MuhurtaNow

கடோ²பனிஷத்³ - அத்⁴யாய 2, வள்ளீ 2

Vedic · பாரம்பரிய பக்தி நூல்

अध्याय 2 वल्ली 2

पुरमेकादशद्वारमजस्यावक्रचेतसः। अनुष्ठाय न शोचति विमुक्तश्च विमुच्यते। एतद्वै तत्‌ ॥1॥

हंसः शुचिषद्वसुरांतरिक्षसद्धोता वेदिषदतिथिर्दुरोणसत्‌। नृषद्वरसदृतसद्व्योमसदब्जा गोजा ऋतजा अद्रिजा ऋतं बृहत्‌ ॥2॥

ऊर्ध्वं प्राणमुन्नयत्यपानं प्रत्यगस्यति। मध्ये वामनमासीनं-विँश्वे देवा उपासते ॥3॥

अस्य विस्रंसमानस्य शरीरस्थस्य देहिनः। देहाद्विमुच्यमानस्य किमत्र परिशिष्यते। एतद्वै तत्‌ ॥4॥

न प्राणेन नापानेन मर्त्यो जीवति कश्चन। इतरेण तु जीवंति यस्मिन्नेतावुपाश्रितौ ॥5॥

हंत त इदं प्रवक्ष्यामि गुह्यं ब्रह्म सनातनम्‌। यथा च मरणं प्राप्य आत्मा भवति गौतम ॥6॥

योनिमन्ये प्रपद्यंते शरीरत्वाय देहिनः। स्थाणुमन्येऽनुसंयंँति यथाकर्म यथाश्रुतम्‌ ॥7॥

य एष सुप्तेषु जागर्ति कामं कामं पुरुषो निर्मिमाणः। तदेव शुक्रं तद् ब्रह्म तदेवामृतमुच्यते। तस्मिंल्लोँकाः श्रिताः सर्वे तदु नात्येति कश्चन। एतद्वै तत्‌ ॥8॥

अग्निर्यथैको भुवनं प्रविष्टो रूपं रूपं प्रतिरूपो बभूव। एकस्तथा सर्वभूतांतरात्मा रूपं रूपं प्रतिरूपो बहिश्च ॥9॥

वायुर्यथैको भुवनं प्रविष्टो रूपं रूपं प्रतिरूपो बभूव। एकस्तथा सर्वभूतांतरात्मा रूपं रूपं प्रतिरूपो बहिश्च ॥10॥

सूर्यो यथा सर्वलोकस्य चक्षुर्न लिप्यते चाक्षुषैर्बह्यिदोषैः। एकस्तथा सर्वभूतांतरात्मा न लिप्यते लोकदुःखेन बाह्यः ॥11॥

एको वशी सर्वभूतांतरात्मा एकं रूपं बहुधा यः करोति। तमात्मस्थं-येँऽनुपश्यंति धीरास्तेषां सुखं शाश्वतं नेतरेषाम्‌ ॥12॥

नित्योऽनित्यानां चेतनश्चेतनानामेको बहूनां-योँ विदधाति कामान्‌। तमात्मस्थं-येँऽनुपश्यंति धीरास्तेषां शांतिः शाश्वती नेतरेषाम्‌ ॥13॥

तदेतदिति मन्यंतेऽनिर्देश्यं परमं सुखम्‌। कथं नु तद्विजानीयां किमु भाति विभाति वा ॥14॥

न तत्र सूर्यो भाति न चंद्रतारकं नेमा विद्युतो भांति कुतोऽयमग्निः। तमेव भांतमनुभाति सर्वं तस्य भासा सर्वमिदं-विँभाति ॥15॥

கடோ²பனிஷத்³ - அத்⁴யாய 2, வள்ளீ 2 பற்றி

This section of the Katha Upanishad (chapter 2, valli 2) continues Yama's teaching on the Self. The body is a city of eleven gates belonging to the unborn Self; one who meditates on it does not grieve and is freed. The Self is the swan in the bright sky, the dweller in the space between, the priest at the altar and the guest in the house; as one fire takes the shape of each thing it enters, so the one Self within all beings takes the form of each. It ends with the famous verse: "There the sun does not shine, nor the moon and stars, nor these lightnings, much less this fire; when it shines, all shines after it; by its light all this is lit."

மூலம்: Krishna Yajurveda, Katha Upanishad 2.2

எப்போது பாராயணம் செய்வது: In Upanishad study and Vedic chanting.

உங்களுக்குத் தெரியுமா?

  • Its last verse, "Na tatra suryo bhati", also appears in the Mundaka and Shvetashvatara Upanishads and is echoed in the Bhagavad Gita (15.6).
  • The "eleven gates" are the openings of the body, including the eyes, ears, nostrils and mouth.

அடிக்கடி கேட்கப்படும் கேள்விகள்

What is the city of eleven gates?

The body, home of the unborn Self.

What does the last verse say?

The sun, moon and fire do not light the Self; all shine by its light.

Who teaches here?

Yama, to Nachiketa.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.