KYTS 1.3 Devasya Tva Savitu Prasave - Krishna Yajurveda Taittiriya Samhita Patha
Kanda 1 - Krishna Yajurveda Taittiriya Samhita · Traditional devotional text
కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే తృతీయః ప్రశ్నః - అగ్నిష్టోమే పశుః
ఓ-న్నమః పరమాత్మనే, శ్రీ మహాగణపతయే నమః, శ్రీ గురుభ్యో నమః । హ॒రిః॒ ఓమ్ ॥
దే॒వస్య॑ త్వా సవి॒తుః ప్ర॑స॒వే᳚-ఽశ్వినో᳚-ర్బా॒హుభ్యా᳚-మ్పూ॒ష్ణో హస్తా᳚భ్యా॒మా ద॒దే-ఽభ్రి॑రసి॒ నారి॑రసి॒ పరి॑లిఖిత॒గ్ం॒ రఖ్షః॒ పరి॑లిఖితా॒ అరా॑తయ ఇ॒దమ॒హగ్ం రఖ్ష॑సో గ్రీ॒వా అపి॑ కృన్తామి॒ యో᳚-ఽస్మా-న్ద్వేష్టి॒ య-ఞ్చ॑ వ॒య-న్ద్వి॒ష్మ ఇ॒దమ॑స్య గ్రీ॒వా అపి॑ కృన్తామి ది॒వే త్వా॒-ఽన్తరి॑ఖ్షాయ త్వా పృథి॒వ్యై త్వా॒ శున్ధ॑తాం-లోఀ॒కః పి॑తృ॒షద॑నో॒ యవో॑-ఽసి య॒వయా॒స్మ-ద్ద్వేషో॑ [య॒వయా॒స్మ-ద్ద్వేషః॑, య॒వయారా॑తీః] 1
య॒వయారా॑తీః పితృ॒ణాగ్ం సద॑నమ॒స్యుద్దివగ్గ్॑ స్తభా॒నా-ఽన్తరి॑ఖ్ష-మ్పృణ పృథి॒వీ-న్దృగ్ం॑హ ద్యుతా॒నస్త్వా॑ మారు॒తో మి॑నోతు మి॒త్రావరు॑ణయో-ర్ధ్రు॒వేణ॒ ధర్మ॑ణా బ్రహ్మ॒వని॑-న్త్వా ఖ్షత్ర॒వనిగ్ం॑ సుప్రజా॒వనిగ్ం॑ రాయస్పోష॒వని॒-మ్పర్యూ॑హామి॒ బ్రహ్మ॑ దృగ్ంహ ఖ్ష॒త్ర-న్దృగ్ం॑హ ప్ర॒జా-న్దృగ్ం॑హ రా॒యస్పోష॑-న్దృగ్ంహ ఘృ॒తేన॑ ద్యావాపృథివీ॒ ఆ పృ॑ణేథా॒మిన్ద్ర॑స్య॒ సదో॑-ఽసి విశ్వజ॒నస్య॑ ఛా॒యా పరి॑ త్వా గిర్వణో॒ గిర॑ ఇ॒మా భ॑వన్తు వి॒శ్వతో॑ వృ॒ద్ధాయు॒మను॒ వృద్ధ॑యో॒ జుష్టా॑ భవన్తు॒ జుష్ట॑య॒ ఇన్ద్ర॑స్య॒ స్యూర॒సీన్ద్ర॑స్య ధ్రు॒వమ॑స్యై॒న్ద్రమ॒సీన్ద్రా॑య త్వా ॥ 2 ॥ (ద్వేష॑ - ఇ॒మా - అ॒ష్టాద॑శ చ ) (అ. 1)
ర॒ఖ్షో॒హణో॑ వలగ॒హనో॑ వైష్ణ॒వా-న్ఖ॑నామీ॒దమ॒హ-న్తం-వఀ ॑ల॒గముద్వ॑పామి॒ య-న్న॑-స్సమా॒నో యమస॑మానో నిచ॒ఖానే॒దమే॑న॒మధ॑ర-ఙ్కరోమి॒ యో న॑-స్సమా॒నో యో-ఽస॑మానో-ఽరాతీ॒యతి॑ గాయ॒త్రేణ॒ ఛన్ద॒సా-ఽవ॑బాఢో వల॒గః కిమత్ర॑ భ॒ద్ర-న్తన్నౌ॑ స॒హ వి॒రాడ॑సి సపత్న॒హా స॒మ్రాడ॑సి భ్రాతృవ్య॒హా స్వ॒రాడ॑స్యభిమాతి॒హా వి॑శ్వా॒రాడ॑సి॒ విశ్వా॑సా-న్నా॒ష్ట్రాణాగ్ం॑ హ॒న్తా [హ॒న్తా, ర॒ఖ్షో॒హణో॑] 3
ర॑ఖ్షో॒హణో॑ వలగ॒హనః॒ ప్రోఖ్షా॑మి వైష్ణ॒వా-న్ర॑ఖ్షో॒హణో॑ వలగ॒హనో-ఽవ॑ నయామి వైష్ణ॒వాన్ యవో॑-ఽసి య॒వయా॒స్మ-ద్ద్వేషో॑ య॒వయారా॑తీ రఖ్షో॒హణో॑ వలగ॒హనో-ఽవ॑ స్తృణామి వైష్ణ॒వా-న్ర॑ఖ్షో॒హణో॑ వలగ॒హనో॒-ఽభి జు॑హోమి వైష్ణ॒వా-న్ర॑ఖ్షో॒హణౌ॑ వలగ॒హనా॒వుప॑ దధామి వైష్ణ॒వీ ర॑ఖ్షో॒హణౌ॑ వలగ॒హనౌ॒ పర్యూ॑హామి వైష్ణ॒వీ ర॑ఖ్షో॒హణౌ॑ వలగ॒హనౌ॒ పరి॑ స్తృణామి వైష్ణ॒వీ ర॑ఖ్షో॒హణౌ॑ వలగ॒హనౌ॑ వైష్ణ॒వీ బృ॒హన్న॑సి బృ॒హద్గ్రా॑వా బృహ॒తీమిన్ద్రా॑య॒ వాచం॑-వఀద ॥ 4 ॥ ( హ॒న్తే-న్ద్రా॑య॒ ద్వే చ॑ ) (అ. 2)
వి॒భూర॑సి ప్ర॒వాహ॑ణో॒ వహ్ని॑రసి హవ్య॒వాహ॑న-శ్శ్వా॒త్రో॑-ఽసి॒ ప్రచే॑తాస్తు॒థో॑-ఽసి వి॒శ్వవే॑దా ఉ॒శిగ॑సి క॒విరఙ్ఘా॑రిరసి॒ బమ్భా॑రిరవ॒స్యుర॑సి॒ దువ॑స్వాఞ్ఛు॒న్ధ్యూర॑సి మార్జా॒లీయ॑-స్స॒మ్రాడ॑సి కృ॒శానుః॑ పరి॒షద్యో॑-ఽసి॒ పవ॑మానః ప్ర॒తక్వా॑-ఽసి॒ నభ॑స్వా॒నస॑మ్మృష్టో-ఽసి హవ్య॒సూద॑ ఋ॒తధా॑మా-ఽసి॒ సువర్జ్యోతి॒-ర్బ్రహ్మ॑జ్యోతిరసి॒ సువ॑ర్ధామా॒-ఽజో᳚ ఽస్యేక॑పా॒దహి॑రసి బు॒ద్ధ్నియో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ 5 ॥ (అనీ॑కేనా॒-ష్టౌ చ॑) (అ. 3)
త్వగ్ం సో॑మ తనూ॒కృద్భ్యో॒ ద్వేషో᳚భ్యో॒-ఽన్యకృ॑తేభ్య ఉ॒రు య॒న్తా-ఽసి॒ వరూ॑థ॒గ్గ్॒ స్వాహా॑ జుషా॒ణో అ॒ప్తురాజ్య॑స్య వేతు॒ స్వాహా॒-ఽయన్నో॑ అ॒గ్నిర్వరి॑వః కృణోత్వ॒య-మ్మృధః॑ పు॒ర ఏ॑తు ప్రభి॒న్దన్న్ । అ॒యగ్ం శత్రూ᳚ఞ్జయతు॒ జర్హృ॑షాణో॒-ఽయం-వాఀజ॑-ఞ్జయతు॒ వాజ॑సాతౌ । ఉ॒రు వి॑ష్ణో॒ వి క్ర॑మస్వో॒రు ఖ్షయా॑య నః కృధి । ఘృ॒త-ఙ్ఘృ॑తయోనే పిబ॒ ప్రప్ర॑ య॒జ్ఞప॑తి-న్తిర । సోమో॑ జిగాతి గాతు॒వి- [గాతు॒విత్, దే॒వానా॑మేతి] 6
ద్దే॒వానా॑మేతి నిష్కృ॒తమృ॒తస్య॒ యోని॑మా॒సద॒మది॑త్యా॒-స్సదో॒-ఽస్యది॑త్యా॒-స్సద॒ ఆ సీ॑దై॒ష వో॑ దేవ సవిత॒-స్సోమ॒స్తగ్ం ర॑ఖ్షద్ధ్వ॒-మ్మా వో॑ దభదే॒తత్త్వగ్ం సో॑మ దే॒వో దే॒వానుపా॑గా ఇ॒దమ॒హ-మ్మ॑ను॒ష్యో॑ మను॒ష్యా᳚న్-థ్స॒హ ప్ర॒జయా॑ స॒హ రా॒యస్పోషే॑ణ॒ నమో॑ దే॒వేభ్య॑-స్స్వ॒ధా పి॒తృభ్య॑ ఇ॒దమ॒హ-న్నిర్వరు॑ణస్య॒ పాశా॒-థ్సువ॑ర॒భి [ ] 7
వి ఖ్యే॑షం-వైఀశ్వాన॒ర-ఞ్జ్యోతి॒రగ్నే᳚ వ్రతపతే॒ త్వం-వ్రఀ॒తానాం᳚-వ్రఀ॒తప॑తిరసి॒ యా మమ॑ త॒నూస్త్వయ్యభూ॑ది॒యగ్ం సా మయి॒ యా తవ॑ త॒నూ-ర్మయ్యభూ॑దే॒షా సా త్వయి॑ యథాయ॒థ-న్నౌ᳚ వ్రతపతే వ్ర॒తినో᳚-ర్వ్ర॒తాని॑ ॥ 8 ॥ (గా॒తు॒విద॒-భ్యే-క॑త్రిగ్ంశచ్చ) (అ. 4)
అత్య॒న్యానగా॒-న్నాన్యానుపా॑గామ॒ర్వాక్త్వా॒ పరై॑రవిద-మ్ప॒రో-ఽవ॑రై॒స్త-న్త్వా॑ జుషే వైష్ణ॒వ-న్దే॑వయ॒జ్యాయై॑ దే॒వస్త్వా॑ సవి॒తా మద్ధ్వా॑-ఽన॒క్త్వోష॑ధే॒ త్రాయ॑స్వైన॒గ్గ్॒ స్వధి॑తే॒ మైనగ్ం॑ హిగ్ంసీ॒-ర్దివ॒మగ్రే॑ణ॒ మా లే॑ఖీర॒న్తరి॑ఖ్ష॒-మ్మద్ధ్యే॑న॒ మా హిగ్ం॑సీః పృథి॒వ్యా స-మ్భ॑వ॒ వన॑స్పతే శ॒తవ॑ల్శో॒ వి రో॑హ స॒హస్ర॑వల్శా॒ వి వ॒యగ్ం రు॑హేమ॒ య-న్త్వా॒-ఽయగ్గ్ స్వధి॑తి॒స్తేతి॑జానః ప్రణి॒నాయ॑ మహ॒తే సౌభ॑గా॒యాచ్ఛి॑న్నో॒ రాయ॑-స్సు॒వీరః॑ ॥ 9 ॥ (యం-దశ॑ చ) (అ. 5)
పృ॒థి॒వ్యై త్వా॒న్తరి॑ఖ్షాయ త్వా ది॒వే త్వా॒ శున్ధ॑తాం-లోఀ॒కః పి॑తృ॒షద॑నో॒ యవో॑-ఽసి య॒వయా॒స్మ-ద్ద్వేషో॑ య॒వయారా॑తీః పితృ॒ణాగ్ం సద॑నమసి స్వావే॒శో᳚-ఽస్యగ్రే॒గా నే॑తృ॒ణాం-వఀన॒స్పతి॒రధి॑ త్వా స్థాస్యతి॒ తస్య॑ విత్తా-ద్దే॒వస్త్వా॑ సవి॒తా మద్ధ్వా॑-ఽనక్తు సుపిప్ప॒లాభ్య॒-స్త్వౌష॑ధీభ్య॒ ఉద్దివగ్గ్॑ స్తభా॒నా-ఽన్తరి॑ఖ్ష-మ్పృణ పృథి॒వీముప॑రేణ దృగ్ంహ॒ తే తే॒ ధామా᳚న్యుశ్మసీ [ధామా᳚న్యుశ్మసి, గ॒మద్ధ్యే॒ గావో॒] 10
గ॒మద్ధ్యే॒ గావో॒ యత్ర॒ భూరి॑శృఙ్గా అ॒యాసః॑ । అత్రాహ॒ తదు॑రుగా॒యస్య॒ విష్ణోః᳚ పర॒మ-మ్ప॒దమవ॑ భాతి॒ భూరేః᳚ ॥ విష్ణోః॒ కర్మా॑ణి పశ్యత॒ యతో᳚ వ్ర॒తాని॑ పస్ప॒శే । ఇన్ద్ర॑స్య॒ యుజ్య॒-స్సఖా᳚ ॥ త-ద్విష్ణోః᳚ పర॒మ-మ్ప॒దగ్ం సదా॑ పశ్యన్తి సూ॒రయః॑ । ది॒వీవ॒ చఖ్షు॒రాత॑తమ్ ॥ బ్ర॒హ్మ॒వని॑-న్త్వా ఖ్షత్ర॒వనిగ్ం॑ సుప్రజా॒వనిగ్ం॑ రాయస్పోష॒వని॒-మ్పర్యూ॑హామి॒ బ్రహ్మ॑ దృగ్ంహ ఖ్ష॒త్ర-న్దృగ్ం॑హ ప్ర॒జా-న్దృగ్ం॑హ రా॒యస్పోష॑-న్దృగ్ంహ పరి॒వీర॑సి॒ పరి॑ త్వా॒ దైవీ॒ర్విశో᳚ వ్యయన్తా॒-మ్పరీ॒మగ్ం రా॒యస్పోషో॒ యజ॑మాన-మ్మను॒ష్యా॑ అ॒న్తరి॑ఖ్షస్య త్వా॒ సానా॒వవ॑ గూహామి ॥ 11 ॥ (ఉ॒శ్మ॒సీ॒-పోష॒మే-కా॒న్నవిగ్ం॑శ॒తిశ్చ॑) (అ. 6)
ఇ॒షే త్వో॑ప॒వీర॒స్యుపో॑ దే॒వా-న్దైవీ॒-ర్విశః॒ ప్రాగు॒-ర్వహ్నీ॑రు॒శిజో॒ బృహ॑స్పతే ధా॒రయా॒ వసూ॑ని హ॒వ్యా తే᳚ స్వదన్తా॒-న్దేవ॑ త్వష్ట॒ర్వసు॑ రణ్వ॒ రేవ॑తీ॒ రమ॑ద్ధ్వ-మ॒గ్నే-ర్జ॒నిత్ర॑మసి॒ వృష॑ణౌ స్థ ఉ॒ర్వశ్య॑స్యా॒యుర॑సి పురూ॒రవా॑ ఘృ॒తేనా॒క్తే వృష॑ణ-న్దధాథా-ఙ్గాయ॒త్ర-ఞ్ఛన్దో-ఽను॒ ప్ర జా॑యస్వ॒ త్రైష్టు॑భ॒-ఞ్జాగ॑త॒-ఞ్ఛన్దో-ఽను॒ ప్ర జా॑యస్వ॒ భవ॑త- [భవ॑తమ్, న॒-స్సమ॑నసౌ॒] 12
న్న॒-స్సమ॑నసౌ॒ సమో॑కసావరే॒పసౌ᳚ । మా య॒జ్ఞగ్ం హిగ్ం॑సిష్ట॒-మ్మా య॒జ్ఞప॑తి-ఞ్జాతవేదసౌ శి॒వౌ భ॑వతమ॒ద్య నః॑ ॥ అ॒గ్నావ॒గ్నిశ్చ॑రతి॒ ప్రవి॑ష్ట॒ ఋషీ॑ణా-మ్పు॒త్రో అ॑ధిరా॒జ ఏ॒షః । స్వా॒హా॒కృత్య॒ బ్రహ్మ॑ణా తే జుహోమి॒ మా దే॒వానా᳚-మ్మిథు॒యా క॑ర్భాగ॒ధేయ᳚మ్ ॥ 13 ॥ (భవ॑త॒-మేక॑త్రిగ్ంశచ్చ) (అ. 7)
ఆ ద॑ద ఋ॒తస్య॑ త్వా దేవహవిః॒ పాశే॒నా-ఽఽర॑భే॒ ధర్షా॒ మాను॑షాన॒ద్భ్యస్త్వౌష॑ధీభ్యః॒ ప్రోఖ్షా᳚మ్య॒పా-మ్పే॒రుర॑సి స్వా॒త్త-ఞ్చి॒-థ్సదే॑వగ్ం హ॒వ్యమాపో॑ దేవీ॒-స్స్వద॑తైన॒గ్ం॒ స-న్తే᳚ ప్రా॒ణో వా॒యునా॑ గచ్ఛతా॒గ్ం॒ సం-యఀజ॑త్రై॒రఙ్గా॑ని॒ సం-యఀ॒జ్ఞప॑తిరా॒శిషా॑ ఘృ॒తేనా॒క్తౌ ప॒శు-న్త్రా॑యేథా॒గ్ం॒ రేవ॑తీ-ర్య॒జ్ఞప॑తి-మ్ప్రియ॒ధా-ఽఽ వి॑శ॒తోరో॑ అన్తరిఖ్ష స॒జూ-ర్దే॒వేన॒ [స॒జూ-ర్దే॒వేన॑, వాతే॑నా॒-ఽస్య] 14
వాతే॑నా॒-ఽస్య హ॒విష॒స్త్మనా॑ యజ॒ సమ॑స్య త॒నువా॑ భవ॒ వర్షీ॑యో॒ వర్షీ॑యసి య॒జ్ఞే య॒జ్ఞప॑తి-న్ధాః పృ॑థి॒వ్యా-స్స॒మ్పృచః॑ పాహి॒ నమ॑స్త ఆతానా-ఽన॒ర్వా ప్రేహి॑ ఘృ॒తస్య॑ కు॒ల్యామను॑ స॒హ ప్ర॒జయా॑ స॒హ రా॒యస్పోషే॒ణా ఽఽపో॑ దేవీ-శ్శుద్ధాయువ-శ్శు॒ద్ధా యూ॒య-న్దే॒వాగ్ం ఊ᳚ఢ్వగ్ం శు॒ద్ధా వ॒య-మ్పరి॑విష్టాః పరివే॒ష్టారో॑ వో భూయాస్మ ॥ 15 ॥ (దే॒వన॒-చతు॑శ్చత్వారిగ్ంశచ్చ) (అ. 8)
వాక్త॒ ఆ ప్యా॑యతా-మ్ప్రా॒ణస్త॒ ఆ ప్యా॑యతా॒-ఞ్చఖ్షు॑స్త॒ ఆ ప్యా॑యతా॒గ్॒ శ్రోత్ర॑-న్త॒ ఆ ప్యా॑యతాం॒-యాఀ తే᳚ ప్రా॒ణాఞ్ఛుగ్జ॒గామ॒ యా చఖ్షు॒ర్యా శ్రోత్రం॒-యఀత్తే᳚ క్రూ॒రం-యఀదాస్థి॑త॒-న్తత్త॒ ఆ ప్యా॑యతా॒-న్తత్త॑ ఏ॒తేన॑ శున్ధతా॒-న్నాభి॑స్త॒ ఆ ప్యా॑యతా-మ్పా॒యుస్త॒ ఆ ప్యా॑యతాగ్ం శు॒ద్ధాశ్చ॒రిత్రా॒-శ్శమ॒ద్భ్య- [మ॒ధ్భ్యః, శమోష॑ధీభ్య॒-శ్శం] 16
శ్శమోష॑ధీభ్య॒-శ్శ-మ్పృ॑థి॒వ్యై శమహో᳚భ్యా॒-మోష॑ధే॒ త్రాయ॑స్వైన॒గ్గ్॒ స్వధి॑తే॒ మైనగ్ం॑ హిగ్ంసీ॒ రఖ్ష॑సా-మ్భా॒గో॑-ఽసీ॒దమ॒హగ్ం రఖ్షో॑-ఽధ॒మ-న్తమో॑ నయామి॒ యో᳚-ఽస్మా-న్ద్వేష్టి॒ య-ఞ్చ॑ వ॒య-న్ద్వి॒ష్మ ఇ॒దమే॑నమధ॒మ-న్తమో॑ నయామీ॒షే త్వా॑ ఘృ॒తేన॑ ద్యావాపృథివీ॒ ప్రోర్ణ్వా॑థా॒-మచ్ఛి॑న్నో॒ రాయ॑-స్సు॒వీర॑ ఉ॒ర్వ॑న్తరి॑ఖ్ష॒మన్వి॑హి॒ వాయో॒ వీహి॑ స్తో॒కానా॒గ్॒ స్వాహో॒ర్ధ్వన॑భస-మ్మారు॒త-ఙ్గ॑చ్ఛతమ్ ॥ 17 ॥ (అ॒ద్భ్యో-వీహి॒-పఞ్చ॑ చ) (అ. 9)
స-న్తే॒ మన॑సా॒ మనః॒ స-మ్ప్రా॒ణేన॑ ప్రా॒ణో జుష్ట॑-న్దే॒వేభ్యో॑ హ॒వ్య-ఙ్ఘృ॒తవ॒-థ్స్వాహై॒న్ద్రః ప్రా॒ణో అఙ్గే॑అఙ్గే॒ ని దే᳚ద్ధ్యదై॒న్ద్రో॑ ఽపా॒నో అఙ్గే॑అఙ్గే॒ వి బో॑భువ॒ద్దేవ॑ త్వష్ట॒ర్భూరి॑ తే॒ సగ్ంస॑మేతు॒ విషు॑రూపా॒ య-థ్సల॑ఖ్ష్మాణో॒ భవ॑థ దేవ॒త్రా యన్త॒మవ॑సే॒ సఖా॒యో-ఽను॑ త్వా మా॒తా పి॒తరో॑ మదన్తు॒ శ్రీర॑స్య॒గ్నిస్త్వా᳚ శ్రీణా॒త్వాప॒-స్సమ॑రిణ॒న్ వాత॑స్య [ ] 18
త్వా॒ ధ్రజ్యై॑ పూ॒ష్ణో రగ్గ్హ్యా॑ అ॒పామోష॑ధీనా॒గ్ం॒ రోహి॑ష్యై ఘృ॒త-ఙ్ఘృ॑తపావానః పిబత॒ వసాం᳚-వఀసాపావానః పిబతా॒-ఽన్తరి॑ఖ్షస్య హ॒విర॑సి॒ స్వాహా᳚ త్వా॒-ఽన్తరి॑ఖ్షాయ॒ దిశః॑ ప్ర॒దిశ॑ ఆ॒దిశో॑ వి॒దిశ॑ ఉ॒ద్దిశ॒-స్స్వాహా॑ ది॒గ్భ్యో నమో॑ ది॒గ్భ్యః ॥ 19 ॥ (వా॑తస్యా॒-ష్టావిగ్ం॑శతిశ్చ) (అ. 10)
స॒ము॒ద్ర-ఙ్గ॑చ్ఛ॒ స్వాహా॒-ఽన్తరి॑ఖ్ష-ఙ్గచ్ఛ॒ స్వాహా॑ దే॒వగ్ం స॑వి॒తార॑-ఙ్గచ్ఛ॒ స్వాహా॑-ఽహోరా॒త్రే గ॑చ్ఛ॒ స్వాహా॑ మి॒త్రావరు॑ణౌ గచ్ఛ॒ స్వాహా॒ సోమ॑-ఙ్గచ్ఛ॒ స్వాహా॑ య॒జ్ఞ-ఙ్గ॑చ్ఛ॒ స్వాహా॒ ఛన్దాగ్ం॑సి గచ్ఛ॒ స్వాహా॒ ద్యావా॑పృథి॒వీ గ॑చ్ఛ॒ స్వాహా॒ నభో॑ ది॒వ్య-ఙ్గ॑చ్ఛ॒ స్వాహా॒-ఽగ్నిం-వైఀ᳚శ్వాన॒ర-ఙ్గ॑చ్ఛ॒ స్వాహా॒-ఽద్భ్యస్త్వౌష॑ధీభ్యో॒ మనో॑ మే॒ హార్ది॑ యచ్ఛ త॒నూ-న్త్వచ॑-మ్పు॒త్ర-న్నప్తా॑రమశీయ॒ శుగ॑సి॒ తమ॒భి శో॑చ॒ యో᳚-ఽస్మా-న్ద్వేష్టి॒ య-ఞ్చ॑ వ॒య-న్ద్వి॒ష్మో ధామ్నో॑ధామ్నో రాజన్ని॒తో వ॑రుణ నో ముఞ్చ॒ యదాపో॒ అఘ్ని॑యా॒ వరు॒ణేతి॒ శపా॑మహే॒ తతో॑ వరుణ నో ముఞ్చ ॥ 20 (అ॒సి॒-షడ్విగ్ం॑శతిశ్చ ) (అ. 11)
హ॒విష్మ॑తీరి॒మా ఆపో॑ హ॒విష్మా᳚-న్దే॒వో అ॑ద్ధ్వ॒రో హ॒విష్మా॒గ్ం॒ ఆ వి॑వాసతి హ॒విష్మాగ్ం॑ అస్తు॒ సూర్యః॑ ॥ అ॒గ్నేర్వో ఽప॑న్నగృహస్య॒ సద॑సి సాదయామి సు॒మ్నాయ॑ సుమ్నినీ-స్సు॒మ్నే మా॑ ధత్తేన్ద్రాగ్ని॒యో-ర్భా॑గ॒ధేయీ᳚-స్స్థ మి॒త్రావరు॑ణయో-ర్భాగ॒ధేయీ᳚-స్స్థ॒ విశ్వే॑షా-న్దే॒వానా᳚-మ్భాగ॒ధేయీ᳚-స్స్థ య॒జ్ఞే జా॑గృత ॥ 21 ॥ (హ॒విష్మ॑తీ॒-శ్చతు॑స్త్రిగ్ంశత్) (అ. 12)
హృ॒దే త్వా॒ మన॑సే త్వా ది॒వే త్వా॒ సూర్యా॑య త్వో॒ర్ధ్వమి॒మమ॑ద్ధ్వ॒ర-ఙ్కృ॑ధి ది॒వి దే॒వేషు॒ హోత్రా॑ యచ్ఛ॒ సోమ॑ రాజ॒న్నేహ్యవ॑ రోహ॒ మా భేర్మా సం-విఀ ॑క్థా॒ మా త్వా॑ హిగ్ంసిష-మ్ప్ర॒జాస్త్వము॒పావ॑రోహ ప్ర॒జాస్త్వాము॒పావ॑రోహన్తు శృ॒ణోత్వ॒గ్ని-స్స॒మిధా॒ హవ॑-మ్మే శృ॒ణ్వన్త్వాపో॑ ధి॒షణా᳚శ్చ దే॒వీః । శృ॒ణోత॑ గ్రావాణో వి॒దుషో॒ ను [ ] 22
య॒జ్ఞగ్ం శృ॒ణోతు॑ దే॒వ-స్స॑వి॒తా హవ॑-మ్మే । దేవీ॑రాపో అపా-న్నపా॒ద్య ఊ॒ర్మిర్హ॑వి॒ష్య॑ ఇన్ద్రి॒యావా᳚-న్మ॒దిన్త॑మ॒స్త-న్దే॒వేభ్యో॑ దేవ॒త్రా ధ॑త్త శు॒క్రగ్ం శు॑క్ర॒పేభ్యో॒ యేషా᳚-మ్భా॒గ-స్స్థ స్వాహా॒ కార్షి॑ర॒స్యపా॒-ఽపా-మ్మృ॒ద్ధ్రగ్ం స॑ము॒ద్రస్య॒ వో-ఽఖ్షి॑త్యా॒ ఉన్న॑యే । యమ॑గ్నే పృ॒థ్సు మర్త్య॒మావో॒ వాజే॑షు॒ య-ఞ్జు॒నాః । స యన్తా॒ శశ్వ॑తీ॒రిషః॑ ॥ 23 ॥ ( ను-స॒ప్తచ॑త్వారిగ్ంశచ్చ) (అ. 13)
త్వమ॑గ్నే రు॒ద్రో అసు॑రో మ॒హో ది॒వస్త్వగ్ం శర్ధో॒ మారు॑త-మ్పృ॒ఖ్ష ఈ॑శిషే । త్వం-వాఀతై॑రరు॒ణైర్యా॑సి శఙ్గ॒యస్త్వ-మ్పూ॒షా వి॑ధ॒తః పా॑సి॒ నుత్మనా᳚ ॥ ఆ వో॒ రాజా॑నమద్ధ్వ॒రస్య॑ రు॒ద్రగ్ం హోతా॑రగ్ం సత్య॒యజ॒గ్ం॒ రోద॑స్యోః । అ॒గ్ని-మ్పు॒రా త॑నయి॒త్నో ర॒చిత్తా॒ద్ధిర॑ణ్యరూప॒మవ॑సే కృణుద్ధ్వమ్ ॥ అ॒గ్నిర్హోతా॒ ని ష॑సాదా॒ యజీ॑యాను॒పస్థే॑ మా॒తు-స్సు॑ర॒భావు॑ లో॒కే । యువా॑ క॒విః పు॑రుని॒ష్ఠ [పు॑రుని॒ష్ఠః, ఋ॒తావా॑ ధ॒ర్తా] 24
ఋ॒తావా॑ ధ॒ర్తా కృ॑ష్టీ॒నాము॒త మద్ధ్య॑ ఇ॒ద్ధః ॥సా॒ద్ధ్వీమ॑క-ర్దే॒వవీ॑తి-న్నో అ॒ద్య య॒జ్ఞస్య॑ జి॒హ్వామ॑విదామ॒ గుహ్యా᳚మ్ । స ఆయు॒రా-ఽగా᳚-థ్సుర॒భిర్వసా॑నో భ॒ద్రామ॑క-ర్దే॒వహూ॑తి-న్నో అ॒ద్య ॥ అక్ర॑న్దద॒గ్ని-స్స్త॒నయ॑న్నివ॒ ద్యౌః, ఖ్షామా॒ రేరి॑హద్వీ॒రుధ॑-స్సమ॒ఞ్జన్న్ । స॒ద్యో జ॑జ్ఞా॒నో వి హీమి॒ద్ధో అఖ్య॒దా రోద॑సీ భా॒నునా॑ భాత్య॒న్తః ॥ త్వే వసూ॑ని పుర్వణీక [పుర్వణీక, హో॒త॒ర్దో॒షా] 25
హోతర్దో॒షా వస్తో॒రేరి॑రే య॒జ్ఞియా॑సః । ఖ్షామే॑వ॒ విశ్వా॒ భువ॑నాని॒ యస్మి॒న్-థ్సగ్ం సౌభ॑గాని దధి॒రే పా॑వ॒కే ॥ తుభ్య॒-న్తా అ॑ఙ్గిరస్తమ॒ విశ్వా᳚-స్సుఖ్షి॒తయః॒ పృథ॑క్ । అగ్నే॒ కామా॑య యేమిరే ॥ అ॒శ్యామ॒ త-ఙ్కామ॑మగ్నే॒ తవో॒త్య॑శ్యామ॑ ర॒యిగ్ం ర॑యివ-స్సు॒వీర᳚మ్ । అ॒శ్యామ॒ వాజ॑మ॒భి వా॒జయ॑న్తో॒ ఽశ్యామ॑ ద్యు॒మ్నమ॑జరా॒జర॑-న్తే ॥శ్రేష్ఠం॑-యఀవిష్ఠ భార॒తాగ్నే᳚ ద్యు॒మన్త॒మా భ॑ర ॥ 26 ॥
వసో॑ పురు॒స్పృహగ్ం॑ ర॒యిమ్ ॥ స శ్వి॑తా॒నస్త॑న్య॒తూ రో॑చన॒స్థా అ॒జరే॑భి॒-ర్నాన॑దద్భి॒ర్యవి॑ష్ఠః । యః పా॑వ॒కః పు॑రు॒తమః॑ పు॒రూణి॑ పృ॒థూన్య॒గ్నిర॑ను॒యాతి॒ భర్వన్న్॑ ॥ ఆయు॑ష్టే వి॒శ్వతో॑ దధద॒యమ॒గ్ని-ర్వరే᳚ణ్యః । పున॑స్తే ప్రా॒ణ ఆ-ఽయ॑తి॒ పరా॒ యఖ్ష్మగ్ం॑ సువామి తే ॥ ఆ॒యు॒ర్దా అ॑గ్నే హ॒విషో॑ జుషా॒ణో ఘృ॒తప్ర॑తీకో ఘృ॒తయో॑నిరేధి । ఘృ॒త-మ్పీ॒త్వా మధు॒ చారు॒ గవ్య॑-మ్పి॒తేవ॑ పు॒త్రమ॒భి [పు॒త్రమ॒భి, ర॒ఖ్ష॒తా॒ది॒మం] 27
ర॑ఖ్షతాది॒మమ్ । తస్మై॑ తే ప్రతి॒హర్య॑తే॒ జాత॑వేదో॒ విచ॑ర్షణే । అగ్నే॒ జనా॑మి సుష్టు॒తిమ్ ॥ ది॒వస్పరి॑ ప్రథ॒మ-ఞ్జ॑జ్ఞే అ॒గ్నిర॒స్మ-ద్ద్వి॒తీయ॒-మ్పరి॑ జా॒తవే॑దాః । తృ॒తీయ॑మ॒ఫ్సు నృ॒మణా॒ అజ॑స్ర॒మిన్ధా॑న ఏన-ఞ్జరతే స్వా॒ధీః ॥ శుచిః॑ పావక॒ వన్ద్యో-ఽగ్నే॑ బృ॒హద్వి రో॑చసే । త్వ-ఙ్ఘృ॒తేభి॒రాహు॑తః ॥ దృ॒శా॒నో రు॒క్మ ఉ॒ర్వ్యా వ్య॑ద్యౌ-ద్దు॒ర్మర్ష॒మాయు॑-శ్శ్రి॒యే రు॑చా॒నః । అ॒గ్నిర॒మృతో॑ అభవ॒ద్వయో॑భి॒- [అభవ॒ద్వయో॑భిః, యదే॑నం॒] 28
-ర్యదే॑న॒-న్ద్యౌరజ॑నయ-థ్సు॒రేతాః᳚ ॥ ఆ యది॒షే నృ॒పతి॒-న్తేజ॒ ఆన॒ట్ఛుచి॒ రేతో॒ నిషి॑క్త॒-న్ద్యౌర॒భీకే᳚ । అ॒గ్ని-శ్శర్ధ॑మనవ॒ద్యం-యుఀవా॑నగ్గ్ స్వా॒ధియ॑-ఞ్జనయ-థ్సూ॒దయ॑చ్చ ॥ స తేజీ॑యసా॒ మన॑సా॒ త్వోత॑ ఉ॒త శి॑ఖ్ష స్వప॒త్యస్య॑ శి॒ఖ్షోః । అగ్నే॑ రా॒యో నృత॑మస్య॒ ప్రభూ॑తౌ భూ॒యామ॑ తే సుష్టు॒తయ॑శ్చ॒ వస్వః॑ ॥ అగ్నే॒ సహ॑న్త॒మా భ॑ర ద్యు॒మ్నస్య॑ ప్రా॒సహా॑ ర॒యిమ్ । విశ్వా॒ య- [విశ్వా॒ యః, చ॒ర్॒ష॒ణీర॒భ్యా॑సా వాజే॑షు] 29
శ్చ॑ర్॒ష॒ణీర॒భ్యా॑సా వాజే॑షు సా॒సహ॑త్ ॥ తమ॑గ్నే పృతనా॒సహగ్ం॑ ర॒యిగ్ం స॑హస్వ॒ ఆ భ॑ర । త్వగ్ం హి స॒త్యో అద్భు॑తో దా॒తా వాజ॑స్య॒ గోమ॑తః ॥ ఉ॒ఖ్షాన్నా॑య వ॒శాన్నా॑య॒ సోమ॑పృష్ఠాయ వే॒ధసే᳚ । స్తోమై᳚-ర్విధేమా॒-ఽగ్నయే᳚ ॥ వ॒ద్మా హి సూ॑నో॒ అస్య॑ద్మ॒సద్వా॑ చ॒క్రే అ॒గ్ని-ర్జ॒నుషా ఽజ్మా-ఽన్న᳚మ్ । స త్వ-న్న॑ ఊర్జసన॒ ఊర్జ॑-న్ధా॒ రాజే॑వ జేరవృ॒కే ఖ్షే᳚ష్య॒న్తః ॥ అగ్న॒ ఆయూగ్ం॑షి [అగ్న॒ ఆయూగ్ం॑షి, ప॒వ॒స॒ ఆ] 30
పవస॒ ఆ సు॒వోర్జ॒మిష॑-ఞ్చ నః । ఆ॒రే బా॑ధస్వ దు॒చ్ఛునా᳚మ్ ॥ అగ్నే॒ పవ॑స్వ॒ స్వపా॑ అ॒స్మే వర్చ॑-స్సు॒వీర్య᳚మ్ । దధ॒త్పోషగ్ం॑ ర॒యి-మ్మయి॑ ॥ అగ్నే॑ పావక రో॒చిషా॑ మ॒న్ద్రయా॑ దేవ జి॒హ్వయా᳚ । ఆ దే॒వాన్. వ॑ఖ్షి॒ యఖ్షి॑ చ ॥ స నః॑ పావక దీది॒వో-ఽగ్నే॑ దే॒వాగ్ం ఇ॒హా వ॑హ । ఉప॑ య॒జ్ఞగ్ం హ॒విశ్చ॑ నః ॥ అ॒గ్ని-శ్శుచి॑వ్రతతమ॒-శ్శుచి॒-ర్విప్ర॒-శ్శుచిః॑ క॒విః । శుచీ॑ రోచత॒ ఆహు॑తః ॥ ఉద॑గ్నే॒ శుచ॑య॒స్తవ॑ శు॒క్రా భ్రాజ॑న్త ఈరతే । తవ॒ జ్యోతీగ్॑ష్య॒ర్చయః॑ ॥ 31 ॥ (పు॒రు॒ని॒ష్ఠః-పు॑ర్వణీక-భరా॒-ఽభి-వయో॑భి॒-ర్య-ఆయూగ్ం॑షి॒ -విప్ర॒-శ్శుచి॒-శ్చతు॑ర్దశ చ) (అ. 14)
(దే॒వస్య॑ - రఖ్షో॒హణో॑ - వి॒భూ-స్త్వగ్ం సో॒మా - ఽత్య॒న్యానగాం᳚ - పృథి॒వ్యా - ఇ॒షే త్వా - ఽఽద॑దే॒ - వాక్త॒-సన్తే॑ - సము॒ద్రగ్ం - హ॒విష్మ॑తీర్-హృ॒దే - త్వమ॑గ్నే రు॒ద్ర - శ్చతు॑ర్దశ)
(దే॒వస్య॑ - గ॒మధ్యే॑ - హ॒విష్మ॑తీః - పవస॒ - ఏక॑త్రిగ్ంశత్)
(దే॒వస్యా॒, ర్చయః॑)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-మ్ప్రథమకాణ్డే తృతీయః ప్రశ్న-స్సమాప్తః ॥
About KYTS 1.3 Devasya Tva Savitu Prasave - Krishna Yajurveda Taittiriya Samhita Patha
This is the third prashna of the first kanda of the Krishna Yajurveda Taittiriya Samhita, giving mantras of the agnishtoma, the basic soma sacrifice, connected with its animal offering. It opens with one of the most common formulas of Vedic ritual: "Devasya tva savituh prasave ashvinor bahubhyam pushno hastabhyam", "In the impulse of the god Savitr, with the arms of the Ashvins, with the hands of Pushan, I take you", spoken as a ritual object is taken up. Later sections give mantras for the sacrificial post, the altar and the offerings.
Source: Krishna Yajurveda, Taittiriya Samhita 1.3
When to chant: In Vedic chanting and in traditional study of the Taittiriya Samhita.
Did you know?
- The formula "Devasya tva savituh prasave" is used again and again in Vedic rites when taking up an implement.
- The agnishtoma is the model for all the soma sacrifices.
Frequently asked questions
How does this prashna begin?
With "Devasya tva savituh prasave", in the impulse of the god Savitr.
What is the agnishtoma?
The basic soma sacrifice, model for the others.
Which Veda is it from?
The Krishna Yajurveda, Taittiriya Samhita 1.3.
Offered for worship and study, not as prediction. Non-commercial.
More devotional texts