KYTS 7.2 Saadhyaa Vai Devaah Suvargakaamaah - Krishna Yajurveda Taittiriya Samhita Patha
Kanda 7 - Krishna Yajurveda Taittiriya Samhita · Traditional devotional text
krishna yajurvedeeya taittireeya samhitaayaam saptamakaande dviteeyah prashnah - shad raatraadyaanaa-nniroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
saa̠ddhyaa vai de̠vaa-ssu̍va̠rgakaa̍maa e̠tagm sha̍d-raa̠trama̍pashya̠-ntamaa-'ha̍ra̠-ntenaa̍yajanta̠ tato̠ vai te su̍va̠rgam lo̠kamaa̍ya̠n̠. ya e̠vam vi̠dvaagmsa̍-shshad-raa̠tramaasa̍te suva̠rgame̠va lo̠kam ya̍nti devasa̠tram vai sha̍d-raa̠trah pra̠tyaksha̠gg̠ hye̍taani̍ pri̠shthaani̠ ya e̠vam vi̠dvaagmsa̍-shshad-raa̠tramaasa̍te saa̠kshaade̠va de̠vataa̍ a̠bhyaaro̍hanti̠ shad-raa̠tro bha̍vati̠ sha-dvaa ri̠tava̠-shshat pri̠shthaani̍ [ ] 1
pri̠shthaire̠vartoona̠-nvaaro̍hantyri̠tubhi̍-ssamvathsa̠ra-nte sa̍mvathsa̠ra e̠va prati̍ tishthanti briha-drathanta̠raabhyaa̎m yantee̠yam vaava ra̍thanta̠rama̠sau bri̠hadaa̠bhyaame̠va ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va su̍va̠rgam lo̠kam ya̍nti tri̠vrida̍gnishto̠mo bha̍vati̠ teja̍ e̠vaava̍ rundhate panchada̠sho bha̍vateendri̠yame̠vaava̍ rundhate saptada̠sho [saptada̠shah, bha̠va̠tya̠nnaadya̠syaa-'va̍ruddhyaa̠] 2
bha̍vatya̠nnaadya̠syaa-'va̍ruddhyaa̠ atho̠ praiva tena̍ jaayanta ekavi̠gm̠sho bha̍vati̠ prati̍shthityaa̠ atho̠ rucha̍me̠vaa-''tma-nda̍dhate trina̠vo bha̍vati̠ viji̍tyai trayastri̠gm̠sho bha̍vati̠ prati̍shthityai sadohavirdhaa̠nina̍ e̠tena̍ shad-raa̠trena̍ yajera̠nnaashva̍tthee havi̠rdhaana̠-nchaa-''gnee̎ddhra-ncha bhavata̠staddhi su̍va̠rgya̍-ncha̠kreeva̍tee bhavata-ssuva̠rgasya̍ lo̠kasya̠ sama̍shtyaa u̠lookha̍labuddhno̠ yoopo̍ bhavati̠ prati̍shthityai̠ prancho̍ yaanti̠ praani̍va̠ hi su̍va̠rgo [hi su̍va̠rgah, lo̠ka-ssara̍svatyaa] 3
lo̠ka-ssara̍svatyaa yaantye̠sha vai de̍va̠yaana̠h panthaa̠sta-me̠vaa-nvaaro̍hantyaa̠krosha̍nto yaa̠ntyava̍rti-me̠vaanyasmi̍-nprati̠shajya̍ prati̠shthaa-nga̍chchhanti ya̠daa dasha̍ sha̠ta-nku̠rvantyathaika̍-mu̠tthaanagm̍ sha̠taayu̠h puru̍sha-shsha̠tendri̍ya̠ aayu̍shye̠vendri̠ye prati̍ tishthanti ya̠daa sha̠tagm sa̠hasra̍-nku̠rvantyathaika̍-mu̠tthaanagm̍ sa̠hasra̍sammito̠ vaa a̠sau lo̠ko̍-'mume̠va lo̠kama̠bhi ja̍yanti ya̠dai -shaa̎-mpra̠meeye̍ta ya̠daa vaa̠ jeeye̍ra̠nnathaika̍-mu̠tthaana̠-ntaddhi tee̠rtham ॥ 4 ॥ (pri̠shthaani̍-saptada̠shah-su̍va̠rgo-ja̍yanti ya̠dai - kaa̍dasha cha) (a. 1)
ku̠su̠ru̠binda̠ auddaa̍laki-rakaamayata pashu̠maan-thsyaa̠miti̠ sa e̠tagm sa̍ptaraa̠tra-maa-'ha̍ra̠-ttenaa̍yajata̠ tena̠ vai sa yaava̍nto graa̠myaah pa̠shava̠staanavaa̍-rundha̠ ya e̠vam vi̠dvaan-thsa̍ptaraa̠trena̠ yaja̍te̠ yaava̍nta e̠va graa̠myaah pa̠shava̠staa-ne̠vaava̍ rundhe saptaraa̠tro bha̍vati sa̠pta graa̠myaah pa̠shava̍-ssa̠ptaa-''ra̠nyaa-ssa̠pta chhandaag̍-syu̠bhaya̠syaa-va̍ruddhyai tri̠vri-da̍gnishto̠mo bha̍vati̠ teja̍ [teja̍h, e̠vaa-'va̍ rundhe] 5
e̠vaa-'va̍ rundhe panchada̠sho bha̍vateendri̠yame̠vaava̍ rundhe saptada̠sho bha̍vatya̠nnaadya̠syaa va̍ruddhyaa̠ atho̠ praiva tena̍ jaayata ekavi̠gm̠sho bha̍vati̠ prati̍shthityaa̠ atho̠ rucha̍me̠vaa-''tma-ndha̍tte trina̠vo bha̍vati̠ viji̍tyai panchavi̠gm̠sho̎-'gnishto̠mo bha̍vati pra̠jaapa̍te̠-raaptyai̍ mahaavra̠tavaa̍-na̠nnaadya̠syaa va̍ruddhyai vishva̠ji-thsarva̍prishtho 'tiraa̠tro bha̍vati̠ sarva̍syaa̠bhiji̍tyai̠ ya-tpra̠tyaksha̠-mpoorve̠shvaha̍ssu pri̠shthaanyu̍pe̠yuh pra̠tyaksha̍m- [pra̠tyaksha̎m, vi̠shva̠jiti̠ yathaa̍] 6
-mvishva̠jiti̠ yathaa̍ du̠gdhaa-mu̍pa̠seeda̍tye̠vamu̍tta̠ma-maha̍-ssyaa̠nnaika̍raa̠trashcha̠na syaa̎-dbriha-drathanta̠re poorve̠shvaha̠ssoopa̍ yantee̠yam vaava ra̍thanta̠rama̠sau bri̠hadaa̠bhyaame̠va na ya̠ntyatho̍ a̠nayo̍re̠va prati̍ tishthanti̠ ya-tpra̠tyaksha̍m vishva̠jiti̍ pri̠shthaanyu̍pa̠yanti̠ yathaa̠ prattaa̎-ndu̠he taa̠drige̠va tat ॥ 7 ॥ (teja̍ - upe̠yuh pra̠tyaksha̠m - dvicha̍tvaarigmshachcha) (a. 2)
briha̠spati̍-rakaamayata brahmavarcha̠see syaa̠miti̠ sa e̠ta-ma̍shtaraa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai sa bra̍hmavarcha̠sya̍bhava̠dya e̠vam vi̠dvaa-na̍shtaraa̠trena̠ yaja̍te brahmavarcha̠sye̍va bha̍vatyashtaraa̠tro bha̍vatya̠shtaaksha̍raa gaaya̠tree gaa̍ya̠tree bra̍hmavarcha̠sa-ngaa̍yatri̠yaiva bra̍hmavarcha̠samava̍ rundhe-'shtaraa̠tro bha̍vati̠ chata̍sro̠ vai disha̠shchata̍sro 'vaantaradi̠shaa di̠gbhya e̠va bra̍hmavarcha̠samava̍ rundhe [ ] 8
tri̠vri-da̍gnishto̠mo bha̍vati̠ teja̍ e̠vaava̍ rundhe panchada̠sho bha̍vateendri̠yame̠vaava̍ rundhe saptada̠sho bha̍vatya̠nnaadya̠syaa-va̍ruddhyaa̠ atho̠ praiva tena̍ jaayata ekavi̠gm̠sho bha̍vati̠ prati̍shthityaa̠ atho̠ rucha̍me̠vaa-''tma-ndha̍tte trina̠vo bha̍vati̠ viji̍tyai trayastri̠gm̠sho bha̍vati̠ prati̍shthityai panchavi̠gm̠sho̎-'gnishto̠mo bha̍vati pra̠jaapa̍te̠raaptyai̍ mahaavra̠tavaa̍-na̠nnaadya̠syaa va̍ruddhyai vishva̠ji-thsarva̍prishtho-'tiraa̠tro bha̍vati̠ sarva̍syaa̠bhiji̍tyai ॥ 9 ॥ (di̠gbhya e̠va bra̍hmavarcha̠samava̍ rundhe̠ - 'bhiji̍tyai) (a. 3)
pra̠jaapa̍tih pra̠jaa a̍srijata̠ taa-ssri̠shtaah, kshudha̠-nnyaa̍ya̠nthsa e̠ta-nna̍varaa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai pra̠jaabhyo̍-'kalpata̠ yarhi̍ pra̠jaah, kshudha̍-nni̠gachchhe̍yu̠-starhi̍ navaraa̠trena̍ yajete̠me hi vaa e̠taasaa̎m lo̠kaa akLi̍ptaa̠ athai̠taah, kshudha̠-nni ga̍chchhantee̠maa-ne̠vaa-''bhyo̍ lo̠kaan ka̍lpayati̠ taan kalpa̍maanaa-npra̠jaabhyo-'nu̍ kalpate̠ kalpa̍nte- [kalpa̍nte, a̠smaa̠ i̠me lo̠kaa] 10
-'smaa i̠me lo̠kaa oorja̍-mpra̠jaasu̍ dadhaati triraa̠trenai̠vemam lo̠ka-nka̍lpayati triraa̠trenaa̠ntari̍ksha-ntriraa̠trenaa̠mum lo̠kam yathaa̍ gu̠ne ga̠na-ma̠nvasya̍tye̠vame̠va tallo̠ke lo̠kamanva̍syati̠ dhrityaa̠ ashi̍thilambhaavaaya̠ jyoti̠rgauraayu̠riti̍ jnaa̠taa-sstomaa̍ bhavantee̠yam vaava jyoti̍ra̠ntari̍ksha̠-ngaura̠saa-vaayu̍re̠shve̍va lo̠keshu̠ prati̍ tishthanti̠ jnaatra̍-mpra̠jaanaa̎- [jnaatra̍-mpra̠jaanaa̎m, ga̠chchha̠ti̠ na̠va̠raa̠tro] 11
-ngachchhati navaraa̠tro bha̍vatyabhipoo̠-rvame̠vaa-'smi̠-ntejo̍ dadhaati̠ yo jyogaa̍mayaavee̠ syaa-thsa na̍varaa̠trena̍ yajeta praa̠naa hi vaa e̠tasyaa dhri̍taa̠ athai̠tasya̠ jyogaa̍mayati praa̠naane̠vaasmi̍-ndaadhaaro̠ta yadee̠taasu̠rbhava̍ti̠ jeeva̍tye̠va ॥ 12 ॥ (kalpa̍nte-pra̠janaa̠m - traya̍strigmshachcha) (a. 4)
pra̠jaapa̍ti-rakaamayata̠ pra jaa̍ye̠yeti̠ sa e̠ta-ndasha̍hotaaramapashya̠-ttama̍juho̠-ttena̍ dasharaa̠trama̍srijata̠ tena̍ dasharaa̠trena̠ praa jaa̍yata dasharaa̠traaya̍ deekshi̠shyamaa̍no̠ dasha̍hotaara-njuhuyaa̠-ddasha̍hotrai̠va da̍sharaa̠tragm sri̍jate̠ tena̍ dasharaa̠trena̠ pra jaa̍yate vairaa̠jo vaa e̠sha ya̠jno yadda̍sharaa̠tro ya e̠vam vi̠dvaan-da̍sharaa̠trena̠ yaja̍te vi̠raaja̍me̠va ga̍chchhati praajaapa̠tyo vaa e̠sha ya̠jno ya-dda̍sharaa̠tro [ya-dda̍sharaa̠trah, ya e̠vam vi̠dvaan-da̍sharaa̠trena̠] 13
ya e̠vam vi̠dvaan-da̍sharaa̠trena̠ yaja̍te̠ praiva jaa̍yata̠ indro̠ vai sa̠dri-nde̠vataa̍bhiraasee̠-thsa na vyaa̠vrita̍magachchha̠-thsa pra̠jaapa̍ti̠-mupaa̍dhaava̠-ttasmaa̍ e̠ta-nda̍sharaa̠tra-mpraaya̍chchha̠-ttamaa-'ha̍ra̠-ttenaa̍yajata̠ tato̠ vai so̎-'nyaabhi̍-rde̠vataa̍bhi-rvyaa̠vrita̍magachchha̠dya e̠vam vi̠dvaa-nda̍sharaa̠trena̠ yaja̍te vyaa̠vrita̍me̠va paa̠pmanaa̠ bhraatri̍vyena gachchhati trika̠kudvaa [trika̠kudvai, e̠sha ya̠jno ya-dda̍sharaa̠trah] 14
e̠sha ya̠jno ya-dda̍sharaa̠trah ka̠ku-tpa̍nchada̠shah ka̠kude̍kavi̠gm̠shah ka̠ku-ttra̍yastri̠gm̠sho ya e̠vam vi̠dvaa-nda̍sharaa̠trena̠ yaja̍te trika̠kude̠va sa̍maa̠naanaa̎-mbhavati̠ yaja̍maanah panchada̠sho yaja̍maana ekavi̠gm̠sho yaja̍maana-strayastri̠gm̠shah pura̠ ita̍raa abhicha̠ryamaa̍no dasharaa̠trena̍ yajeta devapu̠raa e̠va paryoo̍hate̠ tasya̠ na kuta̍shcha̠nopaa̎vyaa̠dho bha̍vati̠ naina̍mabhi̠charan̎-thstrinute devaasu̠raa-ssamya̍ttaa aasa̠-nte de̠vaa e̠taa [e̠taah, de̠va̠pu̠raa a̍pashya̠n̠] 15
de̍vapu̠raa a̍pashya̠n̠ ya-dda̍sharaa̠trastaah paryau̍hanta̠ teshaa̠-nna kuta̍shcha̠nopaa̎vyaa̠dho̍ 'bhava̠-ttato̍ de̠vaa abha̍va̠-nparaa-'su̍raa̠ yo bhraatri̍vyavaa̠n-thsyaa-thsa da̍sharaa̠trena̍ yajeta devapu̠raa e̠va paryoo̍hate̠ tasya̠ na kuta̍shcha̠nopaa̎vyaa̠dho bha̍vati̠ bhava̍tyaa̠tmanaa̠ paraa̎-'sya̠ bhraatri̍vyo bhavati̠ stoma̠-sstoma̠syopa̍stirbhavati̠ bhraatri̍vyame̠vopa̍sti-nkurute jaa̠mi vaa [jaa̠mi vai, e̠ta-tku̍rvanti̠] 16
e̠ta-tku̍rvanti̠ yajjyaayaagm̍sa̠gg̠ stoma̍mu̠petya̠ kanee̍yaagmsamupa̠yanti̠ yada̍gnishto-masaa̠maanya̠vastaa̎chcha pa̠rastaa̎chcha̠ bhava̠ntyajaa̍mitvaaya tri̠vrida̍gnishto̠mo̎ 'gni̠shtudaa̎gne̠yeeshu̍ bhavati̠ teja̍ e̠vaava̍ rundhe panchada̠sha u̠kthya̍ ai̠ndreeshvi̍ndri̠yame̠vaava̍ rundhe tri̠vrida̍gnishto̠mo vai̎shvade̠veeshu̠ pushti̍me̠vaava̍ rundhe saptada̠sho̎-'gnishto̠mah praa̍jaapa̠tyaasu̍ teevraso̠mo̎ 'nnaadya̠syaa-va̍ruddhyaa̠ atho̠ praiva tena̍ jaayata [tena̍ jaayate, e̠ka̠vi̠gm̠sha u̠kthya̍-ssau̠reeshu̠] 17
ekavi̠gm̠sha u̠kthya̍-ssau̠reeshu̠ prati̍shthityaa̠ atho̠ rucha̍me̠vaa-''tma-ndha̍tte saptada̠sho̎-'gnishto̠mah praa̍jaapa̠tyaasoo̍paha̠vya̍ upaha̠vame̠va ga̍chchhati trina̠vaava̍gnishto̠maava̠bhita̍ ai̠ndreeshu̠ viji̍tyai trayastri̠gm̠sha u̠kthyo̍ vaishvade̠veeshu̠ prati̍shthityai vishva̠ji-thsarva̍prishtho-'tiraa̠tro bha̍vati̠ sarva̍syaa̠bhiji̍tyai ॥ 18 ॥ (pra̠jaa̠pa̠tyo vaa e̠sha ya̠jno ya-dda̍sharaa̠tra - stri̍ka̠kuddhaa - e̠taa - vai - jaa̍yata̠ - eka̍trigmshachcha) (a. 5)
ri̠tavo̠ vai pra̠jaakaa̍maah pra̠jaa-nnaa-'vi̍ndanta̠ te̍-'kaamayanta pra̠jaagm sri̍jemahi pra̠jaamava̍ rundheemahi pra̠jaam vi̍ndemahi pra̠jaava̍nta-ssyaa̠meti̠ ta e̠tame̍kaadasharaa̠trama̍pashya̠-ntamaa-'ha̍ra̠-ntenaa̍yajanta̠ tato̠ vai te pra̠jaama̍srijanta pra̠jaamavaa̍rundhata pra̠jaama̍vindanta pra̠jaava̍nto-'bhava̠nta ri̠tavo̍-'bhava̠-ntadaa̎rta̠vaanaa̍-maartava̠tva-mri̍too̠naam vaa e̠te pu̠traa-stasmaa̍- [pu̠traa-stasmaa̎t, aa̠rta̠vaa u̍chyante̠] 19
-daarta̠vaa u̍chyante̠ ya e̠vam vi̠dvaagmsa̍ ekaadasharaa̠tramaasa̍te pra̠jaame̠va sri̍jante pra̠jaamava̍ rundhate pra̠jaam vi̍ndante pra̠jaava̍nto bhavanti̠ jyoti̍ratiraa̠tro bha̍vati̠ jyoti̍re̠va pu̠rastaa̎-ddadhate suva̠rgasya̍ lo̠kasyaa-nu̍khyaatyai̠ prishthya̍-shshada̠ho bha̍vati̠ sha-dvaa ri̠tava̠-shshat pri̠shthaani̍ pri̠shthaire̠vartoona̠-nvaaro̍hantyri̠tubhi̍-ssamvathsa̠ra-nte sa̍mvathsa̠ra e̠va prati̍ tishthanti chaturvi̠gm̠sho bha̍vati̠ chatu̍rvigmshatyaksharaa gaaya̠tree [gaaya̠tree, gaa̠ya̠tra-mbra̍hmavarcha̠sa-] 20
gaa̍ya̠tra-mbra̍hmavarcha̠sa-ngaa̍yatri̠yaame̠va bra̍hmavarcha̠se prati̍ tishthanti chatushchatvaari̠gm̠sho bha̍vati̠ chatu̍shchatvaarigmshadaksharaa tri̠shtugi̍ndri̠ya-ntri̠shtu-ptri̠shtubhye̠vendri̠ye prati̍ tishthantyashtaachatvaari̠gm̠sho bha̍vatya̠shtaacha̍tvaarigmshadaksharaa̠ jaga̍tee̠ jaaga̍taah pa̠shavo̠ jaga̍tyaame̠va pa̠shushu̠ prati̍ tishthantye-kaadasharaa̠tro bha̍vati̠ pancha̠ vaa ri̠tava̍ aarta̠vaah pancha̠rtushve̠vaa-''rta̠veshu̍ samvathsa̠re pra̍ti̠shthaaya̍ pra̠jaamava̍ rundhate 'tiraa̠traava̠bhito̍ bhavatah pra̠jaayai̠ pari̍griheetyai ॥ 21 ॥ (tasmaa̎-d- gaaya̠trye - kaa̠nnapa̍nchaa̠shachcha̍) (a. 6)
ai̠ndra̠vaa̠ya̠vaagraa̎-ngrihneeyaa̠dyah kaa̠maye̍ta yathaa poo̠rva-mpra̠jaah ka̍lpera̠nniti̍ ya̠jnasya̠ vai kLipti̠manu̍ pra̠jaah ka̍lpante ya̠jnasyaa-'kLi̍pti̠manu̠ na ka̍lpante yathaa poo̠rvame̠va pra̠jaah ka̍lpayati̠ na jyaayaagm̍sa̠-nkanee̍yaa̠nati̍ kraamatyaindravaaya̠vaagraa̎-ngrihneeyaadaamayaa̠vina̍h praa̠nena̠ vaa e̠sha vyri̍ddhyate̠ yasyaa̠-''maya̍ti praa̠na ai̎mdravaaya̠vah praa̠nenai̠vaina̠gm̠ sama̍rdhayati maitraavaru̠naagraa̎-ngrihneera̠n̠ yeshaa̎-ndeekshi̠taanaa̎-mpra̠meeye̍ta [pra̠meeye̍ta, praa̠naa̠paa̠naabhyaa̠m vaa e̠te] 22
praanaapaa̠naabhyaa̠m vaa e̠te vyri̍ddhyante̠ yeshaa̎-ndeekshi̠taanaa̎-mpra̠meeya̍te praanaapaa̠nau mi̠traavaru̍nau praanaapaa̠naave̠va mu̍kha̠tah pari̍ haranta aashvi̠naagraa̎-ngrihneetaa ''nujaava̠ro̎-'shvinau̠ vai de̠vaanaa̍maanujaava̠rau pa̠shchevaagra̠-mparyai̍taa-ma̠shvinaa̍ve̠tasya̍ de̠vataa̠ ya aa̍nujaava̠ra-staave̠vaina̠magra̠-mpari̍ nayata-shshu̠kraagraa̎-ngrihneeta ga̠tashree̎h prati̠shthaakaa̍mo̠-'sau vaa aa̍di̠tya-shshu̠kra e̠sho-'nto-'ntam̍ manu̠shya̍- [e̠sho-'nto-'ntam̍ manu̠shya̍h, shri̠yai ga̠tvaa ni] 23
-shshri̠yai ga̠tvaa ni va̍rta̠te 'ntaa̍de̠vaa-'nta̠maa ra̍bhate̠ na tata̠h paapee̍yaa-nbhavati manthya̍graa-ngrihneetaa-bhi̠chara̍-nnaartapaa̠tram vaa e̠ta-dya-nma̍nthipaa̠tra-mmri̠tyunai̠vaina̍-ngraahayati taa̠jagaarti̠maarchchha̍tyaa-graya̠naagraa̎-ngrihneeta̠ yasya̍ pi̠taa pi̍taama̠hah punya̠-ssyaadatha̠ tanna praa̎pnu̠yaa-dvaa̠chaa vaa e̠sha i̍ndri̠yena̠ vyri̍ddhyate̠ yasya̍ pi̠taa pi̍taama̠hah punyo̠ [punya̍h, bhava̠tyatha̠ tanna] 24
bhava̠tyatha̠ tanna praa̠pnotyura̍ ivai̠ta-dya̠jnasya̠ vaagi̍va̠ yadaa̎graya̠no vaa̠chaivaina̍mindri̠yena̠ sama̍rdhayati̠ na tata̠h paapee̍yaa-nbhavatyu̠kthyaa̎graa-ngrihneetaabhicha̠ryamaa̍na̠-ssarve̍shaa̠m vaa e̠ta-tpaatraa̍naamindri̠yam yadu̍kthyapaa̠tragm sarve̍nai̠vaina̍mindri̠yenaati̠ prayu̍nkte̠ sara̍svatya̠bhi no̍ neshi̠ vasya̠ iti̍ puro̠rucha̍-nkuryaa̠-dvaagvai [ ] 25
sara̍svatee vaa̠chaivaina̠mati̠ prayu̍nkte̠ maa tva-tkshetraa̠nyara̍naani ga̠nmetyaa̍ha mri̠tyorvai kshetraa̠nyara̍naani̠ tenai̠va mri̠tyoh, kshetraa̍ni̠ na ga̍chchhati poo̠rnaa-ngrahaa̎-ngrihneeyaadaamayaa̠vina̍h praa̠naan vaa e̠tasya̠ shugri̍chchhati̠ yasyaa̠ ''maya̍ti praa̠naa grahaa̎h praa̠naane̠vaasya̍ shu̠cho mu̍nchatyu̠ta yadee̠taasu̠rbhava̍ti̠ jeeva̍tye̠va poo̠rnaa-ngrahaa̎-ngrihneeyaa̠-dyarhi̍ pa̠rjanyo̠ na varshe̎-tpraa̠naan vaa e̠tarhi̍ pra̠jaanaa̠gm̠ shugri̍chchhati̠ yarhi̍ pa̠rjanyo̠ na varsha̍ti praa̠naa grahaa̎h praa̠naane̠va pra̠jaanaagm̍ shu̠cho mu̍nchati taa̠ja-kpra va̍rshati ॥ 26 ॥ (pra̠meeye̍ta - manu̠shya̍ - riddhyate̠ yasya̍ pi̠taa pi̍taama̠hah punyo̠-vaagvaa-e̠va poo̠rnaa-ngrahaa̠n-pancha̍vigmshatishcha) (a. 7)
gaa̠ya̠tro vaa ai̎mdravaaya̠vo gaa̍ya̠tra-mpraa̍ya̠neeya̠-maha̠stasmaa̎-tpraaya̠neeye-'ha̍nnaindravaaya̠vo gri̍hyate̠ sva e̠vaina̍maa̠yata̍ne grihnaati̠ traishtu̍bho̠ vai shu̠krastraishtu̍bha-ndvi̠teeya̠-maha̠stasmaa̎-ddvi̠teeye-'ha̍nchhu̠kro gri̍hyate̠ sva e̠vaina̍maa̠yata̍ne grihnaati̠ jaaga̍to̠ vaa aa̎graya̠no jaaga̍ta-ntri̠teeya̠-maha̠stasmaa̎-ttri̠teeye-'ha̍nnaagraya̠no gri̍hyate̠ sva e̠vaina̍maa̠yata̍ne grihnaatye̠tadvai [ ] 27
ya̠jnamaa̍pa̠-dyachchhandaag̍syaa̠pnoti̠ yadaa̎graya̠na-shshvo gri̠hyate̠ yatrai̠va ya̠jnamadri̍sha̠-ntata̍ e̠vaina̠-mpuna̠h prayu̍nkte̠ jaga̍nmukho̠ vai dvi̠teeya̍striraa̠tro jaaga̍ta aagraya̠no yachcha̍tu̠rthe-'ha̍nnaagraya̠no gri̠hyate̠ sva e̠vaina̍-maa̠yata̍ne grihnaa̠tyatho̠ svame̠va chhando-'nu̍ pa̠ryaava̍rtante̠ raatha̍ntaro̠ vaa ai̎mdravaaya̠vo raatha̍ntara-mpancha̠ma-maha̠-stasmaa̎-tpancha̠me-'ha̍- [-stasmaa̎-tpancha̠me-'hann̍, ai̠ndra̠vaa̠ya̠vo gri̍hyate̠] 28
-nnaindravaaya̠vo gri̍hyate̠ sva e̠vaina̍-maa̠yata̍ne grihnaati̠ baarha̍to̠ vai shu̠kro baarha̍tagm sha̠shtha-maha̠-stasmaa̎-thsha̠shthe-'ha̍nchhu̠kro gri̍hyate̠ sva e̠vaina̍-maa̠yata̍ne grihnaatye̠tadvai dvi̠teeya̍m ya̠jnamaa̍pa̠-dyachchhandaag̍syaa̠pnoti̠ yachchhu̠kra-shshvo gri̠hyate̠ yatrai̠va ya̠jna-madri̍sha̠-ntata̍ e̠vaina̠-mpuna̠h prayu̍nkte tri̠shtunmu̍kho̠ vai tri̠teeya̍-striraa̠tra-straishtu̍bha- [-straishtu̍bhah, shu̠kro] 29
-shshu̠kro ya-thsa̍pta̠me-'ha̍nchhu̠kro gri̠hyate̠ sva e̠vaina̍maa̠yata̍ne grihnaa̠tyatho̠ svame̠va chhando-'nu̍ pa̠ryaava̍rtante̠ vaagvaa aa̎graya̠no vaaga̍shta̠mamaha̠-stasmaa̍dashta̠me-'ha̍nnaagraya̠no gri̍hyate̠ sva e̠vaina̍maa̠yata̍ne grihnaati praa̠no vaa ai̎mdravaaya̠vah praa̠no na̍va̠ma-maha̠stasmaa̎nnava̠me 'ha̍nnaindravaaya̠vo gri̍hyate̠ sva e̠vaina̍maa̠yata̍ne grihnaatye̠ta- [grihnaatye̠tat, vai tri̠teeya̍m-] 30
-dvai tri̠teeya̍m ya̠jnamaa̍pa̠-dyachchhandaag̍syaa̠pnoti̠ yadai̎mdravaaya̠va-shshvo gri̠hyate̠ yatrai̠va ya̠jnamadri̍sha̠-ntata̍ e̠vaina̠-mpuna̠h prayu̠nkte 'tho̠ svame̠va chhando-'nu̍ pa̠ryaava̍rtante pa̠tho vaa e̠te-'ddhyapa̍thena yanti̠ ye̎-'nyenai̎mdravaaya̠vaa-tpra̍ti̠padya̠nte-'nta̠h khalu̠ vaa e̠sha ya̠jnasya̠ ya-dda̍sha̠ma-maha̍rdasha̠me 'ha̍nnaindravaaya̠vo gri̍hyate ya̠jnasyai̠- [ya̠jnasya̍, e̠vaanta̍-nga̠tvaa] 31
-vaanta̍-nga̠tvaa 'pa̍thaa̠-tpanthaa̠mapi̍ ya̠ntyatho̠ yathaa̠ vahee̍yasaa prati̠saara̠m vaha̍nti taa̠drige̠va tachchhandaag̍sya̠nyo̎-'nyasya̍ lo̠kama̠bhya̍ddhyaaya̠-ntaanye̠tenai̠va de̠vaa vya̍vaahayannaindravaaya̠vasya̠ vaa e̠tadaa̠yata̍na̠m yachcha̍tu̠rtha-maha̠stasmi̍-nnaagraya̠no gri̍hyate̠ tasmaa̍-daagraya̠nasyaa̠ ''yata̍ne nava̠me-'ha̍nnaindravaaya̠vo gri̍hyate shu̠krasya̠ vaa e̠tadaa̠yata̍na̠m ya-tpa̍ncha̠ma- [ya-tpa̍ncha̠mam, aha̠stasmi̍-nnaindravaaya̠vo] 32
-maha̠stasmi̍-nnaindravaaya̠vo gri̍hyate̠ tasmaa̍-daindravaaya̠vasyaa̠-''yata̍ne sapta̠me-'ha̍nchhu̠kro gri̍hyata aagraya̠nasya̠ vaa e̠tadaa̠yata̍na̠m ya-thsha̠shthamaha̠-stasmi̍nchhu̠kro gri̍hyate̠ tasmaa̎-chchhu̠krasyaa̠ ''yata̍ne-'shta̠me-'ha̍nnaagraya̠no gri̍hyate̠ chhandaag̍sye̠va tadvi vaa̍hayati̠ pra vasya̍so vivaa̠hamaa̎pnoti̠ ya e̠vam vedaatho̍ de̠vataa̎bhya e̠va ya̠jne sa̠mvida̍-ndadhaati̠ tasmaa̍di̠da-ma̠nyo̎-'nyasmai̍ dadaati ॥ 33 ॥ (e̠tadvai - pa̍ncha̠me-'ha̠n - traishtu̍bha - e̠ta-d- gri̍hyate ya̠jnasya̍ - pancha̠ma - ma̠nyasmaa̠ - eka̍ncha) (a. 8)
pra̠jaapa̍tirakaamayata̠ pra jaa̍ye̠yeti̠ sa e̠ta-ndvaa̍dasharaa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai sa praajaa̍yata̠ yah kaa̠maye̍ta̠ pra jaa̍ye̠yeti̠ sa dvaa̍dasharaa̠trena̍ yajeta̠ praiva jaa̍yate brahmavaa̠dino̍ vadantyagnishto̠mapraa̍yanaa ya̠jnaa atha̠ kasmaa̍datiraa̠trah poorva̠h pra yu̍jyata̠ iti̠ chakshu̍shee̠ vaa e̠te ya̠jnasya̠ yada̍tiraa̠trau ka̠neeni̍ke agnishto̠mau ya- [agnishto̠mau yat, a̠gni̠shto̠ma-mpoorva̍-] 34
-da̍gnishto̠ma-mpoorva̍-mprayunjee̠ra-nba̍hi̠rdhaa ka̠neeni̍ke daddhyu̠stasmaa̍-datiraa̠trah poorva̠h pra yu̍jyate̠ chakshu̍shee e̠va ya̠jne dhi̠tvaa ma̍ddhya̠tah ka̠neeni̍ke̠ prati̍ dadhati̠ yo vai gaa̍ya̠tree-njyoti̍hpakshaa̠m veda̠ jyoti̍shaa bhaa̠saa su̍va̠rgam lo̠kame̍ti̠ yaava̍gnishto̠mau tau pa̠kshau ye-'nta̍re̠-'shtaa-vu̠kthyaa̎-ssa aa̠tmaishaa vai gaa̍ya̠tree jyoti̍hpakshaa̠ ya e̠vam veda̠ jyoti̍shaa bhaa̠saa su̍va̠rgam lo̠ka- [su̍va̠rgam lo̠kam, e̠ti̠ pra̠jaapa̍ti̠rvaa] 35
-me̍ti pra̠jaapa̍ti̠rvaa e̠sha dvaa̍dasha̠dhaa vihi̍to̠ ya-ddvaa̍dasharaa̠tro yaava̍tiraa̠tro tau pa̠kshau ye-'nta̍re̠-'shtaa-vu̠kthyaa̎-ssa aa̠tmaa pra̠jaapa̍ti̠rvaavaisha santhsaddha̠ vai sa̠trena̍ sprinoti praa̠naa vai sa-tpraa̠naane̠va spri̍noti̠ sarvaa̍saa̠m vaa e̠te pra̠jaanaa̎-mpraa̠nairaa̍sate̠ ye sa̠tramaasa̍te̠ tasmaa̎-tprichchhanti̠ kime̠te sa̠trina̠ iti̍ pri̠yah pra̠jaanaa̠ mutthi̍to bhavati̠ ya e̠vam mveda̍ ॥ 36 ॥ (a̠gni̠shto̠mau yath - su̍va̠rgam lo̠kam - pri̠yah pra̠jaanaa̠m - pancha̍ cha) (a. 9)
na vaa e̠sho̎-'nyato̍vaishvaanara-ssuva̠rgaaya̍ lo̠kaaya̠ praabha̍vadoo̠rdhvo ha̠ vaa e̠sha aata̍ta aasee̠-tte de̠vaa e̠tam vai̎shvaana̠ra-mparyau̍han-thsuva̠rgasya̍ lo̠kasya̠ prabhoo̎tyaa ri̠tavo̠ vaa e̠tena̍ pra̠jaapa̍timayaajaya̠-nteshvaa̎rdhno̠dadhi̠ tadri̠ddhnoti̍ ha̠ vaa ri̠tvikshu̠ ya e̠vam vi̠dvaa-ndvaa̍dashaa̠hena̠ yaja̍te̠ te̎-'sminnaichchhanta̠ sa rasa̠maha̍ vasa̠ntaaya̠ praaya̍chchha̠- [praaya̍chchhat, yava̍-ngree̠shmaayausha̍dhee-] 37
-dyava̍-ngree̠shmaayausha̍dhee-rva̠r̠shaabhyo̎ vree̠heenchha̠rade̍ maashati̠lau he̍mantashishi̠raabhyaa̠-ntenendra̍-mpra̠jaapa̍tirayaajaya̠-ttato̠ vaa indra̠ indro̍-'bhava̠-ttasmaa̍daahu-raanujaava̠rasya̍ ya̠jna iti̠ sa hye̍tenaa-'gre-'ya̍jatai̠sha ha̠ vai ku̠napa̍matti̠ ya-ssa̠tre pra̍tigri̠hnaati̍ purushakuna̠pa-ma̍shvakuna̠pa-ngaurvaa anna̠m yena̠ paatre̠naanna̠-mbibhra̍ti̠ ya-ttanna ni̠rneni̍jati̠ tato-'dhi̠ [tato-'dhi̍, mala̍-njaayata̠ eka̍ e̠va] 38
mala̍-njaayata̠ eka̍ e̠va ya̍je̠taiko̠ hi pra̠jaapa̍ti̠-raardhno̠-ddvaada̍sha̠ raatree̎rdeekshi̠ta-ssyaa̠-ddvaada̍sha̠ maasaa̎-ssamvathsa̠ra-ssa̍mvathsa̠rah pra̠jaapa̍tih pra̠jaapa̍ti̠rvaavaisha e̠sha ha̠ tvai jaa̍yate̠ yastapa̠so-'dhi̠ jaaya̍te chatu̠rdhaa vaa e̠taasti̠srasti̍sro̠ raatra̍yo̠ ya-ddvaada̍shopa̠sado̠ yaah pra̍tha̠maa ya̠jna-ntaabhi̠-ssa-mbha̍rati̠ yaa dvi̠teeyaa̍ ya̠jna-ntaabhi̠raa ra̍bhate̠ [ya̠jna-ntaabhi̠raa ra̍bhate, yaastri̠teeyaa̠h] 39
yaastri̠teeyaa̠h paatraa̍ni̠ taabhi̠rnirne̍nikte̠ yaashcha̍tu̠rtheerapi̠ taabhi̍raa̠tmaana̍-mantara̠ta-shshu̍ndhate̠ yo vaa a̍sya pa̠shumatti̍ maa̠gm̠sagm so̎-'tti̠ yah pu̍ro̠daasha̍-mma̠stishka̠gm̠ sa yah pa̍rivaa̠pa-mpuree̍sha̠gm̠ sa ya aajya̍-mma̠jjaana̠gm̠ sa ya-ssoma̠gg̠ sveda̠gm̠ so-'pi̍ ha̠ vaa a̍sya sheersha̠nyaa̍ ni̠shpada̠h prati̍ grihnaati̠ yo dvaa̍dashaa̠he pra̍tigri̠hnaati̠ tasmaa̎-ddvaadashaa̠hena̠ na yaajya̍-mpaa̠pmano̠ vyaavri̍ttyai ॥ 40 ॥ (aya̍chchha̠ - dadhi̍ - rabhate - dvaadashaa̠hena̍ - cha̠tvaari̍ cha) (a. 10)
eka̍smai̠ svaahaa̠ dvaabhyaa̠g̠ svaahaa̎ tri̠bhya-ssvaahaa̍ cha̠turbhya̠-ssvaahaa̍ pa̠nchabhya̠-ssvaahaa̍ sha̠dbhya-ssvaahaa̍ sa̠ptabhya̠-ssvaahaa̎ 'shtaa̠bhya-ssvaahaa̍ na̠vabhya̠-ssvaahaa̍ da̠shabhya̠-ssvaahai̍ -kaada̠shabhya̠-ssvaahaa̎ dvaada̠shabhya̠-ssvaahaa̎ trayoda̠shabhya̠-ssvaahaa̍ chaturda̠shabhya̠-ssvaahaa̍ panchada̠shabhya̠-ssvaahaa̍ shoda̠shabhya̠-ssvaahaa̍ saptada̠shabhya̠-ssvaahaa̎ 'shtaada̠shabhya̠-ssvaahai-kaa̠nna vigm̍sha̠tyai svaahaa̠ nava̍vigmshatyai̠ svaahai-kaa̠nna cha̍tvaari̠gm̠shate̠ svaahaa̠ nava̍chatvaarigmshate̠ svaahai-kaa̠nna sha̠shtyai svaahaa̠ nava̍shashtyai̠ svaahai -kaa̠nnaashee̠tyai svaahaa̠ navaa̍sheetyai̠ svaahaikaa̠nna sha̠taaya̠ svaahaa̍ sha̠taaya̠ svaahaa̠ dvaabhyaagm̍ sha̠taabhyaa̠g̠ svaahaa̠ sarva̍smai̠ svaahaa̎ ॥ 41 ॥ (nava̍chatvaarigmshate̠ svaahai-kaa̠nnaika̍vigmshatishcha) (a. 11)
eka̍smai̠ svaahaa̎ tri̠bhya-ssvaahaa̍ pa̠nchabhya̠-ssvaahaa̍ sa̠ptabhya̠-ssvaahaa̍ na̠vabhya̠-ssvaahai̍- kaada̠shabhya̠-ssvaahaa̎ trayoda̠shabhya̠-ssvaahaa̍ panchada̠shabhya̠-ssvaahaa̍ saptada̠shabhya̠-ssvaahaikaa̠nna vigm̍sha̠tyai svaahaa̠ nava̍vigmshatyai̠ svaahaikaa̠nna cha̍tvaari̠gm̠shate̠ svaahaa̠ nava̍chatvaarigmshate̠ svaahaikaa̠nna sha̠shtyai svaahaa̠ nava̍shashtyai̠ svaahaikaa̠nnaa shee̠tyai svaahaa̠ navaa̍sheetyai̠ svaahaikaa̠nna sha̠taaya̠ svaahaa̍ sha̠taaya̠ svaahaa̠ sarva̍smai̠ svaahaa̎ ॥ 42 ॥ (eka̍smai tri̠bhyah - pa̍nchaa̠shat) (a. 12)
dvaabhyaa̠g̠ svaahaa̍ cha̠turbhya̠-ssvaahaa̍ sha̠dbhya-ssvaahaa̎ 'shtaa̠bhya-ssvaahaa̍ da̠shabhya̠-ssvaahaa̎ dvaada̠shabhya̠-ssvaahaa̍ chaturda̠shabhya̠-ssvaahaa̍ shoda̠shabhya̠-ssvaahaa̎ 'shtaada̠shabhya̠-ssvaahaa̍ vigmsha̠tyai svaahaa̠ 'shtaana̍vatyai̠ svaahaa̍ sha̠taaya̠ svaahaa̠ sarva̍smai̠ svaahaa̎ ॥ 43 ॥ (dvaabhyaa̍ma̠shtaana̍vatyai̠ - shadvigm̍shatih) (a. 13)
tri̠bhya-ssvaahaa̍ pa̠nchabhya̠-ssvaahaa̍ sa̠ptabhya̠-ssvaahaa̍ na̠vabhya̠-ssvaahai̍-kaada̠shabhya̠-ssvaahaa̎ trayoda̠shabhya̠-ssvaahaa̍ panchada̠shabhya̠-ssvaahaa̍ saptada̠shabhya̠-ssvaahaikaa̠nna vigm̍sha̠tyai svaahaa̠ nava̍vigmshatyai̠ svaahaikaa̠nna cha̍tvaari̠gm̠shate̠ svaahaa̠ nava̍chatvaarigmshate̠ svaahaikaa̠nna sha̠shtyai svaahaa̠ nava̍shashtyai̠ svaahaikaa̠nnaa 'shee̠tyai svaahaa̠ navaa̍sheetyai̠ svaahaikaa̠nna sha̠taaya̠ svaahaa̍ sha̠taaya̠ svaahaa̠ sarva̍smai̠ svaahaa̎ ॥ 44 ॥ (tri̠bhyo̎ - 'shtaachatvaari̠gm̠shat) (a. 14)
cha̠turbhya̠-ssvaahaa̎ 'shtaa̠bhya-ssvaahaa̎ dvaada̠shabhya̠-ssvaahaa̍ shoda̠shabhya̠-ssvaahaa̍ vigmsha̠tyai svaahaa̠ shanna̍vatyai̠ svaahaa̍ sha̠taaya̠ svaahaa̠ sarva̍smai̠ svaahaa̎ ॥ 45 ॥ (cha̠turbhya̠-shshanna̍vatyai̠ - shoda̍sha) (a. 15)
pa̠nchabhya̠-ssvaahaa̍ da̠shabhya̠-ssvaahaa̍ panchada̠shabhya̠-ssvaahaa̍ vigmsha̠tyai svaahaa̠ pancha̍navatyai̠ svaahaa̍ sha̠taaya̠ svaahaa̠ sarva̍smai̠ svaahaa̎ ॥ 46 ॥ (pa̠nchabhya̠h pancha̍navatyai̠ - chatu̍rdasha) (a. 16)
da̠shabhya̠-ssvaahaa̍ vigmsha̠tyai svaahaa̎ tri̠gm̠shate̠ svaahaa̍ chatvaari̠gm̠shate̠ svaahaa̍ panchaa̠shate̠ svaahaa̍ sha̠shtyai svaahaa̍ sapta̠tyai svaahaa̍ 'shee̠tyai svaahaa̍ nava̠tyai svaahaa̍ sha̠taaya̠ svaahaa̠ sarva̍smai̠ svaahaa̎ ॥ 47 ॥ (da̠shabhyo̠ - dvaavigm̍shatih) (a. 17)
vi̠gm̠sha̠tyai svaahaa̍ chatvaari̠gm̠shate̠ svaahaa̍ sha̠shtyai svaahaa̍ 'shee̠tyai svaahaa̍ sha̠taaya̠ svaahaa̠ sarva̍smai̠ svaahaa̎ ॥ 48 ॥ (vi̠gm̠sha̠tyai - dvaada̍sha) (a. 18)
pa̠nchaa̠shate̠ svaahaa̍ sha̠taaya̠ svaahaa̠ dvaabhyaagm̍ sha̠taabhyaa̠g̠ svaahaa̎ tri̠bhya-shsha̠tebhya̠-ssvaahaa̍ cha̠turbhya̍-shsha̠tebhya̠-ssvaahaa̍ pa̠nchabhya̍-shsha̠tebhya̠-ssvaahaa̍ sha̠dbhya-shsha̠tebhya̠-ssvaahaa̍ sa̠ptabhya̍-shsha̠tebhya̠-ssvaahaa̎ 'shtaa̠bhya-shsha̠tebhya̠-ssvaahaa̍ na̠vabhya̍-shsha̠tebhya̠-ssvaahaa̍ sa̠hasraa̍ya̠ svaahaa̠ sarva̍smai̠ svaahaa̎ ॥ 49 ॥ (pa̠nchaa̠shate̠ - dvaatrigm̍shat) (a. 19)
sha̠taaya̠ svaahaa̍ sa̠hasraa̍ya̠ svaahaa̠ 'yutaa̍ya̠ svaahaa̍ ni̠yutaa̍ya̠ svaahaa̎ pra̠yutaa̍ya̠ svaahaa 'rbu̍daaya̠ svaahaa̠ nya̍rbudaaya̠ svaahaa̍ samu̠draaya̠ svaahaa̠ maddhyaa̍ya̠ svaahaa 'ntaa̍ya̠ svaahaa̍ paraa̠rdhaaya̠ svaaho̠shase̠ svaahaa̠ vyu̍shtyai̠ svaaho̍deshya̠te svaaho̎dya̠te svaahodi̍taaya̠ svaahaa̍ suva̠rgaaya̠ svaahaa̍ lo̠kaaya̠ svaahaa̠ sarva̍smai̠ svaahaa̎ ॥ 50 ॥ (sha̠taayaa̠-'shtaatrigm̍shat) (a. 20)
(saa̠dhyaa-shsha̍d raa̠tram - ku̍suru̠binda̍-ssaptaraa̠tram - briha̠spati̍rashtaraa̠tram - pra̠jaapa̍ti̠staah, kshudha̍nnavaraa̠tram - pra̠jaapa̍tirakaamayata̠ dasha̍hotaaraatra - mri̠tava̍ - aindravaaya̠vaagraa̎n - gaaya̠tro vai - pra̠jaapa̍ti̠-ssa dvaa̍dasharaa̠tram - na vaa -eka̍smaa̠ - eka̍smai̠ - dvaabhyaa̎m - tri̠bhyah - cha̠turbhya̍h - pa̠nchabhyo̍ - da̠shabhyo̍ - vigmsha̠tyai - pa̍nchaa̠shate̍ - sha̠taaya̍ - vigmsha̠tih )
(saa̠dhyaa - a̍smaa i̠me lo̠kaa - gaa̍ya̠tram - mvai tri̠teeya̠ - meka̍smai - panchaa̠shat )
(saa̠dhyaa, ssarva̍smai̠ svaahaa̎ )
॥ hari̍h om ॥
॥ krishna yajurvedeeya taittireeya samhitaayaam saptamakaande dviteeyah prashna-ssamaaptah ॥
About KYTS 7.2 Saadhyaa Vai Devaah Suvargakaamaah - Krishna Yajurveda Taittiriya Samhita Patha
This is the second prashna of the seventh kanda of the Krishna Yajurveda Taittiriya Samhita, on soma rites lasting six nights and more. It opens with a story: "The Sadhya gods, desiring the heavenly world, saw this six-night rite and performed it, and reached heaven." In the same way it explains the origin and purpose of rites of seven, eight, nine and ten nights, and the chants and days that make them up.
Source: Krishna Yajurveda, Taittiriya Samhita 7.2
When to chant: In Vedic chanting and in traditional study of the Taittiriya Samhita.
Did you know?
- The Sadhyas are a class of gods often named in Vedic and Puranic texts.
- The seventh kanda deals with soma rites of many days and the great sattras.
Frequently asked questions
Who first performed the six-night rite, in the story?
The Sadhya gods, seeking heaven.
Which Veda is it from?
The Krishna Yajurveda, Taittiriya Samhita 7.2.
What is a prashna?
A chapter of a Vedic text.
Offered for worship and study, not as prediction. Non-commercial.
More devotional texts