MuhurtaNow

Gauri Dasakam

Devi · Traditional devotional text

లీలాలబ్ధస్థాపితలుప్తాఖిలలోకాం లోకాతీతైర్యోగిభిరంతశ్చిరమృగ్యామ్ । బాలాదిత్యశ్రేణిసమానద్యుతిపుంజాం గౌరీమంబామంబురుహాక్షీమహమీడే ॥ 1 ॥

ప్రత్యాహారధ్యానసమాధిస్థితిభాజాం నిత్యం చిత్తే నిర్వృతికాష్ఠాం కలయంతీమ్ । సత్యజ్ఞానానందమయీం తాం తనురూపాం గౌరీమంబామంబురుహాక్షీమహమీడే ॥ 2 ॥

చంద్రాపీడానందితమందస్మితవక్త్రాం చంద్రాపీడాలంకృతనీలాలకభారామ్ । ఇంద్రోపేంద్రాద్యర్చితపాదాంబుజయుగ్మాం గౌరీమంబామంబురుహాక్షీమహమీడే ॥ 3 ॥

ఆదిక్షాంతామక్షరమూర్త్యా విలసంతీం భూతే భూతే భూతకదంబప్రసవిత్రీమ్ । శబ్దబ్రహ్మానందమయీం తాం తటిదాభాం గౌరీమంబామంబురుహాక్షీమహమీడే ॥ 4 ॥

మూలాధారాదుత్థితవీథ్యా విధిరంధ్రం సౌరం చాంద్రం వ్యాప్య విహారజ్వలితాంగీమ్ । యేయం సూక్ష్మాత్సూక్ష్మతనుస్తాం సుఖరూపాం గౌరీమంబామంబురుహాక్షీమహమీడే ॥ 5 ॥

నిత్యః శుద్ధో నిష్కల ఏకో జగదీశః సాక్షీ యస్యాః సర్గవిధౌ సంహరణే చ । విశ్వత్రాణక్రీడనలోలాం శివపత్నీం గౌరీమంబామంబురుహాక్షీమహమీడే ॥ 6 ॥

యస్యాః కుక్షౌ లీనమఖండం జగదండం భూయో భూయః ప్రాదురభూదుత్థితమేవ । పత్యా సార్ధం తాం రజతాద్రౌ విహరంతీం గౌరీమంబామంబురుహాక్షీమహమీడే ॥ 7 ॥

యస్యామోతం ప్రోతమశేషం మణిమాలా- -సూత్రే యద్వత్కాపి చరం చాప్యచరం చ । తామధ్యాత్మజ్ఞానపదవ్యా గమనీయాం గౌరీమంబామంబురుహాక్షీమహమీడే ॥ 8 ॥

నానాకారైః శక్తికదంబైర్భువనాని వ్యాప్య స్వైరం క్రీడతి యేయం స్వయమేకా । కల్యాణీం తాం కల్పలతామానతిభాజాం గౌరీమంబామంబురుహాక్షీమహమీడే ॥ 9 ॥

ఆశాపాశక్లేశవినాశం విదధానాం పాదాంభోజధ్యానపరాణాం పురుషాణామ్ । ఈశామీశార్ధాంగహరాం తామభిరామాం గౌరీమంబామంబురుహాక్షీమహమీడే ॥ 10 ॥

ప్రాతఃకాలే భావవిశుద్ధః ప్రణిధానా- -ద్భక్త్యా నిత్యం జల్పతి గౌరీదశకం యః । వాచాం సిద్ధిం సంపదమగ్ర్యాం శివభక్తిం తస్యావశ్యం పర్వతపుత్రీ విదధాతి ॥ 11 ॥

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ గౌరీ దశకమ్ ।

About Gauri Dasakam

The Gauri Dasakam is a hymn of ten verses to Goddess Gauri (Parvati), the consort of Shiva. It describes her as the one who creates, sustains and withdraws the worlds in play, whom yogis seek within, and who shines like a row of rising suns. Each verse ends with the refrain "gaurim ambam amburuhakshim aham ide".

Written by: Traditionally attributed to Adi Shankaracharya

When to chant: During Navaratri, on Fridays, and on Gauri festivals such as Gauri Habba (Swarna Gauri Vrata).

Did you know?

  • "Dasakam" means a set of ten verses.
  • The refrain means "I praise Gauri, the mother with lotus-like eyes".

Frequently asked questions

Who is Gauri?

Gauri, "the fair one", is a name of Goddess Parvati, Shiva's consort.

Who wrote the Gauri Dasakam?

It is traditionally attributed to Adi Shankaracharya.

When is it recited?

During Navaratri, on Fridays and on Gauri festivals such as Gauri Habba.

Offered for worship and study, not as prediction. Non-commercial.