KYTS 7.3 Prajavam Vaa Etena Yanti - Krishna Yajurveda Taittiriya Samhita Patha
Kanda 7 - Krishna Yajurveda Taittiriya Samhita · Traditional devotional text
krishna yajurvedeeya taittireeya samhitaayaam saptamakaande triteeyah prashnah - satrajaataniroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
pra̠java̠m vaa e̠tena̍ yanti̠ ya-dda̍sha̠mamaha̍h paapaava̠heeya̠m vaa e̠tena̍ bhavanti̠ ya-dda̍sha̠mamaha̠ryo vai pra̠java̍m ya̠taamapa̍thena prati̠padya̍te̠ ya-ssthaa̠nugm hanti̠ yo bhresha̠-nnyeti̠ sa hee̍yate̠ sa yo vai da̍sha̠me-'ha̍nnavivaa̠kya u̍paha̠nyate̠ sa hee̍yate̠ tasmai̠ ya upa̍hataaya̠ vyaaha̠ tame̠vaanvaa̠rabhya̠ sama̍shnu̠te-'tha̠ yo vyaaha̠ sa [vyaaha̠ sah, hee̍yate̠ tasmaa̎-ddasha̠me] 1
hee̍yate̠ tasmaa̎-ddasha̠me 'ha̍nnavivaa̠kya upa̍hataaya̠ na vyuchya̠matho̠ khalvaa̍hurya̠jnasya̠ vai samri̍ddhena de̠vaa-ssu̍va̠rgam lo̠kamaa̍yan ya̠jnasya̠ vyri̍ddhe̠naasu̍raa̠-nparaa̍-'bhaavaya̠nniti̠ ya-tkhalu̠ vai ya̠jnasya̠ samri̍ddha̠-nta-dyaja̍maanasya̠ yadvyri̍ddha̠-ntadbhraatri̍vyasya̠ sa yo vai da̍sha̠me-'ha̍nnavivaa̠kya u̍paha̠nyate̠ sa e̠vaati̍ rechayati̠ te ye baahyaa̍ drishee̠kava̠- [ye baahyaa̍ drishee̠kava̍h, syuste vi] 2
-ssyuste vi broo̍yu̠ryadi̠ tatra̠ na vi̠ndeyu̍-rantassada̠saa-dvyuchya̠m yadi̠ tatra̠ na vi̠ndeyu̍-rgri̠hapa̍tinaa̠ vyuchya̠-ntadvyuchya̍-me̠vaatha̠ vaa e̠ta-thsa̍rparaa̠jniyaa̍ ri̠gbhi-sstu̍vanta̠yam vai sarpa̍to̠ raajnee̠ yadvaa a̠syaa-nki-nchaarcha̍nti̠ yadaa̍nri̠chu-stene̠yagm sa̍rparaa̠jnee te yade̠va ki-ncha̍ vaa̠chaa ''nri̠churya-da̠to-'ddhya̍rchi̠taara̠- [-da̠to-'ddhya̍rchi̠taara̍h, tadu̠bhaya̍-maa̠ptvaa] 3
-stadu̠bhaya̍-maa̠ptvaa 'va̠ruddhyo-tti̍shthaa̠meti̠ taabhi̠rmana̍saa stuvate̠ na vaa i̠maama̍shvara̠tho naa-'shva̍tareera̠tha-ssa̠dyah paryaa̎ptumarhati̠ mano̠ vaa i̠maagm sa̠dyah paryaa̎ptumarhati̠ mana̠h pari̍bhavitu̠matha̠ brahma̍ vadanti̠ pari̍mitaa̠ vaa richa̠h pari̍mitaani̠ saamaa̍ni̠ pari̍mitaani̠ yajoo̠g̠shyathai̠tasyai̠vaanto̠ naasti̠ ya-dbrahma̠ ta-tpra̍tigrina̠ta aa cha̍ksheeta̠ sa pra̍tiga̠rah ॥ 4 ॥ (vyaaha̠ sa - dri̍shee̠kavo̎ - 'rchi̠taara̠h - sa - eka̍-ncha) (a. 1)
bra̠hma̠vaa̠dino̍ vadanti̠ ki-ndvaa̍dashaa̠hasya̍ pratha̠menaa-'hna̠rtvijaa̠m yaja̍maano vrinkta̠ iti̠ teja̍ indri̠ya-miti̠ ki-ndvi̠teeye̠neti̍ praa̠naa-na̠nnaadya̠-miti̠ ki-ntri̠teeye̠neti̠ treeni̠maan mlo̠kaa-niti̠ ki-ncha̍tu̠rtheneti̠ chatu̍shpadah pa̠shoo-niti̠ ki-mpa̍ncha̠meneti̠ panchaa̎ksharaa-mpa̠nkti-miti̠ kigm sha̠shtheneti̠ sha-dri̠tooniti̠ kigm sa̍pta̠meneti̍ sa̠ptapa̍daa̠gm̠ shakva̍ree̠miti̠ [shakva̍ree̠miti̍, ki-ma̍shta̠menetya̠shtaaksha̍raa-] 5
ki-ma̍shta̠menetya̠shtaaksha̍raa-ngaaya̠tree-miti̠ ki-nna̍va̠meneti̍ tri̠vrita̠gg̠ stoma̠-miti̠ ki-nda̍sha̠meneti̠ dashaa̎ksharaam vi̠raaja̠miti̠ kime̍kaada̠shenetyekaa̍dashaaksharaa-ntri̠shtubha̠-miti̠ ki-ndvaa̍da̠sheneti̠ dvaada̍shaaksharaa̠-njaga̍tee̠-mitye̠taava̠dvaa a̍sti̠ yaava̍-de̠ta-dyaava̍-de̠vaa-'sti̠ ta-de̍shaam vrinkte ॥ 6 ॥ (shakva̍ree̠mitye - ka̍chatvaarigmshachcha) (a. 2)
e̠sha vaa aa̠pto dvaa̍dashaa̠ho ya-ttra̍yodasharaa̠tra-ssa̍maa̠nagg hye̍tadaha̠rya-tpraa̍ya̠neeya̍shchodaya̠neeya̍shcha̠ trya̍tiraatro bhavati̠ traya̍ i̠me lo̠kaa e̠shaam lo̠kaanaa̠maaptyai̎ praa̠no vai pra̍tha̠mo̍-'tiraa̠tro vyaa̠no dvi̠teeyo̍ 'paa̠nastri̠teeya̍h praanaapaano-daa̠neshve̠vaa-'nnaadye̠ prati̍ tishthanti̠ sarva̠-maayu̍-ryanti̠ ya e̠vam mvi̠dvaagmsa̍-strayodasharaa̠tra-maasa̍te̠ tadaa̍hu̠-rvaagvaa e̠shaa vita̍taa̠ [vita̍taa, ya-ddvaa̍dashaa̠hastaam-] 7
ya-ddvaa̍dashaa̠hastaam vichchhi̍ndyu̠-ryanmaddhye̍ 'tiraa̠tra-nku̠ryu-ru̍pa̠daasu̍kaa gri̠hapa̍te̠-rvaa-khsyaa̍-du̠pari̍shtaa-chchhando̠maanaa̎-mmahaavra̠ta-nku̍rvanti̠ santa̍taa-me̠va vaacha̠-mava̍ rundha̠te-'nu̍padaasukaa gri̠hapa̍te̠-rvaag-bha̍vati pa̠shavo̠ vai chha̍ndo̠maa anna̍-mmahaavra̠tam yadu̠pari̍shtaa-chchhando̠maanaa̎-mmahaavra̠ta-nku̠rvanti̍ pa̠shushu̍ chai̠vaannaadye̍ cha̠ prati̍ tishthanti ॥ 8 ॥ (vita̍taa̠ - tricha̍tvaarigmshachcha) (a. 3)
aa̠di̠tyaa a̍kaamayanto̠-bhayo̎rlo̠kayor̍ riddhnuyaa̠meti̠ ta e̠ta-ncha̍turdasharaa̠tra- ma̍pashya̠-ntamaa-'ha̍ra̠-ntenaa̍yajanta̠ tato̠ vai ta u̠bhayo̎-rlo̠kayo̍-raardhnuvanna̠smiggshchaa̠-mushmigg̍shcha̠ ya e̠vam vi̠dvaagmsa̍-shchaturdasharaa̠tramaasa̍ta u̠bhayo̍re̠va lo̠kayor̍. riddhnuvantya̠smiggshchaa̠-mushmigg̍shcha chaturdasharaa̠tro bha̍vati sa̠pta graa̠myaa osha̍dhaya-ssa̠ptaa-''ra̠nyaa u̠bhayee̍shaa̠mava̍ruddhyai̠ ya-tpa̍raa̠cheenaa̍ni pri̠shthaani̠ [pri̠shthaani̍, bhava̍ntya̠mu-] 9
bhava̍ntya̠mu-me̠va tai-rlo̠ka-ma̠bhi ja̍yanti̠ ya-tpra̍tee̠cheenaa̍ni pri̠shthaani̠ bhava̍ntee̠ma-me̠va tai-rlo̠ka-ma̠bhi ja̍yanti trayastri̠gm̠shau ma̍ddhya̠ta-sstomau̍ bhavata̠-ssaamraa̎jyame̠va ga̍chchhantyadhiraa̠jau bha̍vato-'dhiraa̠jaa e̠va sa̍maa̠naanaa̎-mbhavantyatiraa̠traa-va̠bhito̍ bhavata̠h pari̍griheetyai ॥ 10 ॥ (pri̠shthaani̠ - chatu̍strigmshachcha) (a. 4)
pra̠jaapa̍ti-ssuva̠rgam lo̠kamai̠-tta-nde̠vaa anvaa̍ya̠-ntaanaa̍di̠tyaashcha̍ pa̠shava̠shchaa-'nvaa̍ya̠-nte de̠vaa a̍bruva̠n̠. yaa-npa̠shoo-nu̠paajee̍vishma̠ ta i̠me̎ 'nvaagma̠-nniti̠ tebhya̍ e̠ta-ncha̍turdasharaa̠tra-mpratyau̍ha̠-nta aa̍di̠tyaah pri̠shthai-ssu̍va̠rgam lo̠kamaa-'ro̍ha-ntrya̠haabhyaa̍-ma̠smin mlo̠ke pa̠shoo-npratyau̍ha-npri̠shthai-raa̍di̠tyaa a̠mushmi̍n mlo̠ka aardhnu̍va-ntrya̠haabhyaa̍-ma̠smi- [aardhnu̍va-ntrya̠haabhyaa̍-ma̠sminn, lo̠ke pa̠shavo̠] 11
mllo̠ke pa̠shavo̠ ya e̠vam vi̠dvaagmsa̍-shchaturdasharaa̠tramaasa̍ta u̠bhayo̍re̠va lo̠kayor̍ riddhnuvantya̠smiggshchaa̠-mushmigg̍shcha pri̠shthai-re̠vaa-'mushmi̍n mlo̠ka ri̍ddhnu̠vanti̍ trya̠haabhyaa̍-ma̠smin mlo̠ke jyoti̠-rgauraayu̠-riti̍ trya̠ho bha̍vatee̠yam vaava jyoti̍-ra̠ntari̍ksha̠-ngau-ra̠saa-vaayu̍-ri̠maa-ne̠va lo̠kaa-na̠bhyaaro̍hanti̠ ya-da̠nyata̍h pri̠shthaani̠ syurvivi̍vadhagg syaa̠nmaddhye̍ pri̠shthaani̍ bhavanti savivadha̠tvaayau- [savivadha̠tvaaya̍, ojo̠ vai] 12
-jo̠ vai vee̠rya̍-mpri̠shthaanyoja̍ e̠va vee̠rya̍-mmaddhya̠to da̍dhate briha-drathanta̠raabhyaa̎m yantee̠yam vaava ra̍thanta̠ra-ma̠sau bri̠ha-daa̠bhyaa-me̠va ya̠ntyatho̍ a̠nayo̍-re̠va prati̍ tishthantye̠te vai ya̠jnasyaa̎-'nja̠saaya̍nee sru̠tee taabhyaa̍-me̠va su̍va̠rgam lo̠kam ya̍nti̠ paraa̎mcho̠ vaa e̠te su̍va̠rgam lo̠ka-ma̠bhyaaro̍hanti̠ ye pa̍raa̠cheenaa̍ni pri̠shthaanyu̍pa̠yanti̍ pra̠tya-ntrya̠ho bha̍vati pra̠tyava̍roodhyaa̠ atho̠ prati̍shthityaa u̠bhayo̎-rlo̠kayor̍ ri̠ddhvo-tti̍shthanti̠ chatu̍rdashai̠taa-staasaa̠m yaa dasha̠ dashaa̎ksharaa vi̠raadanna̍m vi̠raa-dvi̠raajai̠vaa-'nnaadya̠-mava̍ rundhate̠ yaashchata̍sra̠-shchata̍sro̠ disho̍ di̠kshve̍va prati̍ tishthantyatiraa̠traa-va̠bhito̍ bhavata̠h pari̍griheetyai ॥ 13 ॥ (aardhnu̍va-ntrya̠haabhyaa̍ma̠sminth - sa̍vivadha̠tvaaya̠ - prati̍shthatyaa̠ - eka̍trigmshachcha) (a. 5)
indro̠ vai sa̠dri-nde̠vataa̍bhiraasee̠-thsa na vyaa̠vrita̍magachchha̠-thsa pra̠jaapa̍ti̠mupaa̍dhaava̠-ttasmaa̍ e̠ta-mpa̍nchadasharaa̠tra-mpraaya̍chchha̠-ttamaa-'ha̍ra̠-ttenaa̍yajata̠ tato̠ vai so̎-'nyaabhi̍-rde̠vataa̍bhi-rvyaa̠vrita̍-magachchha̠dya e̠vam vi̠dvaagmsa̍h panchadasharaa̠tra-maasa̍te vyaa̠vrita̍-me̠va paa̠pmanaa̠ bhraatri̍vyena gachchhanti̠ jyoti̠-rgauraayu̠-riti̍ trya̠ho bha̍vatee̠yam vaava jyoti̍-ra̠ntari̍ksha̠- [jyoti̍-ra̠ntari̍ksham, ] 14
-ngau-ra̠saa-vaayu̍-re̠shve̍va lo̠keshu̠ prati̍ tishtha̠ntyasa̍tra̠m vaa e̠tadya-da̍chhando̠mam yachchha̍ndo̠maa bhava̍nti̠ tena̍ sa̠tra-nde̠vataa̍ e̠va pri̠shthairava̍ rundhate pa̠shoo-nchha̍ndo̠mai-rojo̠ vaavai vee̠rya̍-mpri̠shthaani̍ pa̠shava̍-shchhando̠maa oja̍sye̠va vee̠rye̍ pa̠shushu̠ prati̍ tishthanti panchadasharaa̠tro bha̍vati panchada̠sho vajro̠ vajra̍me̠va bhraatri̍vyebhya̠h pra ha̍rantyatiraa̠traa-va̠bhito̍ bhavata indri̠yasya̠ pari̍griheetyai ॥ 15 ॥ (a̠ntari̍ksha-mindri̠yasyai-ka̍ncha) (a. 6)
indro̠ vai shi̍thi̠la i̠vaa-'pra̍tishthita aasee̠-thso-'su̍rebhyo-'bibhe̠-thsa pra̠jaapa̍ti̠mupaa̍-'dhaava̠-ttasmaa̍ e̠ta-mpa̍nchadasharaa̠tram vajra̠-mpraaya̍chchha̠-ttenaasu̍raa-nparaa̠bhaavya̍ vi̠jitya̠ shriya̍magachchhadagni̠shtutaa̍ paa̠pmaana̠-nnira̍dahata panchadasharaa̠trenaujo̠ bala̍mindri̠yam vee̠rya̍maa̠tmanna̍dhatta̠ ya e̠vam vi̠dvaagmsa̍h panchadasharaa̠tramaasa̍te̠ bhraatri̍vyaane̠va pa̍raa̠bhaavya̍ vi̠jitya̠ shriya̍-ngachchhantyagni̠shtutaa̍ paa̠pmaana̠-nni- [paa̠pmaana̠-nnih, da̠ha̠nte̠ pa̠ncha̠da̠sha̠raa̠trenaujo̠] 16
-rda̍hante panchadasharaa̠trenaujo̠ bala̍-mindri̠yam vee̠rya̍-maa̠tma-nda̍dhata e̠taa e̠va pa̍sha̠vyaa̎h pancha̍dasha̠ vaa a̍rdhamaa̠sasya̠ raatra̍yo-'rdhamaasa̠sha-ssa̍mvathsa̠ra aa̎pyate samvathsa̠ra-mpa̠shavo-'nu̠ pra jaa̍yante̠ tasmaa̎-tpasha̠vyaa̍ e̠taa e̠va su̍va̠rgyaa̎h pancha̍dasha̠ vaa a̍rdhamaa̠sasya̠ raatra̍yo-'rdhamaasa̠sha-ssa̍mvathsa̠ra aa̎pyate samvathsa̠ra-ssu̍va̠rgo lo̠kastasmaa̎-thsuva̠rgyaa̎ jyoti̠-rgauraayu̠-riti̍ trya̠ho bha̍vatee̠yam vaava jyoti̍-ra̠ntari̍ksha̠- [-ra̠ntari̍ksham, gau-ra̠saavaayu̍-] 17
-ngau-ra̠saavaayu̍-ri̠maa-ne̠va lo̠kaa-na̠bhyaaro̍hanti̠ yada̠nyata̍h pri̠shthaani̠ syurvivi̍vadhagg syaa̠nmaddhye̍ pri̠shthaani̍ bhavanti savivadha̠tvaayaujo̠ vai vee̠rya̍-mpri̠shthaanyoja̍ e̠va vee̠rya̍-mmaddhya̠to da̍dhate briha-drathanta̠raabhyaa̎m yantee̠yam vaava ra̍thanta̠rama̠sau bri̠hadaa̠bhyaame̠va ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va su̍va̠rgam lo̠kam- [su̍va̠rgam lo̠kam, ya̠nti̠ paraa̎mcho̠ vaa e̠te] 18
-mya̍nti̠ paraa̎mcho̠ vaa e̠te su̍va̠rgam lo̠kama̠bhyaaro̍hanti̠ ye pa̍raa̠cheenaa̍ni pri̠shthaanyu̍pa̠yanti̍ pra̠tya-ntrya̠ho bha̍vati pra̠tyava̍roodhyaa̠ atho̠ prati̍shthityaa u̠bhayo̎rlo̠kayor̍ ri̠ddhvo-tti̍shthanti̠ pancha̍dashai̠taastaasaa̠m yaa dasha̠ dashaa̎ksharaa vi̠raadanna̍m vi̠raa-dvi̠raajai̠vaannaadya̠mava̍ rundhate̠ yaah pancha̠ pancha̠ disho̍ di̠kshve̍va prati̍ tishthantyatiraa̠traava̠bhito̍ bhavata indri̠yasya̍ vee̠rya̍sya pra̠jaayai̍ pashoo̠naa-mpari̍griheetyai ॥ 19 ॥ (ga̠chchha̠ntya̠gni̠shtutaa̍ paa̠pmaana̠-nni-ra̠ntari̍ksham - mlo̠kam - pra̠jaayai̠ - dve cha̍) (a. 7)
pra̠jaapa̍ti-rakaamayataannaa̠da-ssyaa̠miti̠ sa e̠tagm sa̍ptadasharaa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai so̎-'nnaa̠do̍-'bhava̠dya e̠vam vi̠dvaagmsa̍-ssaptadasha-raa̠tramaasa̍te 'nnaa̠daa e̠va bha̍vanti panchaa̠ho bha̍vati̠ pancha̠ vaa ri̠tava̍-ssamvathsa̠ra ri̠tushve̠va sa̍mvathsa̠re prati̍ tishtha̠ntyatho̠ panchaa̎ksharaa pa̠nktih paankto̍ ya̠jno ya̠jname̠vaa-'va̍ rundha̠te 'sa̍tra̠m vaa e̠ta- [e̠tat, yada̍chhando̠mam yachchha̍ndo̠maa] 20
-dyada̍chhando̠mam yachchha̍ndo̠maa bhava̍nti̠ tena̍ sa̠tra-nde̠vataa̍ e̠va pri̠shthairava̍ rundhate pa̠shoonchha̍ndo̠mairojo̠ vai vee̠rya̍-mpri̠shthaani̍ pa̠shava̍-shchhando̠maa oja̍sye̠va vee̠rye̍ pa̠shushu̠ prati̍ tishthanti saptadasharaa̠tro bha̍vati saptada̠shah pra̠jaapa̍tih pra̠jaapa̍te̠raaptyaa̍ atiraa̠traava̠bhito̍ bhavato̠-'nnaadya̍sya̠ pari̍griheetyai ॥ 21 ॥ (e̠tath - sa̠ptatrigm̍shachcha) (a. 8)
saa vi̠raa-dvi̠kramyaa̍tishtha̠-dbrahma̍naa de̠veshvanne̠naa-su̍reshu̠ te de̠vaa a̍kaamayanto̠bhaya̠gm̠ sam vri̍njeemahi̠ brahma̠ chaanna̠-ncheti̠ ta e̠taa vigm̍sha̠tigm raatree̍rapashya̠-ntato̠ vai ta u̠bhaya̠gm̠ sama̍vrinjata̠ brahma̠ chaanna̍-ncha brahmavarcha̠sino̎-'nnaa̠daa a̍bhava̠n̠. ya e̠vam vi̠dvaagmsa̍ e̠taa aasa̍ta u̠bhaya̍me̠va sam vri̍njate̠ brahma̠ chaa-'nna̍-ncha [brahma̠ chaa-'nna̍-ncha, bra̠hma̠va̠rcha̠sino̎-'nnaa̠daa] 22
brahmavarcha̠sino̎-'nnaa̠daa bha̍vanti̠ dve vaa e̠te vi̠raajau̠ tayo̍re̠va naanaa̠ prati̍ tishthanti vi̠gm̠sho vai puru̍sho̠ dasha̠ hastyaa̍ a̠ngula̍yo̠ dasha̠ padyaa̠ yaavaa̍ne̠va puru̍sha̠sta-maa̠ptvo-tti̍shthanti̠ jyoti̠-rgau-raayu̠-riti̍ trya̠haa bha̍vantee̠yam vaava jyoti̍-ra̠ntari̍ksha̠-ngau-ra̠saa-vaayu̍-ri̠maane̠va lo̠kaa-na̠bhyaaro̍hantyabhipoo̠rva-ntrya̠haa bha̍vantyabhipoo̠rva-me̠va su̍va̠rga- [su̍va̠rgam, lo̠ka-ma̠bhyaaro̍hanti̠] 23
-mllo̠ka-ma̠bhyaaro̍hanti̠ yada̠nyata̍h pri̠shthaani̠ syurvivi̍vadhagg syaa̠nmaddhye̍ pri̠shthaani̍ bhavanti savivadha̠tvaayaujo̠ vai vee̠rya̍-mpri̠shthaanyoja̍ e̠va vee̠rya̍-mmaddhya̠to da̍dhate briha-drathanta̠raabhyaa̎m yantee̠yam vaava ra̍thanta̠rama̠sau bri̠hadaa̠bhyaame̠va ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va su̍va̠rgam lo̠kam ya̍nti̠ paraa̎mcho̠ vaa e̠te su̍va̠rgam mlo̠kama̠bhyaaro̍hanti̠ ye pa̍raa̠cheenaa̍ni pri̠shthaanyu̍pa̠yanti̍ pra̠tya-ntrya̠ho bha̍vati pra̠tyava̍roodhyaa̠ atho̠ prati̍shthityaa u̠bhayo̎rlo̠kayor̍. ri̠ddhvo-tti̍shthantyatiraa̠traava̠bhito̍ bhavato brahmavarcha̠sa-syaa̠nnaadya̍sya̠ pari̍griheetyai ॥ 24 ॥ (vri̠nja̠te̠ brahma̠ chaa-nna̍-ncha - suva̠rga - me̠te su̍va̠rgam - trayo̍vigmshatishcha) (a. 9)
a̠saavaa̍di̠tyo̎-'smin mlo̠ka aa̍see̠-tta-nde̠vaah pri̠shthaih pa̍ri̠grihya̍ suva̠rgam lo̠kama̍gamaya̠-nparai̍ra̠vastaa̠-tparya̍grihna-ndivaakee̠rtye̍na suva̠rge lo̠ke pratya̍sthaapaya̠-nparai̎h pa̠rastaa̠-tparya̍grihna-npri̠shthairu̠paavaa̍roha̠nthsa vaa a̠saavaa̍di̠tyo̍-'mushmi̍n mlo̠ke parai̍rubha̠yata̠h pari̍griheeto̠ ya-tpri̠shthaani̠ bhava̍nti suva̠rgame̠va tairlo̠kam yaja̍maanaa yanti̠ parai̍ra̠vastaa̠-tpari̍ grihnanti divaakee̠rtye̍na [divaakee̠rtye̍na, su̠va̠rge lo̠ke prati̍] 25
suva̠rge lo̠ke prati̍ tishthanti̠ parai̎h pa̠rastaa̠-tpari̍ grihnanti pri̠shthairu̠paava̍rohanti̠ ya-tpare̍ pa̠rastaa̠nna syuh paraa̎mcha-ssuva̠rgaa-llo̠kaannishpa̍dyera̠n̠. yada̠vastaa̠nna syuh pra̠jaa nirda̍heyura̠bhito̍ divaakee̠rtya̍-mpara̍ssaamaano bhavanti suva̠rga e̠vainaa̎-~mllo̠ka u̍bha̠yata̠h pari̍ grihnanti̠ yaja̍maanaa̠ vai di̍vaakee̠rtyagm̍ samvathsa̠rah para̍ssaamaano̠-'bhito̍ divaakee̠rtya̍-mpara̍ssaamaano bhavanti samvathsa̠ra e̠vobha̠yata̠h [e̠vobha̠yata̍h, prati̍ tishthanti] 26
prati̍ tishthanti pri̠shtham vai di̍vaakee̠rtya̍-mpaa̠rshve para̍ssaamaano̠ 'bhito̍ divaakee̠rtya̍-mpara̍ssaamaano bhavanti̠ tasmaa̍da̠bhita̍h pri̠shtha-mpaa̠rshve bhooyi̍shthaa̠ grahaa̍ grihyante̠ bhooyi̍shthagm shasyate ya̠jnasyai̠va tanma̍ddhya̠to gra̠nthi-ngra̍thna̠ntyavi̍sragmsaaya sa̠pta gri̍hyante sa̠pta vai shee̍rsha̠nyaa̎h praa̠naah praa̠naane̠va yaja̍maaneshu dadhati̠ ya-tpa̍raa̠cheenaa̍ni pri̠shthaani̠ bhava̍ntya̠mume̠va tai-rlo̠kama̠bhyaaro̍hanti̠ yadi̠mam lo̠ka-nna [yadi̠mam lo̠ka-nna, pra̠tya̠va̠-rohe̍yu̠-rudvaa̠] 27
pra̍tyava̠-rohe̍yu̠-rudvaa̠ maadye̍yu̠ryaja̍maanaa̠h pra vaa̍ meeyera̠n̠. ya-tpra̍tee̠cheenaa̍ni pri̠shthaani̠ bhava̍ntee̠ma-me̠va tairlo̠ka-mpra̠tyava̍roha̠ntyatho̍ a̠sminne̠va lo̠ke prati̍ tishtha̠ntyanu̍nmaadaa̠yendro̠ vaa apra̍tishthita aasee̠-thsa pra̠jaapa̍ti̠-mupaa̍dhaava̠-ttasmaa̍ e̠ta-me̍kavigmshatiraa̠tra-mpraaya̍chchha̠-ttamaa-'ha̍ra̠-ttenaa̍yajata̠ tato̠ vai sa pratya̍tishtha̠dye ba̍huyaa̠jino 'pra̍tishthitaa̠- [ 'pra̍tishthitaah, syusta e̍kavigmshati-] 28
-ssyusta e̍kavigmshati-raa̠tra-maa̍seera̠-ndvaada̍sha̠ maasaa̠h pancha̠rtava̠-straya̍ i̠me lo̠kaa a̠saavaa̍di̠tya e̍kavi̠gm̠sha e̠taava̍nto̠ vai de̍valo̠kaasteshve̠va ya̍thaa poo̠rva-mprati̍ tishthantya̠saavaa̍di̠tyo na vya̍rochata̠ sa pra̠jaapa̍ti̠-mupaa̍dhaava̠-ttasmaa̍ e̠tame̍kavigmshatiraa̠tra-mpraaya̍chchha̠-ttamaa-'ha̍ra̠-ttenaa̍yajata̠ tato̠ vai so̍ 'rochata̠ ya e̠vam vi̠dvaagmsa̍ ekavigmshatiraa̠tra-maasa̍te̠ rocha̍nta e̠vaika̍vigmshatiraa̠tro bha̍vati̠ rugvaa e̍kavi̠gm̠sho rucha̍me̠va ga̍chchha̠ntyatho̎ prati̠shthaame̠va pra̍ti̠shthaa hye̍kavi̠gm̠sho̍ 'tiraa̠traava̠bhito̍ bhavato brahmavarcha̠sasya̠ pari̍griheetyai ॥ 29 ॥ (gri̠hna̠nti̠ di̠vaa̠kee̠rtye̍nai̠ - vobha̠yato̠ - naa - pra̍tishthitaa̠ - aasa̍ta̠ - eka̍vigmshatishcha) (a. 10)
