భజ గోవిందం (మోహ ముద్గరం)
Vishnu · సాంప్రదాయ భక్తి గ్రంథం
భజ గోవిందం భజ గోవిందం గోవిందం భజ మూఢమతే ।
సంప్రాప్తే సన్నిహితే కాలే నహి నహి రక్షతి డుకృంకరణే ॥ 1 ॥ భజ గోవిందం భజ గోవిందం ...
మూఢ జహీహి ధనాగమతృష్ణాం కురు సద్బుద్ధిం మనసి వితృష్ణామ్ । యల్లభసే నిజకర్మోపాత్తం విత్తం తేన వినోదయ చిత్తమ్ ॥ 2 ॥ భజ గోవిందం భజ గోవిందం ...
నారీస్తనభర-నాభీదేశం దృష్ట్వా మా గా మోహావేశమ్ । ఏతన్మాంసవసాదివికారం మనసి విచింతయ వారం వారమ్ ॥ 3 ॥ భజ గోవిందం భజ గోవిందం ...
నలినీదల-గతజలమతితరలం తద్వజ్జీవితమతిశయ-చపలమ్ । విద్ధి వ్యాధ్యభిమానగ్రస్తం లోకం శోకహతం చ సమస్తమ్ ॥ 4 ॥ భజ గోవిందం భజ గోవిందం ...
యావద్విత్తోపార్జనసక్తః తావన్నిజపరివారో రక్తః । పశ్చాజ్జీవతి జర్జరదేహే వార్తాం కోఽపి న పృచ్ఛతి గేహే ॥ 5 ॥ భజ గోవిందం భజ గోవిందం ...
యావత్పవనో నివసతి దేహే తావత్పృచ్ఛతి కుశలం గేహే । గతవతి వాయౌ దేహాపాయే భార్యా బిభ్యతి తస్మిన్కాయే ॥ 6 ॥ భజ గోవిందం భజ గోవిందం ...
బాలస్తావత్క్రీడాసక్తః తరుణస్తావత్తరుణీసక్తః । వృద్ధస్తావచ్చింతాసక్తః పరమే బ్రహ్మణి కోఽపి న సక్తః ॥ 7 ॥ భజ గోవిందం భజ గోవిందం ...
కా తే కాంతా కస్తే పుత్రః సంసారోఽయమతీవ విచిత్రః । కస్య త్వం కః కుత ఆయాతః తత్త్వం చింతయ తదిహ భ్రాతః ॥ 8 ॥ భజ గోవిందం భజ గోవిందం ...
సత్సంగత్వే నిస్సంగత్వం నిస్సంగత్వే నిర్మోహత్వమ్ । నిర్మోహత్వే నిశ్చలతత్త్వం నిశ్చలతత్త్వే జీవన్ముక్తిః ॥ 9 ॥ భజ గోవిందం భజ గోవిందం ...
వయసి గతే కః కామవికారః శుష్కే నీరే కః కాసారః । క్షీణే విత్తే కః పరివారః జ్ఞాతే తత్త్వే కః సంసారః ॥ 10 ॥ భజ గోవిందం భజ గోవిందం ...
మా కురు ధన-జన-యౌవన-గర్వం హరతి నిమేషాత్కాలః సర్వమ్ । మాయామయమిదమఖిలం హిత్వా బ్రహ్మపదం త్వం ప్రవిశ విదిత్వా ॥ 11 ॥ భజ గోవిందం భజ గోవిందం ...
దినయామిన్యౌ సాయం ప్రాతః శిశిరవసంతౌ పునరాయాతః । కాలః క్రీడతి గచ్ఛత్యాయుః తదపి న ముంచత్యాశావాయుః ॥ 12 ॥ భజ గోవిందం భజ గోవిందం ...
కా తే కాంతా ధనగతచింతా వాతుల కిం తవ నాస్తి నియంతా । త్రిజగతి సజ్జనసంగతిరేకా భవతి భవార్ణవతరణే నౌకా ॥ 13 ॥ భజ గోవిందం భజ గోవిందం ...
