MuhurtaNow

KYTS 1.3 Devasya Tva Savitu Prasave - Krishna Yajurveda Taittiriya Samhita Patha

Kanda 1 - Krishna Yajurveda Taittiriya Samhita · Traditional devotional text

কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে তৃতীয়ঃ প্রশ্নঃ - অগ্নিষ্টোমে পশুঃ

ও-ন্নমঃ পরমাত্মনে, শ্রী মহাগণপতয়ে নমঃ, শ্রী গুরুভ্য়ো নমঃ । হ॒রিঃ॒ ওম্ ॥

দে॒বস্য়॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্য়া᳚-ম্পূ॒ষ্ণো হস্তা᳚ভ্য়া॒মা দ॒দে-ঽভ্রি॑রসি॒ নারি॑রসি॒ পরি॑লিখিত॒গ্ম্॒ রক্ষঃ॒ পরি॑লিখিতা॒ অরা॑তয় ই॒দম॒হগ্ম্ রক্ষ॑সো গ্রী॒বা অপি॑ কৃন্তামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্ম ই॒দম॑স্য় গ্রী॒বা অপি॑ কৃন্তামি দি॒বে ত্বা॒-ঽন্তরি॑ক্ষায় ত্বা পৃথি॒ব্য়ৈ ত্বা॒ শুন্ধ॑তাং-লোঁ॒কঃ পি॑তৃ॒ষদ॑নো॒ যবো॑-ঽসি য॒বয়া॒স্ম-দ্দ্বেষো॑ [য়॒বয়া॒স্ম-দ্দ্বেষঃ॑, য॒বয়ারা॑তীঃ] 1

য॒বয়ারা॑তীঃ পিতৃ॒ণাগ্ম্ সদ॑নম॒স্য়ুদ্দিবগ্গ্॑ স্তভা॒না-ঽন্তরি॑ক্ষ-ম্পৃণ পৃথি॒বী-ন্দৃগ্ম্॑হ দ্য়ুতা॒নস্ত্বা॑ মারু॒তো মি॑নোতু মি॒ত্রাবরু॑ণয়ো-র্ধ্রু॒বেণ॒ ধর্ম॑ণা ব্রহ্ম॒বনি॑-ন্ত্বা ক্ষত্র॒বনিগ্ম্॑ সুপ্রজা॒বনিগ্ম্॑ রাযস্পোষ॒বনি॒-ম্পর্য়ূ॑হামি॒ ব্রহ্ম॑ দৃগ্ম্হ ক্ষ॒ত্র-ন্দৃগ্ম্॑হ প্র॒জা-ন্দৃগ্ম্॑হ রা॒যস্পোষ॑-ন্দৃগ্ম্হ ঘৃ॒তেন॑ দ্য়াবাপৃথিবী॒ আ পৃ॑ণেথা॒মিন্দ্র॑স্য়॒ সদো॑-ঽসি বিশ্বজ॒নস্য়॑ ছা॒য়া পরি॑ ত্বা গির্বণো॒ গির॑ ই॒মা ভ॑বন্তু বি॒শ্বতো॑ বৃ॒দ্ধায়ু॒মনু॒ বৃদ্ধ॑য়ো॒ জুষ্টা॑ ভবন্তু॒ জুষ্ট॑য়॒ ইন্দ্র॑স্য়॒ স্য়ূর॒সীন্দ্র॑স্য় ধ্রু॒বম॑স্য়ৈ॒ন্দ্রম॒সীন্দ্রা॑য় ত্বা ॥ 2 ॥ (দ্বেষ॑ - ই॒মা - অ॒ষ্টাদ॑শ চ ) (অ. 1)

র॒ক্ষো॒হণো॑ বলগ॒হনো॑ বৈষ্ণ॒বা-ন্খ॑নামী॒দম॒হ-ন্তং-বঁ॑ল॒গমুদ্ব॑পামি॒ য-ন্ন॑-স্সমা॒নো যমস॑মানো নিচ॒খানে॒দমে॑ন॒মধ॑র-ঙ্করোমি॒ যো ন॑-স্সমা॒নো যো-ঽস॑মানো-ঽরাতী॒যতি॑ গায়॒ত্রেণ॒ ছন্দ॒সা-ঽব॑বাঢো বল॒গঃ কিমত্র॑ ভ॒দ্র-ন্তন্নৌ॑ স॒হ বি॒রাড॑সি সপত্ন॒হা স॒ম্রাড॑সি ভ্রাতৃব্য়॒হা স্ব॒রাড॑স্যভিমাতি॒হা বি॑শ্বা॒রাড॑সি॒ বিশ্বা॑সা-ন্না॒ষ্ট্রাণাগ্ম্॑ হ॒ন্তা [হ॒ন্তা, র॒ক্ষো॒হণো॑] 3

র॑ক্ষো॒হণো॑ বলগ॒হনঃ॒ প্রোক্ষা॑মি বৈষ্ণ॒বা-ন্র॑ক্ষো॒হণো॑ বলগ॒হনো-ঽব॑ নয়ামি বৈষ্ণ॒বান্ যবো॑-ঽসি য॒বয়া॒স্ম-দ্দ্বেষো॑ য॒বয়ারা॑তী রক্ষো॒হণো॑ বলগ॒হনো-ঽব॑ স্তৃণামি বৈষ্ণ॒বা-ন্র॑ক্ষো॒হণো॑ বলগ॒হনো॒-ঽভি জু॑হোমি বৈষ্ণ॒বা-ন্র॑ক্ষো॒হণৌ॑ বলগ॒হনা॒বুপ॑ দধামি বৈষ্ণ॒বী র॑ক্ষো॒হণৌ॑ বলগ॒হনৌ॒ পর্য়ূ॑হামি বৈষ্ণ॒বী র॑ক্ষো॒হণৌ॑ বলগ॒হনৌ॒ পরি॑ স্তৃণামি বৈষ্ণ॒বী র॑ক্ষো॒হণৌ॑ বলগ॒হনৌ॑ বৈষ্ণ॒বী বৃ॒হন্ন॑সি বৃ॒হদ্গ্রা॑বা বৃহ॒তীমিন্দ্রা॑য়॒ বাচং॑-বঁদ ॥ 4 ॥ ( হ॒ন্তে-ন্দ্রা॑য়॒ দ্বে চ॑ ) (অ. 2)

বি॒ভূর॑সি প্র॒বাহ॑ণো॒ বহ্নি॑রসি হব্য়॒বাহ॑ন-শ্শ্বা॒ত্রো॑-ঽসি॒ প্রচে॑তাস্তু॒থো॑-ঽসি বি॒শ্ববে॑দা উ॒শিগ॑সি ক॒বিরঙ্ঘা॑রিরসি॒ বম্ভা॑রিরব॒স্য়ুর॑সি॒ দুব॑স্বাঞ্ছু॒ন্ধ্য়ূর॑সি মার্জা॒লীয়॑-স্স॒ম্রাড॑সি কৃ॒শানুঃ॑ পরি॒ষদ্য়ো॑-ঽসি॒ পব॑মানঃ প্র॒তক্বা॑-ঽসি॒ নভ॑স্বা॒নস॑ম্মৃষ্টো-ঽসি হব্য়॒সূদ॑ ঋ॒তধা॑মা-ঽসি॒ সুবর্জ্য়োতি॒-র্ব্রহ্ম॑জ্য়োতিরসি॒ সুব॑র্ধামা॒-ঽজো᳚ ঽস্য়েক॑পা॒দহি॑রসি বু॒দ্ধ্নিয়ো॒ রৌদ্রে॒ণানী॑কেন পা॒হি মা᳚-ঽগ্নে পিপৃ॒হি মা॒ মা মা॑ হিগ্ম্সীঃ ॥ 5 ॥ (অনী॑কেনা॒-ষ্টৌ চ॑) (অ. 3)

ত্বগ্ম্ সো॑ম তনূ॒কৃদ্ভ্য়ো॒ দ্বেষো᳚ভ্য়ো॒-ঽন্যকৃ॑তেভ্য় উ॒রু য॒ন্তা-ঽসি॒ বরূ॑থ॒গ্গ্॒ স্বাহা॑ জুষা॒ণো অ॒প্তুরাজ্য়॑স্য় বেতু॒ স্বাহা॒-ঽযন্নো॑ অ॒গ্নির্বরি॑বঃ কৃণোত্ব॒য়-ম্মৃধঃ॑ পু॒র এ॑তু প্রভি॒ন্দন্ন্ । অ॒য়গ্ম্ শত্রূ᳚ঞ্জযতু॒ জর্হৃ॑ষাণো॒-ঽয়ং-বাঁজ॑-ঞ্জযতু॒ বাজ॑সাতৌ । উ॒রু বি॑ষ্ণো॒ বি ক্র॑মস্বো॒রু ক্ষয়া॑য় নঃ কৃধি । ঘৃ॒ত-ঙ্ঘৃ॑তয়োনে পিব॒ প্রপ্র॑ য॒জ্ঞপ॑তি-ন্তির । সোমো॑ জিগাতি গাতু॒বি- [গাতু॒বিত্, দে॒বানা॑মেতি] 6

দ্দে॒বানা॑মেতি নিষ্কৃ॒তমৃ॒তস্য়॒ যোনি॑মা॒সদ॒মদি॑ত্য়া॒-স্সদো॒-ঽস্যদি॑ত্য়া॒-স্সদ॒ আ সী॑দৈ॒ষ বো॑ দেব সবিত॒-স্সোম॒স্তগ্ম্ র॑ক্ষদ্ধ্ব॒-ম্মা বো॑ দভদে॒তত্ত্বগ্ম্ সো॑ম দে॒বো দে॒বানুপা॑গা ই॒দম॒হ-ম্ম॑নু॒ষ্য়ো॑ মনু॒ষ্য়া᳚ন্-থ্স॒হ প্র॒জয়া॑ স॒হ রা॒যস্পোষে॑ণ॒ নমো॑ দে॒বেভ্য়॑-স্স্ব॒ধা পি॒তৃভ্য়॑ ই॒দম॒হ-ন্নির্বরু॑ণস্য়॒ পাশা॒-থ্সুব॑র॒ভি [ ] 7

বি খ্য়ে॑ষং-বৈঁশ্বান॒র-ঞ্জ্য়োতি॒রগ্নে᳚ ব্রতপতে॒ ত্বং-ব্রঁ॒তানাং᳚-ব্রঁ॒তপ॑তিরসি॒ যা মম॑ ত॒নূস্ত্বয়্যভূ॑দি॒য়গ্ম্ সা ময়ি॒ যা তব॑ ত॒নূ-র্ময়্যভূ॑দে॒ষা সা ত্বয়ি॑ যথায়॒থ-ন্নৌ᳚ ব্রতপতে ব্র॒তিনো᳚-র্ব্র॒তানি॑ ॥ 8 ॥ (গা॒তু॒বিদ॒-ভ্য়ে-ক॑ত্রিগ্ম্শচ্চ) (অ. 4)

অত্য়॒ন্য়ানগা॒-ন্নান্য়ানুপা॑গাম॒র্বাক্ত্বা॒ পরৈ॑রবিদ-ম্প॒রো-ঽব॑রৈ॒স্ত-ন্ত্বা॑ জুষে বৈষ্ণ॒ব-ন্দে॑বয়॒জ্য়ায়ৈ॑ দে॒বস্ত্বা॑ সবি॒তা মদ্ধ্বা॑-ঽন॒ক্ত্বোষ॑ধে॒ ত্রায়॑স্বৈন॒গ্গ্॒ স্বধি॑তে॒ মৈনগ্ম্॑ হিগ্ম্সী॒-র্দিব॒মগ্রে॑ণ॒ মা লে॑খীর॒ন্তরি॑ক্ষ॒-ম্মদ্ধ্য়ে॑ন॒ মা হিগ্ম্॑সীঃ পৃথি॒ব্য়া স-ম্ভ॑ব॒ বন॑স্পতে শ॒তব॑ল্শো॒ বি রো॑হ স॒হস্র॑বল্শা॒ বি ব॒য়গ্ম্ রু॑হেম॒ য-ন্ত্বা॒-ঽযগ্গ্ স্বধি॑তি॒স্তেতি॑জানঃ প্রণি॒নায়॑ মহ॒তে সৌভ॑গা॒য়াচ্ছি॑ন্নো॒ রায়॑-স্সু॒বীরঃ॑ ॥ 9 ॥ (য়ং-দশ॑ চ) (অ. 5)

পৃ॒থি॒ব্য়ৈ ত্বা॒ন্তরি॑ক্ষায় ত্বা দি॒বে ত্বা॒ শুন্ধ॑তাং-লোঁ॒কঃ পি॑তৃ॒ষদ॑নো॒ যবো॑-ঽসি য॒বয়া॒স্ম-দ্দ্বেষো॑ য॒বয়ারা॑তীঃ পিতৃ॒ণাগ্ম্ সদ॑নমসি স্বাবে॒শো᳚-ঽস্যগ্রে॒গা নে॑তৃ॒ণাং-বঁন॒স্পতি॒রধি॑ ত্বা স্থাস্যতি॒ তস্য়॑ বিত্তা-দ্দে॒বস্ত্বা॑ সবি॒তা মদ্ধ্বা॑-ঽনক্তু সুপিপ্প॒লাভ্য়॒-স্ত্বৌষ॑ধীভ্য়॒ উদ্দিবগ্গ্॑ স্তভা॒না-ঽন্তরি॑ক্ষ-ম্পৃণ পৃথি॒বীমুপ॑রেণ দৃগ্ম্হ॒ তে তে॒ ধামা᳚ন্য়ুশ্মসী [ধামা᳚ন্য়ুশ্মসি, গ॒মদ্ধ্য়ে॒ গাবো॒] 10

গ॒মদ্ধ্য়ে॒ গাবো॒ যত্র॒ ভূরি॑শৃঙ্গা অ॒য়াসঃ॑ । অত্রাহ॒ তদু॑রুগা॒যস্য়॒ বিষ্ণোঃ᳚ পর॒ম-ম্প॒দমব॑ ভাতি॒ ভূরেঃ᳚ ॥ বিষ্ণোঃ॒ কর্মা॑ণি পশ্যত॒ যতো᳚ ব্র॒তানি॑ পস্প॒শে । ইন্দ্র॑স্য়॒ যুজ্য়॒-স্সখা᳚ ॥ ত-দ্বিষ্ণোঃ᳚ পর॒ম-ম্প॒দগ্ম্ সদা॑ পশ্যন্তি সূ॒রয়ঃ॑ । দি॒বীব॒ চক্ষু॒রাত॑তম্ ॥ ব্র॒হ্ম॒বনি॑-ন্ত্বা ক্ষত্র॒বনিগ্ম্॑ সুপ্রজা॒বনিগ্ম্॑ রাযস্পোষ॒বনি॒-ম্পর্য়ূ॑হামি॒ ব্রহ্ম॑ দৃগ্ম্হ ক্ষ॒ত্র-ন্দৃগ্ম্॑হ প্র॒জা-ন্দৃগ্ম্॑হ রা॒যস্পোষ॑-ন্দৃগ্ম্হ পরি॒বীর॑সি॒ পরি॑ ত্বা॒ দৈবী॒র্বিশো᳚ ব্যযন্তা॒-ম্পরী॒মগ্ম্ রা॒যস্পোষো॒ যজ॑মান-ম্মনু॒ষ্য়া॑ অ॒ন্তরি॑ক্ষস্য় ত্বা॒ সানা॒বব॑ গূহামি ॥ 11 ॥ (উ॒শ্ম॒সী॒-পোষ॒মে-কা॒ন্নবিগ্ম্॑শ॒তিশ্চ॑) (অ. 6)

ই॒ষে ত্বো॑প॒বীর॒স্য়ুপো॑ দে॒বা-ন্দৈবী॒-র্বিশঃ॒ প্রাগু॒-র্বহ্নী॑রু॒শিজো॒ বৃহ॑স্পতে ধা॒রয়া॒ বসূ॑নি হ॒ব্য়া তে᳚ স্বদন্তা॒-ন্দেব॑ ত্বষ্ট॒র্বসু॑ রণ্ব॒ রেব॑তী॒ রম॑দ্ধ্ব-ম॒গ্নে-র্জ॒নিত্র॑মসি॒ বৃষ॑ণৌ স্থ উ॒র্বশ্য়॑স্য়া॒য়ুর॑সি পুরূ॒রবা॑ ঘৃ॒তেনা॒ক্তে বৃষ॑ণ-ন্দধাথা-ঙ্গায়॒ত্র-ঞ্ছন্দো-ঽনু॒ প্র জা॑যস্ব॒ ত্রৈষ্টু॑ভ॒-ঞ্জাগ॑ত॒-ঞ্ছন্দো-ঽনু॒ প্র জা॑যস্ব॒ ভব॑ত- [ভব॑তম্, ন॒-স্সম॑নসৌ॒] 12

ন্ন॒-স্সম॑নসৌ॒ সমো॑কসাবরে॒পসৌ᳚ । মা য॒জ্ঞগ্ম্ হিগ্ম্॑সিষ্ট॒-ম্মা য॒জ্ঞপ॑তি-ঞ্জাতবেদসৌ শি॒বৌ ভ॑বতম॒দ্য় নঃ॑ ॥ অ॒গ্নাব॒গ্নিশ্চ॑রতি॒ প্রবি॑ষ্ট॒ ঋষী॑ণা-ম্পু॒ত্রো অ॑ধিরা॒জ এ॒ষঃ । স্বা॒হা॒কৃত্য়॒ ব্রহ্ম॑ণা তে জুহোমি॒ মা দে॒বানা᳚-ম্মিথু॒য়া ক॑র্ভাগ॒ধেয়᳚ম্ ॥ 13 ॥ (ভব॑ত॒-মেক॑ত্রিগ্ম্শচ্চ) (অ. 7)

আ দ॑দ ঋ॒তস্য়॑ ত্বা দেবহবিঃ॒ পাশে॒না-ঽঽর॑ভে॒ ধর্ষা॒ মানু॑ষান॒দ্ভ্যস্ত্বৌষ॑ধীভ্য়ঃ॒ প্রোক্ষা᳚ম্য়॒পা-ম্পে॒রুর॑সি স্বা॒ত্ত-ঞ্চি॒-থ্সদে॑বগ্ম্ হ॒ব্যমাপো॑ দেবী॒-স্স্বদ॑তৈন॒গ্ম্॒ স-ন্তে᳚ প্রা॒ণো বা॒য়ুনা॑ গচ্ছতা॒গ্ম্॒ সং-য়ঁজ॑ত্রৈ॒রঙ্গা॑নি॒ সং-য়ঁ॒জ্ঞপ॑তিরা॒শিষা॑ ঘৃ॒তেনা॒ক্তৌ প॒শু-ন্ত্রা॑য়েথা॒গ্ম্॒ রেব॑তী-র্য়॒জ্ঞপ॑তি-ম্প্রিয়॒ধা-ঽঽ বি॑শ॒তোরো॑ অন্তরিক্ষ স॒জূ-র্দে॒বেন॒ [স॒জূ-র্দে॒বেন॑, বাতে॑না॒-ঽস্য়] 14

বাতে॑না॒-ঽস্য় হ॒বিষ॒স্ত্মনা॑ যজ॒ সম॑স্য় ত॒নুবা॑ ভব॒ বর্ষী॑য়ো॒ বর্ষী॑যসি য॒জ্ঞে য॒জ্ঞপ॑তি-ন্ধাঃ পৃ॑থি॒ব্য়া-স্স॒ম্পৃচঃ॑ পাহি॒ নম॑স্ত আতানা-ঽন॒র্বা প্রেহি॑ ঘৃ॒তস্য়॑ কু॒ল্য়ামনু॑ স॒হ প্র॒জয়া॑ স॒হ রা॒যস্পোষে॒ণা ঽঽপো॑ দেবী-শ্শুদ্ধায়ুব-শ্শু॒দ্ধা যূ॒য়-ন্দে॒বাগ্ম্ ঊ᳚ঢ্বগ্ম্ শু॒দ্ধা ব॒য়-ম্পরি॑বিষ্টাঃ পরিবে॒ষ্টারো॑ বো ভূয়াস্ম ॥ 15 ॥ (দে॒বন॒-চতু॑শ্চত্বারিগ্ম্শচ্চ) (অ. 8)

বাক্ত॒ আ প্য়া॑যতা-ম্প্রা॒ণস্ত॒ আ প্য়া॑যতা॒-ঞ্চক্ষু॑স্ত॒ আ প্য়া॑যতা॒গ্॒ শ্রোত্র॑-ন্ত॒ আ প্য়া॑যতাং॒-য়াঁ তে᳚ প্রা॒ণাঞ্ছুগ্জ॒গাম॒ যা চক্ষু॒র্য়া শ্রোত্রং॒-য়ঁত্তে᳚ ক্রূ॒রং-য়ঁদাস্থি॑ত॒-ন্তত্ত॒ আ প্য়া॑যতা॒-ন্তত্ত॑ এ॒তেন॑ শুন্ধতা॒-ন্নাভি॑স্ত॒ আ প্য়া॑যতা-ম্পা॒য়ুস্ত॒ আ প্য়া॑যতাগ্ম্ শু॒দ্ধাশ্চ॒রিত্রা॒-শ্শম॒দ্ভ্য়- [ম॒ধ্ভ্য়ঃ, শমোষ॑ধীভ্য়॒-শ্শং] 16

শ্শমোষ॑ধীভ্য়॒-শ্শ-ম্পৃ॑থি॒ব্য়ৈ শমহো᳚ভ্য়া॒-মোষ॑ধে॒ ত্রায়॑স্বৈন॒গ্গ্॒ স্বধি॑তে॒ মৈনগ্ম্॑ হিগ্ম্সী॒ রক্ষ॑সা-ম্ভা॒গো॑-ঽসী॒দম॒হগ্ম্ রক্ষো॑-ঽধ॒ম-ন্তমো॑ নয়ামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্ম ই॒দমে॑নমধ॒ম-ন্তমো॑ নয়ামী॒ষে ত্বা॑ ঘৃ॒তেন॑ দ্য়াবাপৃথিবী॒ প্রোর্ণ্বা॑থা॒-মচ্ছি॑ন্নো॒ রায়॑-স্সু॒বীর॑ উ॒র্ব॑ন্তরি॑ক্ষ॒মন্বি॑হি॒ বায়ো॒ বীহি॑ স্তো॒কানা॒গ্॒ স্বাহো॒র্ধ্বন॑ভস-ম্মারু॒ত-ঙ্গ॑চ্ছতম্ ॥ 17 ॥ (অ॒দ্ভ্য়ো-বীহি॒-পঞ্চ॑ চ) (অ. 9)

স-ন্তে॒ মন॑সা॒ মনঃ॒ স-ম্প্রা॒ণেন॑ প্রা॒ণো জুষ্ট॑-ন্দে॒বেভ্য়ো॑ হ॒ব্য়-ঙ্ঘৃ॒তব॒-থ্স্বাহৈ॒ন্দ্রঃ প্রা॒ণো অঙ্গে॑অঙ্গে॒ নি দে᳚দ্ধ্যদৈ॒ন্দ্রো॑ ঽপা॒নো অঙ্গে॑অঙ্গে॒ বি বো॑ভুব॒দ্দেব॑ ত্বষ্ট॒র্ভূরি॑ তে॒ সগ্ম্স॑মেতু॒ বিষু॑রূপা॒ য-থ্সল॑ক্ষ্মাণো॒ ভব॑থ দেব॒ত্রা যন্ত॒মব॑সে॒ সখা॒য়ো-ঽনু॑ ত্বা মা॒তা পি॒তরো॑ মদন্তু॒ শ্রীর॑স্য়॒গ্নিস্ত্বা᳚ শ্রীণা॒ত্বাপ॒-স্সম॑রিণ॒ন্ বাত॑স্য় [ ] 18

ত্বা॒ ধ্রজ্য়ৈ॑ পূ॒ষ্ণো রগ্গ্হ্য়া॑ অ॒পামোষ॑ধীনা॒গ্ম্॒ রোহি॑ষ্য়ৈ ঘৃ॒ত-ঙ্ঘৃ॑তপাবানঃ পিবত॒ বসাং᳚-বঁসাপাবানঃ পিবতা॒-ঽন্তরি॑ক্ষস্য় হ॒বির॑সি॒ স্বাহা᳚ ত্বা॒-ঽন্তরি॑ক্ষায়॒ দিশঃ॑ প্র॒দিশ॑ আ॒দিশো॑ বি॒দিশ॑ উ॒দ্দিশ॒-স্স্বাহা॑ দি॒গ্ভ্য়ো নমো॑ দি॒গ্ভ্য়ঃ ॥ 19 ॥ (বা॑তস্য়া॒-ষ্টাবিগ্ম্॑শতিশ্চ) (অ. 10)

স॒মু॒দ্র-ঙ্গ॑চ্ছ॒ স্বাহা॒-ঽন্তরি॑ক্ষ-ঙ্গচ্ছ॒ স্বাহা॑ দে॒বগ্ম্ স॑বি॒তার॑-ঙ্গচ্ছ॒ স্বাহা॑-ঽহোরা॒ত্রে গ॑চ্ছ॒ স্বাহা॑ মি॒ত্রাবরু॑ণৌ গচ্ছ॒ স্বাহা॒ সোম॑-ঙ্গচ্ছ॒ স্বাহা॑ য॒জ্ঞ-ঙ্গ॑চ্ছ॒ স্বাহা॒ ছন্দাগ্ম্॑সি গচ্ছ॒ স্বাহা॒ দ্য়াবা॑পৃথি॒বী গ॑চ্ছ॒ স্বাহা॒ নভো॑ দি॒ব্য়-ঙ্গ॑চ্ছ॒ স্বাহা॒-ঽগ্নিং-বৈঁ᳚শ্বান॒র-ঙ্গ॑চ্ছ॒ স্বাহা॒-ঽদ্ভ্যস্ত্বৌষ॑ধীভ্য়ো॒ মনো॑ মে॒ হার্দি॑ যচ্ছ ত॒নূ-ন্ত্বচ॑-ম্পু॒ত্র-ন্নপ্তা॑রমশীয়॒ শুগ॑সি॒ তম॒ভি শো॑চ॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্মো ধাম্নো॑ধাম্নো রাজন্নি॒তো ব॑রুণ নো মুঞ্চ॒ যদাপো॒ অঘ্নি॑য়া॒ বরু॒ণেতি॒ শপা॑মহে॒ ততো॑ বরুণ নো মুঞ্চ ॥ 20 (অ॒সি॒-ষড্বিগ্ম্॑শতিশ্চ ) (অ. 11)

হ॒বিষ্ম॑তীরি॒মা আপো॑ হ॒বিষ্মা᳚-ন্দে॒বো অ॑দ্ধ্ব॒রো হ॒বিষ্মা॒গ্ম্॒ আ বি॑বাসতি হ॒বিষ্মাগ্ম্॑ অস্তু॒ সূর্য়ঃ॑ ॥ অ॒গ্নের্বো ঽপ॑ন্নগৃহস্য়॒ সদ॑সি সাদয়ামি সু॒ম্নায়॑ সুম্নিনী-স্সু॒ম্নে মা॑ ধত্তেন্দ্রাগ্নি॒য়ো-র্ভা॑গ॒ধেয়ী᳚-স্স্থ মি॒ত্রাবরু॑ণয়ো-র্ভাগ॒ধেয়ী᳚-স্স্থ॒ বিশ্বে॑ষা-ন্দে॒বানা᳚-ম্ভাগ॒ধেয়ী᳚-স্স্থ য॒জ্ঞে জা॑গৃত ॥ 21 ॥ (হ॒বিষ্ম॑তী॒-শ্চতু॑স্ত্রিগ্ম্শত্) (অ. 12)

হৃ॒দে ত্বা॒ মন॑সে ত্বা দি॒বে ত্বা॒ সূর্য়া॑য় ত্বো॒র্ধ্বমি॒মম॑দ্ধ্ব॒র-ঙ্কৃ॑ধি দি॒বি দে॒বেষু॒ হোত্রা॑ যচ্ছ॒ সোম॑ রাজ॒ন্নেহ্যব॑ রোহ॒ মা ভের্মা সং-বিঁ॑ক্থা॒ মা ত্বা॑ হিগ্ম্সিষ-ম্প্র॒জাস্ত্বমু॒পাব॑রোহ প্র॒জাস্ত্বামু॒পাব॑রোহন্তু শৃ॒ণোত্ব॒গ্নি-স্স॒মিধা॒ হব॑-ম্মে শৃ॒ণ্বন্ত্বাপো॑ ধি॒ষণা᳚শ্চ দে॒বীঃ । শৃ॒ণোত॑ গ্রাবাণো বি॒দুষো॒ নু [ ] 22

য॒জ্ঞগ্ম্ শৃ॒ণোতু॑ দে॒ব-স্স॑বি॒তা হব॑-ম্মে । দেবী॑রাপো অপা-ন্নপা॒দ্য় ঊ॒র্মির্হ॑বি॒ষ্য়॑ ইন্দ্রি॒য়াবা᳚-ন্ম॒দিন্ত॑ম॒স্ত-ন্দে॒বেভ্য়ো॑ দেব॒ত্রা ধ॑ত্ত শু॒ক্রগ্ম্ শু॑ক্র॒পেভ্য়ো॒ যেষা᳚-ম্ভা॒গ-স্স্থ স্বাহা॒ কার্ষি॑র॒স্যপা॒-ঽপা-ম্মৃ॒দ্ধ্রগ্ম্ স॑মু॒দ্রস্য়॒ বো-ঽক্ষি॑ত্য়া॒ উন্ন॑য়ে । যম॑গ্নে পৃ॒থ্সু মর্ত্য়॒মাবো॒ বাজে॑ষু॒ য-ঞ্জু॒নাঃ । স যন্তা॒ শশ্ব॑তী॒রিষঃ॑ ॥ 23 ॥ ( নু-স॒প্তচ॑ত্বারিগ্ম্শচ্চ) (অ. 13)

ত্বম॑গ্নে রু॒দ্রো অসু॑রো ম॒হো দি॒বস্ত্বগ্ম্ শর্ধো॒ মারু॑ত-ম্পৃ॒ক্ষ ঈ॑শিষে । ত্বং-বাঁতৈ॑ররু॒ণৈর্য়া॑সি শঙ্গ॒যস্ত্ব-ম্পূ॒ষা বি॑ধ॒তঃ পা॑সি॒ নুত্মনা᳚ ॥ আ বো॒ রাজা॑নমদ্ধ্ব॒রস্য়॑ রু॒দ্রগ্ম্ হোতা॑রগ্ম্ সত্য়॒যজ॒গ্ম্॒ রোদ॑স্য়োঃ । অ॒গ্নি-ম্পু॒রা ত॑নয়ি॒ত্নো র॒চিত্তা॒দ্ধির॑ণ্যরূপ॒মব॑সে কৃণুদ্ধ্বম্ ॥ অ॒গ্নির্হোতা॒ নি ষ॑সাদা॒ যজী॑য়ানু॒পস্থে॑ মা॒তু-স্সু॑র॒ভাবু॑ লো॒কে । যুবা॑ ক॒বিঃ পু॑রুনি॒ষ্ঠ [পু॑রুনি॒ষ্ঠঃ, ঋ॒তাবা॑ ধ॒র্তা] 24

ঋ॒তাবা॑ ধ॒র্তা কৃ॑ষ্টী॒নামু॒ত মদ্ধ্য়॑ ই॒দ্ধঃ ॥সা॒দ্ধ্বীম॑ক-র্দে॒ববী॑তি-ন্নো অ॒দ্য় য॒জ্ঞস্য়॑ জি॒হ্বাম॑বিদাম॒ গুহ্য়া᳚ম্ । স আয়ু॒রা-ঽগা᳚-থ্সুর॒ভির্বসা॑নো ভ॒দ্রাম॑ক-র্দে॒বহূ॑তি-ন্নো অ॒দ্য় ॥ অক্র॑ন্দদ॒গ্নি-স্স্ত॒নয়॑ন্নিব॒ দ্য়ৌঃ, ক্ষামা॒ রেরি॑হদ্বী॒রুধ॑-স্সম॒ঞ্জন্ন্ । স॒দ্য়ো জ॑জ্ঞা॒নো বি হীমি॒দ্ধো অখ্য়॒দা রোদ॑সী ভা॒নুনা॑ ভাত্য়॒ন্তঃ ॥ ত্বে বসূ॑নি পুর্বণীক [পুর্বণীক, হো॒ত॒র্দো॒ষা] 25

হোতর্দো॒ষা বস্তো॒রেরি॑রে য॒জ্ঞিয়া॑সঃ । ক্ষামে॑ব॒ বিশ্বা॒ ভুব॑নানি॒ যস্মি॒ন্-থ্সগ্ম্ সৌভ॑গানি দধি॒রে পা॑ব॒কে ॥ তুভ্য়॒-ন্তা অ॑ঙ্গিরস্তম॒ বিশ্বা᳚-স্সুক্ষি॒তয়ঃ॒ পৃথ॑ক্ । অগ্নে॒ কামা॑য় যেমিরে ॥ অ॒শ্য়াম॒ ত-ঙ্কাম॑মগ্নে॒ তবো॒ত্য়॑শ্য়াম॑ র॒য়িগ্ম্ র॑য়িব-স্সু॒বীর᳚ম্ । অ॒শ্য়াম॒ বাজ॑ম॒ভি বা॒জয়॑ন্তো॒ ঽশ্য়াম॑ দ্য়ু॒ম্নম॑জরা॒জর॑-ন্তে ॥শ্রেষ্ঠং॑-য়ঁবিষ্ঠ ভার॒তাগ্নে᳚ দ্য়ু॒মন্ত॒মা ভ॑র ॥ 26 ॥

বসো॑ পুরু॒স্পৃহগ্ম্॑ র॒য়িম্ ॥ স শ্বি॑তা॒নস্ত॑ন্য়॒তূ রো॑চন॒স্থা অ॒জরে॑ভি॒-র্নান॑দদ্ভি॒র্যবি॑ষ্ঠঃ । যঃ পা॑ব॒কঃ পু॑রু॒তমঃ॑ পু॒রূণি॑ পৃ॒থূন্য়॒গ্নির॑নু॒য়াতি॒ ভর্বন্ন্॑ ॥ আয়ু॑ষ্টে বি॒শ্বতো॑ দধদ॒যম॒গ্নি-র্বরে᳚ণ্য়ঃ । পুন॑স্তে প্রা॒ণ আ-ঽয়॑তি॒ পরা॒ যক্ষ্মগ্ম্॑ সুবামি তে ॥ আ॒য়ু॒র্দা অ॑গ্নে হ॒বিষো॑ জুষা॒ণো ঘৃ॒তপ্র॑তীকো ঘৃ॒তয়ো॑নিরেধি । ঘৃ॒ত-ম্পী॒ত্বা মধু॒ চারু॒ গব্য়॑-ম্পি॒তেব॑ পু॒ত্রম॒ভি [পু॒ত্রম॒ভি, র॒ক্ষ॒তা॒দি॒মম্] 27

র॑ক্ষতাদি॒মম্ । তস্মৈ॑ তে প্রতি॒হর্য়॑তে॒ জাত॑বেদো॒ বিচ॑র্ষণে । অগ্নে॒ জনা॑মি সুষ্টু॒তিম্ ॥ দি॒বস্পরি॑ প্রথ॒ম-ঞ্জ॑জ্ঞে অ॒গ্নির॒স্ম-দ্দ্বি॒তীয়॒-ম্পরি॑ জা॒তবে॑দাঃ । তৃ॒তীয়॑ম॒ফ্সু নৃ॒মণা॒ অজ॑স্র॒মিন্ধা॑ন এন-ঞ্জরতে স্বা॒ধীঃ ॥ শুচিঃ॑ পাবক॒ বন্দ্য়ো-ঽগ্নে॑ বৃ॒হদ্বি রো॑চসে । ত্ব-ঙ্ঘৃ॒তেভি॒রাহু॑তঃ ॥ দৃ॒শা॒নো রু॒ক্ম উ॒র্ব্য়া ব্য়॑দ্য়ৌ-দ্দু॒র্মর্ষ॒মায়ু॑-শ্শ্রি॒য়ে রু॑চা॒নঃ । অ॒গ্নির॒মৃতো॑ অভব॒দ্বয়ো॑ভি॒- [অভব॒দ্বয়ো॑ভিঃ, যদে॑নং॒] 28

-র্যদে॑ন॒-ন্দ্য়ৌরজ॑নয়-থ্সু॒রেতাঃ᳚ ॥ আ যদি॒ষে নৃ॒পতি॒-ন্তেজ॒ আন॒ট্ছুচি॒ রেতো॒ নিষি॑ক্ত॒-ন্দ্য়ৌর॒ভীকে᳚ । অ॒গ্নি-শ্শর্ধ॑মনব॒দ্য়ং-য়ুঁবা॑নগ্গ্ স্বা॒ধিয়॑-ঞ্জনয়-থ্সূ॒দয়॑চ্চ ॥ স তেজী॑যসা॒ মন॑সা॒ ত্বোত॑ উ॒ত শি॑ক্ষ স্বপ॒ত্যস্য়॑ শি॒ক্ষোঃ । অগ্নে॑ রা॒য়ো নৃত॑মস্য়॒ প্রভূ॑তৌ ভূ॒য়াম॑ তে সুষ্টু॒তয়॑শ্চ॒ বস্বঃ॑ ॥ অগ্নে॒ সহ॑ন্ত॒মা ভ॑র দ্য়ু॒ম্নস্য়॑ প্রা॒সহা॑ র॒য়িম্ । বিশ্বা॒ য- [বিশ্বা॒ যঃ, চ॒র্॒ষ॒ণীর॒ভ্য়া॑সা বাজে॑ষু] 29

শ্চ॑র্॒ষ॒ণীর॒ভ্য়া॑সা বাজে॑ষু সা॒সহ॑ত্ ॥ তম॑গ্নে পৃতনা॒সহগ্ম্॑ র॒য়িগ্ম্ স॑হস্ব॒ আ ভ॑র । ত্বগ্ম্ হি স॒ত্য়ো অদ্ভু॑তো দা॒তা বাজ॑স্য়॒ গোম॑তঃ ॥ উ॒ক্ষান্না॑য় ব॒শান্না॑য়॒ সোম॑পৃষ্ঠায় বে॒ধসে᳚ । স্তোমৈ᳚-র্বিধেমা॒-ঽগ্নয়ে᳚ ॥ ব॒দ্মা হি সূ॑নো॒ অস্য়॑দ্ম॒সদ্বা॑ চ॒ক্রে অ॒গ্নি-র্জ॒নুষা ঽজ্মা-ঽন্ন᳚ম্ । স ত্ব-ন্ন॑ ঊর্জসন॒ ঊর্জ॑-ন্ধা॒ রাজে॑ব জেরবৃ॒কে ক্ষে᳚ষ্য়॒ন্তঃ ॥ অগ্ন॒ আয়ূগ্ম্॑ষি [অগ্ন॒ আয়ূগ্ম্॑ষি, প॒ব॒স॒ আ] 30

পবস॒ আ সু॒বোর্জ॒মিষ॑-ঞ্চ নঃ । আ॒রে বা॑ধস্ব দু॒চ্ছুনা᳚ম্ ॥ অগ্নে॒ পব॑স্ব॒ স্বপা॑ অ॒স্মে বর্চ॑-স্সু॒বীর্য়᳚ম্ । দধ॒ত্পোষগ্ম্॑ র॒য়ি-ম্ময়ি॑ ॥ অগ্নে॑ পাবক রো॒চিষা॑ ম॒ন্দ্রয়া॑ দেব জি॒হ্বয়া᳚ । আ দে॒বান্. ব॑ক্ষি॒ যক্ষি॑ চ ॥ স নঃ॑ পাবক দীদি॒বো-ঽগ্নে॑ দে॒বাগ্ম্ ই॒হা ব॑হ । উপ॑ য॒জ্ঞগ্ম্ হ॒বিশ্চ॑ নঃ ॥ অ॒গ্নি-শ্শুচি॑ব্রততম॒-শ্শুচি॒-র্বিপ্র॒-শ্শুচিঃ॑ ক॒বিঃ । শুচী॑ রোচত॒ আহু॑তঃ ॥ উদ॑গ্নে॒ শুচ॑য়॒স্তব॑ শু॒ক্রা ভ্রাজ॑ন্ত ঈরতে । তব॒ জ্য়োতীগ্॑ষ্য়॒র্চয়ঃ॑ ॥ 31 ॥ (পু॒রু॒নি॒ষ্ঠঃ-পু॑র্বণীক-ভরা॒-ঽভি-বয়ো॑ভি॒-র্য়-আয়ূগ্ম্॑ষি॒ -বিপ্র॒-শ্শুচি॒-শ্চতু॑র্দশ চ) (অ. 14)

(দে॒বস্য়॑ - রক্ষো॒হণো॑ - বি॒ভূ-স্ত্বগ্ম্ সো॒মা - ঽত্য়॒ন্য়ানগাং᳚ - পৃথি॒ব্য়া - ই॒ষে ত্বা - ঽঽদ॑দে॒ - বাক্ত॒-সন্তে॑ - সমু॒দ্রগ্ম্ - হ॒বিষ্ম॑তীর্-হৃ॒দে - ত্বম॑গ্নে রু॒দ্র - শ্চতু॑র্দশ)

(দে॒বস্য়॑ - গ॒মধ্য়ে॑ - হ॒বিষ্ম॑তীঃ - পবস॒ - এক॑ত্রিগ্ম্শত্)

(দে॒বস্য়া॒, র্চয়ঃ॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে তৃতীয়ঃ প্রশ্ন-স্সমাপ্তঃ ॥

About KYTS 1.3 Devasya Tva Savitu Prasave - Krishna Yajurveda Taittiriya Samhita Patha

This is the third prashna of the first kanda of the Krishna Yajurveda Taittiriya Samhita, giving mantras of the agnishtoma, the basic soma sacrifice, connected with its animal offering. It opens with one of the most common formulas of Vedic ritual: "Devasya tva savituh prasave ashvinor bahubhyam pushno hastabhyam", "In the impulse of the god Savitr, with the arms of the Ashvins, with the hands of Pushan, I take you", spoken as a ritual object is taken up. Later sections give mantras for the sacrificial post, the altar and the offerings.

Source: Krishna Yajurveda, Taittiriya Samhita 1.3

When to chant: In Vedic chanting and in traditional study of the Taittiriya Samhita.

Did you know?

  • The formula "Devasya tva savituh prasave" is used again and again in Vedic rites when taking up an implement.
  • The agnishtoma is the model for all the soma sacrifices.

Frequently asked questions

How does this prashna begin?

With "Devasya tva savituh prasave", in the impulse of the god Savitr.

What is the agnishtoma?

The basic soma sacrifice, model for the others.

Which Veda is it from?

The Krishna Yajurveda, Taittiriya Samhita 1.3.

Offered for worship and study, not as prediction. Non-commercial.