂ ದೈವತವೈದ್ಯಹೃದ್ಯ ತ್ವದಂಗಸಂಗಾಮೃತಮಾತ್ರಸಾಧ್ಯಾಮ್ । ವಿಮುಕ್ತಬಾಧಾಂ ಕುರುಷೇ ನ ರಾಧಾ-ಮುಪೇಂದ್ರ ವಜ್ರಾದಪಿ ದಾರುಣೋಽಸಿ ॥ 28 ॥

ಕಂದರ್ಪಜ್ವರಸಂಜ್ವರಸ್ತುರತನೋರಾಶ್ಚರ್ಯಮಸ್ಯಾಶ್ಚಿರಂ ಚೇತಶ್ಚಂದನಚಂದ್ರಮಃಕಮಲಿನೀಚಿಂತಾಸು ಸಂತಾಮ್ಯತಿ । ಕಿಂತು ಕ್ಲಾಂತಿವಶೇನ ಶೀತಲತನುಂ ತ್ವಾಮೇಕಮೇವ ಪ್ರಿಯಂ ಧ್ಯಾಯಂತೀ ರಹಸಿ ಸ್ಥಿತಾ ಕಥಮಪಿ ಕ್ಷೀಣಾ ಕ್ಷಣಂ ಪ್ರಾಣಿತಿ ॥ 29 ॥

ಕ್ಷಣಮಪಿ ವಿರಹಃ ಪುರಾ ನ ಸೇಹೇ ನಯನನಿಮೀಲನಖಿನ್ನಯಾ ಯಯಾ ತೇ । ಶ್ವಸಿತಿ ಕಥಮಸೌ ರಸಾಲಶಾಖಾಂ ಚಿರವಿರಹೇಣ ವಿಲೋಕ್ಯ ಪುಷ್ಪಿತಾಗ್ರಾಮ್ ॥ 30 ॥

॥ ಇತಿ ಗೀತಗೋವಿಂದೇ ಸ್ನಿಗ್ಧಮಾಧವೋ ನಾಮ ಚತುರ್ಥಃ ಸರ್ಗಃ ॥

கீ³தகோ³விந்த³ம் சதுர்த:² ஸர்க:³ - ஸ்னிக்³த⁴ மது⁴ஸூத³ன: பற்றி

The fourth canto of Jayadeva's Gita Govinda, "Snigdha Madhusudana" (tender Madhusudana), finds Krishna sitting alone in a bower of reeds on the bank of the Yamuna, troubled by love. Radha's friend comes to him and describes Radha's state in separation: she treats the cool sandal and moonlight as fire, makes a bed of flowers and lies on it as on arrows, draws his picture and worships it, and grows thin and pale, thinking only of him; the refrain says, "In separation from you, Radha is suffering."

இயற்றியவர்: Jayadeva (12th century)

எப்போது பாராயணம் செய்வது: In Odissi and other classical dance, in Ashtapadi singing, and in Krishna temples, especially at Puri.

உங்களுக்குத் தெரியுமா?

  • Its ashtapadi "Sa virahe tava dina", "she is wretched in your absence", is one of the best-loved songs of the Gita Govinda.
  • In devotional reading Radha's longing stands for the soul's longing for God.

அடிக்கடி கேட்கப்படும் கேள்விகள்

Where is Krishna in this canto?

In a bower of reeds on the Yamuna's bank.

Who describes Radha's state?

Radha's friend (sakhi).

Who wrote the Gita Govinda?

Jayadeva, in the 12th century.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.