ஶிவ பு⁴ஜங்க³ ஸ்தோத்ரம்
Shiva · பாரம்பரிய பக்தி நூல்
গলদ্দানগংডং মিলদ্ভৃংগষংডং চলচ্চারুশুংডং জগত্ত্রাণশৌংডম্ । কনদ্দংতকাংডং বিপদ্ভংগচংডং শিবপ্রেমপিংডং ভজে বক্রতুংডম্ ॥ 1 ॥
অনাদ্য়ংতমাদ্য়ং পরং তত্ত্বমর্থং চিদাকারমেকং তুরীয়ং ত্বমেযম্ । হরিব্রহ্মমৃগ্য়ং পরব্রহ্মরূপং মনোবাগতীতং মহঃশৈবমীডে ॥ 2 ॥
স্বশক্ত্য়াদি শক্ত্য়ংত সিংহাসনস্থং মনোহারি সর্বাংগরত্নোরুভূষম্ । জটাহীংদুগংগাস্থিশম্য়াকমৌলিং পরাশক্তিমিত্রং নমঃ পংচবক্ত্রম্ ॥ 3 ॥
শিবেশানতত্পূরুষাঘোরবামাদিভিঃ পংচভির্হৃন্মুখৈঃ ষড্ভিরংগৈঃ । অনৌপম্য় ষট্ত্রিংশতং তত্ত্ববিদ্য়ামতীতং পরং ত্বাং কথং বেত্তি কো বা ॥ 4 ॥
প্রবালপ্রবাহপ্রভাশোণমর্ধং মরুত্বন্মণি শ্রীমহঃ শ্য়ামমর্ধম্ । গুণস্য়ূতমেতদ্বপুঃ শৈবমংতঃ স্মরামি স্মরাপত্তিসংপত্তিহেতোঃ ॥ 5 ॥
স্বসেবাসমায়াতদেবাসুরেংদ্রা নমন্মৌলিমংদারমালাভিষিক্তম্ । নমস্য়ামি শংভো পদাংভোরুহং তে ভবাংভোধিপোতং ভবানী বিভাব্যম্ ॥ 6 ॥
জগন্নাথ মন্নাথ গৌরীসনাথ প্রপন্নানুকংপিন্বিপন্নার্তিহারিন্ । মহঃস্তোমমূর্তে সমস্তৈকবংধো নমস্তে নমস্তে পুনস্তে নমোঽস্তু ॥ 7 ॥
বিরূপাক্ষ বিশ্বেশ বিশ্বাদিদেব ত্রয়ী মূল শংভো শিব ত্র্য়ংবক ত্বম্ । প্রসীদ স্মর ত্রাহি পশ্য়াবমুক্ত্য়ৈ ক্ষমাং প্রাপ্নুহি ত্র্যক্ষ মাং রক্ষ মোদাত্ ॥ 8 ॥
মহাদেব দেবেশ দেবাদিদেব স্মরারে পুরারে যমারে হরেতি । ব্রুবাণঃ স্মরিষ্য়ামি ভক্ত্য়া লিনে ভবংতং ততো মে দয়াশীল দেব প্রসীদ ॥ 9 ॥
ত্বদন্য়ঃ শরণ্য়ঃ প্রপন্নস্য় নেতি প্রসীদ স্মরন্নেব হন্য়াস্তু দৈন্যম্ । ন চেত্তে ভবেদ্ভক্তবাত্সল্যহানিস্ততো মে দয়ালো সদা সন্নিধেহি ॥ 10 ॥
অয়ং দানকালস্ত্বহং দানপাত্রং ভবানেব দাতা ত্বদন্য়ং ন যাচে । ভবদ্ভক্তিমেব স্থিরাং দেহি মহ্য়ং কৃপাশীল শংভো কৃতার্থোঽস্মি তস্মাত্ ॥ 11 ॥
পশুং বেত্সি চেন্মাং তমেবাধিরূঢঃ কলংকীতি বা মূর্ধ্নি ধত্সে তমেব । দ্বিজিহ্বঃ পুনঃ সোঽপি তে কংঠভূষা ত্বদংগীকৃতাঃ শর্ব সর্বেঽপি ধন্য়াঃ ॥ 12 ॥
ন শক্নোমি কর্তুং পরদ্রোহলেশং কথং প্রীযসে ত্বং ন জানে গিরীশ । তথাহি প্রসন্নোঽসি কস্য়াপি কাংতাসুতদ্রোহিণো বা পিতৃদ্রোহিণো বা ॥ 13 ॥
স্তুতিং ধ্য়ানমর্চাং যথাবদ্বিধাতুং ভজন্নপ্যজানন্মহেশাবলংবে । ত্রসংতং সুতং ত্রাতুমগ্রে মৃকংডোর্যমপ্রাণনির্বাপণং ত্বত্পদাব্জম্ ॥ 14 ॥
শিরো দৃষ্টি হৃদ্রোগ শূল প্রমেহজ্বরার্শো জরাযক্ষ্মহিক্কাবিষার্তান্ । ত্বমাদ্য়ো ভিষগ্ভেষজং ভস্ম শংভো ত্বমুল্লাঘয়াস্মান্বপুর্লাঘবায় ॥ 15 ॥
দরিদ্রোঽস্ম্যভদ্রোঽস্মি ভগ্নোঽস্মি দূয়ে বিষণ্ণোঽস্মি সন্নোঽস্মি খিন্নোঽস্মি চাহম্ । ভবান্প্রাণিনামংতরাত্মাসি শংভো মমাধিং ন বেত্সি প্রভো রক্ষ মাং ত্বম্ ॥ 16 ॥
ত্বদক্ষ্ণোঃ কটাক্ষঃ পতেত্ত্র্যক্ষ যত্র ক্ষণং ক্ষ্মা চ লক্ষ্মীঃ স্বয়ং তং বৃণাতে । কিরীটস্ফুরচ্চামরচ্ছত্রমালাকলাচীগজক্ষৌমভূষাবিশেষৈঃ ॥ 17 ॥
ভবান্য়ৈ ভবায়াপি মাত্রে চ পিত্রে মৃডান্য়ৈ মৃডায়াপ্যঘঘ্ন্য়ৈ মখঘ্নে । শিবাংগ্য়ৈ শিবাংগায় কুর্মঃ শিবায়ৈ শিবায়াংবিকায়ৈ নমস্ত্র্য়ংবকায় ॥ 18 ॥
ভবদ্গৌরবং মল্লঘুত্বং বিদিত্বা প্রভো রক্ষ কারুণ্যদৃষ্ট্য়ানুগং মাম্ । শিবাত্মানুভাবস্তুতাবক্ষমোঽহং স্বশক্ত্য়া কৃতং মে¶অধং ক্ষমস্ব ॥ 19 ॥
যদা কর্ণরংধ্রং ব্রজেত্কালবাহদ্বিষত্কংঠঘংটা ঘণাত্কারনাদঃ । বৃষাধীশমারুহ্য় দেবৌপবাহ্য়ংতদা বত্স মা ভীরিতি প্রীণয় ত্বম্ ॥ 20 ॥
যদা দারুণাভাষণা ভীষণা মে ভবিষ্য়ংত্য়ুপাংতে কৃতাংতস্য় দূতাঃ । তদা মন্মনস্ত্বত্পদাংভোরুহস্থং কথং নিশ্চলং স্য়ান্নমস্তেঽস্তু শংভো ॥ 21 ॥
যদা দুর্নিবারব্যথোঽহং শয়ানো লুঠন্নিঃশ্বসন্নিঃসৃতাব্যক্তবাণিঃ । তদা জহ্নুকন্য়াজলালংকৃতং তে জটামংডলং মন্মনোমংদিরে স্য়াত্ ॥ 22 ॥
যদা পুত্রমিত্রাদয়ো মত্সকাশে রুদংত্যস্য় হা কীদৃশীয়ং দশেতি । তদা দেবদেবেশ গৌরীশ শংভো নমস্তে শিবায়েত্যজস্রং ব্রবাণি ॥ 23 ॥
যদা পশ্যতাং মামসৌ বেত্তি নাস্মানয়ং শ্বাস এবেতি বাচো ভবেয়ুঃ । তদা ভূতিভূষং ভুজংগাবনদ্ধং পুরারে ভবংতং স্ফুটং ভাবয়েযম্ ॥ 24 ॥
যদা যাতনাদেহসংদেহবাহী ভবেদাত্মদেহে ন মোহো মহান্মে । তদা কাশশীতাংশুসংকাশমীশ স্মরারে বপুস্তে নমস্তে স্মরামি ॥ 25 ॥
যদাপারমচ্ছাযমস্থানমদ্ভির্জনৈর্বা বিহীনং গমিষ্য়ামি মার্গম্ । তদা তং নিরুংধংকৃতাংতস্য় মার্গং মহাদেব মহ্য়ং মনোজ্ঞং প্রযচ্ছ ॥ 26 ॥
যদা রৌরবাদি স্মরন্নেব ভীত্য়া ব্রজাম্যত্র মোহং মহাদেব ঘোরম্ । তদা মামহো নাথ কস্তারয়িষ্যত্যনাথং পরাধীনমর্ধেংদুমৌলে ॥ 27 ॥
যদা শ্বেতপত্রাযতালংঘ্যশক্তেঃ কৃতাংতাদ্ভয়ং ভক্তিবাত্সল্যভাবাত্ । তদা পাহি মাং পার্বতীবল্লভান্য়ং ন পশ্য়ামি পাতারমেতাদৃশং মে ॥ 28 ॥
ইদানীমিদানীং মৃতির্মে ভবিত্রীত্যহো সংততং চিংতয়া পীডিতোঽস্মি । কথং নাম মা ভূন্মৃতৌ ভীতিরেষা নমস্তে গতীনাং গতে নীলকংঠ ॥ 29 ॥
অমর্য়াদমেবাহমাবালবৃদ্ধং হরংতং কৃতাংতং সমীক্ষ্য়াস্মি ভীতঃ । মৃতৌ তাবকাংঘ্র্যব্জদিব্যপ্রসাদাদ্ভবানীপতে নির্ভয়োঽহং ভবানি ॥ 30 ॥
জরাজন্মগর্ভাধিবাসাদিদুঃখান্যসহ্য়ানি জহ্য়াং জগন্নাথ দেব । ভবংতং বিনা মে গতির্নৈব শংভো দয়ালো ন জাগর্তি কিং বা দয়া তে ॥ 31 ॥
শিবায়েতি শব্দো নমঃপূর্ব এষ স্মরন্মুক্তিকৃন্মৃত্য়ুহা তত্ত্ববাচী । মহেশান মা গান্মনস্তো বচস্তঃ সদা মহ্যমেতত্প্রদানং প্রযচ্ছ ॥ 32 ॥
ত্বমপ্য়ংব মাং পশ্য় শীতাংশুমৌলিপ্রিয়ে ভেষজং ত্বং ভবব্য়াধিশাংতৌ বহুক্লেশভাজং পদাংভোজপোতে ভবাব্ধৌ নিমগ্নং নযস্বাদ্য় পারম্ ॥ 33 ॥
