கீ³தகோ³விந்த³ம் சதுர்த:² ஸர்க:³ - ஸ்னிக்³த⁴ மது⁴ஸூத³ன:
Sri Krishna · பாரம்பரிய பக்தி நூல்
॥ ചതുര്ഥഃ സര്ഗഃ ॥ ॥ സ്നിഗ്ധമധുസൂദനഃ ॥
യമുനാതീരവാനീരനികുംജേ മംദമാസ്ഥിതമ് । പ്രാഹ പ്രേമഭരോദ്ഭ്രാംതം മാധവം രാധികാസഖീ ॥ 25 ॥
॥ ഗീതം 8 ॥
നിംദതി ചംദനമിംദുകിരണമനു വിംദതി ഖേദമധീരമ് । വ്യാലനിലയമിലനേന ഗരലമിവ കലയതി മലയസമീരമ് ॥ സാ വിരഹേ തവ ദീനാ മാധവ മനസിജവിശിഖഭയാദിവ ഭാവനയാ ത്വയി ലീനാ ॥ 1 ॥
അവിരലനിപതിതമദനശരാദിവ ഭവദവനായ വിശാലമ് । സ്വഹൃദയര്മണീ വര്മ കരോതി സജലനലിനീദലജാലമ് ॥ 2 ॥
കുസുമവിശിഖശരതല്പമനല്പവിലാസകലാകമനീയമ് । വ്രതമിവ തവ പരിരംഭസുഖായ കരോതി കുസുമശയനീയമ് ॥ 3 ॥
വഹതി ച ഗലിതവിലോചനജലഭരമാനനകമലമുദാരമ് । വിധുമിവ വികടവിധുംതുദദംതദലനഗലിതാമൃതധാരമ് ॥ 4 ॥
വിലിഖതി രഹസി കുരംഗമദേന ഭവംതമസമശരഭൂതമ് । പ്രണമതി മകരമധോ വിനിധായ കരേ ച ശരം നവചൂതമ് ॥ 5 ॥
പ്രതിപദമിദമപി നിഗതതി മാധവ തവ ചരണേ പതിതാഹമ് । ത്വയി വിമുഖേ മയി സപദി സുധാനിധിരപി തനുതേ തനുദാഹമ് ॥ 6 ॥
ധ്യാനലയേന പുരഃ പരികല്പ്യ ഭവംതമതീവ ദുരാപമ് । വിലപതി ഹസതി വിഷീദതി രോദിതി ചംചതി മുംചതി താപമ് ॥ 7 ॥
ശ്രീജയദേവഭണിതമിദമധികം യദി മനസാ നടനീയമ് । ഹരിവിരഹാകുലബല്ലവയുവതിസഖീവചനം പഠനീയമ് ॥ 8 ॥
ആവാസോ വിപിനായതേ പ്രിയസഖീമാലാപി ജാലായതേ താപോഽപി ശ്വസിതേന ദാവദഹനജ്വാലാകലാപായതേ । സാപി ത്വദ്വിരഹേണ ഹംത ഹരിണീരൂപായതേ ഹാ കഥം കംദര്പോഽപി യമായതേ വിരചയഞ്ശാര്ദൂലവിക്രീഡിതമ് ॥ 26 ॥
॥ ഗീതം 9 ॥
സ്തനവിനിഹിതമപി ഹാരമുദാരമ് । സാ മനുതേ കൃശതനുരതിഭാരമ് ॥ രാധികാ വിരഹേ തവ കേശവ ॥ 1 ॥
സരസമസൃണമപി മലയജപംകമ് । പശ്യതി വിഷമിവ വപുഷി സശംകമ് ॥ 2 ॥
ശ്വസിതപവനമനുപമപരിണാഹമ് । മദനദഹനമിവ വഹതി സദാഹമ് ॥ 3 ॥
ദിശി ദിശി കിരതി സജലകണജാലമ് । നയനനലിനമിവ വിഗലിതനാലമ് ॥ 4 ॥
നയനവിഷയമപി കിസലയതല്പമ് । കലയതി വിഹിതഹുതാശവികല്പമ് ॥ 5 ॥
ത്യജതി ന പാണിതലേന കപോലമ് । ബാലശശിനമിവ സായമലോലമ് ॥ 6 ॥
ഹരിരിതി ഹരിരിതി ജപതി സകാമമ് । വിരഹവിഹിതമരണേന നികാമമ് ॥ 7 ॥
ശ്രീജയദേവഭണിതമിതി ഗീതമ് । സുഖയതു കേശവപദമുപുനീതമ് ॥ 8 ॥
സാ രോമാംചതി സീത്കരോതി വിലപത്യുത്കംപതേ താമ്യതി ധ്യായത്യുദ്ഭ്രമതി പ്രമീലതി പതത്യുദ്യാതി മൂര്ച്ഛത്യപി । ഏതാവത്യതനുജ്വരേ വരതനുര്ജീവേന്ന കിം തേ രസാത് സ്വർവൈദ്യപ്രതിമ പ്രസീദസി യദി ത്യക്തോഽന്യഥാ നാംതകഃ ॥ 27 ॥