ద్వాదశ-మంజరికాభిరశేషః కథితో వైయాకరణస్యైషః । ఉపదేశోఽభూద్విద్యా-నిపుణైః శ్రీమచ్ఛంకర-భగవచ్ఛరణైః ॥ 14 ॥ భజ గోవిందం భజ గోవిందం ...
జటిలో ముండీ లుంఛితకేశః కాషాయాంబర-బహుకృతవేషః । పశ్యన్నపి చ న పశ్యతి మూఢః ఉదరనిమిత్తం బహుకృతవేషః ॥ 15 ॥ భజ గోవిందం భజ గోవిందం ...
అంగం గలితం పలితం ముండం దశనవిహీనం జాతం తుండమ్ । వృద్ధో యాతి గృహీత్వా దండం తదపి న ముంచత్యాశాపిండమ్ ॥ 16 ॥ భజ గోవిందం భజ గోవిందం ...
అగ్రే వహ్నిః పృష్ఠే భానుః రాత్రౌ చుబుక-సమర్పిత-జానుః । కరతల-భిక్షస్తరుతలవాసః తదపి న ముంచత్యాశాపాశః ॥ 17 ॥ భజ గోవిందం భజ గోవిందం ...
కురుతే గంగాసాగరగమనం వ్రత-పరిపాలనమథవా దానమ్ । జ్ఞానవిహీనః సర్వమతేన భజతి న ముక్తిం జన్మశతేన ॥ 18 ॥ భజ గోవిందం భజ గోవిందం ...
సురమందిర-తరు-మూల-నివాసః శయ్యా భూతలమజినం వాసః । సర్వ-పరిగ్రహ-భోగత్యాగః కస్య సుఖం న కరోతి విరాగః ॥ 19 ॥ భజ గోవిందం భజ గోవిందం ...
యోగరతో వా భోగరతో వా సంగరతో వా సంగవిహీనః । యస్య బ్రహ్మణి రమతే చిత్తం నందతి నందతి నందత్యేవ ॥ 20 ॥ భజ గోవిందం భజ గోవిందం ...
భగవద్గీతా కించిదధీతా గంగాజల-లవకణికా పీతా । సకృదపి యేన మురారిసమర్చా క్రియతే తస్య యమేన న చర్చా ॥ 21 ॥ భజ గోవిందం భజ గోవిందం ...
పునరపి జననం పునరపి మరణం పునరపి జననీజఠరే శయనమ్ । ఇహ సంసారే బహుదుస్తారే కృపయాఽపారే పాహి మురారే ॥ 22 ॥ భజ గోవిందం భజ గోవిందం ...
రథ్యాచర్పట-విరచిత-కంథః పుణ్యాపుణ్య-వివర్జిత-పంథః । యోగీ యోగనియోజిత-చిత్తః రమతే బాలోన్మత్తవదేవ ॥ 23 ॥ భజ గోవిందం భజ గోవిందం ...
కస్త్వం కోఽహం కుత ఆయాతః కా మే జననీ కో మే తాతః । ఇతి పరిభావయ సర్వమసారం విశ్వం త్యక్త్వా స్వప్నవిచారమ్ ॥ 24 ॥ భజ గోవిందం భజ గోవిందం ...
త్వయి మయి చాన్యత్రైకో విష్ణుః వ్యర్థం కుప్యసి మయ్యసహిష్ణుః । భవ సమచిత్తః సర్వత్ర త్వం వాంఛస్యచిరాద్యది విష్ణుత్వమ్ ॥ 25 ॥ భజ గోవిందం భజ గోవిందం ...
శత్రౌ మిత్రే పుత్రే బంధౌ మా కురు యత్నం విగ్రహసంధౌ । సర్వస్మిన్నపి పశ్యాత్మానం సర్వత్రోత్సృజ భేదాజ్ఞానమ్ ॥ 26 ॥ భజ గోవిందం భజ గోవిందం ...
