MuhurtaNow

நாராயணீயம் த³ஶக 86 - ஸால்வவத⁴ம் மஹாபா⁴ரதயுத்³த⁴ம்

Vishnu · பாரம்பரிய பக்தி நூல்

সাল্বো ভৈষ্মীবিবাহে যদুবলবিজিতশ্চংদ্রচূডাদ্বিমানং বিংদন্ সৌভং স মায়ী ত্বয়ি বসতি কুরুংস্ত্বত্পুরীমভ্যভাংক্ষীত্ । প্রদ্য়ুম্নস্তং নিরুংধন্নিখিলযদুভটৈর্ন্যগ্রহীদুগ্রবীর্য়ং তস্য়ামাত্য়ং দ্য়ুমংতং ব্যজনি চ সমরঃ সপ্তবিংশত্যহাংতঃ ॥1॥

তাবত্ত্বং রামশালী ত্বরিতমুপগতঃ খংডিতপ্রাযসৈন্য়ং সৌভেশং তং ন্যরুংধাঃ স চ কিল গদয়া শার্ঙ্গমভ্রংশযত্তে । মায়াতাতং ব্যহিংসীদপি তব পুরতস্তত্ত্বয়াপি ক্ষণার্ধং নাজ্ঞায়ীত্য়াহুরেকে তদিদমবমতং ব্য়াস এব ন্যষেধীত্ ॥2॥

ক্ষিপ্ত্বা সৌভং গদাচূর্ণিতমুদকনিধৌ মংক্ষু সাল্বেঽপি চক্রে- ণোত্কৃত্তে দংতবক্ত্রঃ প্রসভমভিপতন্নভ্যমুংচদ্গদাং তে । কৌমোদক্য়া হতোঽসাবপি সুকৃতনিধিশ্চৈদ্যবত্প্রাপদৈক্য়ং সর্বেষামেষ পূর্বং ত্বয়ি ধৃতমনসাং মোক্ষণার্থোঽবতারঃ ॥3॥

ত্বয়্য়ায়াতেঽথ জাতে কিল কুরুসদসি দ্য়ূতকে সংযতায়াঃ ক্রংদংত্য়া যাজ্ঞসেন্য়াঃ সকরুণমকৃথাশ্চেলমালামনংতাম্ । অন্নাংতপ্রাপ্তশর্বাংশজমুনিচকিতদ্রৌপদীচিংতিতোঽথ প্রাপ্তঃ শাকান্নমশ্নন্ মুনিগণমকৃথাস্তৃপ্তিমংতং বনাংতে ॥4॥

যুদ্ধোদ্য়োগেঽথ মংত্রে মিলতি সতি বৃতঃ ফল্গুনেন ত্বমেকঃ কৌরব্য়ে দত্তসৈন্য়ঃ করিপুরমগমো দূত্যকৃত্ পাংডবার্থম্ । ভীষ্মদ্রোণাদিমান্য়ে তব খলু বচনে ধিক্কৃতে কৌরবেণ ব্য়াবৃণ্বন্ বিশ্বরূপং মুনিসদসি পুরীং ক্ষোভয়িত্বাগতোঽভূঃ ॥5॥

জিষ্ণোস্ত্বং কৃষ্ণ সূতঃ খলু সমরমুখে বংধুঘাতে দয়ালুং খিন্নং তং বীক্ষ্য় বীরং কিমিদময়ি সখে নিত্য় একোঽযমাত্মা । কো বধ্য়ঃ কোঽত্র হংতা তদিহ বধভিয়ং প্রোজ্ঝ্য় ময়্যর্পিতাত্মা ধর্ম্য়ং যুদ্ধং চরেতি প্রকৃতিমনযথা দর্শযন্ বিশ্বরূপম্ ॥6॥

ভক্তোত্তংসেঽথ ভীষ্মে তব ধরণিভরক্ষেপকৃত্য়ৈকসক্তে নিত্য়ং নিত্য়ং বিভিংদত্যয়ুতসমধিকং প্রাপ্তসাদে চ পার্থে । নিশ্শস্ত্রত্বপ্রতিজ্ঞাং বিজহদরিবরং ধারযন্ ক্রোধশালী- বাধাবন্ প্রাংজলিং তং নতশিরসমথো বীক্ষ্য় মোদাদপাগাঃ ॥7॥

যুদ্ধে দ্রোণস্য় হস্তিস্থিররণভগদত্তেরিতং বৈষ্ণবাস্ত্রং বক্ষস্য়াধত্ত চক্রস্থগিতরবিমহাঃ প্রার্দযত্সিংধুরাজম্ । নাগাস্ত্রে কর্ণমুক্তে ক্ষিতিমবনমযন্ কেবলং কৃত্তমৌলিং তত্রে ত্রাপি পার্থং কিমিব নহি ভবান্ পাংডবানামকার্ষীত্ ॥8॥

যুদ্ধাদৌ তীর্থগামী স খলু হলধরো নৈমিশক্ষেত্রমৃচ্ছ- ন্নপ্রত্য়ুত্থায়িসূতক্ষযকৃদথ সুতং তত্পদে কল্পয়িত্বা । যজ্ঞঘ্নং বল্কলং পর্বণি পরিদলযন্ স্নাততীর্থো রণাংতে সংপ্রাপ্তো ভীমদুর্য়োধনরণমশমং বীক্ষ্য় যাতঃ পুরীং তে ॥9॥

সংসুপ্তদ্রৌপদেযক্ষপণহতধিয়ং দ্রৌণিমেত্য় ত্বদুক্ত্য়া তন্মুক্তং ব্রাহ্মমস্ত্রং সমহৃত বিজয়ো মৌলিরত্নং চ জহ্রে । উচ্ছিত্য়ৈ পাংডবানাং পুনরপি চ বিশত্য়ুত্তরাগর্ভমস্ত্রে রক্ষন্নংগুষ্ঠমাত্রঃ কিল জঠরমগাশ্চক্রপাণির্বিভো ত্বম্ ॥10॥

ধর্মৌঘং ধর্মসূনোরভিদধদখিলং ছংদমৃত্য়ুস্স ভীষ্ম- স্ত্বাং পশ্যন্ ভক্তিভূম্নৈব হি সপদি যয়ৌ নিষ্কলব্রহ্মভূযম্ । সংয়াজ্য়াথাশ্বমেধৈস্ত্রিভিরতিমহিতৈর্ধর্মজং পূর্ণকামং সংপ্রাপ্তো দ্বরকাং ত্বং পবনপুরপতে পাহি মাং সর্বরোগাত্ ॥11॥

நாராயணீயம் த³ஶக 86 - ஸால்வவத⁴ம் மஹாபா⁴ரதயுத்³த⁴ம் பற்றி

Dashaka 86 of the Narayaneeyam begins with Salva, who attacks Dvaraka from his magical flying city Saubha while Krishna is away, and is defeated. It moves to the great war of the Mahabharata and its end: Bhishma, teaching Yudhishthira all of dharma and gazing at the Lord, merges into Brahman; Yudhishthira performs three horse sacrifices; and Krishna returns to Dvaraka.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • Each dashaka ends with a prayer to the Lord of Guruvayur (Vatalayesha, Marutpuresha).
  • The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.

அடிக்கடி கேட்கப்படும் கேள்விகள்

Who was Salva?

A king who attacked Dvaraka from the flying city Saubha.

How does Bhishma's life end here?

After teaching Yudhishthira, he merges into Brahman while gazing at Krishna.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.