অনুদ্যল্ললাটাক্ষি বহ্নি প্ররোহৈরবামস্ফুরচ্চারুবামোরুশোভৈঃ । অনংগভ্রমদ্ভোগিভূষাবিশেষৈরচংদ্রার্ধচূডৈরলং দৈবতৈর্নঃ ॥ 34 ॥
অকংঠেকলংকাদনংগেভুজংগাদপাণৌকপালাদফালেঽনলাক্ষাত্ । অমৌলৌশশাংকাদবামেকলত্রাদহং দেবমন্য়ং ন মন্য়ে ন মন্য়ে ॥ 35 ॥
মহাদেব শংভো গিরীশ ত্রিশূলিংস্ত্বদীয়ং সমস্তং বিভাতীতি যস্মাত্ । শিবাদন্যথা দৈবতং নাভিজানে শিবোঽহং শিবোঽহং শিবোঽহং শিবোঽহম্ ॥ 36 ॥
যতোঽজাযতেদং প্রপংচং বিচিত্রং স্থিতিং যাতি যস্মিন্যদেকাংতমংতে । স কর্মাদিহীনঃ স্বয়ংজ্য়োতিরাত্মা শিবোঽহং শিবোঽহং শিবোঽহং শিবোঽহম্ ॥ 37 ॥
কিরীটে নিশেশো ললাটে হুতাশো ভুজে ভোগিরাজো গলে কালিমা চ । তনৌ কামিনী যস্য় তত্তুল্যদেবং ন জানে ন জানে ন জানে ন জানে ॥ 38 ॥
অনেন স্তবেনাদরাদংবিকেশং পরাং ভক্তিমাসাদ্য় যং যে নমংতি । মৃতৌ নির্ভয়াস্তে জনাস্তং ভজংতে হৃদংভোজমধ্য়ে সদাসীনমীশম্ ॥ 39 ॥
ভুজংগপ্রিয়াকল্প শংভো ময়ৈবং ভুজংগপ্রয়াতেন বৃত্তেন ক্লৃপ্তম্ । নরঃ স্তোত্রমেতত্পঠিত্বোরুভক্ত্য়া সুপুত্রায়ুরারোগ্যমৈশ্বর্যমেতি ॥ 40 ॥
ஶிவ பு⁴ஜங்க³ ஸ்தோத்ரம் பற்றி
The Shiva Bhujanga Stotram is a hymn of forty verses to Lord Shiva in the flowing bhujanga prayata metre, traditionally attributed to Adi Shankaracharya. It opens by bowing to Ganesha, the curved-trunk one, a lump of Shiva's love; then praises Shiva as without beginning or end, the supreme truth, pure consciousness, the fourth state beyond waking, dream and sleep, sought by Hari and Brahma, beyond mind and speech; and goes on to a heartfelt prayer for his protection at the hour of death and his grace in this life.
இயற்றியவர்: Traditionally attributed to Adi Shankaracharya
எப்போது பாராயணம் செய்வது: On Mondays, Pradosham and Maha Shivaratri, and in daily Shiva worship.
உங்களுக்குத் தெரியுமா?
- Its last verse names its own metre: "this hymn composed in bhujanga prayata", "the movement of a serpent", fitting for Shiva who wears serpents.
- Shankara also wrote a famous Subrahmanya Bhujangam in the same metre.
அடிக்கடி கேட்கப்படும் கேள்விகள்
Who is it attributed to?
Traditionally to Adi Shankaracharya.
What does "bhujanga prayata" mean?
"Serpent's movement", the name of its flowing metre.
Whom does the first verse praise?
Lord Ganesha.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்