MuhurtaNow

Gita Govindam Chapter 11 - Sananda Damodara

Sri Krishna · Traditional devotional text

॥ ಏಕಾದಶಃ ಸರ್ಗಃ ॥ ॥ ಸಾನಂದದಾಮೋದರಃ ॥

ಸುಚಿರಮನುನಯನೇ ಪ್ರೀಣಯಿತ್ವಾ ಮೃಗಾಕ್ಷೀಂ ಗತವತಿ ಕೃತವೇಶೇ ಕೇಶವೇ ಕುಂಜಶಯ್ಯಾಮ್ । ರಚಿತರುಚಿರಭೂಷಾಂ ದೃಷ್ಟಿಮೋಷೇ ಪ್ರದೋಷೇ ಸ್ಫುರತಿ ನಿರವಸಾದಾಂ ಕಾಪಿ ರಾಧಾಂ ಜಗಾದ ॥ 59 ॥

॥ ಗೀತಂ 20 ॥

ವಿರಚಿತಚಾಟುವಚನರಚನಂ ಚರಣೇ ರಚಿತಪ್ರಣಿಪಾತಮ್ । ಸಂಪ್ರತಿ ಮಂಜುಲವಂಜುಲಸೀಮನಿ ಕೇಲಿಶಯನಮನುಯಾತಮ್ ॥ ಮುಗ್ಧೇ ಮಧುಮಥನಮನುಗತಮನುಸರ ರಾಧಿಕೇ ॥ 1 ॥

ಘನಜಘನಸ್ತನಭಾರಭರೇ ದರಮಂಥರಚರಣವಿಹಾರಮ್ । ಮುಖರಿತಮಣೀಮಂಜೀರಮುಪೈಹಿ ವಿಧೇಹಿ ಮರಾಲವಿಕಾರಮ್ ॥ 2 ॥

ಶೃಣು ರಮಣೀಯತರಂ ತರುಣೀಜನಮೋಹನಮಧುಪವಿರಾವಮ್ । ಕುಸುಮಶರಾಸನಶಾಸನಬಂದಿನಿ ಪಿಕನಿಕರೇ ಭಜ ಭಾವಮ್ ॥ 3 ॥

ಅನಿಲತರಲಕಿಸಲಯನಿಕರೇಣ ಕರೇಣ ಲತಾನಿಕುರಂಬಮ್ । ಪ್ರೇರಣಮಿವ ಕರಭೋರು ಕರೋತಿ ಗತಿಂ ಪ್ರತಿಮುಂಚ ವಿಲಂಬಮ್ ॥ 4 ॥

ಸ್ಫುರಿತಮನಂಗತರಂಗವಶಾದಿವ ಸೂಚಿತಹರಿಪರಿರಂಭಮ್ । ಪೃಚ್ಛ ಮನೋಹರಹಾರವಿಮಲಜಲಧಾರಮಮುಂ ಕುಚಕುಂಭಮ್ ॥ 5 ॥

ಅಧಿಗತಮಖಿಲಸಖೀಭಿರಿದಂ ತವ ವಪುರಪಿ ರತಿರಣಸಜ್ಜಮ್ । ಚಂಡಿ ರಸಿತರಶನಾರವಡಿಂಡಿಮಮಭಿಸರ ಸರಸಮಲಜ್ಜಮ್ ॥ 6 ॥

ಸ್ಮರಶರಸುಭಗನಖೇನ ಕರೇಣ ಸಖೀಮವಲಂಬ್ಯ ಸಲೀಲಮ್ । ಚಲ ವಲಯಕ್ವಣೀತೈರವಬೋಧಯ ಹರಮಪಿ ನಿಜಗತಿಶೀಲಮ್ ॥ 7 ॥

ಶ್ರೀಜಯದೇವಭಣಿತಮಧರೀಕೃತಹಾರಮುದಾಸಿತವಾಮಮ್ । ಹರಿವಿನಿಹಿತಮನಸಾಮಧಿತಿಷ್ಠತು ಕಂಠತಟೀಮವಿರಾಮಮ್ ॥ 8 ॥

ಸಾ ಮಾಂ ದ್ರಕ್ಷ್ಯತಿ ವಕ್ಷ್ಯತಿ ಸ್ಮರಕಥಾಂ ಪ್ರತ್ಯಂಗಮಾಲಿಂಗನೈಃ ಪ್ರೀತಿಂ ಯಾಸ್ಯತಿ ರಮ್ಯತೇ ಸಖಿ ಸಮಾಗತ್ಯೇತಿ ಚಿಂತಾಕುಲಃ । ಸ ತ್ವಾಂ ಪಶ್ಯತಿ ವೇಪತೇ ಪುಲಕಯತ್ಯಾನಂದತಿ ಸ್ವಿದ್ಯತಿ ಪ್ರತ್ಯುದ್ಗಚ್ಛತಿ ಮೂರ್ಚ್ಛತಿ ಸ್ಥಿರತಮಃಪುಂಜೇ ನಿಕುಂಜೇ ಪ್ರಿಯಃ ॥ 60 ॥

ಅಕ್ಷ್ಣೋರ್ನಿಕ್ಷಿಪದಂಜನಂ ಶ್ರವಣಯೋಸ್ತಾಪಿಚ್ಛಗುಚ್ಛಾವಲೀಂ ಮೂರ್ಧ್ನಿ ಶ್ಯಾಮಸರೋಜದಾಮ ಕುಚಯೋಃ ಕಸ್ತೂರಿಕಾಪಾತ್ರಕಮ್ । ಧೂರ್ತಾನಾಮಭಿಸಾರಸತ್ವರಹೃದಾಂ ವಿಷ್ವಙ್ನಿಕುಂಜೇ ಸಖಿ ಧ್ವಾಂತಂ ನೀಲನಿಚೋಲಚಾರು ಸದೃಶಾಂ ಪ್ರತ್ಯಂಗಮಾಲಿಂಗತಿ ॥ 61 ॥

ಕಾಶ್ಮೀರಗೌರವಪುಷಾಮಭಿಸಾರಿಕಾಣಾಂ ಆಬದ್ಧರೇಖಮಭಿತೋ ರುಚಿಮಂಜರೀಭಿಃ । ಏತತ್ತಮಾಲದಲನೀಲತಮಂ ತಮಿಶ್ರಂ ತತ್ಪ್ರೇಮಹೇಮನಿಕಷೋಪಲತಾಂ ತನೋತಿ ॥ 62 ॥

ಹಾರಾವಲೀತರಲಕಾಂಚನಕಾಂಚಿದಾಮ-ಕೇಯೂರಕಂಕಣಮಣಿದ್ಯುತಿದೀಪಿತಸ್ಯ । ದ್ವಾರೇ ನಿಕುಂಜನಿಲಯಸ್ಯಹರಿಂ ನಿರೀಕ್ಷ್ಯ ವ್ರೀಡಾವತೀಮಥ ಸಖೀ ನಿಜಗಾಹ ರಾಧಾಮ್ ॥ 63 ॥

॥ ಗೀತಂ 21 ॥

ಮಂಜುತರಕುಂಜತಲಕೇಲಿಸದನೇ । ವಿಲಸ ರತಿರಭಸಹಸಿತವದನೇ ॥ ಪ್ರವಿಶ ರಾಧೇ ಮಾಧವಸಮೀಪಮಿಹ ॥ 1 ॥

ನವಭವದಶೋಕದಲಶಯನಸಾರೇ । ವಿಲಸ ಕುಚಕಲಶತರಲಹಾರೇ ॥ 2 ॥

ಕುಸುಮಚಯರಚಿತಶುಚಿವಾಸಗೇಹೇ । ವಿಲಸ ಕುಸುಮಸುಕುಮಾರದೇಹೇ ॥ 3 ॥

ಚಲಮಲಯವನಪವನಸುರಭಿಶೀತೇ । ವಿಲಸ ರಸವಲಿತಲಲಿತಗೀತೇ ॥ 4 ॥

ಮಧುಮುದಿತಮಧುಪಕುಲಕಲಿತರಾವೇ । ವಿಲಸ ಮದನರಸಸರಸಭಾವೇ ॥ 5 ॥

ಮಧುತರಲಪಿಕನಿಕರನಿನದಮುಖರೇ । ವಿಲಸ ದಶನರುಚಿರುಚಿರಶಿಖರೇ ॥ 6 ॥

ವಿತತ ಬಹುವಲ್ಲಿನವಪಲ್ಲವಘನೇ । ವಿಲಸ ಚಿರಮಲಸಪೀನಜಘನೇ ॥ 7 ॥

ವಿಹಿತಪದ್ಮಾವತೀಸುಖಸಮಾಜೇ । ಭಣತಿ ಜಯದೇವಕವಿರಾಜೇ ॥ 8 ॥

ತ್ವಾಂ ಚಿತ್ತೇನ ಚಿರಂ ವಹನ್ನಯಮತಿಶ್ರಾಂತೋ ಭೃಶಂ ತಾಪಿತಃ ಕಂದರ್ಪೇಣ ತು ಪಾತುಮಿಚ್ಛತಿ ಸುಧಾಸಂಬಾಧಬಿಂಬಾಧರಮ್ । ಅಸ್ಯಾಂಗಂ ತದಲಂಕುರು ಕ್ಷಣಮಿಹ ಭ್ರೂಕ್ಷೇಪಲಕ್ಷ್ಮೀಲವ-ಕ್ರೀತೇ ದಾಸ ಇವೋಪಸೇವಿತಪದಾಂಭೋಜೇ ಕುತಃ ಸಂಭ್ರಮಃ ॥ 64 ॥

ಸಾ ಸಸಾಧ್ವಸಸಾನಂದಂ ಗೋವಿಂದೇ ಲೋಲಲೋಚನಾ । ಸಿಂಜಾನಮಂಜುಮಂಜೀರಂ ಪ್ರವಿವೇಶ ನಿವೇಶನಮ್ ॥ 65 ॥

॥ ಗೀತಂ 22 ॥

ರಾಧಾವದನವಿಲೋಕನವಿಕಸಿತವಿವಿಧವಿಕಾರವಿಭಂಗಮ್ । ಜಲನಿಧಿಮಿವ ವಿಧುಮಂಡಲದರ್ಶನತರಲಿತತುಂಗತರಂಗಮ್ ॥ ಹರಿಮೇಕರಸಂ ಚಿರಮಭಿಲಷಿತವಿಲಾಸಂ ಸಾ ದದಾರ್ಶ ಗುರುಹರ್ಷವಶಂವದವದನಮನಂಗನಿವಾಸಮ್ ॥ 1 ॥

ಹಾರಮಮಲತರತಾರಮುರಸಿ ದಧತಂ ಪರಿರಭ್ಯ ವಿದೂರಮ್ । ಸ್ಫುಟತರಫೇನಕದಂಬಕರಂಬಿತಮಿವ ಯಮುನಾಜಲಪೂರಮ್ ॥ 2 ॥

ಶ್ಯಾಮಲಮೃದುಲಕಲೇವರಮಂಡಲಮಧಿಗತಗೌರದುಕೂಲಮ್ । ನೀಲನಲಿನಮಿವ ಪೀತಪರಾಗಪತಲಭರವಲಯಿತಮೂಲಮ್ ॥ 3 ॥

ತರಲದೃಗಂಚಲಚಲನಮನೋಹರವದನಜನಿತರತಿರಾಗಮ್ । ಸ್ಫುಟಕಮಲೋದರಖೇಲಿತಖಂಜನಯುಗಮಿವ ಶರದಿ ತಡಾಗಮ್ ॥ 4 ॥

ವದನಕಮಲಪರಿಶೀಲನಮಿಲಿತಮಿಹಿರಸಮಕುಂಡಲಶೋಭಮ್ । ಸ್ಮಿತರುಚಿರುಚಿರಸಮುಲ್ಲಸಿತಾಧರಪಲ್ಲವಕೃತರತಿಲೋಭಮ್ ॥ 5 ॥

ಶಶಿಕಿರಣಚ್ಛುರಿತೋದರಜಲಧರಸುಂದರಸಕುಸುಮಕೇಶಮ್ । ತಿಮಿರೋದಿತವಿಧುಮಣ್ದಲನಿರ್ಮಲಮಲಯಜತಿಲಕನಿವೇಶಮ್ ॥ 6 ॥

ವಿಪುಲಪುಲಕಭರದಂತುರಿತಂ ರತಿಕೇಲಿಕಲಾಭಿರಧೀರಮ್ । ಮಣಿಗಣಕಿರಣಸಮೂಹಸಮುಜ್ಜ್ವಲಭೂಷಣಸುಭಗಶರೀರಮ್ ॥ 7 ॥

ಶ್ರೀಜಯದೇವಭಣಿತವಿಭವದ್ವಿಗುಣೀಕೃತಭೂಷಣಭಾರಮ್ । ಪ್ರಣಮತ ಹೃದಿ ಸುಚಿರಂ ವಿನಿಧಾಯ ಹರಿಂ ಸುಕೃತೋದಯಸಾರಮ್ ॥ 8 ॥

ಅತಿಕ್ರಮ್ಯಾಪಾಂಗಂ ಶ್ರವಣಪಥಪರ್ಯಂತಗಮನ-ಪ್ರಯಾಸೇನೇವಾಕ್ಷ್ಣೋಸ್ತರಲತರತಾರಂ ಪತಿತಯೋಃ । ಇದಾನೀಂ ರಾಧಾಯಾಃ ಪ್ರಿಯತಮಸಮಾಲೋಕಸಮಯೇ ಪಪಾತ ಸ್ವೇದಾಂಬುಪ್ರಸರ ಇವ ಹರ್ಷಾಶ್ರುನಿಕರಃ ॥ 66 ॥

ಭವಂತ್ಯಾಸ್ತಲ್ಪಾಂತಂ ಕೃತಕಪಟಕಂಡೂತಿಪಿಹಿತ-ಸ್ಮಿತಂ ಯಾತೇ ಗೇಹಾದ್ಬಹಿರವಹಿತಾಲೀಪರಿಜನೇ । ಪ್ರಿಯಾಸ್ಯಂ ಪಶ್ಯಂತ್ಯಾಃ ಸ್ಮರಶರಸಮಾಕೂಲಸುಭಗಂ ಸಲಜ್ಜಾ ಲಜ್ಜಾಪಿ ವ್ಯಗಮದಿವ ದೂರಂ ಮೃಗದೃಶಃ ॥ 67 ॥

॥ ಇತಿ ಶ್ರೀಗೀತಗೋವಿಂದೇ ರಾಧಿಕಾಮಿಲನೇ ಸಾನಂದದಾಮೋದರೋ ನಾಮೈಕಾದಶಃ ಸರ್ಗಃ ॥

About Gita Govindam Chapter 11 - Sananda Damodara

The eleventh canto of Jayadeva's Gita Govinda, "Sananda Damodara", Krishna rejoicing, brings Radha and Krishna together after their long separation. Having won the doe-eyed Radha over with his pleading, Krishna goes to his bower of flowers; Radha's friend, seeing her beautifully adorned, urges her to go to him without delay, and Radha comes to the bower, where the two meet in joy.

Written by: Jayadeva (12th century)

When to chant: In Odissi and other dance, in bhajans and concerts, and in the Gita Govinda seva at the Jagannath temple, Puri.

Did you know?

  • Jayadeva (12th century) composed the Gita Govinda in Sanskrit, and its songs are still sung daily before Lord Jagannath at Puri.
  • The colophon names this canto as part of "Radhika milana", the union with Radha.

Frequently asked questions

What does "Sananda Damodara" mean?

"Krishna rejoicing", as he is united with Radha.

What happens in this canto?

Radha's friend urges her to go to Krishna, and they meet in the bower.

Who wrote the Gita Govinda?

Jayadeva, in the 12th century.

Offered for worship and study, not as prediction. Non-commercial.