Gauri Dasakam
Devi · Traditional devotional text
लीलालब्धस्थापितलुप्ताखिललोकां लोकातीतैर्योगिभिरंतश्चिरमृग्याम् । बालादित्यश्रेणिसमानद्युतिपुंजां गौरीमंबामंबुरुहाक्षीमहमीडे ॥ 1 ॥
प्रत्याहारध्यानसमाधिस्थितिभाजां नित्यं चित्ते निर्वृतिकाष्ठां कलयंतीम् । सत्यज्ञानानंदमयीं तां तनुरूपां गौरीमंबामंबुरुहाक्षीमहमीडे ॥ 2 ॥
चंद्रापीडानंदितमंदस्मितवक्त्रां चंद्रापीडालंकृतनीलालकभाराम् । इंद्रोपेंद्राद्यर्चितपादांबुजयुग्मां गौरीमंबामंबुरुहाक्षीमहमीडे ॥ 3 ॥
आदिक्षांतामक्षरमूर्त्या विलसंतीं भूते भूते भूतकदंबप्रसवित्रीम् । शब्दब्रह्मानंदमयीं तां तटिदाभां गौरीमंबामंबुरुहाक्षीमहमीडे ॥ 4 ॥
मूलाधारादुत्थितवीथ्या विधिरंध्रं सौरं चांद्रं व्याप्य विहारज्वलितांगीम् । येयं सूक्ष्मात्सूक्ष्मतनुस्तां सुखरूपां गौरीमंबामंबुरुहाक्षीमहमीडे ॥ 5 ॥
नित्यः शुद्धो निष्कल एको जगदीशः साक्षी यस्याः सर्गविधौ संहरणे च । विश्वत्राणक्रीडनलोलां शिवपत्नीं गौरीमंबामंबुरुहाक्षीमहमीडे ॥ 6 ॥
यस्याः कुक्षौ लीनमखंडं जगदंडं भूयो भूयः प्रादुरभूदुत्थितमेव । पत्या सार्धं तां रजताद्रौ विहरंतीं गौरीमंबामंबुरुहाक्षीमहमीडे ॥ 7 ॥
यस्यामोतं प्रोतमशेषं मणिमाला- -सूत्रे यद्वत्कापि चरं चाप्यचरं च । तामध्यात्मज्ञानपदव्या गमनीयां गौरीमंबामंबुरुहाक्षीमहमीडे ॥ 8 ॥
नानाकारैः शक्तिकदंबैर्भुवनानि व्याप्य स्वैरं क्रीडति येयं स्वयमेका । कल्याणीं तां कल्पलतामानतिभाजां गौरीमंबामंबुरुहाक्षीमहमीडे ॥ 9 ॥
आशापाशक्लेशविनाशं विदधानां पादांभोजध्यानपराणां पुरुषाणाम् । ईशामीशार्धांगहरां तामभिरामां गौरीमंबामंबुरुहाक्षीमहमीडे ॥ 10 ॥
प्रातःकाले भावविशुद्धः प्रणिधाना- -द्भक्त्या नित्यं जल्पति गौरीदशकं यः । वाचां सिद्धिं संपदमग्र्यां शिवभक्तिं तस्यावश्यं पर्वतपुत्री विदधाति ॥ 11 ॥
इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छंकरभगवतः कृतौ गौरी दशकम् ।
About Gauri Dasakam
The Gauri Dasakam is a hymn of ten verses to Goddess Gauri (Parvati), the consort of Shiva. It describes her as the one who creates, sustains and withdraws the worlds in play, whom yogis seek within, and who shines like a row of rising suns. Each verse ends with the refrain "gaurim ambam amburuhakshim aham ide".
Written by: Traditionally attributed to Adi Shankaracharya
When to chant: During Navaratri, on Fridays, and on Gauri festivals such as Gauri Habba (Swarna Gauri Vrata).
Did you know?
- "Dasakam" means a set of ten verses.
- The refrain means "I praise Gauri, the mother with lotus-like eyes".
Frequently asked questions
Who is Gauri?
Gauri, "the fair one", is a name of Goddess Parvati, Shiva's consort.
Who wrote the Gauri Dasakam?
It is traditionally attributed to Adi Shankaracharya.
When is it recited?
During Navaratri, on Fridays and on Gauri festivals such as Gauri Habba.
Offered for worship and study, not as prediction. Non-commercial.
More devotional texts