పవమాన సూక్తం
Vedic · సాంప్రదాయ భక్తి గ్రంథం
ఓమ్ ॥ హిర॑ణ్యవర్ణాః॒ శుచ॑యః పావ॒కా యాసు॑ జా॒తః క॒శ్యపో॒ యాస్వింద్రః॑ । అ॒గ్నిం-యాఀ గర్భం॑ దధి॒రే విరూ॑పా॒స్తా న॒ ఆప॒శ్శగ్గ్ స్యో॒నా భ॑వంతు ॥
యాసా॒గ్ం॒ రాజా॒ వరు॑ణో॒ యాతి॒ మధ్యే॑ సత్యానృ॒తే అ॑వ॒పశ్యం॒ జనా॑నామ్ । మ॒ధు॒శ్చుత॒శ్శుచ॑యో॒ యాః పా॑వ॒కాస్తా న॒ ఆప॒శ్శగ్గ్ స్యో॒నా భ॑వంతు ॥
యాసాం᳚ దే॒వా ది॒వి కృ॒ణ్వంతి॑ భ॒క్షం యా అం॒తరి॑క్షే బహు॒ధా భవం॑తి । యాః పృ॑థి॒వీం పయ॑సోం॒దంతి శు॒క్రాస్తా న॒ ఆప॒శ్శగ్గ్ స్యో॒నా భ॑వంతు ॥
శి॒వేన॑ మా॒ చక్షు॑షా పశ్యతాపశ్శి॒వయా॑ త॒నువోప॑ స్పృశత॒ త్వచ॑ఓ మే । సర్వాగ్॑ఓ అ॒గ్నీగ్ం ర॑ప్సు॒షదో॑ హువే వో॒ మయి॒ వర్చో॒ బల॒మోజో॒ నిధ॑త్త ॥
పవ॑మాన॒స్సువ॒ర్జనః॑ । ప॒విత్రే॑ణ॒ విచ॑ర్షణిః । యః పోతా॒ స పు॑నాతు మా । పు॒నంతు॑ మా దేవజ॒నాః । పు॒నంతు॒ మన॑వో ధి॒యా । పు॒నంతు॒ విశ్వ॑ ఆ॒యవః॑ । జాత॑వేదః ప॒విత్ర॑వత్ । ప॒విత్రే॑ణ పునాహి మా । శు॒క్రేణ॑ దేవ॒దీద్య॑త్ । అగ్నే॒ క్రత్వా॒ క్రతూ॒గ్ం॒ రను॑ । యత్తే॑ ప॒విత్ర॑మ॒ర్చిషి॑ । అగ్నే॒ విత॑తమంత॒రా । బ్రహ్మ॒ తేన॑ పునీమహే । ఉ॒భాభ్యాం᳚ దేవసవితః । ప॒విత్రే॑ణ స॒వేన॑ చ । ఇ॒దం బ్రహ్మ॑ పునీమహే । వై॒శ్వ॒దే॒వీ పు॑న॒తీ దే॒వ్యాగా᳚త్ । యస్యై॑ బ॒హ్వీస్త॒నువో॑ వీ॒తపృ॑ష్ఠాః । తయా॒ మదం॑తః సధ॒మాద్యే॑షు । వ॒యగ్గ్ స్యా॑మ॒ పత॑యో రయీ॒ణామ్ । వై॒శ్వా॒న॒రో ర॒శ్మిభి॑ర్మా పునాతు । వాతః॑ ప్రా॒ణేనే॑షి॒రో మ॑యో॒ భూః । ద్యావా॑పృథి॒వీ పయ॑సా॒ పయో॑భిః । ఋ॒తావ॑రీ య॒జ్ఞియే॑ మా పునీతామ్ ॥
బృ॒హద్భిః॑ సవిత॒స్తృభిః॑ । వర్షి॑ష్ఠైర్దేవ॒మన్మ॑భిః । అగ్నే॒ దక్షైః᳚ పునాహి మా । యేన॑ దే॒వా అపు॑నత । యేనాపో॑ ది॒వ్యంకశః॑ । తేన॑ ది॒వ్యేన॒ బ్రహ్మ॑ణా । ఇ॒దం బ్రహ్మ॑ పునీమహే । యః పా॑వమా॒నీర॒ద్ధ్యేతి॑ । ఋషి॑భి॒స్సంభృ॑త॒గ్ం॒ రసం᳚ । సర్వ॒గ్ం॒ స పూ॒తమ॑శ్నాతి । స్వ॒ది॒తం మా॑త॒రిశ్వ॑నా । పా॒వ॒మా॒నీర్యో అ॒ధ్యేతి॑ । ఋషి॑భి॒స్సంభృ॑త॒గ్ం॒ రసం᳚ । తస్మై॒ సర॑స్వతీ దుహే । క్షీ॒రగ్ం స॒ర్పిర్మధూ॑ద॒కమ్ ॥
