MuhurtaNow

নারাযণীয়ং দশক 88 - সংতানগোপালম্

Vishnu · প্রথাগত ভক্তিপাঠ

ప్రాగేవాచార్యపుత్రాహృతినిశమనయా స్వీయషట్సూనువీక్షాం కాంక్షంత్యా మాతురుక్త్యా సుతలభువి బలిం ప్రాప్య తేనార్చితస్త్వమ్ । ధాతుః శాపాద్ధిరణ్యాన్వితకశిపుభవాన్ శౌరిజాన్ కంసభగ్నా- నానీయైనాన్ ప్రదర్శ్య స్వపదమనయథాః పూర్వపుత్రాన్ మరీచేః ॥1॥

శ్రుతదేవ ఇతి శ్రుతం ద్విజేంద్రం బహులాశ్వం నృపతిం చ భక్తిపూర్ణమ్ । యుగపత్త్వమనుగ్రహీతుకామో మిథిలాం ప్రాపిథం తాపసైః సమేతః ॥2॥

గచ్ఛన్ ద్విమూర్తిరుభయోర్యుగపన్నికేత- మేకేన భూరివిభవైర్విహితోపచారః । అన్యేన తద్దినభృతైశ్చ ఫలౌదనాద్యై- స్తుల్యం ప్రసేదిథ దదథ చ ముక్తిమాభ్యామ్ ॥3॥

భూయోఽథ ద్వారవత్యాం ద్విజతనయమృతిం తత్ప్రలాపానపి త్వం కో వా దైవం నిరుంధ్యాదితి కిల కథయన్ విశ్వవోఢాప్యసోఢాః । జిష్ణోర్గర్వం వినేతుం త్వయి మనుజధియా కుంఠితాం చాస్య బుద్ధిం తత్త్వారూఢాం విధాతుం పరమతమపదప్రేక్షణేనేతి మన్యే ॥4॥

నష్టా అష్టాస్య పుత్రాః పునరపి తవ తూపేక్షయా కష్టవాదః స్పష్టో జాతో జనానామథ తదవసరే ద్వారకామాప పార్థః । మైత్ర్యా తత్రోషితోఽసౌ నవమసుతమృతౌ విప్రవర్యప్రరోదం శ్రుత్వా చక్రే ప్రతిజ్ఞామనుపహృతసుతః సన్నివేక్ష్యే కృశానుమ్ ॥5॥

మానీ స త్వామపృష్ట్వా ద్విజనిలయగతో బాణజాలైర్మహాస్త్రై రుంధానః సూతిగేహం పునరపి సహసా దృష్టనష్టే కుమారే । యామ్యామైంద్రీం తథాఽన్యాః సురవరనగరీర్విద్యయాఽఽసాద్య సద్యో మోఘోద్యోగః పతిష్యన్ హుతభుజి భవతా సస్మితం వారితోఽభూత్ ॥6॥

సార్ధం తేన ప్రతీచీం దిశమతిజవినా స్యందనేనాభియాతో లోకాలోకం వ్యతీతస్తిమిరభరమథో చక్రధామ్నా నిరుంధన్ । చక్రాంశుక్లిష్టదృష్టిం స్థితమథ విజయం పశ్య పశ్యేతి వారాం పారే త్వం ప్రాదదర్శః కిమపి హి తమసాం దూరదూరం పదం తే ॥7॥

తత్రాసీనం భుజంగాధిపశయనతలే దివ్యభూషాయుధాద్యై- రావీతం పీతచేలం ప్రతినవజలదశ్యామలం శ్రీమదంగమ్ । మూర్తీనామీశితారం పరమిహ తిసృణామేకమర్థం శ్రుతీనాం త్వామేవ త్వం పరాత్మన్ ప్రియసఖసహితో నేమిథ క్షేమరూపమ్ ॥8॥

యువాం మామేవ ద్వావధికవివృతాంతర్హితతయా విభిన్నౌ సంద్రష్టుం స్వయమహమహార్షం ద్విజసుతాన్ । నయేతం ద్రాగేతానితి ఖలు వితీర్ణాన్ పునరమూన్ ద్విజాయాదాయాదాః ప్రణుతమహిమా పాండుజనుషా ॥9॥

ఏవం నానావిహారైర్జగదభిరమయన్ వృష్ణివంశం ప్రపుష్ణ- న్నీజానో యజ్ఞభేదైరతులవిహృతిభిః ప్రీణయన్నేణనేత్రాః । భూభారక్షేపదంభాత్ పదకమలజుషాం మోక్షణాయావతీర్ణః పూర్ణం బ్రహ్మైవ సాక్షాద్యదుషు మనుజతారూషితస్త్వం వ్యలాసీః ॥10॥

ప్రాయేణ ద్వారవత్యామవృతదయి తదా నారదస్త్వద్రసార్ద్ర- స్తస్మాల్లేభే కదాచిత్ఖలు సుకృతనిధిస్త్వత్పితా తత్త్వబోధమ్ । భక్తానామగ్రయాయీ స చ ఖలు మతిమానుద్ధవస్త్వత్త ఏవ ప్రాప్తో విజ్ఞానసారం స కిల జనహితాయాధునాఽఽస్తే బదర్యామ్ ॥11॥

సోఽయం కృష్ణావతారో జయతి తవ విభో యత్ర సౌహార్దభీతి- స్నేహద్వేషానురాగప్రభృతిభిరతులైరశ్రమైర్యోగభేదైః । ఆర్తిం తీర్త్వా సమస్తామమృతపదమగుస్సర్వతః సర్వలోకాః స త్వం విశ్వార్తిశాంత్యై పవనపురపతే భక్తిపూర్త్యై చ భూయాః ॥12॥

নারাযণীয়ং দশক 88 - সংতানগোপালম্ সম্পর্কে

The eighty-eighth dashaka of the Narayaneeyam tells of Krishna's later deeds of grace. At his mother Devaki's wish, having once brought back his teacher's son, he goes to Sutala, is worshipped by Bali, and brings back her six sons who had been slain by Kamsa. He visits Mithila to bless at the same time two devotees, the brahmana Shrutadeva and King Bahulashva, appearing in both homes at once. He also goes with Arjuna beyond the worlds to bring back the lost sons of a brahmana of Dvaraka. The dashaka ends praising the Krishna avatara, in which people reached the Lord through every kind of feeling, friendship, fear, love, hatred and longing.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana and at Guruvayur.

আপনি কি জানেন?

  • Appearing in two homes at once, Krishna showed that he answers each devotee's love fully.
  • The last verse says that even enmity toward Krishna, as with Shishupala, led to liberation through constant thought of him.

প্রায়শই জিজ্ঞাসিত প্রশ্ন

Whose sons does Krishna bring back from Sutala?

Devaki's six sons slain by Kamsa.

Which two devotees does he bless in Mithila?

Shrutadeva and King Bahulashva.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।