MuhurtaNow

நாராயணீயம் த³ஶக 95 - த்⁴யானயோக:³ - மோக்ஷப்ராப்திமார்க:³

Vishnu · பாரம்பரிய பக்தி நூல்

ఆదౌ హైరణ్యగర్భీం తనుమవికలజీవాత్మికామాస్థితస్త్వం జీవత్వం ప్రాప్య మాయాగుణగణఖచితో వర్తసే విశ్వయోనే । తత్రోద్వృద్ధేన సత్త్వేన తు గుణయుగలం భక్తిభావం గతేన ఛిత్వా సత్త్వం చ హిత్వా పునరనుపహితో వర్తితాహే త్వమేవ ॥1॥

సత్త్వోన్మేషాత్ కదాచిత్ ఖలు విషయరసే దోషబోధేఽపి భూమన్ భూయోఽప్యేషు ప్రవృత్తిస్సతమసి రజసి ప్రోద్ధతే దుర్నివారా । చిత్తం తావద్గుణాశ్చ గ్రథితమిహ మిథస్తాని సర్వాణి రోద్ధుం తుర్యే త్వయ్యేకభక్తిశ్శరణమితి భవాన్ హంసరూపీ న్యగాదీత్ ॥2॥

సంతి శ్రేయాంసి భూయాంస్యపి రుచిభిదయా కర్మిణాం నిర్మితాని క్షుద్రానందాశ్చ సాంతా బహువిధగతయః కృష్ణ తేభ్యో భవేయుః । త్వం చాచఖ్యాథ సఖ్యే నను మహితతమాం శ్రేయసాం భక్తిమేకాం త్వద్భక్త్యానందతుల్యః ఖలు విషయజుషాం సమ్మదః కేన వా స్యాత్ ॥3॥

త్వత్భక్త్యా తుష్టబుద్ధేః సుఖమిహ చరతో విచ్యుతాశస్య చాశాః సర్వాః స్యుః సౌఖ్యమయ్యః సలిలకుహరగస్యేవ తోయైకమయ్యః । సోఽయం ఖల్వింద్రలోకం కమలజభవనం యోగసిద్ధీశ్చ హృద్యాః నాకాంక్షత్యేతదాస్తాం స్వయమనుపతితే మోక్షసౌఖ్యేఽప్యనీహః ॥4॥

త్వద్భక్తో బాధ్యమానోఽపి చ విషయరసైరింద్రియాశాంతిహేతో- ర్భక్త్యైవాక్రమ్యమాణైః పునరపి ఖలు తైర్దుర్బలైర్నాభిజయ్యః । సప్తార్చిర్దీపితార్చిర్దహతి కిల యథా భూరిదారుప్రపంచం త్వద్భక్త్యోఘే తథైవ ప్రదహతి దురితం దుర్మదః క్వేంద్రియాణామ్ ॥5॥

చిత్తార్ద్రీభావముచ్చైర్వపుషి చ పులకం హర్షవాష్పం చ హిత్వా చిత్తం శుద్ధ్యేత్కథం వా కిము బహుతపసా విద్యయా వీతభక్తేః । త్వద్గాథాస్వాదసిద్ధాంజనసతతమరీమృజ్యమానోఽయమాత్మా చక్షుర్వత్తత్త్వసూక్ష్మం భజతి న తు తథాఽభ్యస్తయా తర్కకోట్యా॥6॥

ధ్యానం తే శీలయేయం సమతనుసుఖబద్ధాసనో నాసికాగ్ర- న్యస్తాక్షః పూరకాద్యైర్జితపవనపథశ్చిత్తపద్మం త్వవాంచం। ఊర్ధ్వాగ్రం భావయిత్వా రవివిధుశిఖినః సంవిచింత్యోపరిష్టాత్ తత్రస్థం భావయే త్వాం సజలజలధరశ్యామలం కోమలాంగమ్ ॥7॥

ఆనీలశ్లక్ష్ణకేశం జ్వలితమకరసత్కుండలం మందహాస- స్యందార్ద్రం కౌస్తుభశ్రీపరిగతవనమాలోరుహారాభిరామమ్ । శ్రీవత్సాంకం సుబాహుం మృదులసదుదరం కాంచనచ్ఛాయచేలం చారుస్నిగ్ధోరుమంభోరుహలలితపదం భావయేఽహం భవంతమ్ ॥8॥

సర్వాంగేష్వంగ రంగత్కుతుకమితి ముహుర్ధారయన్నీశ చిత్తం తత్రాప్యేకత్ర యుంజే వదనసరసిజే సుందరే మందహాసే తత్రాలీనం తు చేతః పరమసుఖచిదద్వైతరూపే వితన్వ- న్నన్యన్నో చింతయేయం ముహురితి సముపారూఢయోగో భవేయమ్ ॥9॥

ఇత్థం త్వద్ధ్యానయోగే సతి పునరణిమాద్యష్టసంసిద్ధయస్తాః దూరశ్రుత్యాదయోఽపి హ్యహమహమికయా సంపతేయుర్మురారే । త్వత్సంప్రాప్తౌ విలంబావహమఖిలమిదం నాద్రియే కామయేఽహం త్వామేవానందపూర్ణం పవనపురపతే పాహి మాం సర్వతాపాత్ ॥10॥

நாராயணீயம் த³ஶக 95 - த்⁴யானயோக:³ - மோக்ஷப்ராப்திமார்க:³ பற்றி

The ninety-fifth dashaka of the Narayaneeyam is on meditation (dhyana yoga), drawn from Krishna's teaching to Uddhava. Bhattathiri describes how the Lord, taking the form of the cosmic soul, becomes the individual self entangled in the qualities of maya; when sattva grows, one sees the faults in sense pleasures yet is drawn back to them by rajas and tamas, and so must practise steadily. He describes meditation on the Lord's form in the heart, step by step, and says that when such meditation ripens, powers like becoming tiny or hearing from afar may come of themselves, but since they only delay reaching the Lord, he does not care for them and longs only for the Lord himself.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • Like Patanjali's Yoga Sutras, the dashaka treats yogic powers as obstacles on the way to the Lord.
  • Krishna teaches this meditation to Uddhava in the Bhagavatam, book 11, chapter 14.

அடிக்கடி கேட்கப்படும் கேள்விகள்

What is this dashaka about?

Meditation on the Lord's form in the heart.

What does the poet say about yogic powers?

That they delay reaching the Lord, so he does not want them.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.