MuhurtaNow

గీతగోవిందం ద్వితీయః సర్గః - అక్లేశ కేశవః

Sri Krishna · సాంప్రదాయ భక్తి గ్రంథం

॥ দ্বিতীয়ঃ সর্গঃ ॥ ॥ অক্লেশকেশবঃ ॥

বিহরতি বনে রাধা সাধারণপ্রণয়ে হরৌ বিগলিতনিজোত্কর্ষাদীর্ষ্য়াবশেন গতান্যতঃ । ক্বচিদপি লতাকুংজে গুংজন্মধুব্রতমংডলী-মুখরশিখরে লীনা দীনাপ্য়ুবাচ রহঃ সখীম্ ॥ 14 ॥

॥ গীতং 5 ॥

সংচরদধরসুধামধুরধ্বনিমুখরিতমোহনবংশম্ । চলিতদৃগংচলচংচলমৌলিকপোলবিলোলবতংসম্ ॥ রাসে হরিমিহ বিহিতবিলাসং স্মরতি মনো মম কৃতপরিহাসম্ ॥ 1 ॥

চংদ্রকচারুময়ূরশিখংডকমংডলবলয়িতকেশম্ । প্রচুরপুরংদরধনুরনুরংজিতমেদুরমুদিরসুবেশম্ ॥ 2 ॥

গোপকদংবনিতংববতীমুখচুংবনলংভিতলোভম্ । বংধুজীবমধুরাধরপল্লবমুল্লসিতস্মিতশোভম্ ॥ 3 ॥

বিপুলপুলকভুজপল্লববলয়িতবল্লবয়ুবতিসহস্রম্ । করচরণোরসি মণিগণভূষণকিরণবিভিন্নতমিস্রম্ ॥ 4 ॥

জলদপটলবলদিংদুবিনংদকচংদনতিলকললাটম্ । পীনপয়োধরপরিসরমর্দননির্দযহৃদযকবাটম্ ॥ 5 ॥

মণিমযমকরমনোহরকুংডলমংডিতগংডমুদারম্ । পীতবসনমনুগতমুনিমনুজসুরাসুরবরপরিবারম্ ॥ 6 ॥

বিশদকদংবতলে মিলিতং কলিকলুষভয়ং শময়ংতম্ । মামপি কিমপি তরংগদনংগদৃশা মনসা রময়ংতম্ ॥ 7 ॥

শ্রীজযদেবভণিতমতিসুংদরমোহনমধুরিপুরূপম্ । হরিচরণস্মরণং প্রতি সংপ্রতি পুণ্যবতামনুরূপম্ ॥ 8 ॥

গণযতি গুণগ্রামং ভামং ভ্রমাদপি নেহতে বহতি চ পরিতোষং দোষং বিমুংচতি দূরতঃ । যুবতিষু বলস্তৃষ্ণে কৃষ্ণে বিহারিণি মাং বিনা পুনরপি মনো বামং কামং করোতি করোমি কিম্ ॥ 15 ॥

॥ গীতং 6 ॥

নিভৃতনিকুংজগৃহং গতয়া নিশি রহসি নিলীয় বসংতম্ । চকিতবিলোকিতসকলদিশা রতিরভসরসেন হসংতম্ ॥ সখি হে কেশিমথনমুদারং রময় ময়া সহ মদনমনোরথভাবিতয়া সবিকারম্ ॥ 1 ॥

প্রথমসমাগমলজ্জিতয়া পটুচাটুশতৈরনুকূলম্ । মৃদুমধুরস্মিতভাষিতয়া শিথিলীকৃতজঘনদুকূলম্ ॥ 2 ॥

কিসলযশযননিবেশিতয়া চিরমুরসি মমৈব শয়ানম্ । কৃতপরিরংভণচুংবনয়া পরিরভ্য় কৃতাধরপানম্ ॥ 3 ॥

অলসনিমীলিতলোচনয়া পুলকাবলিললিতকপোলম্ । শ্রমজলসকলকলেবরয়া বরমদনমদাদতিলোলম্ ॥ 4 ॥

কোকিলকলরবকূজিতয়া জিতমনসিজতংত্রবিচারম্ । শ্লথকুসুমাকুলকুংতলয়া নখলিখিতঘনস্তনভারম্ ॥ 5 ॥

চরণরণিতমনিনূপুরয়া পরিপূরিতসুরতবিতানম্ । মুখরবিশৃংখলমেখলয়া সকচগ্রহচুংবনদানম্ ॥ 6 ॥

রতিসুখসমযরসালসয়া দরমুকুলিতনযনসরোজম্ । নিঃসহনিপতিততনুলতয়া মধুসূদনমুদিতমনোজম্ ॥ 7 ॥

শ্রীজযদেবভণিতমিদমতিশযমধুরিপুনিধুবনশীলম্ । সুখমুত্কংঠিতগোপবধূকথিতং বিতনোতু সলীলম্ ॥ 8 ॥

হস্তস্রস্তবিলাসবংশমনৃজুভ্রূবল্লিমদ্বল্লবী-বৃংদোত্সারিদৃগংতবীক্ষিতমতিস্বেদার্দ্রগংডস্থলম্ । মামুদ্বীক্ষ্য় বিলক্ষিতং স্মিতসুধামুগ্ধাননং কাননে গোবিংদং ব্রজসুংদরীগণবৃতং পশ্য়ামি হৃষ্য়ামি চ ॥ 16 ॥

দুরালোকস্তোকস্তবকনবকাশোকলতিকা-বিকাসঃ কাসারোপবনপবনোঽপি ব্যথযতি । অপি ভ্রাম্যদ্ভৃংগীরণিতরমণীয়া ন মুকুল-প্রসূতিশ্চূতানাং সখি শিখরিণীয়ং সুখযতি ॥ 17 ॥

॥ ইতি গীতগোবিংদে অক্লেশকেশবো নাম দ্বিতীয়ঃ সর্গঃ ॥

గీతగోవిందం ద్వితీయః సర్గః - అక్లేశ కేశవః గురించి

The second canto of Jayadeva's Gita Govinda, "Aklesha Keshava", Krishna untroubled, shows Radha's jealousy and longing. Seeing Krishna sharing his love freely with all the gopis, Radha, hurt and jealous, goes away to a bower of creepers; there, with her friend, she remembers every detail of Krishna, his flute, his smile, his play in the Rasa dance, and longs for him despite her pain.

రచయిత: Jayadeva (12th century)

ఎప్పుడు పఠించాలి: In Odissi and other dance, in bhajans and concerts, and in the Gita Govinda seva at Puri.

మీకు తెలుసా?

  • Its songs include Radha's memory of Krishna with the refrain "smarati mano mama", my mind remembers him.
  • Jayadeva (12th century) composed the Gita Govinda in Sanskrit, and its songs are still sung daily before Lord Jagannath at Puri.

తరచుగా అడిగే ప్రశ్నలు

What does "Aklesha Keshava" mean?

"Krishna untroubled", while Radha suffers.

Why does Radha go away?

She is hurt seeing Krishna share his love with all the gopis.

What does she do in the bower?

Remembers every detail of Krishna and longs for him.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.