நாராயணீயம் த³ஶக 16 - நரனாராயணாவதாரம் ததா² த³க்ஷயாக:³
Vishnu · பாரம்பரிய பக்தி நூல்
दक्षो विरिंचतनयोऽथ मनोस्तनूजां लब्ध्वा प्रसूतिमिह षोडश चाप कन्याः । धर्मे त्रयोदश ददौ पितृषु स्वधां च स्वाहां हविर्भुजि सतीं गिरिशे त्वदंशे ॥1॥
मूर्तिर्हि धर्मगृहिणी सुषुवे भवंतं नारायणं नरसखं महितानुभावम् । यज्जन्मनि प्रमुदिताः कृततूर्यघोषाः पुष्पोत्करान् प्रववृषुर्नुनुवुः सुरौघाः ॥2॥
दैत्यं सहस्रकवचं कवचैः परीतं साहस्रवत्सरतपस्समराभिलव्यैः । पर्यायनिर्मिततपस्समरौ भवंतौ शिष्टैककंकटममुं न्यहतां सलीलम् ॥3॥
अन्वाचरन्नुपदिशन्नपि मोक्षधर्मं त्वं भ्रातृमान् बदरिकाश्रममध्यवात्सीः । शक्रोऽथ ते शमतपोबलनिस्सहात्मा दिव्यांगनापरिवृतं प्रजिघाय मारम् ॥4॥
कामो वसंतमलयानिलबंधुशाली कांताकटाक्षविशिखैर्विकसद्विलासैः । विध्यन्मुहुर्मुहुरकंपमुदीक्ष्य च त्वां भीरुस्त्वयाऽथ जगदे मृदुहासभाजा ॥5॥
भीत्याऽलमंगज वसंत सुरांगना वो मन्मानसं त्विह जुषध्वमिति ब्रुवाणः । त्वं विस्मयेन परितः स्तुवतामथैषां प्रादर्शयः स्वपरिचारककातराक्षीः ॥6॥
सम्मोहनाय मिलिता मदनादयस्ते त्वद्दासिकापरिमलैः किल मोहमापुः । दत्तां त्वया च जगृहुस्त्रपयैव सर्व- स्वर्वासिगर्वशमनीं पुनरुर्वशीं ताम् ॥7॥
दृष्ट्वोर्वशीं तव कथां च निशम्य शक्रः पर्याकुलोऽजनि भवन्महिमावमर्शात् । एवं प्रशांतरमणीयतरावतारा- त्त्वत्तोऽधिको वरद कृष्णतनुस्त्वमेव ॥8॥
दक्षस्तु धातुरतिलालनया रजोऽंधो नात्यादृतस्त्वयि च कष्टमशांतिरासीत् । येन व्यरुंध स भवत्तनुमेव शर्वं यज्ञे च वैरपिशुने स्वसुतां व्यमानीत् ॥9॥
क्रुद्धेशमर्दितमखः स तु कृत्तशीर्षो देवप्रसादितहरादथ लब्धजीवः । त्वत्पूरितक्रतुवरः पुनराप शांतिं स त्वं प्रशांतिकर पाहि मरुत्पुरेश ॥10॥
நாராயணீயம் த³ஶக 16 - நரனாராயணாவதாரம் ததா² த³க்ஷயாக:³ பற்றி
Dashaka 16 of the Narayaneeyam tells of Daksha, son of Brahma, and his daughters. Of the sixteen daughters born to Prasuti, thirteen are given to Dharma, Svadha to the ancestors, Svaha to Agni and Sati to Shiva. The dashaka also tells of the Lord's birth as the sages Nara and Narayana to Dharma, and ends with Daksha's sacrifice destroyed by Shiva's anger and Daksha restored to life through the Lord's grace.
இயற்றியவர்: Melpathur Narayana Bhattathiri (1560 to 1646)
எப்போது பாராயணம் செய்வது: In daily Narayaneeyam parayana and at Guruvayur.
உங்களுக்குத் தெரியுமா?
- Each dashaka ends with a prayer to the Lord of Guruvayur (Vatalayesha, Marutpuresha).
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
அடிக்கடி கேட்கப்படும் கேள்விகள்
Who are Nara and Narayana?
Twin sages born to Dharma, both forms of the Lord.
How does the dashaka end?
Daksha's sacrifice is destroyed by Shiva's anger, and Daksha is restored to life.
Who wrote the Narayaneeyam?
Melpathur Narayana Bhattathiri, in 1586.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்