MuhurtaNow

Chanakya Neethi - Chapter 10

Chanakya Neethi · Traditional devotional text

ധനഹീനോ ന ഹീനശ്ച ധനികഃ സ സുനിശ്ചയഃ । വിദ്യാരത്നേന ഹീനോ യഃ സ ഹീനഃ സർവവസ്തുഷു ॥ 01 ॥

ദൃഷ്ടിപൂതം ന്യസേത്പാദം വസ്ത്രപൂതം പിബേജ്ജലമ് । ശാസ്ത്രപൂതം വദേദ്വാക്യഃ മനഃപൂതം സമാചരേത് ॥ 02 ॥

സുഖാര്ഥീ ചേത്ത്യജേദ്വിദ്യാം വിദ്യാര്ഥീ ചേത്ത്യജേത്സുഖമ് । സുഖാര്ഥിനഃ കുതോ വിദ്യാ സുഖം വിദ്യാര്ഥിനഃ കുതഃ ॥ 03 ॥

കവയഃ കിം ന പശ്യംതി കിം ന ഭക്ഷംതി വായസാഃ । മദ്യപാഃ കിം ന ജല്പംതി കിം ന കുർവംതി യോഷിതഃ ॥ 04 ॥

രംകം കരോതി രാജാനം രാജാനം രംകമേവ ച । ധനിനം നിര്ധനം ചൈവ നിര്ധനം ധനിനം വിധിഃ ॥ 05 ॥

ലുബ്ധാനാം യാചകഃ ശത്രുര്മൂര്ഖാനാം ബോധകോ രിപുഃ । ജാരസ്ത്രീണാം പതിഃ ശത്രുശ്ചൌരാണാം ചംദ്രമാ രിപുഃ ॥ 06 ॥

യേഷാം ന വിദ്യാ ന തപോ ന ദാനം ജ്ഞാനം ന ശീലാം ന ഗുണോ ന ധര്മഃ । തേ മര്ത്യലോകേ ഭുവി ഭാരഭൂതാ മനുഷ്യരൂപേണ മൃഗാശ്ചരംതി ॥ 07 ॥

അംതഃസാരവിഹീനാനാമുപദേശോ ന ജായതേ । മലയാചലസംസര്ഗാന്ന വേണുശ്ചംദനായതേ ॥ 08 ॥

യസ്യ നാസ്തി സ്വയം പ്രജ്ഞാ ശാസ്ത്രം തസ്യ കരോതി കിമ് । ലോചനാഭ്യാം വിഹീനസ്യ ദര്പണഃ കിം കരിഷ്യതി ॥ 09 ॥

ദുര്ജനം സജ്ജനം കര്തുമുപായോ നഹി ഭൂതലേ । അപാനം ശാതധാ ധൌതം ന ശ്രേഷ്ഠമിംദ്രിയം ഭവേത് ॥ 10 ॥

ആപ്തദ്വേഷാദ്ഭവേന്മൃത്യുഃ പരദ്വേഷാദ്ധനക്ഷയഃ । രാജദ്വേഷാദ്ഭവേന്നാശോ ബ്രഹ്മദ്വേഷാത്കുലക്ഷയഃ ॥ 11 ॥

വരം വനം വ്യാഘ്രഗജേംദ്രസേവിതം ദ്രുമാലയം പത്രഫലാംബുസേവനമ് । തൃണേഷു ശയ്യാ ശതജീര്ണവല്കലം ന ബംധുമധ്യേ ധനഹീനജീവനമ് ॥ 12 ॥

വിപ്രോ വൃക്ഷസ്തസ്യ മൂലം ച സംധ്യാ വേദഃ ശാഖാ ധര്മകര്മാണി പത്രമ് । തസ്മാന്മൂലം യത്നതോ രക്ഷണീയം ഛിന്നേ മൂലേ നൈവ ശാഖാ ന പത്രമ് ॥ 13 ॥

മാതാ ച കമലാ ദേവീ പിതാ ദേവോ ജനാര്ദനഃ । ബാംധവാ വിഷ്ണുഭക്താശ്ച സ്വദേശോ ഭുവനത്രയമ് ॥ 14 ॥

ഏകവൃക്ഷസമാരൂഢാ നാനാവര്ണാ വിഹംഗമാഃ । പ്രഭാതേ ദിക്ഷു ദശസു യാംതി കാ തത്ര വേദനാ ॥ 15 ॥

ബുദ്ധിര്യസ്യ ബലം തസ്യ നിര്ബുദ്ധേശ്ച കുതോ ബലമ് । വനേ സിംഹോ യദോന്മത്തഃ മശകേന നിപാതിതഃ ॥ 16 ॥

കാ ചിംതാ മമ ജീവനേ യദി ഹരിർവിശ്വംഭരോ ഗീയതേ നോ ചേദര്ഭകജീവനായ ജനനീസ്തന്യം കഥം നിര്മമേ । ഇത്യാലോച്യ മുഹുര്മുഹുര്യദുപതേ ലക്ഷ്മീപതേ കേവലം ത്വത്പാദാംബുജസേവനേന സതതം കാലോ മയാ നീയതേ ॥ 17 ॥

ഗീർവാണവാണീഷു വിശിഷ്ടബുദ്ധി- സ്തഥാപി ഭാഷാംതരലോലുപോഽഹമ് । യഥാ സുധായാമമരേഷു സത്യാം സ്വര്ഗാംഗനാനാമധരാസവേ രുചിഃ ॥ 18 ॥

അന്നാദ്ദശഗുണം പിഷ്ടം പിഷ്ടാദ്ദശഗുണം പയഃ । പയസോഽഷ്ടഗുണം മാംസാം മാംസാദ്ദശഗുണം ഘൃതമ് ॥ 19 ॥

ശോകേന രോഗാ വര്ധംതേ പയസാ വര്ധതേ തനുഃ । ഘൃതേന വര്ധതേ വീര്യം മാംസാന്മാംസം പ്രവര്ധതേ ॥ 20 ॥

About Chanakya Neethi - Chapter 10

This is the tenth chapter of the Chanakya Niti, maxims traditionally attributed to Chanakya (Kautilya). It opens: one who lacks wealth is not truly poor, but one who lacks the jewel of learning is poor in everything. Its second verse is a well-known rule of careful living: set down your foot where your eyes have checked the way, drink water filtered through cloth, speak words purified by the scriptures, and do what your mind has judged pure. It goes on to say that one who seeks comfort should give up learning, and one who seeks learning should give up comfort.

Written by: Traditionally attributed to Chanakya (Kautilya)

When to chant: In reading and study of practical wisdom (niti), and in talks on conduct.

Did you know?

  • Verse 2, "Drishtiputam nyaset padam", is often quoted as a guide to mindful living.
  • Some verses of the Chanakya Niti reflect the attitudes of their age and are read today with that in mind.

Frequently asked questions

Who is truly poor, according to verse 1?

One who lacks the jewel of learning.

How should one speak, according to verse 2?

With words purified by the scriptures.

What must a seeker of learning give up?

Comfort.

Offered for worship and study, not as prediction. Non-commercial.