സ്മരാതുരാം ദൈവതവൈദ്യഹൃദ്യ ത്വദംഗസംഗാമൃതമാത്രസാധ്യാമ് । വിമുക്തബാധാം കുരുഷേ ന രാധാ-മുപേംദ്ര വജ്രാദപി ദാരുണോഽസി ॥ 28 ॥
കംദര്പജ്വരസംജ്വരസ്തുരതനോരാശ്ചര്യമസ്യാശ്ചിരം ചേതശ്ചംദനചംദ്രമഃകമലിനീചിംതാസു സംതാമ്യതി । കിംതു ക്ലാംതിവശേന ശീതലതനും ത്വാമേകമേവ പ്രിയം ധ്യായംതീ രഹസി സ്ഥിതാ കഥമപി ക്ഷീണാ ക്ഷണം പ്രാണിതി ॥ 29 ॥
ക്ഷണമപി വിരഹഃ പുരാ ന സേഹേ നയനനിമീലനഖിന്നയാ യയാ തേ । ശ്വസിതി കഥമസൌ രസാലശാഖാം ചിരവിരഹേണ വിലോക്യ പുഷ്പിതാഗ്രാമ് ॥ 30 ॥
॥ ഇതി ഗീതഗോവിംദേ സ്നിഗ്ധമാധവോ നാമ ചതുര്ഥഃ സര്ഗഃ ॥
கீ³தகோ³விந்த³ம் சதுர்த:² ஸர்க:³ - ஸ்னிக்³த⁴ மது⁴ஸூத³ன: பற்றி
The fourth canto of Jayadeva's Gita Govinda, "Snigdha Madhusudana" (tender Madhusudana), finds Krishna sitting alone in a bower of reeds on the bank of the Yamuna, troubled by love. Radha's friend comes to him and describes Radha's state in separation: she treats the cool sandal and moonlight as fire, makes a bed of flowers and lies on it as on arrows, draws his picture and worships it, and grows thin and pale, thinking only of him; the refrain says, "In separation from you, Radha is suffering."
இயற்றியவர்: Jayadeva (12th century)
எப்போது பாராயணம் செய்வது: In Odissi and other classical dance, in Ashtapadi singing, and in Krishna temples, especially at Puri.
உங்களுக்குத் தெரியுமா?
- Its ashtapadi "Sa virahe tava dina", "she is wretched in your absence", is one of the best-loved songs of the Gita Govinda.
- In devotional reading Radha's longing stands for the soul's longing for God.
அடிக்கடி கேட்கப்படும் கேள்விகள்
Where is Krishna in this canto?
In a bower of reeds on the Yamuna's bank.
Who describes Radha's state?
Radha's friend (sakhi).
Who wrote the Gita Govinda?
Jayadeva, in the 12th century.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்