కామం క్రోధం లోభం మోహం త్యక్త్వాఽఽత్మానం పశ్యతి సోఽహమ్ । ఆత్మజ్ఞానవిహీనా మూఢాః తే పచ్యంతే నరకనిగూఢాః ॥ 27 ॥ భజ గోవిందం భజ గోవిందం ...
గేయం గీతా-నామసహస్రం ధ్యేయం శ్రీపతి-రూపమజస్రమ్ । నేయం సజ్జన-సంగే చిత్తం దేయం దీనజనాయ చ విత్తమ్ ॥ 28 ॥ భజ గోవిందం భజ గోవిందం ...
సుఖతః క్రియతే కామాభోగః పశ్చాదంత శరీరే రోగః । యద్యపి లోకే మరణం శరణం తదపి న ముంచతి పాపాచరణమ్ ॥ 29 ॥ భజ గోవిందం భజ గోవిందం ...
అర్థమనర్థం భావయ నిత్యం నాస్తితతః సుఖలేశః సత్యమ్ । పుత్రాదపి ధనభాజాం భీతిః సర్వత్రైషా విహితా రీతిః ॥ 30 ॥ భజ గోవిందం భజ గోవిందం ...
ప్రాణాయామం ప్రత్యాహారం నిత్యానిత్య వివేకవిచారమ్ । జాప్యసమేతసమాధివిధానం కుర్వవధానం మహదవధానమ్ ॥ 31 ॥ భజ గోవిందం భజ గోవిందం ...
గురుచరణాంబుజ-నిర్భరభక్తః సంసారాదచిరాద్భవ ముక్తః । సేంద్రియమానస-నియమాదేవం ద్రక్ష్యసి నిజహృదయస్థం దేవమ్ ॥ 32 ॥ భజ గోవిందం భజ గోవిందం ...
మూఢః కశ్చన వైయాకరణో డుఃకృంకరణాధ్యయనధురీణః । శ్రీమచ్ఛంకర-భగవచ్ఛిష్యైః బోధిత ఆసీచ్ఛోధిత-కరణః ॥ 33 ॥ భజ గోవిందం భజ గోవిందం ...
భజ గోవిందం భజ గోవిందం గోవిందం భజ మూఢమతే । నామస్మరణాదన్యముపాయం నహి పశ్యామో భవతరణే ॥ 34 ॥ భజ గోవిందం భజ గోవిందం ...
భజ గోవిందం (మోహ ముద్గరం) గురించి
Bhaja Govindam, also called the Moha Mudgara, "the hammer that breaks delusion", is Adi Shankaracharya's famous hymn urging us to turn to God. Its refrain is "Bhaja Govindam, bhaja Govindam, Govindam bhaja mudhamate": worship Govinda, worship Govinda, O foolish mind; when the appointed time comes, grammar rules will not save you. Its verses speak plainly of the passing of youth, wealth and family, and end: there is no other way to cross the ocean of life than remembering the Lord's name.
రచయిత: Adi Shankaracharya and his disciples, by tradition
ఎప్పుడు పఠించాలి: Daily, in bhajans, in study circles, and for reflection at any age.
మీకు తెలుసా?
- Tradition says Shankara composed it in Kashi on seeing an old man memorising rules of Sanskrit grammar ("dukrin karane") instead of turning to God.
- Shankara is said to have composed the first twelve verses, and his fourteen disciples added one verse each.
- M. S. Subbulakshmi's rendition made it known around the world.
ఈ పండుగలలో పఠిస్తారు
తరచుగా అడిగే ప్రశ్నలు
What is the refrain of Bhaja Govindam?
"Bhaja Govindam... Govindam bhaja mudhamate": worship Govinda, O foolish mind.
Why is it called Moha Mudgara?
It is "the hammer that breaks delusion".
What prompted it, by tradition?
Shankara seeing an old man memorising grammar rules in Kashi.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు