KYTS 1.3 Devasya Tva Savitu Prasave - Krishna Yajurveda Taittiriya Samhita Patha
Kanda 1 - Krishna Yajurveda Taittiriya Samhita · Traditional devotional text
ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ತೃತೀಯಃ ಪ್ರಶ್ನಃ - ಅಗ್ನಿಷ್ಟೋಮೇ ಪಶುಃ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ, ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚-ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ॒ಮಾ ದ॒ದೇ-ಽಭ್ರಿ॑ರಸಿ॒ ನಾರಿ॑ರಸಿ॒ ಪರಿ॑ಲಿಖಿತ॒ಗ್ಂ॒ ರಖ್ಷಃ॒ ಪರಿ॑ಲಿಖಿತಾ॒ ಅರಾ॑ತಯ ಇ॒ದಮ॒ಹಗ್ಂ ರಖ್ಷ॑ಸೋ ಗ್ರೀ॒ವಾ ಅಪಿ॑ ಕೃನ್ತಾಮಿ॒ ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮ ಇ॒ದಮ॑ಸ್ಯ ಗ್ರೀ॒ವಾ ಅಪಿ॑ ಕೃನ್ತಾಮಿ ದಿ॒ವೇ ತ್ವಾ॒-ಽನ್ತರಿ॑ಖ್ಷಾಯ ತ್ವಾ ಪೃಥಿ॒ವ್ಯೈ ತ್ವಾ॒ ಶುನ್ಧ॑ತಾಂ-ಲೋಁ॒ಕಃ ಪಿ॑ತೃ॒ಷದ॑ನೋ॒ ಯವೋ॑-ಽಸಿ ಯ॒ವಯಾ॒ಸ್ಮ-ದ್ದ್ವೇಷೋ॑ [ಯ॒ವಯಾ॒ಸ್ಮ-ದ್ದ್ವೇಷಃ॑, ಯ॒ವಯಾರಾ॑ತೀಃ] 1
ಯ॒ವಯಾರಾ॑ತೀಃ ಪಿತೃ॒ಣಾಗ್ಂ ಸದ॑ನಮ॒ಸ್ಯುದ್ದಿವಗ್ಗ್॑ ಸ್ತಭಾ॒ನಾ-ಽನ್ತರಿ॑ಖ್ಷ-ಮ್ಪೃಣ ಪೃಥಿ॒ವೀ-ನ್ದೃಗ್ಂ॑ಹ ದ್ಯುತಾ॒ನಸ್ತ್ವಾ॑ ಮಾರು॒ತೋ ಮಿ॑ನೋತು ಮಿ॒ತ್ರಾವರು॑ಣಯೋ-ರ್ಧ್ರು॒ವೇಣ॒ ಧರ್ಮ॑ಣಾ ಬ್ರಹ್ಮ॒ವನಿ॑-ನ್ತ್ವಾ ಖ್ಷತ್ರ॒ವನಿಗ್ಂ॑ ಸುಪ್ರಜಾ॒ವನಿಗ್ಂ॑ ರಾಯಸ್ಪೋಷ॒ವನಿ॒-ಮ್ಪರ್ಯೂ॑ಹಾಮಿ॒ ಬ್ರಹ್ಮ॑ ದೃಗ್ಂಹ ಖ್ಷ॒ತ್ರ-ನ್ದೃಗ್ಂ॑ಹ ಪ್ರ॒ಜಾ-ನ್ದೃಗ್ಂ॑ಹ ರಾ॒ಯಸ್ಪೋಷ॑-ನ್ದೃಗ್ಂಹ ಘೃ॒ತೇನ॑ ದ್ಯಾವಾಪೃಥಿವೀ॒ ಆ ಪೃ॑ಣೇಥಾ॒ಮಿನ್ದ್ರ॑ಸ್ಯ॒ ಸದೋ॑-ಽಸಿ ವಿಶ್ವಜ॒ನಸ್ಯ॑ ಛಾ॒ಯಾ ಪರಿ॑ ತ್ವಾ ಗಿರ್ವಣೋ॒ ಗಿರ॑ ಇ॒ಮಾ ಭ॑ವನ್ತು ವಿ॒ಶ್ವತೋ॑ ವೃ॒ದ್ಧಾಯು॒ಮನು॒ ವೃದ್ಧ॑ಯೋ॒ ಜುಷ್ಟಾ॑ ಭವನ್ತು॒ ಜುಷ್ಟ॑ಯ॒ ಇನ್ದ್ರ॑ಸ್ಯ॒ ಸ್ಯೂರ॒ಸೀನ್ದ್ರ॑ಸ್ಯ ಧ್ರು॒ವಮ॑ಸ್ಯೈ॒ನ್ದ್ರಮ॒ಸೀನ್ದ್ರಾ॑ಯ ತ್ವಾ ॥ 2 ॥ (ದ್ವೇಷ॑ - ಇ॒ಮಾ - ಅ॒ಷ್ಟಾದ॑ಶ ಚ ) (ಅ. 1)
ರ॒ಖ್ಷೋ॒ಹಣೋ॑ ವಲಗ॒ಹನೋ॑ ವೈಷ್ಣ॒ವಾ-ನ್ಖ॑ನಾಮೀ॒ದಮ॒ಹ-ನ್ತಂ-ವಁ॑ಲ॒ಗಮುದ್ವ॑ಪಾಮಿ॒ ಯ-ನ್ನ॑-ಸ್ಸಮಾ॒ನೋ ಯಮಸ॑ಮಾನೋ ನಿಚ॒ಖಾನೇ॒ದಮೇ॑ನ॒ಮಧ॑ರ-ಙ್ಕರೋಮಿ॒ ಯೋ ನ॑-ಸ್ಸಮಾ॒ನೋ ಯೋ-ಽಸ॑ಮಾನೋ-ಽರಾತೀ॒ಯತಿ॑ ಗಾಯ॒ತ್ರೇಣ॒ ಛನ್ದ॒ಸಾ-ಽವ॑ಬಾಢೋ ವಲ॒ಗಃ ಕಿಮತ್ರ॑ ಭ॒ದ್ರ-ನ್ತನ್ನೌ॑ ಸ॒ಹ ವಿ॒ರಾಡ॑ಸಿ ಸಪತ್ನ॒ಹಾ ಸ॒ಮ್ರಾಡ॑ಸಿ ಭ್ರಾತೃವ್ಯ॒ಹಾ ಸ್ವ॒ರಾಡ॑ಸ್ಯಭಿಮಾತಿ॒ಹಾ ವಿ॑ಶ್ವಾ॒ರಾಡ॑ಸಿ॒ ವಿಶ್ವಾ॑ಸಾ-ನ್ನಾ॒ಷ್ಟ್ರಾಣಾಗ್ಂ॑ ಹ॒ನ್ತಾ [ಹ॒ನ್ತಾ, ರ॒ಖ್ಷೋ॒ಹಣೋ॑] 3
ರ॑ಖ್ಷೋ॒ಹಣೋ॑ ವಲಗ॒ಹನಃ॒ ಪ್ರೋಖ್ಷಾ॑ಮಿ ವೈಷ್ಣ॒ವಾ-ನ್ರ॑ಖ್ಷೋ॒ಹಣೋ॑ ವಲಗ॒ಹನೋ-ಽವ॑ ನಯಾಮಿ ವೈಷ್ಣ॒ವಾನ್ ಯವೋ॑-ಽಸಿ ಯ॒ವಯಾ॒ಸ್ಮ-ದ್ದ್ವೇಷೋ॑ ಯ॒ವಯಾರಾ॑ತೀ ರಖ್ಷೋ॒ಹಣೋ॑ ವಲಗ॒ಹನೋ-ಽವ॑ ಸ್ತೃಣಾಮಿ ವೈಷ್ಣ॒ವಾ-ನ್ರ॑ಖ್ಷೋ॒ಹಣೋ॑ ವಲಗ॒ಹನೋ॒-ಽಭಿ ಜು॑ಹೋಮಿ ವೈಷ್ಣ॒ವಾ-ನ್ರ॑ಖ್ಷೋ॒ಹಣೌ॑ ವಲಗ॒ಹನಾ॒ವುಪ॑ ದಧಾಮಿ ವೈಷ್ಣ॒ವೀ ರ॑ಖ್ಷೋ॒ಹಣೌ॑ ವಲಗ॒ಹನೌ॒ ಪರ್ಯೂ॑ಹಾಮಿ ವೈಷ್ಣ॒ವೀ ರ॑ಖ್ಷೋ॒ಹಣೌ॑ ವಲಗ॒ಹನೌ॒ ಪರಿ॑ ಸ್ತೃಣಾಮಿ ವೈಷ್ಣ॒ವೀ ರ॑ಖ್ಷೋ॒ಹಣೌ॑ ವಲಗ॒ಹನೌ॑ ವೈಷ್ಣ॒ವೀ ಬೃ॒ಹನ್ನ॑ಸಿ ಬೃ॒ಹದ್ಗ್ರಾ॑ವಾ ಬೃಹ॒ತೀಮಿನ್ದ್ರಾ॑ಯ॒ ವಾಚಂ॑-ವಁದ ॥ 4 ॥ ( ಹ॒ನ್ತೇ-ನ್ದ್ರಾ॑ಯ॒ ದ್ವೇ ಚ॑ ) (ಅ. 2)
ವಿ॒ಭೂರ॑ಸಿ ಪ್ರ॒ವಾಹ॑ಣೋ॒ ವಹ್ನಿ॑ರಸಿ ಹವ್ಯ॒ವಾಹ॑ನ-ಶ್ಶ್ವಾ॒ತ್ರೋ॑-ಽಸಿ॒ ಪ್ರಚೇ॑ತಾಸ್ತು॒ಥೋ॑-ಽಸಿ ವಿ॒ಶ್ವವೇ॑ದಾ ಉ॒ಶಿಗ॑ಸಿ ಕ॒ವಿರಙ್ಘಾ॑ರಿರಸಿ॒ ಬಮ್ಭಾ॑ರಿರವ॒ಸ್ಯುರ॑ಸಿ॒ ದುವ॑ಸ್ವಾಞ್ಛು॒ನ್ಧ್ಯೂರ॑ಸಿ ಮಾರ್ಜಾ॒ಲೀಯ॑-ಸ್ಸ॒ಮ್ರಾಡ॑ಸಿ ಕೃ॒ಶಾನುಃ॑ ಪರಿ॒ಷದ್ಯೋ॑-ಽಸಿ॒ ಪವ॑ಮಾನಃ ಪ್ರ॒ತಕ್ವಾ॑-ಽಸಿ॒ ನಭ॑ಸ್ವಾ॒ನಸ॑ಮ್ಮೃಷ್ಟೋ-ಽಸಿ ಹವ್ಯ॒ಸೂದ॑ ಋ॒ತಧಾ॑ಮಾ-ಽಸಿ॒ ಸುವರ್ಜ್ಯೋತಿ॒-ರ್ಬ್ರಹ್ಮ॑ಜ್ಯೋತಿರಸಿ॒ ಸುವ॑ರ್ಧಾಮಾ॒-ಽಜೋ᳚ ಽಸ್ಯೇಕ॑ಪಾ॒ದಹಿ॑ರಸಿ ಬು॒ದ್ಧ್ನಿಯೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚-ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ ॥ 5 ॥ (ಅನೀ॑ಕೇನಾ॒-ಷ್ಟೌ ಚ॑) (ಅ. 3)
ತ್ವಗ್ಂ ಸೋ॑ಮ ತನೂ॒ಕೃದ್ಭ್ಯೋ॒ ದ್ವೇಷೋ᳚ಭ್ಯೋ॒-ಽನ್ಯಕೃ॑ತೇಭ್ಯ ಉ॒ರು ಯ॒ನ್ತಾ-ಽಸಿ॒ ವರೂ॑ಥ॒ಗ್ಗ್॒ ಸ್ವಾಹಾ॑ ಜುಷಾ॒ಣೋ ಅ॒ಪ್ತುರಾಜ್ಯ॑ಸ್ಯ ವೇತು॒ ಸ್ವಾಹಾ॒-ಽಯನ್ನೋ॑ ಅ॒ಗ್ನಿರ್ವರಿ॑ವಃ ಕೃಣೋತ್ವ॒ಯ-ಮ್ಮೃಧಃ॑ ಪು॒ರ ಏ॑ತು ಪ್ರಭಿ॒ನ್ದನ್ನ್ । ಅ॒ಯಗ್ಂ ಶತ್ರೂ᳚ಞ್ಜಯತು॒ ಜರ್ಹೃ॑ಷಾಣೋ॒-ಽಯಂ-ವಾಁಜ॑-ಞ್ಜಯತು॒ ವಾಜ॑ಸಾತೌ । ಉ॒ರು ವಿ॑ಷ್ಣೋ॒ ವಿ ಕ್ರ॑ಮಸ್ವೋ॒ರು ಖ್ಷಯಾ॑ಯ ನಃ ಕೃಧಿ । ಘೃ॒ತ-ಙ್ಘೃ॑ತಯೋನೇ ಪಿಬ॒ ಪ್ರಪ್ರ॑ ಯ॒ಜ್ಞಪ॑ತಿ-ನ್ತಿರ । ಸೋಮೋ॑ ಜಿಗಾತಿ ಗಾತು॒ವಿ- [ಗಾತು॒ವಿತ್, ದೇ॒ವಾನಾ॑ಮೇತಿ] 6
ದ್ದೇ॒ವಾನಾ॑ಮೇತಿ ನಿಷ್ಕೃ॒ತಮೃ॒ತಸ್ಯ॒ ಯೋನಿ॑ಮಾ॒ಸದ॒ಮದಿ॑ತ್ಯಾ॒-ಸ್ಸದೋ॒-ಽಸ್ಯದಿ॑ತ್ಯಾ॒-ಸ್ಸದ॒ ಆ ಸೀ॑ದೈ॒ಷ ವೋ॑ ದೇವ ಸವಿತ॒-ಸ್ಸೋಮ॒ಸ್ತಗ್ಂ ರ॑ಖ್ಷದ್ಧ್ವ॒-ಮ್ಮಾ ವೋ॑ ದಭದೇ॒ತತ್ತ್ವಗ್ಂ ಸೋ॑ಮ ದೇ॒ವೋ ದೇ॒ವಾನುಪಾ॑ಗಾ ಇ॒ದಮ॒ಹ-ಮ್ಮ॑ನು॒ಷ್ಯೋ॑ ಮನು॒ಷ್ಯಾ᳚ನ್-ಥ್ಸ॒ಹ ಪ್ರ॒ಜಯಾ॑ ಸ॒ಹ ರಾ॒ಯಸ್ಪೋಷೇ॑ಣ॒ ನಮೋ॑ ದೇ॒ವೇಭ್ಯ॑-ಸ್ಸ್ವ॒ಧಾ ಪಿ॒ತೃಭ್ಯ॑ ಇ॒ದಮ॒ಹ-ನ್ನಿರ್ವರು॑ಣಸ್ಯ॒ ಪಾಶಾ॒-ಥ್ಸುವ॑ರ॒ಭಿ [ ] 7
ವಿ ಖ್ಯೇ॑ಷಂ-ವೈಁಶ್ವಾನ॒ರ-ಞ್ಜ್ಯೋತಿ॒ರಗ್ನೇ᳚ ವ್ರತಪತೇ॒ ತ್ವಂ-ವ್ರಁ॒ತಾನಾಂ᳚-ವ್ರಁ॒ತಪ॑ತಿರಸಿ॒ ಯಾ ಮಮ॑ ತ॒ನೂಸ್ತ್ವಯ್ಯಭೂ॑ದಿ॒ಯಗ್ಂ ಸಾ ಮಯಿ॒ ಯಾ ತವ॑ ತ॒ನೂ-ರ್ಮಯ್ಯಭೂ॑ದೇ॒ಷಾ ಸಾ ತ್ವಯಿ॑ ಯಥಾಯ॒ಥ-ನ್ನೌ᳚ ವ್ರತಪತೇ ವ್ರ॒ತಿನೋ᳚-ರ್ವ್ರ॒ತಾನಿ॑ ॥ 8 ॥ (ಗಾ॒ತು॒ವಿದ॒-ಭ್ಯೇ-ಕ॑ತ್ರಿಗ್ಂಶಚ್ಚ) (ಅ. 4)
ಅತ್ಯ॒ನ್ಯಾನಗಾ॒-ನ್ನಾನ್ಯಾನುಪಾ॑ಗಾಮ॒ರ್ವಾಕ್ತ್ವಾ॒ ಪರೈ॑ರವಿದ-ಮ್ಪ॒ರೋ-ಽವ॑ರೈ॒ಸ್ತ-ನ್ತ್ವಾ॑ ಜುಷೇ ವೈಷ್ಣ॒ವ-ನ್ದೇ॑ವಯ॒ಜ್ಯಾಯೈ॑ ದೇ॒ವಸ್ತ್ವಾ॑ ಸವಿ॒ತಾ ಮದ್ಧ್ವಾ॑-ಽನ॒ಕ್ತ್ವೋಷ॑ಧೇ॒ ತ್ರಾಯ॑ಸ್ವೈನ॒ಗ್ಗ್॒ ಸ್ವಧಿ॑ತೇ॒ ಮೈನಗ್ಂ॑ ಹಿಗ್ಂಸೀ॒-ರ್ದಿವ॒ಮಗ್ರೇ॑ಣ॒ ಮಾ ಲೇ॑ಖೀರ॒ನ್ತರಿ॑ಖ್ಷ॒-ಮ್ಮದ್ಧ್ಯೇ॑ನ॒ ಮಾ ಹಿಗ್ಂ॑ಸೀಃ ಪೃಥಿ॒ವ್ಯಾ ಸ-ಮ್ಭ॑ವ॒ ವನ॑ಸ್ಪತೇ ಶ॒ತವ॑ಲ್ಶೋ॒ ವಿ ರೋ॑ಹ ಸ॒ಹಸ್ರ॑ವಲ್ಶಾ॒ ವಿ ವ॒ಯಗ್ಂ ರು॑ಹೇಮ॒ ಯ-ನ್ತ್ವಾ॒-ಽಯಗ್ಗ್ ಸ್ವಧಿ॑ತಿ॒ಸ್ತೇತಿ॑ಜಾನಃ ಪ್ರಣಿ॒ನಾಯ॑ ಮಹ॒ತೇ ಸೌಭ॑ಗಾ॒ಯಾಚ್ಛಿ॑ನ್ನೋ॒ ರಾಯ॑-ಸ್ಸು॒ವೀರಃ॑ ॥ 9 ॥ (ಯಂ-ದಶ॑ ಚ) (ಅ. 5)
ಪೃ॒ಥಿ॒ವ್ಯೈ ತ್ವಾ॒ನ್ತರಿ॑ಖ್ಷಾಯ ತ್ವಾ ದಿ॒ವೇ ತ್ವಾ॒ ಶುನ್ಧ॑ತಾಂ-ಲೋಁ॒ಕಃ ಪಿ॑ತೃ॒ಷದ॑ನೋ॒ ಯವೋ॑-ಽಸಿ ಯ॒ವಯಾ॒ಸ್ಮ-ದ್ದ್ವೇಷೋ॑ ಯ॒ವಯಾರಾ॑ತೀಃ ಪಿತೃ॒ಣಾಗ್ಂ ಸದ॑ನಮಸಿ ಸ್ವಾವೇ॒ಶೋ᳚-ಽಸ್ಯಗ್ರೇ॒ಗಾ ನೇ॑ತೃ॒ಣಾಂ-ವಁನ॒ಸ್ಪತಿ॒ರಧಿ॑ ತ್ವಾ ಸ್ಥಾಸ್ಯತಿ॒ ತಸ್ಯ॑ ವಿತ್ತಾ-ದ್ದೇ॒ವಸ್ತ್ವಾ॑ ಸವಿ॒ತಾ ಮದ್ಧ್ವಾ॑-ಽನಕ್ತು ಸುಪಿಪ್ಪ॒ಲಾಭ್ಯ॒-ಸ್ತ್ವೌಷ॑ಧೀಭ್ಯ॒ ಉದ್ದಿವಗ್ಗ್॑ ಸ್ತಭಾ॒ನಾ-ಽನ್ತರಿ॑ಖ್ಷ-ಮ್ಪೃಣ ಪೃಥಿ॒ವೀಮುಪ॑ರೇಣ ದೃಗ್ಂಹ॒ ತೇ ತೇ॒ ಧಾಮಾ᳚ನ್ಯುಶ್ಮಸೀ [ಧಾಮಾ᳚ನ್ಯುಶ್ಮಸಿ, ಗ॒ಮದ್ಧ್ಯೇ॒ ಗಾವೋ॒] 10
ಗ॒ಮದ್ಧ್ಯೇ॒ ಗಾವೋ॒ ಯತ್ರ॒ ಭೂರಿ॑ಶೃಙ್ಗಾ ಅ॒ಯಾಸಃ॑ । ಅತ್ರಾಹ॒ ತದು॑ರುಗಾ॒ಯಸ್ಯ॒ ವಿಷ್ಣೋಃ᳚ ಪರ॒ಮ-ಮ್ಪ॒ದಮವ॑ ಭಾತಿ॒ ಭೂರೇಃ᳚ ॥ ವಿಷ್ಣೋಃ॒ ಕರ್ಮಾ॑ಣಿ ಪಶ್ಯತ॒ ಯತೋ᳚ ವ್ರ॒ತಾನಿ॑ ಪಸ್ಪ॒ಶೇ । ಇನ್ದ್ರ॑ಸ್ಯ॒ ಯುಜ್ಯ॒-ಸ್ಸಖಾ᳚ ॥ ತ-ದ್ವಿಷ್ಣೋಃ᳚ ಪರ॒ಮ-ಮ್ಪ॒ದಗ್ಂ ಸದಾ॑ ಪಶ್ಯನ್ತಿ ಸೂ॒ರಯಃ॑ । ದಿ॒ವೀವ॒ ಚಖ್ಷು॒ರಾತ॑ತಮ್ ॥ ಬ್ರ॒ಹ್ಮ॒ವನಿ॑-ನ್ತ್ವಾ ಖ್ಷತ್ರ॒ವನಿಗ್ಂ॑ ಸುಪ್ರಜಾ॒ವನಿಗ್ಂ॑ ರಾಯಸ್ಪೋಷ॒ವನಿ॒-ಮ್ಪರ್ಯೂ॑ಹಾಮಿ॒ ಬ್ರಹ್ಮ॑ ದೃಗ್ಂಹ ಖ್ಷ॒ತ್ರ-ನ್ದೃಗ್ಂ॑ಹ ಪ್ರ॒ಜಾ-ನ್ದೃಗ್ಂ॑ಹ ರಾ॒ಯಸ್ಪೋಷ॑-ನ್ದೃಗ್ಂಹ ಪರಿ॒ವೀರ॑ಸಿ॒ ಪರಿ॑ ತ್ವಾ॒ ದೈವೀ॒ರ್ವಿಶೋ᳚ ವ್ಯಯನ್ತಾ॒-ಮ್ಪರೀ॒ಮಗ್ಂ ರಾ॒ಯಸ್ಪೋಷೋ॒ ಯಜ॑ಮಾನ-ಮ್ಮನು॒ಷ್ಯಾ॑ ಅ॒ನ್ತರಿ॑ಖ್ಷಸ್ಯ ತ್ವಾ॒ ಸಾನಾ॒ವವ॑ ಗೂಹಾಮಿ ॥ 11 ॥ (ಉ॒ಶ್ಮ॒ಸೀ॒-ಪೋಷ॒ಮೇ-ಕಾ॒ನ್ನವಿಗ್ಂ॑ಶ॒ತಿಶ್ಚ॑) (ಅ. 6)
ಇ॒ಷೇ ತ್ವೋ॑ಪ॒ವೀರ॒ಸ್ಯುಪೋ॑ ದೇ॒ವಾ-ನ್ದೈವೀ॒-ರ್ವಿಶಃ॒ ಪ್ರಾಗು॒-ರ್ವಹ್ನೀ॑ರು॒ಶಿಜೋ॒ ಬೃಹ॑ಸ್ಪತೇ ಧಾ॒ರಯಾ॒ ವಸೂ॑ನಿ ಹ॒ವ್ಯಾ ತೇ᳚ ಸ್ವದನ್ತಾ॒-ನ್ದೇವ॑ ತ್ವಷ್ಟ॒ರ್ವಸು॑ ರಣ್ವ॒ ರೇವ॑ತೀ॒ ರಮ॑ದ್ಧ್ವ-ಮ॒ಗ್ನೇ-ರ್ಜ॒ನಿತ್ರ॑ಮಸಿ॒ ವೃಷ॑ಣೌ ಸ್ಥ ಉ॒ರ್ವಶ್ಯ॑ಸ್ಯಾ॒ಯುರ॑ಸಿ ಪುರೂ॒ರವಾ॑ ಘೃ॒ತೇನಾ॒ಕ್ತೇ ವೃಷ॑ಣ-ನ್ದಧಾಥಾ-ಙ್ಗಾಯ॒ತ್ರ-ಞ್ಛನ್ದೋ-ಽನು॒ ಪ್ರ ಜಾ॑ಯಸ್ವ॒ ತ್ರೈಷ್ಟು॑ಭ॒-ಞ್ಜಾಗ॑ತ॒-ಞ್ಛನ್ದೋ-ಽನು॒ ಪ್ರ ಜಾ॑ಯಸ್ವ॒ ಭವ॑ತ- [ಭವ॑ತಮ್, ನ॒-ಸ್ಸಮ॑ನಸೌ॒] 12
ನ್ನ॒-ಸ್ಸಮ॑ನಸೌ॒ ಸಮೋ॑ಕಸಾವರೇ॒ಪಸೌ᳚ । ಮಾ ಯ॒ಜ್ಞಗ್ಂ ಹಿಗ್ಂ॑ಸಿಷ್ಟ॒-ಮ್ಮಾ ಯ॒ಜ್ಞಪ॑ತಿ-ಞ್ಜಾತವೇದಸೌ ಶಿ॒ವೌ ಭ॑ವತಮ॒ದ್ಯ ನಃ॑ ॥ ಅ॒ಗ್ನಾವ॒ಗ್ನಿಶ್ಚ॑ರತಿ॒ ಪ್ರವಿ॑ಷ್ಟ॒ ಋಷೀ॑ಣಾ-ಮ್ಪು॒ತ್ರೋ ಅ॑ಧಿರಾ॒ಜ ಏ॒ಷಃ । ಸ್ವಾ॒ಹಾ॒ಕೃತ್ಯ॒ ಬ್ರಹ್ಮ॑ಣಾ ತೇ ಜುಹೋಮಿ॒ ಮಾ ದೇ॒ವಾನಾ᳚-ಮ್ಮಿಥು॒ಯಾ ಕ॑ರ್ಭಾಗ॒ಧೇಯ᳚ಮ್ ॥ 13 ॥ (ಭವ॑ತ॒-ಮೇಕ॑ತ್ರಿಗ್ಂಶಚ್ಚ) (ಅ. 7)
ಆ ದ॑ದ ಋ॒ತಸ್ಯ॑ ತ್ವಾ ದೇವಹವಿಃ॒ ಪಾಶೇ॒ನಾ-ಽಽರ॑ಭೇ॒ ಧರ್ಷಾ॒ ಮಾನು॑ಷಾನ॒ದ್ಭ್ಯಸ್ತ್ವೌಷ॑ಧೀಭ್ಯಃ॒ ಪ್ರೋಖ್ಷಾ᳚ಮ್ಯ॒ಪಾ-ಮ್ಪೇ॒ರುರ॑ಸಿ ಸ್ವಾ॒ತ್ತ-ಞ್ಚಿ॒-ಥ್ಸದೇ॑ವಗ್ಂ ಹ॒ವ್ಯಮಾಪೋ॑ ದೇವೀ॒-ಸ್ಸ್ವದ॑ತೈನ॒ಗ್ಂ॒ ಸ-ನ್ತೇ᳚ ಪ್ರಾ॒ಣೋ ವಾ॒ಯುನಾ॑ ಗಚ್ಛತಾ॒ಗ್ಂ॒ ಸಂ-ಯಁಜ॑ತ್ರೈ॒ರಙ್ಗಾ॑ನಿ॒ ಸಂ-ಯಁ॒ಜ್ಞಪ॑ತಿರಾ॒ಶಿಷಾ॑ ಘೃ॒ತೇನಾ॒ಕ್ತೌ ಪ॒ಶು-ನ್ತ್ರಾ॑ಯೇಥಾ॒ಗ್ಂ॒ ರೇವ॑ತೀ-ರ್ಯ॒ಜ್ಞಪ॑ತಿ-ಮ್ಪ್ರಿಯ॒ಧಾ-ಽಽ ವಿ॑ಶ॒ತೋರೋ॑ ಅನ್ತರಿಖ್ಷ ಸ॒ಜೂ-ರ್ದೇ॒ವೇನ॒ [ಸ॒ಜೂ-ರ್ದೇ॒ವೇನ॑, ವಾತೇ॑ನಾ॒-ಽಸ್ಯ] 14
ವಾತೇ॑ನಾ॒-ಽಸ್ಯ ಹ॒ವಿಷ॒ಸ್ತ್ಮನಾ॑ ಯಜ॒ ಸಮ॑ಸ್ಯ ತ॒ನುವಾ॑ ಭವ॒ ವರ್ಷೀ॑ಯೋ॒ ವರ್ಷೀ॑ಯಸಿ ಯ॒ಜ್ಞೇ ಯ॒ಜ್ಞಪ॑ತಿ-ನ್ಧಾಃ ಪೃ॑ಥಿ॒ವ್ಯಾ-ಸ್ಸ॒ಮ್ಪೃಚಃ॑ ಪಾಹಿ॒ ನಮ॑ಸ್ತ ಆತಾನಾ-ಽನ॒ರ್ವಾ ಪ್ರೇಹಿ॑ ಘೃ॒ತಸ್ಯ॑ ಕು॒ಲ್ಯಾಮನು॑ ಸ॒ಹ ಪ್ರ॒ಜಯಾ॑ ಸ॒ಹ ರಾ॒ಯಸ್ಪೋಷೇ॒ಣಾ ಽಽಪೋ॑ ದೇವೀ-ಶ್ಶುದ್ಧಾಯುವ-ಶ್ಶು॒ದ್ಧಾ ಯೂ॒ಯ-ನ್ದೇ॒ವಾಗ್ಂ ಊ᳚ಢ್ವಗ್ಂ ಶು॒ದ್ಧಾ ವ॒ಯ-ಮ್ಪರಿ॑ವಿಷ್ಟಾಃ ಪರಿವೇ॒ಷ್ಟಾರೋ॑ ವೋ ಭೂಯಾಸ್ಮ ॥ 15 ॥ (ದೇ॒ವನ॒-ಚತು॑ಶ್ಚತ್ವಾರಿಗ್ಂಶಚ್ಚ) (ಅ. 8)
ವಾಕ್ತ॒ ಆ ಪ್ಯಾ॑ಯತಾ-ಮ್ಪ್ರಾ॒ಣಸ್ತ॒ ಆ ಪ್ಯಾ॑ಯತಾ॒-ಞ್ಚಖ್ಷು॑ಸ್ತ॒ ಆ ಪ್ಯಾ॑ಯತಾ॒ಗ್॒ ಶ್ರೋತ್ರ॑-ನ್ತ॒ ಆ ಪ್ಯಾ॑ಯತಾಂ॒-ಯಾಁ ತೇ᳚ ಪ್ರಾ॒ಣಾಞ್ಛುಗ್ಜ॒ಗಾಮ॒ ಯಾ ಚಖ್ಷು॒ರ್ಯಾ ಶ್ರೋತ್ರಂ॒-ಯಁತ್ತೇ᳚ ಕ್ರೂ॒ರಂ-ಯಁದಾಸ್ಥಿ॑ತ॒-ನ್ತತ್ತ॒ ಆ ಪ್ಯಾ॑ಯತಾ॒-ನ್ತತ್ತ॑ ಏ॒ತೇನ॑ ಶುನ್ಧತಾ॒-ನ್ನಾಭಿ॑ಸ್ತ॒ ಆ ಪ್ಯಾ॑ಯತಾ-ಮ್ಪಾ॒ಯುಸ್ತ॒ ಆ ಪ್ಯಾ॑ಯತಾಗ್ಂ ಶು॒ದ್ಧಾಶ್ಚ॒ರಿತ್ರಾ॒-ಶ್ಶಮ॒ದ್ಭ್ಯ- [ಮ॒ಧ್ಭ್ಯಃ, ಶಮೋಷ॑ಧೀಭ್ಯ॒-ಶ್ಶಂ] 16
ಶ್ಶಮೋಷ॑ಧೀಭ್ಯ॒-ಶ್ಶ-ಮ್ಪೃ॑ಥಿ॒ವ್ಯೈ ಶಮಹೋ᳚ಭ್ಯಾ॒-ಮೋಷ॑ಧೇ॒ ತ್ರಾಯ॑ಸ್ವೈನ॒ಗ್ಗ್॒ ಸ್ವಧಿ॑ತೇ॒ ಮೈನಗ್ಂ॑ ಹಿಗ್ಂಸೀ॒ ರಖ್ಷ॑ಸಾ-ಮ್ಭಾ॒ಗೋ॑-ಽಸೀ॒ದಮ॒ಹಗ್ಂ ರಖ್ಷೋ॑-ಽಧ॒ಮ-ನ್ತಮೋ॑ ನಯಾಮಿ॒ ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮ ಇ॒ದಮೇ॑ನಮಧ॒ಮ-ನ್ತಮೋ॑ ನಯಾಮೀ॒ಷೇ ತ್ವಾ॑ ಘೃ॒ತೇನ॑ ದ್ಯಾವಾಪೃಥಿವೀ॒ ಪ್ರೋರ್ಣ್ವಾ॑ಥಾ॒-ಮಚ್ಛಿ॑ನ್ನೋ॒ ರಾಯ॑-ಸ್ಸು॒ವೀರ॑ ಉ॒ರ್ವ॑ನ್ತರಿ॑ಖ್ಷ॒ಮನ್ವಿ॑ಹಿ॒ ವಾಯೋ॒ ವೀಹಿ॑ ಸ್ತೋ॒ಕಾನಾ॒ಗ್॒ ಸ್ವಾಹೋ॒ರ್ಧ್ವನ॑ಭಸ-ಮ್ಮಾರು॒ತ-ಙ್ಗ॑ಚ್ಛತಮ್ ॥ 17 ॥ (ಅ॒ದ್ಭ್ಯೋ-ವೀಹಿ॒-ಪಞ್ಚ॑ ಚ) (ಅ. 9)
ಸ-ನ್ತೇ॒ ಮನ॑ಸಾ॒ ಮನಃ॒ ಸ-ಮ್ಪ್ರಾ॒ಣೇನ॑ ಪ್ರಾ॒ಣೋ ಜುಷ್ಟ॑-ನ್ದೇ॒ವೇಭ್ಯೋ॑ ಹ॒ವ್ಯ-ಙ್ಘೃ॒ತವ॒-ಥ್ಸ್ವಾಹೈ॒ನ್ದ್ರಃ ಪ್ರಾ॒ಣೋ ಅಙ್ಗೇ॑ಅಙ್ಗೇ॒ ನಿ ದೇ᳚ದ್ಧ್ಯದೈ॒ನ್ದ್ರೋ॑ ಽಪಾ॒ನೋ ಅಙ್ಗೇ॑ಅಙ್ಗೇ॒ ವಿ ಬೋ॑ಭುವ॒ದ್ದೇವ॑ ತ್ವಷ್ಟ॒ರ್ಭೂರಿ॑ ತೇ॒ ಸಗ್ಂಸ॑ಮೇತು॒ ವಿಷು॑ರೂಪಾ॒ ಯ-ಥ್ಸಲ॑ಖ್ಷ್ಮಾಣೋ॒ ಭವ॑ಥ ದೇವ॒ತ್ರಾ ಯನ್ತ॒ಮವ॑ಸೇ॒ ಸಖಾ॒ಯೋ-ಽನು॑ ತ್ವಾ ಮಾ॒ತಾ ಪಿ॒ತರೋ॑ ಮದನ್ತು॒ ಶ್ರೀರ॑ಸ್ಯ॒ಗ್ನಿಸ್ತ್ವಾ᳚ ಶ್ರೀಣಾ॒ತ್ವಾಪ॒-ಸ್ಸಮ॑ರಿಣ॒ನ್ ವಾತ॑ಸ್ಯ [ ] 18
ತ್ವಾ॒ ಧ್ರಜ್ಯೈ॑ ಪೂ॒ಷ್ಣೋ ರಗ್ಗ್ಹ್ಯಾ॑ ಅ॒ಪಾಮೋಷ॑ಧೀನಾ॒ಗ್ಂ॒ ರೋಹಿ॑ಷ್ಯೈ ಘೃ॒ತ-ಙ್ಘೃ॑ತಪಾವಾನಃ ಪಿಬತ॒ ವಸಾಂ᳚-ವಁಸಾಪಾವಾನಃ ಪಿಬತಾ॒-ಽನ್ತರಿ॑ಖ್ಷಸ್ಯ ಹ॒ವಿರ॑ಸಿ॒ ಸ್ವಾಹಾ᳚ ತ್ವಾ॒-ಽನ್ತರಿ॑ಖ್ಷಾಯ॒ ದಿಶಃ॑ ಪ್ರ॒ದಿಶ॑ ಆ॒ದಿಶೋ॑ ವಿ॒ದಿಶ॑ ಉ॒ದ್ದಿಶ॒-ಸ್ಸ್ವಾಹಾ॑ ದಿ॒ಗ್ಭ್ಯೋ ನಮೋ॑ ದಿ॒ಗ್ಭ್ಯಃ ॥ 19 ॥ (ವಾ॑ತಸ್ಯಾ॒-ಷ್ಟಾವಿಗ್ಂ॑ಶತಿಶ್ಚ) (ಅ. 10)
ಸ॒ಮು॒ದ್ರ-ಙ್ಗ॑ಚ್ಛ॒ ಸ್ವಾಹಾ॒-ಽನ್ತರಿ॑ಖ್ಷ-ಙ್ಗಚ್ಛ॒ ಸ್ವಾಹಾ॑ ದೇ॒ವಗ್ಂ ಸ॑ವಿ॒ತಾರ॑-ಙ್ಗಚ್ಛ॒ ಸ್ವಾಹಾ॑-ಽಹೋರಾ॒ತ್ರೇ ಗ॑ಚ್ಛ॒ ಸ್ವಾಹಾ॑ ಮಿ॒ತ್ರಾವರು॑ಣೌ ಗಚ್ಛ॒ ಸ್ವಾಹಾ॒ ಸೋಮ॑-ಙ್ಗಚ್ಛ॒ ಸ್ವಾಹಾ॑ ಯ॒ಜ್ಞ-ಙ್ಗ॑ಚ್ಛ॒ ಸ್ವಾಹಾ॒ ಛನ್ದಾಗ್ಂ॑ಸಿ ಗಚ್ಛ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀ ಗ॑ಚ್ಛ॒ ಸ್ವಾಹಾ॒ ನಭೋ॑ ದಿ॒ವ್ಯ-ಙ್ಗ॑ಚ್ಛ॒ ಸ್ವಾಹಾ॒-ಽಗ್ನಿಂ-ವೈಁ᳚ಶ್ವಾನ॒ರ-ಙ್ಗ॑ಚ್ಛ॒ ಸ್ವಾಹಾ॒-ಽದ್ಭ್ಯಸ್ತ್ವೌಷ॑ಧೀಭ್ಯೋ॒ ಮನೋ॑ ಮೇ॒ ಹಾರ್ದಿ॑ ಯಚ್ಛ ತ॒ನೂ-ನ್ತ್ವಚ॑-ಮ್ಪು॒ತ್ರ-ನ್ನಪ್ತಾ॑ರಮಶೀಯ॒ ಶುಗ॑ಸಿ॒ ತಮ॒ಭಿ ಶೋ॑ಚ॒ ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮೋ ಧಾಮ್ನೋ॑ಧಾಮ್ನೋ ರಾಜನ್ನಿ॒ತೋ ವ॑ರುಣ ನೋ ಮುಞ್ಚ॒ ಯದಾಪೋ॒ ಅಘ್ನಿ॑ಯಾ॒ ವರು॒ಣೇತಿ॒ ಶಪಾ॑ಮಹೇ॒ ತತೋ॑ ವರುಣ ನೋ ಮುಞ್ಚ ॥ 20 (ಅ॒ಸಿ॒-ಷಡ್ವಿಗ್ಂ॑ಶತಿಶ್ಚ ) (ಅ. 11)
ಹ॒ವಿಷ್ಮ॑ತೀರಿ॒ಮಾ ಆಪೋ॑ ಹ॒ವಿಷ್ಮಾ᳚-ನ್ದೇ॒ವೋ ಅ॑ದ್ಧ್ವ॒ರೋ ಹ॒ವಿಷ್ಮಾ॒ಗ್ಂ॒ ಆ ವಿ॑ವಾಸತಿ ಹ॒ವಿಷ್ಮಾಗ್ಂ॑ ಅಸ್ತು॒ ಸೂರ್ಯಃ॑ ॥ ಅ॒ಗ್ನೇರ್ವೋ ಽಪ॑ನ್ನಗೃಹಸ್ಯ॒ ಸದ॑ಸಿ ಸಾದಯಾಮಿ ಸು॒ಮ್ನಾಯ॑ ಸುಮ್ನಿನೀ-ಸ್ಸು॒ಮ್ನೇ ಮಾ॑ ಧತ್ತೇನ್ದ್ರಾಗ್ನಿ॒ಯೋ-ರ್ಭಾ॑ಗ॒ಧೇಯೀ᳚-ಸ್ಸ್ಥ ಮಿ॒ತ್ರಾವರು॑ಣಯೋ-ರ್ಭಾಗ॒ಧೇಯೀ᳚-ಸ್ಸ್ಥ॒ ವಿಶ್ವೇ॑ಷಾ-ನ್ದೇ॒ವಾನಾ᳚-ಮ್ಭಾಗ॒ಧೇಯೀ᳚-ಸ್ಸ್ಥ ಯ॒ಜ್ಞೇ ಜಾ॑ಗೃತ ॥ 21 ॥ (ಹ॒ವಿಷ್ಮ॑ತೀ॒-ಶ್ಚತು॑ಸ್ತ್ರಿಗ್ಂಶತ್) (ಅ. 12)
ಹೃ॒ದೇ ತ್ವಾ॒ ಮನ॑ಸೇ ತ್ವಾ ದಿ॒ವೇ ತ್ವಾ॒ ಸೂರ್ಯಾ॑ಯ ತ್ವೋ॒ರ್ಧ್ವಮಿ॒ಮಮ॑ದ್ಧ್ವ॒ರ-ಙ್ಕೃ॑ಧಿ ದಿ॒ವಿ ದೇ॒ವೇಷು॒ ಹೋತ್ರಾ॑ ಯಚ್ಛ॒ ಸೋಮ॑ ರಾಜ॒ನ್ನೇಹ್ಯವ॑ ರೋಹ॒ ಮಾ ಭೇರ್ಮಾ ಸಂ-ವಿಁ॑ಕ್ಥಾ॒ ಮಾ ತ್ವಾ॑ ಹಿಗ್ಂಸಿಷ-ಮ್ಪ್ರ॒ಜಾಸ್ತ್ವಮು॒ಪಾವ॑ರೋಹ ಪ್ರ॒ಜಾಸ್ತ್ವಾಮು॒ಪಾವ॑ರೋಹನ್ತು ಶೃ॒ಣೋತ್ವ॒ಗ್ನಿ-ಸ್ಸ॒ಮಿಧಾ॒ ಹವ॑-ಮ್ಮೇ ಶೃ॒ಣ್ವನ್ತ್ವಾಪೋ॑ ಧಿ॒ಷಣಾ᳚ಶ್ಚ ದೇ॒ವೀಃ । ಶೃ॒ಣೋತ॑ ಗ್ರಾವಾಣೋ ವಿ॒ದುಷೋ॒ ನು [ ] 22
ಯ॒ಜ್ಞಗ್ಂ ಶೃ॒ಣೋತು॑ ದೇ॒ವ-ಸ್ಸ॑ವಿ॒ತಾ ಹವ॑-ಮ್ಮೇ । ದೇವೀ॑ರಾಪೋ ಅಪಾ-ನ್ನಪಾ॒ದ್ಯ ಊ॒ರ್ಮಿರ್ಹ॑ವಿ॒ಷ್ಯ॑ ಇನ್ದ್ರಿ॒ಯಾವಾ᳚-ನ್ಮ॒ದಿನ್ತ॑ಮ॒ಸ್ತ-ನ್ದೇ॒ವೇಭ್ಯೋ॑ ದೇವ॒ತ್ರಾ ಧ॑ತ್ತ ಶು॒ಕ್ರಗ್ಂ ಶು॑ಕ್ರ॒ಪೇಭ್ಯೋ॒ ಯೇಷಾ᳚-ಮ್ಭಾ॒ಗ-ಸ್ಸ್ಥ ಸ್ವಾಹಾ॒ ಕಾರ್ಷಿ॑ರ॒ಸ್ಯಪಾ॒-ಽಪಾ-ಮ್ಮೃ॒ದ್ಧ್ರಗ್ಂ ಸ॑ಮು॒ದ್ರಸ್ಯ॒ ವೋ-ಽಖ್ಷಿ॑ತ್ಯಾ॒ ಉನ್ನ॑ಯೇ । ಯಮ॑ಗ್ನೇ ಪೃ॒ಥ್ಸು ಮರ್ತ್ಯ॒ಮಾವೋ॒ ವಾಜೇ॑ಷು॒ ಯ-ಞ್ಜು॒ನಾಃ । ಸ ಯನ್ತಾ॒ ಶಶ್ವ॑ತೀ॒ರಿಷಃ॑ ॥ 23 ॥ ( ನು-ಸ॒ಪ್ತಚ॑ತ್ವಾರಿಗ್ಂಶಚ್ಚ) (ಅ. 13)
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಗ್ಂ ಶರ್ಧೋ॒ ಮಾರು॑ತ-ಮ್ಪೃ॒ಖ್ಷ ಈ॑ಶಿಷೇ । ತ್ವಂ-ವಾಁತೈ॑ರರು॒ಣೈರ್ಯಾ॑ಸಿ ಶಙ್ಗ॒ಯಸ್ತ್ವ-ಮ್ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನುತ್ಮನಾ᳚ ॥ ಆ ವೋ॒ ರಾಜಾ॑ನಮದ್ಧ್ವ॒ರಸ್ಯ॑ ರು॒ದ್ರಗ್ಂ ಹೋತಾ॑ರಗ್ಂ ಸತ್ಯ॒ಯಜ॒ಗ್ಂ॒ ರೋದ॑ಸ್ಯೋಃ । ಅ॒ಗ್ನಿ-ಮ್ಪು॒ರಾ ತ॑ನಯಿ॒ತ್ನೋ ರ॒ಚಿತ್ತಾ॒ದ್ಧಿರ॑ಣ್ಯರೂಪ॒ಮವ॑ಸೇ ಕೃಣುದ್ಧ್ವಮ್ ॥ ಅ॒ಗ್ನಿರ್ಹೋತಾ॒ ನಿ ಷ॑ಸಾದಾ॒ ಯಜೀ॑ಯಾನು॒ಪಸ್ಥೇ॑ ಮಾ॒ತು-ಸ್ಸು॑ರ॒ಭಾವು॑ ಲೋ॒ಕೇ । ಯುವಾ॑ ಕ॒ವಿಃ ಪು॑ರುನಿ॒ಷ್ಠ [ಪು॑ರುನಿ॒ಷ್ಠಃ, ಋ॒ತಾವಾ॑ ಧ॒ರ್ತಾ] 24
ಋ॒ತಾವಾ॑ ಧ॒ರ್ತಾ ಕೃ॑ಷ್ಟೀ॒ನಾಮು॒ತ ಮದ್ಧ್ಯ॑ ಇ॒ದ್ಧಃ ॥ಸಾ॒ದ್ಧ್ವೀಮ॑ಕ-ರ್ದೇ॒ವವೀ॑ತಿ-ನ್ನೋ ಅ॒ದ್ಯ ಯ॒ಜ್ಞಸ್ಯ॑ ಜಿ॒ಹ್ವಾಮ॑ವಿದಾಮ॒ ಗುಹ್ಯಾ᳚ಮ್ । ಸ ಆಯು॒ರಾ-ಽಗಾ᳚-ಥ್ಸುರ॒ಭಿರ್ವಸಾ॑ನೋ ಭ॒ದ್ರಾಮ॑ಕ-ರ್ದೇ॒ವಹೂ॑ತಿ-ನ್ನೋ ಅ॒ದ್ಯ ॥ ಅಕ್ರ॑ನ್ದದ॒ಗ್ನಿ-ಸ್ಸ್ತ॒ನಯ॑ನ್ನಿವ॒ ದ್ಯೌಃ, ಖ್ಷಾಮಾ॒ ರೇರಿ॑ಹದ್ವೀ॒ರುಧ॑-ಸ್ಸಮ॒ಞ್ಜನ್ನ್ । ಸ॒ದ್ಯೋ ಜ॑ಜ್ಞಾ॒ನೋ ವಿ ಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯ॒ನ್ತಃ ॥ ತ್ವೇ ವಸೂ॑ನಿ ಪುರ್ವಣೀಕ [ಪುರ್ವಣೀಕ, ಹೋ॒ತ॒ರ್ದೋ॒ಷಾ] 25
ಹೋತರ್ದೋ॒ಷಾ ವಸ್ತೋ॒ರೇರಿ॑ರೇ ಯ॒ಜ್ಞಿಯಾ॑ಸಃ । ಖ್ಷಾಮೇ॑ವ॒ ವಿಶ್ವಾ॒ ಭುವ॑ನಾನಿ॒ ಯಸ್ಮಿ॒ನ್-ಥ್ಸಗ್ಂ ಸೌಭ॑ಗಾನಿ ದಧಿ॒ರೇ ಪಾ॑ವ॒ಕೇ ॥ ತುಭ್ಯ॒-ನ್ತಾ ಅ॑ಙ್ಗಿರಸ್ತಮ॒ ವಿಶ್ವಾ᳚-ಸ್ಸುಖ್ಷಿ॒ತಯಃ॒ ಪೃಥ॑ಕ್ । ಅಗ್ನೇ॒ ಕಾಮಾ॑ಯ ಯೇಮಿರೇ ॥ ಅ॒ಶ್ಯಾಮ॒ ತ-ಙ್ಕಾಮ॑ಮಗ್ನೇ॒ ತವೋ॒ತ್ಯ॑ಶ್ಯಾಮ॑ ರ॒ಯಿಗ್ಂ ರ॑ಯಿವ-ಸ್ಸು॒ವೀರ᳚ಮ್ । ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯ॑ನ್ತೋ॒ ಽಶ್ಯಾಮ॑ ದ್ಯು॒ಮ್ನಮ॑ಜರಾ॒ಜರ॑-ನ್ತೇ ॥ಶ್ರೇಷ್ಠಂ॑-ಯಁವಿಷ್ಠ ಭಾರ॒ತಾಗ್ನೇ᳚ ದ್ಯು॒ಮನ್ತ॒ಮಾ ಭ॑ರ ॥ 26 ॥
ವಸೋ॑ ಪುರು॒ಸ್ಪೃಹಗ್ಂ॑ ರ॒ಯಿಮ್ ॥ ಸ ಶ್ವಿ॑ತಾ॒ನಸ್ತ॑ನ್ಯ॒ತೂ ರೋ॑ಚನ॒ಸ್ಥಾ ಅ॒ಜರೇ॑ಭಿ॒-ರ್ನಾನ॑ದದ್ಭಿ॒ರ್ಯವಿ॑ಷ್ಠಃ । ಯಃ ಪಾ॑ವ॒ಕಃ ಪು॑ರು॒ತಮಃ॑ ಪು॒ರೂಣಿ॑ ಪೃ॒ಥೂನ್ಯ॒ಗ್ನಿರ॑ನು॒ಯಾತಿ॒ ಭರ್ವನ್ನ್॑ ॥ ಆಯು॑ಷ್ಟೇ ವಿ॒ಶ್ವತೋ॑ ದಧದ॒ಯಮ॒ಗ್ನಿ-ರ್ವರೇ᳚ಣ್ಯಃ । ಪುನ॑ಸ್ತೇ ಪ್ರಾ॒ಣ ಆ-ಽಯ॑ತಿ॒ ಪರಾ॒ ಯಖ್ಷ್ಮಗ್ಂ॑ ಸುವಾಮಿ ತೇ ॥ ಆ॒ಯು॒ರ್ದಾ ಅ॑ಗ್ನೇ ಹ॒ವಿಷೋ॑ ಜುಷಾ॒ಣೋ ಘೃ॒ತಪ್ರ॑ತೀಕೋ ಘೃ॒ತಯೋ॑ನಿರೇಧಿ । ಘೃ॒ತ-ಮ್ಪೀ॒ತ್ವಾ ಮಧು॒ ಚಾರು॒ ಗವ್ಯ॑-ಮ್ಪಿ॒ತೇವ॑ ಪು॒ತ್ರಮ॒ಭಿ [ಪು॒ತ್ರಮ॒ಭಿ, ರ॒ಖ್ಷ॒ತಾ॒ದಿ॒ಮಂ] 27
ರ॑ಖ್ಷತಾದಿ॒ಮಮ್ । ತಸ್ಮೈ॑ ತೇ ಪ್ರತಿ॒ಹರ್ಯ॑ತೇ॒ ಜಾತ॑ವೇದೋ॒ ವಿಚ॑ರ್ಷಣೇ । ಅಗ್ನೇ॒ ಜನಾ॑ಮಿ ಸುಷ್ಟು॒ತಿಮ್ ॥ ದಿ॒ವಸ್ಪರಿ॑ ಪ್ರಥ॒ಮ-ಞ್ಜ॑ಜ್ಞೇ ಅ॒ಗ್ನಿರ॒ಸ್ಮ-ದ್ದ್ವಿ॒ತೀಯ॒-ಮ್ಪರಿ॑ ಜಾ॒ತವೇ॑ದಾಃ । ತೃ॒ತೀಯ॑ಮ॒ಫ್ಸು ನೃ॒ಮಣಾ॒ ಅಜ॑ಸ್ರ॒ಮಿನ್ಧಾ॑ನ ಏನ-ಞ್ಜರತೇ ಸ್ವಾ॒ಧೀಃ ॥ ಶುಚಿಃ॑ ಪಾವಕ॒ ವನ್ದ್ಯೋ-ಽಗ್ನೇ॑ ಬೃ॒ಹದ್ವಿ ರೋ॑ಚಸೇ । ತ್ವ-ಙ್ಘೃ॒ತೇಭಿ॒ರಾಹು॑ತಃ ॥ ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌ-ದ್ದು॒ರ್ಮರ್ಷ॒ಮಾಯು॑-ಶ್ಶ್ರಿ॒ಯೇ ರು॑ಚಾ॒ನಃ । ಅ॒ಗ್ನಿರ॒ಮೃತೋ॑ ಅಭವ॒ದ್ವಯೋ॑ಭಿ॒- [ಅಭವ॒ದ್ವಯೋ॑ಭಿಃ, ಯದೇ॑ನಂ॒] 28
-ರ್ಯದೇ॑ನ॒-ನ್ದ್ಯೌರಜ॑ನಯ-ಥ್ಸು॒ರೇತಾಃ᳚ ॥ ಆ ಯದಿ॒ಷೇ ನೃ॒ಪತಿ॒-ನ್ತೇಜ॒ ಆನ॒ಟ್ಛುಚಿ॒ ರೇತೋ॒ ನಿಷಿ॑ಕ್ತ॒-ನ್ದ್ಯೌರ॒ಭೀಕೇ᳚ । ಅ॒ಗ್ನಿ-ಶ್ಶರ್ಧ॑ಮನವ॒ದ್ಯಂ-ಯುಁವಾ॑ನಗ್ಗ್ ಸ್ವಾ॒ಧಿಯ॑-ಞ್ಜನಯ-ಥ್ಸೂ॒ದಯ॑ಚ್ಚ ॥ ಸ ತೇಜೀ॑ಯಸಾ॒ ಮನ॑ಸಾ॒ ತ್ವೋತ॑ ಉ॒ತ ಶಿ॑ಖ್ಷ ಸ್ವಪ॒ತ್ಯಸ್ಯ॑ ಶಿ॒ಖ್ಷೋಃ । ಅಗ್ನೇ॑ ರಾ॒ಯೋ ನೃತ॑ಮಸ್ಯ॒ ಪ್ರಭೂ॑ತೌ ಭೂ॒ಯಾಮ॑ ತೇ ಸುಷ್ಟು॒ತಯ॑ಶ್ಚ॒ ವಸ್ವಃ॑ ॥ ಅಗ್ನೇ॒ ಸಹ॑ನ್ತ॒ಮಾ ಭ॑ರ ದ್ಯು॒ಮ್ನಸ್ಯ॑ ಪ್ರಾ॒ಸಹಾ॑ ರ॒ಯಿಮ್ । ವಿಶ್ವಾ॒ ಯ- [ವಿಶ್ವಾ॒ ಯಃ, ಚ॒ರ್॒ಷ॒ಣೀರ॒ಭ್ಯಾ॑ಸಾ ವಾಜೇ॑ಷು] 29
ಶ್ಚ॑ರ್॒ಷ॒ಣೀರ॒ಭ್ಯಾ॑ಸಾ ವಾಜೇ॑ಷು ಸಾ॒ಸಹ॑ತ್ ॥ ತಮ॑ಗ್ನೇ ಪೃತನಾ॒ಸಹಗ್ಂ॑ ರ॒ಯಿಗ್ಂ ಸ॑ಹಸ್ವ॒ ಆ ಭ॑ರ । ತ್ವಗ್ಂ ಹಿ ಸ॒ತ್ಯೋ ಅದ್ಭು॑ತೋ ದಾ॒ತಾ ವಾಜ॑ಸ್ಯ॒ ಗೋಮ॑ತಃ ॥ ಉ॒ಖ್ಷಾನ್ನಾ॑ಯ ವ॒ಶಾನ್ನಾ॑ಯ॒ ಸೋಮ॑ಪೃಷ್ಠಾಯ ವೇ॒ಧಸೇ᳚ । ಸ್ತೋಮೈ᳚-ರ್ವಿಧೇಮಾ॒-ಽಗ್ನಯೇ᳚ ॥ ವ॒ದ್ಮಾ ಹಿ ಸೂ॑ನೋ॒ ಅಸ್ಯ॑ದ್ಮ॒ಸದ್ವಾ॑ ಚ॒ಕ್ರೇ ಅ॒ಗ್ನಿ-ರ್ಜ॒ನುಷಾ ಽಜ್ಮಾ-ಽನ್ನ᳚ಮ್ । ಸ ತ್ವ-ನ್ನ॑ ಊರ್ಜಸನ॒ ಊರ್ಜ॑-ನ್ಧಾ॒ ರಾಜೇ॑ವ ಜೇರವೃ॒ಕೇ ಖ್ಷೇ᳚ಷ್ಯ॒ನ್ತಃ ॥ ಅಗ್ನ॒ ಆಯೂಗ್ಂ॑ಷಿ [ಅಗ್ನ॒ ಆಯೂಗ್ಂ॑ಷಿ, ಪ॒ವ॒ಸ॒ ಆ] 30
ಪವಸ॒ ಆ ಸು॒ವೋರ್ಜ॒ಮಿಷ॑-ಞ್ಚ ನಃ । ಆ॒ರೇ ಬಾ॑ಧಸ್ವ ದು॒ಚ್ಛುನಾ᳚ಮ್ ॥ ಅಗ್ನೇ॒ ಪವ॑ಸ್ವ॒ ಸ್ವಪಾ॑ ಅ॒ಸ್ಮೇ ವರ್ಚ॑-ಸ್ಸು॒ವೀರ್ಯ᳚ಮ್ । ದಧ॒ತ್ಪೋಷಗ್ಂ॑ ರ॒ಯಿ-ಮ್ಮಯಿ॑ ॥ ಅಗ್ನೇ॑ ಪಾವಕ ರೋ॒ಚಿಷಾ॑ ಮ॒ನ್ದ್ರಯಾ॑ ದೇವ ಜಿ॒ಹ್ವಯಾ᳚ । ಆ ದೇ॒ವಾನ್. ವ॑ಖ್ಷಿ॒ ಯಖ್ಷಿ॑ ಚ ॥ ಸ ನಃ॑ ಪಾವಕ ದೀದಿ॒ವೋ-ಽಗ್ನೇ॑ ದೇ॒ವಾಗ್ಂ ಇ॒ಹಾ ವ॑ಹ । ಉಪ॑ ಯ॒ಜ್ಞಗ್ಂ ಹ॒ವಿಶ್ಚ॑ ನಃ ॥ ಅ॒ಗ್ನಿ-ಶ್ಶುಚಿ॑ವ್ರತತಮ॒-ಶ್ಶುಚಿ॒-ರ್ವಿಪ್ರ॒-ಶ್ಶುಚಿಃ॑ ಕ॒ವಿಃ । ಶುಚೀ॑ ರೋಚತ॒ ಆಹು॑ತಃ ॥ ಉದ॑ಗ್ನೇ॒ ಶುಚ॑ಯ॒ಸ್ತವ॑ ಶು॒ಕ್ರಾ ಭ್ರಾಜ॑ನ್ತ ಈರತೇ । ತವ॒ ಜ್ಯೋತೀಗ್॑ಷ್ಯ॒ರ್ಚಯಃ॑ ॥ 31 ॥ (ಪು॒ರು॒ನಿ॒ಷ್ಠಃ-ಪು॑ರ್ವಣೀಕ-ಭರಾ॒-ಽಭಿ-ವಯೋ॑ಭಿ॒-ರ್ಯ-ಆಯೂಗ್ಂ॑ಷಿ॒ -ವಿಪ್ರ॒-ಶ್ಶುಚಿ॒-ಶ್ಚತು॑ರ್ದಶ ಚ) (ಅ. 14)
(ದೇ॒ವಸ್ಯ॑ - ರಖ್ಷೋ॒ಹಣೋ॑ - ವಿ॒ಭೂ-ಸ್ತ್ವಗ್ಂ ಸೋ॒ಮಾ - ಽತ್ಯ॒ನ್ಯಾನಗಾಂ᳚ - ಪೃಥಿ॒ವ್ಯಾ - ಇ॒ಷೇ ತ್ವಾ - ಽಽದ॑ದೇ॒ - ವಾಕ್ತ॒-ಸನ್ತೇ॑ - ಸಮು॒ದ್ರಗ್ಂ - ಹ॒ವಿಷ್ಮ॑ತೀರ್-ಹೃ॒ದೇ - ತ್ವಮ॑ಗ್ನೇ ರು॒ದ್ರ - ಶ್ಚತು॑ರ್ದಶ)
(ದೇ॒ವಸ್ಯ॑ - ಗ॒ಮಧ್ಯೇ॑ - ಹ॒ವಿಷ್ಮ॑ತೀಃ - ಪವಸ॒ - ಏಕ॑ತ್ರಿಗ್ಂಶತ್)
(ದೇ॒ವಸ್ಯಾ॒, ರ್ಚಯಃ॑)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ತೃತೀಯಃ ಪ್ರಶ್ನ-ಸ್ಸಮಾಪ್ತಃ ॥
About KYTS 1.3 Devasya Tva Savitu Prasave - Krishna Yajurveda Taittiriya Samhita Patha
This is the third prashna of the first kanda of the Krishna Yajurveda Taittiriya Samhita, giving mantras of the agnishtoma, the basic soma sacrifice, connected with its animal offering. It opens with one of the most common formulas of Vedic ritual: "Devasya tva savituh prasave ashvinor bahubhyam pushno hastabhyam", "In the impulse of the god Savitr, with the arms of the Ashvins, with the hands of Pushan, I take you", spoken as a ritual object is taken up. Later sections give mantras for the sacrificial post, the altar and the offerings.
Source: Krishna Yajurveda, Taittiriya Samhita 1.3
When to chant: In Vedic chanting and in traditional study of the Taittiriya Samhita.
Did you know?
- The formula "Devasya tva savituh prasave" is used again and again in Vedic rites when taking up an implement.
- The agnishtoma is the model for all the soma sacrifices.
Frequently asked questions
How does this prashna begin?
With "Devasya tva savituh prasave", in the impulse of the god Savitr.
What is the agnishtoma?
The basic soma sacrifice, model for the others.
Which Veda is it from?
The Krishna Yajurveda, Taittiriya Samhita 1.3.
Offered for worship and study, not as prediction. Non-commercial.
More devotional texts