పా॒వ॒మా॒నీస్స్వ॒స్త్యయ॑నీః । సు॒దుఘా॒హి పయ॑స్వతీః । ఋషి॑భి॒స్సంభృ॑తో॒ రసః॑ । బ్రా॒హ్మ॒ణేష్వ॒మృతగ్॑ఓ హి॒తమ్ । పా॒వ॒మా॒నీర్ది॑శంతు నః । ఇ॒మం-లోఀ॒కమథో॑ అ॒ముమ్ । కామా॒న్థ్సమ॑ర్ధయంతు నః । దే॒వీర్దే॒వైః స॒మాభృ॑తాః । పా॒వ॒మా॒నీస్స్వ॒స్త్యయ॑నీః । సు॒దుఘా॒హి ఘృ॑త॒శ్చుతః॑ । ఋషి॑భిః॒ సంభృ॑తో॒ రసః॑ । బ్రా॒హ్మ॒ణేష్వ॒మృతగ్॑ఓ హి॒తమ్ । యేన॑ దే॒వాః ప॒విత్రే॑ణ । ఆ॒త్మానం॑ పు॒నతే॒ సదా᳚ । తేన॑ స॒హస్ర॑ధారేణ । పా॒వ॒మా॒న్యః పు॑నంతు మా । ప్రా॒జా॒ప॒త్యం ప॒విత్రం᳚ । శ॒తోద్యా॑మగ్ం హిర॒ణ్మయం᳚ । తేన॑ బ్రహ్మ॒ విదో॑ వ॒యమ్ । పూ॒తం బ్రహ్మ॑ పునీమహే । ఇంద్ర॑స్సునీ॒తీ స॒హమా॑ పునాతు । సోమ॑స్స్వ॒స్త్యా వ॑రుణస్స॒మీచ్యా᳚ । య॒మో రాజా᳚ ప్రమృ॒ణాభిః॑ పునాతు మా । జా॒తవే॑దా మో॒ర్జయం॑త్యా పునాతు । భూర్భువ॒స్సువః॑ ॥
ఓం తచ్ఛం॒-యోఀరావృ॑ణీమహే । గా॒తుం-యఀ॒జ్ఞాయ॑ । గా॒తుం-యఀ॒జ్ఞప॑తయే । దైవీ᳚స్స్వ॒స్తిర॑స్తు నః । స్వ॒స్తిర్మాను॑షేభ్యః । ఊ॒ర్ధ్వం జి॑గాతు భేష॒జమ్ । శన్నో॑ అస్తు ద్వి॒పదే᳚ । శం చతు॑ష్పదే ॥ ఓం శాంతిః॒ శాంతిః॒ శాంతిః॑ ॥
పవమాన సూక్తం గురించి
The Pavamana Suktam is a Vedic hymn to the purifying waters (apah), from the Krishna Yajur Veda. It begins "Hiranyavarnah shuchayah pavakah": the golden-hued, pure, purifying waters, in which Kashyapa and Indra were born, which hold Agni in their womb, in whose midst King Varuna moves, seeing the truth and falsehood of people; may those waters, dripping honey, be kind to us. It closes with the "Tacchamyor avrinimahe" peace chant.
ఎప్పుడు పఠించాలి: In punyahavachanam and purification rites, at abhisheka, and in temple consecrations.
మీకు తెలుసా?
- "Pavamana" means "that which purifies", and the hymn is chanted while sprinkling water for purification.
- It is a regular part of punyahavachanam, the rite that sanctifies a home or a ceremony with water.
తరచుగా అడిగే ప్రశ్నలు
What does "Pavamana" mean?
"Purifying", said of the sacred waters.
When is it chanted?
In purification rites, abhisheka and punyahavachanam.
Who moves in the midst of the waters?
King Varuna, who sees the truth and falsehood of people.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.