a̠rvaam ya̠jna-ssa-nkraa̍matva̠mushmaa̠-dadhi̠ maama̠bhi । rishee̍naa̠m yah pu̠rohi̍tah ॥ nirde̍va̠-nnirvee̍ra-nkri̠tvaa vishka̍ndha̠-ntasmi̍n heeyataa̠m yo̎-'smaa-ndveshti̍ । sharee̍ram yajnashama̠la-nkusee̍da̠-ntasmin̎thseedatu̠ yo̎-'smaa-ndveshti̍ ॥ yajna̍ ya̠jnasya̠ ya-tteja̠stena̠ sankraa̍ma̠ maama̠bhi । braa̠hma̠naa-nri̠tvijo̍ de̠vaan ya̠jnasya̠ tapa̍saa te savaa̠hamaa hu̍ve ॥ i̠shtena̍ pa̠kvamupa̍ [pa̠kvamupa̍, te̠ hu̠ve̠ sa̠vaa̠-'ham ।] 30
te huve savaa̠-'ham । sa-nte̍ vrinje sukri̠tagm sa-mpra̠jaa-mpa̠shoon ॥ prai̠shaan-thsaa̍midhe̠nee-raa̍ghaa̠raa-vaajya̍bhaagaa̠vaa-shru̍ta-mpra̠tyaashru̍ta̠maa shri̍naami te । pra̠yaa̠jaa̠noo̠yaa̠jaan-thsvi̍shta̠krita̠-midaa̍-maa̠shisha̠ aa vri̍nje̠ suva̍h ॥ a̠gninendre̍na̠ some̍na̠ sara̍svatyaa̠ vishnu̍naa de̠vataa̍bhih । yaa̠jyaa̠nu̠vaa̠kyaa̎bhyaa̠-mupa̍ te huve savaa̠ham ya̠jnamaa da̍de te̠ vasha̍tkritam ॥ stu̠tagm sha̠stra-mpra̍tiga̠ra-ngraha̠-midaa̍-maa̠shisha̠ [maa̠shisha̍h, aa vri̍nje̠ suva̍h ।] 31
aa vri̍nje̠ suva̍h । pa̠tnee̠sa̠myaa̠jaa-nupa̍ te huve savaa̠hagm sa̍mishtaya̠ju-raa da̍de̠ tava̍ ॥ pa̠shoon-thsu̠ta-mpu̍ro̠daashaa̠n-thsava̍naa̠nyota ya̠jnam । de̠vaan-thsendraa̠nupa̍ te huve savaa̠ha-ma̠gnimu̍khaa̠n-thsoma̍vato̠ ye cha̠ vishve̎ ॥ 32 ॥ (upa̠ - graha̠midaa̍maa̠shisho̠ - dvaatrigm̍shachcha) (a. 11)
bhoo̠ta-mbhavya̍-mbhavi̠shyadvasha̠t-thsvaahaa̠ nama̠ ri-khsaama̠ yaju̠rvasha̠t-thsvaahaa̠ namo̍ gaaya̠tree tri̠shtu-bjaga̍tee̠ vasha̠t-thsvaahaa̠ nama̍h prithi̠vya̍ntari̍ksha̠-ndyau rvasha̠t-thsvaahaa̠ namo̠ 'gnirvaa̠yu-ssooryo̠ vasha̠t-thsvaahaa̠ nama̍h praa̠no-vyaa̠no̍-'paa̠no vasha̠t-thsvaahaa̠ namo 'nna̍-nkri̠shi-rvrishti̠-rvasha̠t-thsvaahaa̠ nama̍h pi̠taapu̠trah pautro̠ vasha̠t-thsvaahaa̠ namo̠ bhoorbhuva̠-ssuva̠ rvasha̠t-thsvaahaa̠ nama̍h ॥ 33 ॥ (bhuva̍ - shcha̠tvaari̍ cha) (a. 12)
aa me̍ gri̠haa bha̍va̠ntvaa pra̠jaa ma̠ aa maa̍ ya̠jno vi̍shatu vee̠ryaa̍vaan । aapo̍ de̠veerya̠jniyaa̠ maa-''vi̍shantu sa̠hasra̍sya maa bhoo̠maa maa pra haa̍seet ॥ aa me̠ graho̍ bhava̠tvaa pu̍ro̠ru-khstu̍tasha̠stre maa '' vi̍shataagm sa̠meechee̎ । aa̠di̠tyaa ru̠draa vasa̍vo me sada̠syaa̎-ssa̠hasra̍sya maa bhoo̠maa maa pra haa̍seet ॥ aa maa̎-'gnishto̠mo vi̍shatoo̠ kthya̍shchaatiraa̠tro maa-'' vi̍shatvaapisharva̠rah । ti̠roa̍hniyaa maa̠ suhu̍taa̠ aa vi̍shantu sa̠hasra̍sya maa bhoo̠maa maa pra haa̍seet ॥ 34 ॥ (a̠gni̠shto̠mo vi̍shatva̠ - shtaada̍sha cha) (a. 13)
a̠gninaa̠ tapo-'nva̍bhava-dvaa̠chaa brahma̍ ma̠ninaa̍ roo̠paaneendre̍na de̠vaan vaate̍na praa̠naan-thsoorye̍na̠ dyaa-ncha̠ndrama̍saa̠ naksha̍traani ya̠mena̍ pi̠tree-nraajnaa̍ manu̠shyaa̎-npha̠lena̍ naade̠yaana̍jaga̠rena̍ sa̠rpaan vyaa̠ghrenaa̍-''ra̠nyaa-npa̠shoonchhye̠nena̍ pata̠trino̠ vrishnaa-'shvaa̍nrisha̠bhena̠ gaa ba̠stenaa̠jaa vri̠shninaa-'vee̎rvree̠hinaa-'nnaa̍ni̠ yave̠nausha̍dheernya̠grodhe̍na̠ vana̠spatee̍nudu̠bamre̠norja̍-ngaayatri̠yaa chhandaagm̍si tri̠vritaa̠ stomaa̎-nbraahma̠nena̠ vacha̎m ॥ 35 ॥ (braa̠hma̠nenai - ka̍-ncha) (a. 14)
svaahaa̠-''dhimaadhee̍taaya̠ svaahaa̠ svaahaa-''dhee̍ta̠-mmana̍se̠ svaahaa̠ svaahaa̠ mana̍h pra̠jaapa̍taye̠ svaahaa̠ kaaya̠ svaahaa̠ kasmai̠ svaahaa̍ kata̠masmai̠ svaahaa 'di̍tyai̠ svaahaa 'di̍tyai ma̠hyai̎ svaahaa-'di̍tyai sumridee̠kaayai̠ svaahaa̠ sara̍svatyai̠ svaahaa̠ sara̍svatyai briha̠tyai̎ svaahaa̠ sara̍svatyai paava̠kaayai̠ svaahaa̍ poo̠shne svaahaa̍ poo̠shne pra̍pa̠thyaa̍ya̠ svaahaa̍ poo̠shne na̠randhi̍shaaya̠ svaahaa̠ tvashtre̠ svaahaa̠ tvashtre̍ tu̠reepaa̍ya̠ svaahaa̠ tvashtre̍ puru̠roopaa̍ya̠ svaahaa̠ vishna̍ve̠ svaahaa̠ vishna̍ve nikhurya̠paaya̠ svaahaa̠ vishna̍ve nibhooya̠paaya̠ svaahaa̠ sarva̍smai̠ svaahaa̎ ॥ 36 ॥ (pu̠ru̠roopaa̍ya̠ svaahaa̠ - dasha̍ cha) (a. 15)
da̠dbhya-ssvaahaa̠ hanoo̎bhyaa̠g̠ svaahoshthaa̎bhyaa̠g̠ svaahaa̠ mukhaa̍ya̠ svaahaa̠ naasi̍kaabhyaa̠g̠ svaahaa̠ 'ksheebhyaa̠g̠ svaahaa̠ karnaa̎bhyaa̠g̠ svaahaa̍ paa̠ra i̠kshavo̍-'vaa̠rye̎bhya̠h pakshma̍bhya̠-ssvaahaa̍ 'vaa̠ra i̠kshava̍h paa̠rye̎bhya̠h pakshma̍bhya̠-ssvaahaa̍ shee̠rshne svaahaa̎ bhroo̠bhyaag svaahaa̍ la̠laataa̍ya̠ svaahaa̍ moo̠rdhne svaahaa̍ ma̠stishkaa̍ya̠ svaahaa̠ keshe̎bhya̠-ssvaahaa̠ vahaa̍ya̠ svaahaa̎ gree̠vaabhya̠-ssvaahaa̎ ska̠ndhebhya̠-ssvaahaa̠ keeka̍saabhya̠-ssvaahaa̍ pri̠shteebhya̠-ssvaahaa̍ paaja̠syaa̍ya̠ svaahaa̍ paa̠rshvaabhyaa̠g̠ svaahaa- [ ] 37
-'gmsaa̎bhyaa̠g̠ svaahaa̍ do̠shabhyaa̠g̠ svaahaa̍ baa̠hubhyaa̠g̠ svaahaa̠ janghaa̎bhyaa̠g̠ svaahaa̠ shronee̎bhyaa̠g̠ svaaho̠rubhyaa̠g̠ svaahaa̎ 'shthee̠vadbhyaa̠g̠ svaahaa̠ janghaa̎bhyaa̠g̠ svaahaa̍ bha̠sade̠ svaahaa̍ shikha̠ndebhya̠-ssvaahaa̍ vaala̠dhaanaa̍ya̠ svaahaa̠ ''ndaabhyaa̠g̠ svaahaa̠ shepaa̍ya̠ svaahaa̠ reta̍se̠ svaahaa̎ pra̠jaabhya̠-ssvaahaa̎ pra̠jana̍naaya̠ svaahaa̍ pa̠dbhya-ssvaahaa̍ sha̠phebhya̠-ssvaahaa̠ loma̍bhya̠-ssvaahaa̎ tva̠che svaahaa̠ lohi̍taaya̠ svaahaa̍ maa̠gm̠saaya̠ svaahaa̠ snaava̍bhya̠-ssvaahaa̠ 'sthabhya̠-ssvaahaa̍ ma̠jjabhya̠-ssvaahaa 'nge̎bhya̠-ssvaahaa̠ ''tmane̠ svaahaa̠ sarva̍smai̠ svaahaa̎ ॥ 38 ॥ (paa̠rshvaabhyaa̠g̠ svaahaa̍ - ma̠jjabhya̠-ssvaahaa̠ - shat cha̍) (a. 16)
a̠njye̠taaya̠ svaahaa̎ 'njisa̠kthaaya̠ svaahaa̍ shiti̠pade̠ svaahaa̠ shiti̍kakude̠ svaahaa̍ shiti̠randhraa̍ya̠ svaahaa̍ shitipri̠shthaaya̠ svaahaa̍ shi̠tyagmsaa̍ya̠ svaahaa̍ pushpa̠karnaa̍ya̠ svaahaa̍ shi̠tyoshthaa̍ya̠ svaahaa̍ shiti̠bhrave̠ svaahaa̠ shiti̍bhasade̠ svaahaa̎ shve̠taanoo̍kaashaaya̠ svaahaa̠ 'njaye̠ svaahaa̍ la̠laamaa̍ya̠ svaahaa 'si̍tajnave̠ svaahaa̍ krishnai̠taaya̠ svaahaa̍ rohitai̠taaya̠ svaahaa̍ 'runai̠taaya̠ svaahe̠drishaa̍ya̠ svaahaa̍ kee̠drishaa̍ya̠ svaahaa̍ taa̠drishaa̍ya̠ svaahaa̍ sa̠drishaa̍ya̠ svaahaa̠ visa̍drishaaya̠ svaahaa̠ susa̍drishaaya̠ svaahaa̍ roo̠paaya̠ svaahaa̠ sarva̍smai̠ svaahaa̎ ॥ 39 ॥ (roo̠paaya̠ svaahaa̠ - dve cha̍ ) (a. 17)
kri̠shnaaya̠ svaahaa̎ shve̠taaya̠ svaahaa̍ pi̠shangaa̍ya̠ svaahaa̍ saa̠rangaa̍ya̠ svaahaa̍ 'ru̠naaya̠ svaahaa̍ gau̠raaya̠ svaahaa̍ ba̠bhrave̠ svaahaa̍ naku̠laaya̠ svaahaa̠ rohi̍taaya̠ svaahaa̠ shonaa̍ya̠ svaahaa̎ shyaa̠vaaya̠ svaahaa̎ shyaa̠maaya̠ svaahaa̍ paaka̠laaya̠ svaahaa̍ suroo̠paaya̠ svaahaa 'nu̍roopaaya̠ svaahaa̠ viroo̍paaya̠ svaahaa̠ saroo̍paaya̠ svaahaa̠ prati̍roopaaya̠ svaahaa̍ sha̠balaa̍ya̠ svaahaa̍ kama̠laaya̠ svaahaa̠ prishna̍ye̠ svaahaa̍ prishnisa̠kthaaya̠ svaahaa̠ sarva̍smai̠ svaahaa̎ ॥ 40 ॥ (kri̠shnaaya̠ - shatcha̍tvaarigmshat) (a. 18)
osha̍dheebhya̠-ssvaahaa̠ moole̎bhya̠-ssvaahaa̠ toole̎bhya̠-ssvaahaa̠ kaande̎bhya̠-ssvaahaa̠ valshe̎bhya̠-ssvaahaa̠ pushpe̎bhya̠-ssvaahaa̠ phale̎bhya̠-ssvaahaa̍ grihee̠tebhya̠-ssvaahaa 'gri̍heetebhya̠-ssvaahaa 'va̍pannebhya̠-ssvaahaa̠ shayaa̍nebhya̠-ssvaahaa̠ sarva̍smai̠ svaahaa̎ ॥ 41 ॥ (osha̍dheebhya̠ - shchatu̍rvigmshatih) (a. 19)
vana̠spati̍bhya̠-ssvaahaa̠ moole̎bhya̠-ssvaahaa̠ toole̎bhya̠-ssvaahaa̠ skandho̎bhya̠-ssvaahaa̠ shaakhaa̎bhya̠-ssvaahaa̍ pa̠rnebhya̠-ssvaahaa̠ pushpe̎bhya̠-ssvaahaa̠ phale̎bhya̠-ssvaahaa̍ grihee̠tebhya̠-ssvaahaa 'gri̍heetebhya̠-ssvaahaa 'va̍pannebhya̠-ssvaahaa̠ shayaa̍nebhya̠-ssvaahaa̍ shi̠shtaaya̠ svaahaa 'ti̍shishtaaya̠ svaahaa̠ pari̍shishtaaya̠ svaahaa̠ sagmshi̍shtaaya̠ svaaho-chchhi̍shtaaya̠ svaahaa̍ ri̠ktaaya̠ svaahaa 'ri̍ktaaya̠ svaahaa̠ prari̍ktaaya̠ svaahaa̠ sagmri̍ktaaya̠ svaaho -dri̍ktaaya̠ svaahaa̠ sarva̍smai̠ svaahaa̎ ॥ 42 ॥ (vana̠spati̍bhya̠h - shat cha̍tvaarigmshat) (a. 20)
(pra̠java̍m - brahmavaa̠dina̠h ki - me̠sha vaa aa̠pta - aa̍di̠tyaa u̠bhayo̎h - pra̠jaapa̍ti̠ranvaa̍ya̠ -nnindro̠ vai sa̠drim - mindro̠ vai shi̍thi̠lah - pra̠jaapa̍tirakaamayataa 'nnaa̠dah - saa vi̠raada̠ - saavaa̍di̠tyo̎ - 'rvaam - bhoo̠ta - maa me̠ - 'gninaa̠ -svaahaa̠-''dhin - da̠dbhyo̎-' - njye̠taaya̍ - kri̠shnaa - yausha̍dheebhyo̠ - vana̠spati̍bhyo - vigmsha̠tih)
(pra̠java̍m - pra̠jaapa̍ti̠ - ryada̍chhando̠mam - te̍ huve savaa̠-'ha - mosha̍dheebhyo̠ - dvicha̍tvaarigmshat)
(pra̠java̠gm̠, sarva̍smai̠ svaahaa̎)
॥ hari̍h om ॥
॥ krishna yajurvedeeya taittireeya samhitaayaam saptamakaande triteeyah prashna-ssamaaptah ॥
About KYTS 7.3 Prajavam Vaa Etena Yanti - Krishna Yajurveda Taittiriya Samhita Patha
This is prashna 3 of kanda 7 of the Krishna Yajurveda Taittiriya Samhita, in plain continuous recitation (samhita patha). Its heading calls it "satra jata nirupanam", an account of the sattras, long soma sessions. It opens "Prajavam va etena yanti yad dashamam ahah", on the tenth day of the twelve-day session, the avivakya day, when no mistake may be pointed out, and explains how a slip on that day is made good.
Source: Krishna Yajurveda, Taittiriya Samhita 7.3
When to chant: In daily Vedic recitation, in Veda patashalas and in Yajur Veda study.
Did you know?
- In a sattra all the participants are themselves sacrificers, sharing the rite and its fruit.
- Samhita patha is the continuous form of the text, the base from which the pada, krama, jata and ghana recitations are built.
Frequently asked questions
What is the avivakya day?
The tenth day of the twelve-day session, when no mistake may be pointed out.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 7, prashna 3.
Offered for worship and study, not as prediction. Non-commercial.
More devotional texts