బ్రహ్మజ్ఞానావళీమాలా
Vishnu · సాంప్రదాయ భక్తి గ్రంథం
సకృచ్ఛ్రవణమాత్రేణ బ్రహ్మజ్ఞానం యతో భవేత్ । బ్రహ్మజ్ఞానావలీమాలా సర్వేషాం మోక్షసిద్ధయే ॥ 1॥
అసంగోఽహమసంగోఽహమసంగోఽహం పునః పునః । సచ్చిదానందరూపోఽహమహమేవాహమవ్యయః ॥ 2॥
నిత్యశుద్ధవిముక్తోఽహం నిరాకారోఽహమవ్యయః । భూమానందస్వరూపోఽహమహమేవాహమవ్యయః ॥ 3॥
నిత్యోఽహం నిరవద్యోఽహం నిరాకారోఽహముచ్యతే । పరమానందరూపోఽహమహమేవాహమవ్యయః ॥ 4॥
శుద్ధచైతన్యరూపోఽహమాత్మారామోఽహమేవ చ । అఖండానందరూపోఽహమహమేవాహమవ్యయః ॥ 5॥
ప్రత్యక్చైతన్యరూపోఽహం శాంతోఽహం ప్రకృతేః పరః । శాశ్వతానందరూపోఽహమహమేవాహమవ్యయః ॥ 6॥
తత్త్వాతీతః పరాత్మాహం మధ్యాతీతః పరః శివః । మాయాతీతః పరంజ్యోతిరహమేవాహమవ్యయః ॥ 7॥
నానారూపవ్యతీతోఽహం చిదాకారోఽహమచ్యుతః । సుఖరూపస్వరూపోఽహమహమేవాహమవ్యయః ॥ 8॥
మాయాతత్కార్యదేహాది మమ నాస్త్యేవ సర్వదా । స్వప్రకాశైకరూపోఽహమహమేవాహమవ్యయః ॥ 9॥
గుణత్రయవ్యతీతోఽహం బ్రహ్మాదీనాం చ సాక్ష్యహమ్ । అనంతానంతరూపోఽహమహమేవాహమవ్యయః ॥ 10॥
అంతర్యామిస్వరూపోఽహం కూటస్థః సర్వగోఽస్మ్యహమ్ । పరమాత్మస్వరూపోఽహమహమేవాహమవ్యయః ॥ 11॥
నిష్కలోఽహం నిష్క్రియోఽహం సర్వాత్మాద్యః సనాతనః । అపరోక్షస్వరూపోఽహమహమేవాహమవ్యయః ॥ 12॥
ద్వంద్వాదిసాక్షిరూపోఽహమచలోఽహం సనాతనః । సర్వసాక్షిస్వరూపోఽహమహమేవాహమవ్యయః ॥ 13॥
ప్రజ్ఞానఘన ఏవాహం విజ్ఞానఘన ఏవ చ । అకర్తాహమభోక్తాహమహమేవాహమవ్యయః ॥ 14॥
నిరాధారస్వరూపోఽహం సర్వాధారోఽహమేవ చ । ఆప్తకామస్వరూపోఽహమహమేవాహమవ్యయః ॥ 15॥
తాపత్రయవినిర్ముక్తో దేహత్రయవిలక్షణః । అవస్థాత్రయసాక్ష్యస్మి చాహమేవాహమవ్యయః ॥ 16॥
దృగ్దృశ్యౌ ద్వౌ పదార్థౌ స్తః పరస్పరవిలక్షణౌ । దృగ్బ్రహ్మ దృశ్యం మాయేతి సర్వవేదాంతడిండిమః ॥ 17॥
అహం సాక్షీతి యో విద్యాద్వివిచ్యైవం పునః పునః । స ఏవ ముక్తః సో విద్వానితి వేదాంతడిండిమః ॥ 18॥
ఘటకుడ్యాదికం సర్వం మృత్తికామాత్రమేవ చ । తద్వద్బ్రహ్మ జగత్సర్వమితి వేదాంతడిండిమః ॥ 19॥
బ్రహ్మ సత్యం జగన్మిథ్యా జీవో బ్రహ్మైవ నాపరః । అనేన వేద్యం సచ్ఛాస్త్రమితి వేదాంతడిండిమః ॥ 20॥
అంతర్జ్యోతిర్బహిర్జ్యోతిః ప్రత్యగ్జ్యోతిః పరాత్పరః । జ్యోతిర్జ్యోతిః స్వయంజ్యోతిరాత్మజ్యోతిః శివోఽస్మ్యహమ్ ॥ 21॥
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ బ్రహ్మజ్ఞానావలీమాలా సంపూర్ణా ॥
బ్రహ్మజ్ఞానావళీమాలా గురించి
The Brahma Jnanavali Mala, "a garland of the knowledge of Brahman", is a short Advaita text. Its first verse says that by hearing it even once, knowledge of Brahman arises, for the liberation of all. The verses then declare, again and again, the nature of the Self: "Asango'ham, asango'ham": I am unattached, I am unattached; I am of the nature of being, consciousness and bliss, imperishable, the witness, beyond all change.
రచయిత: Adi Shankaracharya, as its colophon states
ఎప్పుడు పఠించాలి: For study, contemplation and meditation, especially in Vedanta classes.
మీకు తెలుసా?
- Its colophon names Shankara, disciple of Govinda Bhagavatpada, as its author.
- Its verses are short declarations, "aham..." ("I am..."), meant to be repeated and dwelt on in meditation.
తరచుగా అడిగే ప్రశ్నలు
What does "Brahma Jnanavali Mala" mean?
"A garland of the knowledge of Brahman".
What does it repeat?
"Asango'ham": I am unattached, the Self beyond all.
Who wrote it?
Adi Shankaracharya, as its colophon states.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు