KYTS 7.5 Gaavo Vaa Etathsatramaasata - Krishna Yajurveda Taittiriya Samhita Patha
Kanda 7 - Krishna Yajurveda Taittiriya Samhita · Traditional devotional text
krishna yajurvedeeya taittireeya samhitaayaam saptamakaande panchamah prashnah - satravisheshaabhidhaanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
gaavo̠ vaa e̠ta-thsa̠tra-maa̍sataashri̠ngaa-ssa̠tee-shshringaa̍ni no jaayantaa̠ iti̠ kaame̍na̠ taasaa̠-ndasha̠maasaa̠ nisha̍nnaa̠ aasa̠nnatha̠ shringaa̎nyajaayanta̠ taa uda̍tishtha̠nnaraa̠thsmetyatha̠ yaasaa̠-nnaajaa̍yanta̠ taa-ssa̍mvathsa̠ra-maa̠ptvoda̍tishtha̠ -nnaraa̠thsmeti̠ yaasaa̠-nchaajaa̍yanta̠ yaasaa̎-ncha̠ na taa u̠bhayee̠ru-da̍tishtha̠-nnaraa̠thsmeti̍ gosa̠tram vai [gosa̠tram vai, sa̠mva̠thsa̠ro ya] 1
sa̍mvathsa̠ro ya e̠vam vi̠dvaagmsa̍-ssamvathsa̠ra-mu̍pa̠yantyri̍ddhnu̠vantye̠va tasmaa̎-ttoopa̠raa vaarshi̍kau̠ maasau̠ partvaa̍ charati sa̠traabhi̍jita̠gg̠hya̍syai̠ tasmaa̎-thsamvathsara̠sado̠ ya-tki-ncha̍ gri̠he kri̠yate̠ tadaa̠pta-mava̍ruddha-ma̠bhiji̍ta-nkriyate samu̠dram vaa e̠te pra pla̍vante̠ ye sa̍mvathsa̠ramu̍pa̠yanti̠ yo vai sa̍mu̠drasya̍ paa̠ra-nna pashya̍ti̠ na vai sa tata̠ ude̍ti samvathsa̠ro [ude̍ti samvathsa̠rah, vai sa̍mu̠dra-] 2
vai sa̍mu̠dra-stasyai̠ta-tpaa̠ram yada̍tiraa̠trau ya e̠vam vi̠dvaagmsa̍-ssamvathsa̠ra-mu̍pa̠yantyanaa̎rtaa e̠vodricha̍-ngachchhantee̠yam vai poorvo̍-'tiraa̠tro̍ 'saavutta̍ro̠ mana̠h poorvo̠ vaagutta̍rah praa̠nah poorvo̍-'paa̠na utta̍rah pra̠rodha̍na̠-mpoorva̍ u̠daya̍na̠mutta̍ro̠ jyoti̍shtomo vaishvaana̠ro̍ 'tiraa̠tro bha̍vati̠ jyoti̍re̠va pu̠rastaa̎ddadhate suva̠rgasya̍ lo̠kasyaa-nu̍khyaatyai chaturvi̠gm̠shah praa̍ya̠neeyo̍ bhavati̠ chatu̍rvigmshati-rardhamaa̠saa- [chatu̍rvigmshati-rardhamaa̠saah, sa̠mva̠thsa̠rah] 3
-ssa̍mvathsa̠rah pra̠yanta̍ e̠va sa̍mvathsa̠re prati̍ tishthanti̠ tasya̠ treeni̍ cha sha̠taani̍ sha̠shtishcha̍ sto̠treeyaa̠staava̍tee-ssamvathsa̠rasya̠ raatra̍ya u̠bhe e̠va sa̍mvathsa̠rasya̍ roo̠pe aa̎pnuvanti̠ te saggsthi̍tyaa̠ ari̍shtyaa̠ utta̍rai̠raho̍bhishcharanti shada̠haa bha̍vanti̠ sha-dvaa ri̠tava̍-ssamvathsa̠ra ri̠tushve̠va sa̍mvathsa̠re prati̍ tishthanti̠ gaushcha-''yu̍shcha maddhya̠ta-sstomau̍ bhavata-ssamvathsa̠rasyai̠va tanmi̍thu̠na-mma̍ddhya̠to [tanmi̍thu̠na-mma̍ddhya̠tah, da̠dha̠ti̠ pra̠jana̍naaya̠] 4
da̍dhati pra̠jana̍naaya̠ jyoti̍ra̠bhito̍ bhavati vi̠mocha̍name̠va tachchhandaag̍sye̠va ta-dvi̠moka̍m ya̠ntyatho̍ ubha̠yato̎jyotishai̠va sha̍da̠hena̍ suva̠rgam lo̠kam ya̍nti brahmavaa̠dino̍ vada̠ntyaasa̍te̠ kena̍ ya̠nteeti̍ deva̠yaane̍na pa̠theti̍ brooyaa̠chchhandaagm̍si̠ vai de̍va̠yaana̠h panthaa̍ gaaya̠tree tri̠shtub-jaga̍tee̠jyoti̠rvai gaa̍ya̠tree gaustri̠shtugaayu̠rjaga̍tee̠ yade̠te stomaa̠ bhava̍nti deva̠yaane̍nai̠va [ ] 5
ta-tpa̠thaa ya̍nti samaa̠nagm saama̍ bhavati devalo̠ko vai saama̍ devalo̠kaade̠va naya̍ntya̠nyaaa̍nyaa̠ richo̍ bhavanti manushyalo̠ko vaa richo̍ manushyalo̠kaade̠vaanyama̍nya-ndevalo̠kama̍bhyaa̠roha̍nto yantyabhiva̠rto bra̍hmasaa̠ma-mbha̍vati suva̠rgasya̍ lo̠kasyaa̠bhivri̍tyaa abhi̠ji-dbha̍vati suva̠rgasya̍ lo̠kasyaa̠bhiji̍tyai vishva̠ji-dbha̍vati̠ vishva̍sya̠ jityai̍ maa̠simaa̍si pri̠shthaanyupa̍ yanti maa̠simaa̎syatigraa̠hyaa̍ grihyante maa̠simaa̎sye̠va vee̠rya̍-ndadhati maa̠saa-mprati̍shthityaa u̠pari̍shtaanmaa̠saa-mpri̠shthaanyupa̍ yanti̠ tasmaa̍du̠pari̍shtaa̠dosha̍dhaya̠h phala̍-ngrihnanti ॥ 6 ॥ (go̠sa̠tram vaa - e̍ti samvathsa̠ro̎ - 'rdhamaa̠saa - mi̍thu̠na-mma̍ddhya̠to - de̍va̠yaane̍nai̠va - vee̠rya̍m - trayo̍dasha cha) (a. 1)
gaavo̠ vaa e̠ta-thsa̠tramaa̍sataashri̠ngaa-ssa̠tee-shshringaa̍ni̠ sishaa̍santee̠staasaa̠-ndasha̠ maasaa̠ nisha̍nnaa̠ aasa̠nnatha̠ shringaa̎nyajaayanta̠ taa a̍bruva̠nnaraa̠thsmo-tti̍shthaa̠maava̠ ta-nkaama̍maruthsmahi̠ yena̠ kaame̍na̠ nyasha̍daa̠meti̠ taasaa̍mu̠ tvaa a̍bruvanna̠rdhaavaa̠ yaava̍tee̠rvaa-''saa̍mahaa e̠vemaudvaa̍da̠shau maasau̍ samvathsa̠ragm sa̠mpaadyo-tti̍shthaa̠meti̠ taasaa̎- [taasaa̎m, dvaa̠da̠she maa̠si] 7
-ndvaada̠she maa̠si shringaa̍ni̠ praava̍rtanta shra̠ddhayaa̠ vaa-'shra̍ddhayaa vaa̠ taa i̠maa yaastoo̍pa̠raa u̠bhayyo̠ vaava taa aa̎rdhnuva̠n̠. yaashcha̠ shringaa̠nyasa̍nva̠n̠. yaashchorja̍ma̠vaaru̍ndhata̠rdhnoti̍ da̠shasu̍ maa̠soo̎ttishtha̍nnri̠ddhnoti̍ dvaada̠shasu̠ ya e̠vam veda̍ pa̠dena̠ khalu̠ vaa e̠te ya̍nti vi̠ndati̠ khalu̠ vai pa̠dena̠ ya-ntadvaa e̠tadri̠ddhamaya̍na̠-ntasmaa̍ de̠ta-dgo̠sani̍ ॥ 8 ॥ (ti̠shthaa̠meti̠ taasaa̠m - tasmaa̠-d- dve cha̍) (a. 2)
pra̠tha̠me maa̠si pri̠shthaanyupa̍ yanti maddhya̠ma upa̍ yantyutta̠ma upa̍ yanti̠ tadaa̍hu̠ryaam vai trireka̠syaahna̍ upa̠seeda̍nti da̠hram vai saa-'pa̍raabhyaa̠-ndohaa̎bhyaa-ndu̠he-'tha̠ kuta̠-ssaa dho̎kshyate̠ yaa-ndvaada̍sha̠ kritva̍ upa̠seeda̠nteeti̍ samvathsa̠ragm sa̠mpaadyo̎tta̠me maa̠si sa̠kri-tpri̠shthaanyupe̍yu̠sta-dyaja̍maanaa ya̠jna-mpa̠shoonava̍ rundhate samu̠dram vaa [samu̠dram vai, e̠te̍-'navaa̠rama̍paa̠ra-mpra] 9
e̠te̍-'navaa̠rama̍paa̠ra-mpra pla̍vante̠ ye sa̍mvathsa̠ramu̍pa̠yanti̠ ya-dbri̍ha-drathanta̠re a̠nvarje̍yu̠ryathaa̠ maddhye̍ samu̠drasya̍ pla̠vama̠nvarje̍yustaa̠dri-ktadanu̍thsarga-mbriha-drathanta̠raabhyaa̍mi̠tvaa pra̍ti̠shthaa-nga̍chchhanti̠ sarve̎bhyo̠ vai kaame̎bhya-ssa̠ndhirdu̍he̠ ta-dyaja̍maanaa̠-ssarvaa̠n kaamaa̠nava̍ rundhate ॥ 10 ॥ (sa̠mu̠dram vai - chatu̍strigmshachcha) (a. 3)
sa̠maa̠nya̍ richo̍ bhavanti manushyalo̠ko vaa richo̍ manushyalo̠kaade̠va na ya̍ntya̠nyada̍nya̠-thsaama̍ bhavati devalo̠ko vai saama̍ devalo̠kaade̠vaanyama̍nya-mmanushyalo̠ka-mpra̍tyava̠roha̍nto yanti̠ jaga̍tee̠magra̠ upa̍ yanti̠ jaga̍tee̠m vai chhandaagm̍si pra̠tyava̍rohantyaa-graya̠na-ngrahaa̍ bri̠ha-tpri̠shthaani̍ trayastri̠gm̠shaggstomaa̠-stasmaa̠-jjyaayaagm̍sa̠-nkanee̍yaa-npra̠tyava̍rohati vaishvakarma̠no gri̍hyate̠vishvaa̎nye̠va tena̠ karmaa̍ni̠ yaja̍maanaa̠ ava̍ rundhata aadi̠tyo [aadi̠tyah, gri̠hya̠ta̠ i̠yam vaa] 11
gri̍hyata i̠yam vaa adi̍tira̠syaame̠va prati̍ tishthantya̠nyo̎-'nyo grihyete mithuna̠tvaaya̠ prajaa̎tyaa avaanta̠ram vai da̍sharaa̠trena̍ pra̠jaapa̍tih pra̠jaa a̍srijata̠ ya-dda̍sharaa̠tro bhava̍ti pra̠jaa e̠va ta-dyaja̍maanaa-ssrijanta e̠taagm ha̠ vaa u̍da̠nka-shshau̎lbaaya̠na-ssa̠trasyardhi̍muvaacha̠ ya-dda̍sharaa̠troya-dda̍sharaa̠tro bhava̍ti sa̠trasyardhyaa̠ atho̠ yade̠va poorve̠shvaha̍ssu̠ vilo̍ma kri̠yate̠ tasyai̠vai ( )-shaa shaanti̍h ॥ 12 ॥ (aa̠di̠tya - stasyai̠va - dve cha̍) (a. 4)
yadi̠ somau̠ sagmsu̍tau̠ syaataa̎-mmaha̠ti raatri̍yai praataranuvaa̠ka-mu̠paaku̍ryaa̠-tpoorvo̠ vaacha̠-mpoorvo̍ de̠vataa̠h poorva̠-shchhandaagm̍si vrinkte̠ vrisha̍nvatee-mprati̠pada̍-nkuryaa-tpraatassava̠naade̠vaishaa̠mindra̍m vri̠nkte 'tho̠ khalvaa̍hussavanamu̠khe-sa̍vanamukhe kaa̠ryeti̍ savanamu̠khaa-thsa̍vanamukhaa-de̠vaishaa̠mindra̍m vrinkte samve̠shaayo̍pave̠shaaya̍ gaayatri̠yaastri̠shtubho̠ jaga̍tyaa anu̠shtubha̍h pa̠nktyaa a̠bhibhoo̎tyai̠ svaahaa̠ chhandaagm̍si̠ vai sa̍mve̠sha u̍pave̠sha-shchhando̍bhi-re̠vaishaa̠- [u̍pave̠sha-shchhando̍bhi-re̠vaishaa̎m, chhandaagm̍si] 13
-nchhandaagm̍si vrinkte saja̠neeya̠gm̠ shasya̍m viha̠vyagm̍ shasya̍ma̠gastya̍sya kayaashu̠bheeya̠gm̠ shasya̍me̠taava̠dvaa a̍sti̠ yaava̍de̠ta-dyaava̍de̠vaasti̠ tade̍shaam vrinkte̠ yadi̍ praatassava̠ne ka̠lasho̠ deerye̍ta vaishna̠veeshu̍ shipivi̠shtava̍teeshu stuveera̠n̠.yadvai ya̠jnasyaa̍-ti̠richya̍te̠ vishnu̠-ntachchhi̍pivi̠shtama̠bhyati̍ richyate̠ tadvishnu̍-shshipivi̠shto-'ti̍rikta e̠vaati̍rikta-ndadhaa̠tyatho̠ ati̍riktenai̠vaa-ti̍riktamaa̠ptvaa-'va̍ rundhate̠ yadi̍ ma̠ddhyandi̍ne̠ deerye̍ta vashatkaa̠rani̍dhana̠gm̠ saama̍ kuryurvashatkaa̠ro vai ya̠jnasya̍ prati̠shthaa pra̍ti̠shthaame̠vaina̍-dgamayanti̠ yadi̍ triteeyasava̠na e̠tade̠va ॥ 14 ॥ (chhando̍bhire̠vaishaa̠ - mavai - kaa̠nnavigm̍sha̠tishcha̍) (a. 5)
sha̠da̠hai-rmaasaa̎m-thsa̠mpaadyaaha̠ru-thsri̍janti shada̠hairhi maasaa̎m-thsa̠mpashya̍ntya-rdhamaa̠sairmaasaa̎m-thsa̠mpaadyaaha̠ru-thsri̍jantya-rdhamaa̠sairhi maasaa̎m-thsa̠mpashya̍ntyamaavaa̠sya̍yaa̠ maasaa̎m-thsa̠mpaadyaaha̠ru-thsri̍jantyamaavaa̠sya̍yaa̠ hi maasaa̎m-thsa̠mpashya̍nti paurnamaa̠syaa maasaa̎m-thsa̠mpaadyaaha̠ru-thsri̍janti paurnamaa̠syaa hi maasaa̎m-thsa̠mpashya̍nti̠ yo vai poo̠rna aa̍si̠nchati̠ paraa̠ sa si̍nchati̠ yah poo̠rnaadu̠dacha̍ti [ ] 15
praa̠nama̍smi̠nthsa da̍dhaati̠ ya-tpau̎rnamaa̠syaa maasaa̎m-thsa̠mpaadyaaha̍ru-thsri̠janti̍ samvathsa̠raayai̠va ta-tpraa̠na-nda̍dhati̠ tadanu̍ sa̠trina̠h praana̍nti̠ yadaha̠rno-thsri̠jeyu̠ryathaa̠ driti̠rupa̍naddho vi̠pata̍tye̠vagm sa̍mvathsa̠ro vi pa̍te̠daarti̠-maarchchhe̍yu̠rya-tpau̎rnamaa̠syaa maasaa̎m-thsa̠mpaadyaaha̍ru-thsri̠janti̍ samvathsa̠raayai̠va tadu̍daa̠na-nda̍dhati̠ tadanu̍ sa̠trina̠ u- [sa̠trina̠ ut, a̠na̠nti̠ naa-''rti̠-maarchchha̍nti] 16
-da̍nanti̠ naa-''rti̠-maarchchha̍nti poo̠rnamaa̍se̠ vai de̠vaanaagm̍ su̠to ya-tpau̎rnamaa̠syaa maasaa̎m-thsa̠mpaadyaaha̍ru-thsri̠janti̍ de̠vaanaa̍me̠va ta-dya̠jnena̍ ya̠jna-mpra̠tyava̍rohanti̠ vi vaa e̠ta-dya̠jna-nchhi̍ndanti̠ ya-thsha̍da̠hasa̍tanta̠gm̠ santa̠mathaaha̍ru-thsri̠janti̍ praajaapa̠tya-mpa̠shumaa la̍bhante pra̠jaapa̍ti̠-ssarvaa̍ de̠vataa̍ de̠vataa̍bhire̠va ya̠jnagm sa-nta̍nvanti̠ yanti̠ vaa e̠te sava̍naa̠dye-'ha̍- [sava̍naa̠dye-'ha̍h, u̠-thsri̠janti̍] 17
-ru-thsri̠janti̍ tu̠reeya̠-nkhalu̠ vaa e̠ta-thsava̍na̠m ya-thsaa̎naam̠yyam ya-thsaa̎naam̠yya-mbhava̍ti̠ tenai̠va sava̍naa̠nna ya̍nti samupa̠hooya̍ bhakshayantye̠tath- so̍mapeethaa̠ hye̍tarhi̍ yathaayata̠nam vaa e̠teshaagm̍ savana̠bhaajo̍ de̠vataa̍ gachchhanti̠ ye-'ha̍ru-thsri̠jantya̍nusava̠na-mpu̍ro̠daashaa̠-nnirva̍panti yathaayata̠naade̠va sa̍vana̠bhaajo̍ de̠vataa̠ ava̍ rundhate̠ 'shtaaka̍paalaa-npraatassava̠na ekaa̍dashakapaalaa̠-nmaaddhya̍ndine̠ sava̍ne̠ dvaada̍shakapaalaag-striteeyasava̠ne chhandaag̍sye̠vaa-''ptvaa -'va̍ rundhate vaishvade̠va-ncha̠ru-ntri̍teeyasava̠ne nirva̍panti vaishvade̠vam vai tri̍teeyasava̠na-ntenai̠va tri̍teeyasava̠naanna ya̍nti ॥ 18 ॥ (u̠dacha̠ - tyu - dye-'ha̍ - raa̠ptvaa - pancha̍dasha cha) (a. 6)
u̠thsrijyaam(3)nothsrijyaa(3)miti̍ meemaagmsante brahmavaa̠dina̠-stadvaa̍huru̠-thsrijya̍me̠vetya̍-maavaa̠syaa̍yaa-ncha paurnamaa̠syaa-ncho̠-thsrijya̠mityaa̍hure̠te hi ya̠jnam vaha̍ta̠ iti̠ te tvaava nothsrijye̠ ityaa̍hu̠rye a̍vaanta̠ram ya̠jna-mbhe̠jaate̠ iti̠ yaa pra̍tha̠maa vya̍shtakaa̠ tasyaa̍mu̠-thsrijya̠mityaa̍hure̠sha vai maa̠so vi̍sha̠ra iti̠ naa-''di̍shta̠- [naa-''di̍shtam, uthsri̍jeyu̠-] 19
-muthsri̍jeyu̠-ryadaadi̍shta-muthsri̠jeyu̍ryaa̠drishe̠ puna̍h paryaaplaa̠ve maddhye̍ shada̠hasya̍ sa̠mpadye̍ta shada̠hairmaasaa̎m-thsa̠mpaadya̠ ya-thsa̍pta̠ma- maha̠stasmi̠nnu-thsri̍jeyu̠-stada̠gnaye̠ vasu̍mate puro̠daasha̍ma̠shtaaka̍paala̠-nnirva̍peyurai̠ndra-ndadheendraa̍ya ma̠rutva̍te puro̠daasha̠mekaa̍dashakapaalam vaishvade̠va-ndvaada̍shakapaalama̠gnervai vasu̍matah praatassava̠nam yada̠gnaye̠ vasu̍mate puro̠daasha̍ma̠shtaaka̍paala-nni̠rvapa̍nti de̠vataa̍me̠va ta-dbhaa̠ginee̎-nku̠rvanti̠ [-nku̠rvanti̍, sava̍na] 20
sava̍na-mashtaa̠bhirupa̍ yanti̠ yadai̠ndra-ndadhi̠ bhava̠teendra̍me̠va ta-dbhaa̍ga̠dheyaa̠nna chyaa̍vaya̠nteendra̍sya̠ vai ma̠rutva̍to̠ maaddhya̍ndina̠gm̠ sava̍na̠m yadindraa̍ya ma̠rutva̍te puro̠daasha̠mekaa̍dashakapaala-nni̠rvapa̍nti de̠vataa̍me̠va ta-dbhaa̠ginee̎-nku̠rvanti̠ sava̍namekaada̠shabhi̠rupa̍ yanti̠ vishve̍shaa̠m vai de̠vaanaa̍mribhu̠mataa̎-ntriteeyasava̠namya-dvai̎shvade̠va-ndvaada̍shakapaala-nni̠rvapa̍nti de̠vataa̍ e̠va ta-dbhaa̠ginee̎h ku̠rvanti̠ sava̍na-ndvaada̠shabhi̠- [sava̍na-ndvaada̠shabhi̍h, upa̍ yanti] 21
-rupa̍ yanti praajaapa̠tya-mpa̠shumaa la̍bhante ya̠jno vai pra̠jaapa̍ti-rya̠jnasyaa-na̍nusargaayaabhiva̠rta i̠ta-shshanmaa̠so bra̍hmasaa̠ma-mbha̍vati̠ brahma̠ vaa a̍bhiva̠rto brahma̍nai̠va ta-thsu̍va̠rgam lo̠ka-ma̍bhiva̠rtaya̍nto yanti pratikoo̠lami̍va̠ heeta-ssu̍va̠rgo lo̠ka indra̠ kratu̍-nna̠ aa bha̍ra pi̠taa pu̠trebhyo̠ yathaa̎ । shikshaa̍ no a̠smi-npu̍ruhoota̠ yaama̍ni jee̠vaa jyoti̍-rasheema̠heetya̠-muta̍ aaya̠taagm shanmaa̠so bra̍hmasaa̠ma-mbha̍vatya̠yam vai lo̠ko jyoti̍h pra̠jaa jyoti̍ri̠mame̠va tallo̠ka-mpashya̍nto-'bhi̠vada̍nta̠ aa ya̍nti ॥ 22 ॥ (naa-''di̍shtam - ku̠rvanti̍ - dvaada̠shabhi̠ - riti̍- vigmsha̠tishcha̍) (a. 7)
de̠vaanaa̠m vaa anta̍-nja̠gmushaa̍mindri̠yam vee̠rya̍-mapaa̎kraama̠-tta-tkro̠shenaavaa̍rundhata̠ ta-tkro̠shasya̍ krosha̠tvam ya-tkro̠shena̠ chaatvaa̍la̠syaante̎ stu̠vanti̍ ya̠jnasyai̠vaanta̍-nga̠tvendri̠yam vee̠rya̍mava̍ rundhate sa̠trasyardhyaa̍ ''hava̠neeya̠syaante̎ stuvantya̠gni-me̠vopa̍-dra̠shtaara̍-nkri̠tvardhi̠mupa̍ yanti pra̠jaapa̍te̠r̠hrida̍yena havi̠rdhaane̠-'nta-sstu̍vanti pre̠maana̍me̠vaasya̍ gachchhanti shlo̠kena̍ pu̠rastaa̠-thsada̍sa- [pu̠rastaa̠-thsada̍sah, stu̠va̠ntyanu̍shlokena] 23
-sstuva̠ntyanu̍shlokena pa̠shchaa-dya̠jnasyai̠vaanta̍-nga̠tvaa shlo̍ka̠bhaajo̍ bhavanti na̠vabhi̍-raddhva̠ryuru-dgaa̍yati̠ nava̠ vai puru̍she praa̠naah praa̠naane̠va yaja̍maaneshu dadhaati̠ sarvaa̍ ai̠ndriyo̍ bhavanti praa̠neshve̠vendri̠ya-nda̍dha̠-tyapra̍tihritaabhi̠ru-dgaa̍yati̠ tasmaa̠-tpuru̍sha̠-ssarvaa̎nya̠nyaani̍ shee̠rshno-'ngaa̍ni̠ pratya̍chati̠ shira̍ e̠va na pa̍nchada̠shagmra̍thanta̠ra-mbha̍vateendri̠yame̠vaava̍ rundhate saptada̠sha- [saptada̠sham, bri̠ha-da̠nnaadya̠syaa] 24
-mbri̠ha-da̠nnaadya̠syaa-'va̍ruddhyaa̠ atho̠ praiva tena̍ jaayanta ekavi̠gm̠sha-mbha̠dra-ndvi̠padaa̍su̠ prati̍shthityai̠ patna̍ya̠ upa̍ gaayanti mithuna̠tvaaya̠ prajaa̎tyai pra̠jaa̍patih pra̠jaa a̍srijata̠ so̍-'kaamayataa̠-''saama̠hagm raa̠jya-mparee̍yaa̠miti̠ taasaagm̍ raaja̠nenai̠va raa̠jya-mparyai̠-tta-draa̍ja̠nasya̍ raajana̠tvam ya-draa̍ja̠na-mbhava̍ti pra̠jaanaa̍me̠va ta-dyaja̍maanaa raa̠jya-mpari̍ yanti panchavi̠gm̠sha-mbha̍vati pra̠jaapa̍te̠- [pra̠jaapa̍teh, aaptyai̍ pa̠nchabhi̠-stishtha̍nta-sstuvanti] 25
-raaptyai̍ pa̠nchabhi̠-stishtha̍nta-sstuvanti devalo̠kame̠vaabhi ja̍yanti pa̠nchabhi̠raasee̍naa manushyalo̠kame̠vaabhi ja̍yanti̠ dasha̠ sampa̍dyante̠ dashaa̎ksharaa vi̠raadanna̍m vi̠raa-dvi̠raajai̠vaa-nnaadya̠mava̍ rundhate pancha̠dhaa vi̍ni̠shadya̍ stuvanti̠ pancha̠ disho̍ di̠kshve̍va prati̍tishtha̠ntyekai̍ka̠yaa-'stu̍tayaa sa̠maaya̍nti di̠gbhya e̠vaannaadya̠gm̠ sa-mbha̍ranti̠ taabhi̍-rudgaa̠to-dgaa̍yati di̠gbhya e̠vaa-'nnaadyagm̍ [e̠vaa-'nnaadya̎m, sa̠mbhritya̠ teja̍] 26
sa̠mbhritya̠ teja̍ aa̠tma-nda̍dhate̠ tasmaa̠deka̍h praa̠na-ssarvaa̠nyangaa̎nyava̠tyatho̠ yathaa̍ supa̠rna u̍tpati̠shyanchhira̍ utta̠ma-nku̍ru̠ta e̠vame̠va ta-dyaja̍maanaah pra̠jaanaa̍mutta̠maa bha̍vantyaasa̠ndee-mu̍dgaa̠taa ''ro̍hati̠ saamraa̎jyame̠va ga̍chchhanti ple̠nkhagm hotaa̠ naaka̍syai̠va pri̠shthagm ro̍hanti koo̠rchaava̍ddhva̠ryu-rbra̠ddhnasyai̠va vi̠shtapa̍-ngachchhantye̠taava̍nto̠ vai de̍valo̠kaasteshve̠va ya̍thaapoo̠rva-mprati̍ tishtha̠ntyatho̍ aa̠krama̍name̠va ta-thsetu̠m yaja̍maanaah kurvate suva̠rgasya̍ lo̠kasya̠ sama̍shtyai ॥ 27 ॥ (sada̍sah-saptada̠sham-pra̠jaapa̍te-rgaayati di̠gbhya e̠vaannaadya̠m-pratye-kaa̍dasha cha) (a. 8)
a̠rkye̍na̠ vai sa̍hasra̠shah pra̠jaapa̍tih pra̠jaa a̍srijata̠ taabhya̠ ilaa̎de̠nneraa̠m lootaa̠mavaa̍rundha̠ yada̠rkya̍-mbhava̍ti pra̠jaa e̠va ta-dyaja̍maanaa-ssrijanta̠ ilaa̎da-mbhavati pra̠jaabhya̍ e̠va sri̠shtaabhya̠ iraa̠m lootaa̠mava̍ rundhate̠ tasmaa̠dyaagm samaagm̍ sa̠tragm samri̍ddha̠-nkshodhu̍kaa̠staagm samaa̎-mpra̠jaa isha̠gg̠ hyaa̍saa̠moorja̍maa̠dada̍te̠ yaagm samaa̠m vyri̍ddha̠-maksho̍dhukaa̠staagm samaa̎-mpra̠jaa [samaa̎-mpra̠jaah, na hyaa̍saa̠misha̠] 28
na hyaa̍saa̠misha̠-moorja̍-maa̠dada̍ta utkro̠da-nku̍rvate̠ yathaa̍ ba̠ndhaa-nmu̍muchaa̠naa u̍tkro̠da-nku̠rvata̍ e̠vame̠va ta-dyaja̍maanaa devaba̠ndhaa-nmu̍muchaa̠naa u̍tkro̠da-nku̍rvata̠ isha̠moorja̍maa̠tma-ndadhaa̍naa vaa̠na-shsha̠tata̍nturbhavati sha̠taayu̠h puru̍sha-shsha̠tendri̍ya̠ aayu̍shye̠vendri̠ye prati̍ tishthantyaa̠ji-ndhaa̍va̠ntyana̍bhijitasyaa̠-bhiji̍tyai dundu̠bheen-thsa̠maaghna̍nti para̠maa vaa e̠shaa vaagyaa du̍ndu̠bhau pa̍ra̠maame̠va [ ] 29
vaacha̠mava̍ rundhate bhoomidundu̠bhimaa ghna̍nti̠ yaivemaam vaa-kpravi̍shtaa̠ taame̠vaava̍ rundha̠te 'tho̍ i̠maame̠va ja̍yanti̠ sarvaa̠ vaacho̍ vadanti̠ sarvaa̍saam vaa̠chaamava̍ruddhyaa aa̠rdrecharma̠n vyaaya̍chchhete indri̠yasyaa va̍ruddhyaa̠ aa-'nyah krosha̍ti̠ praanya-shshagm̍sati̠ ya aa̠krosha̍ti pu̠naatye̠vainaa̠nthsa yah pra̠shagmsa̍ti poo̠teshve̠vaa-'nnaadya̍-ndadhaa̠tyrishi̍krita-ncha̠ [-ndadhaa̠tyrishi̍krita-ncha̠, vaa e̠te] 30
vaa e̠te de̠vakri̍ta-ncha̠ poorvai̠rmaasai̠rava̍ rundhate̠ ya-dbhoo̍te̠chchhadaa̠gm̠ saamaa̍ni̠ bhava̍ntyu̠bhaya̠syaava̍ruddhyai̠ yanti̠ vaa e̠te mi̍thu̠naadye sa̍mvathsa̠ra-mu̍pa̠yantya̍ntarve̠di mi̍thu̠nau sa-mbha̍vata̠stenai̠va mi̍thu̠naanna ya̍nti ॥ 31 ॥ (vyri̍ddha̠maksho̍dhukaa̠staagm samaa̎-mpra̠jaah - pa̍ra̠maame̠va - cha̍ - tri̠gm̠shachcha̍) (a. 9)
charmava̍ bhindanti paa̠pmaana̍me̠vaishaa̠mava̍ bhindanti̠ maa-'pa̍ raathsee̠rmaa-'ti̍ vyaathsee̠rityaa̍ha sampra̠tye̍vaishaa̎-mpaa̠pmaana̠mava̍ bhindantyudaku̠mbhaana̍dhini̠dhaaya̍ daa̠syo̍ maarjaa̠leeya̠-mpari̍ nrityanti pa̠do ni̍ghna̠teeri̠damma̍dhu̠-ngaaya̍ntyo̠ madhu̠ vai de̠vaanaa̎-mpara̠ma-ma̠nnaadya̍-mpara̠mame̠vaa-nnaadya̠mava̍ rundhate pa̠do ni ghna̍nti mahee̠yaame̠vaishu̍ dadhati ॥ 32 ॥ (charmai - kaa̠nnapa̍nchaa̠shat) (a. 10) pri̠thi̠vyai svaahaa̠ 'ntari̍kshaaya̠ svaahaa̍ di̠ve svaahaa̍ samploshya̠te svaahaa̍ sa̠plamva̍maanaaya̠ svaahaa̠ samplu̍taaya̠ svaahaa̍ meghaayishya̠te svaahaa̍ meghaaya̠te svaahaa̍ meghi̠taaya̠ svaahaa̍ me̠ghaaya̠ svaahaa̍ neehaa̠raaya̠ svaahaa̍ ni̠haakaa̍yai̠ svaahaa̎ praasa̠chaaya̠ svaahaa̎ pracha̠laakaa̍yai̠ svaahaa̍ vidyotishya̠te svaahaa̍ vi̠dyota̍maanaaya̠ svaahaa̍ samvi̠dyota̍maanaaya̠ svaahaa̎ stanayishya̠te svaahaa̎ sta̠naya̍te̠ svaaho̠ -gragg sta̠naya̍te̠ svaahaa̍ varshishya̠te svaahaa̠ varsha̍te̠ svaahaa̍ 'bhi̠varsha̍te̠ svaahaa̍ pari̠varsha̍te̠ svaahaa̍ sa̠mvarsha̍te̠ [sa̠mvarsha̍te, svaahaa̍ 'nu̠varsha̍te̠ svaahaa̍] 33
svaahaa̍ 'nu̠varsha̍te̠ svaahaa̍ sheekaayishya̠te svaahaa̍ sheekaaya̠te svaahaa̍ sheeki̠taaya̠ svaahaa̎proshishya̠te svaahaa̎ prushna̠te svaahaa̍ pariprushna̠te svaaho̎-dgraheeshya̠te svaaho̎ dgrihna̠te svaaho-dgri̍heetaaya̠ svaahaa̍ viploshya̠te svaahaa̍ vi̠plava̍maanaaya̠ svaahaa̠ viplu̍taaya̠ svaahaa̍ ''taphsya̠te svaahaa̠ ''tapa̍te ̠svaaho̠-gramaa̠tapa̍te̠ svaaha̠ -rgbhya-ssvaahaa̠ yaju̍rbhya̠-ssvaahaa̠ saama̍bhya̠-ssvaahaa 'ngi̍robhya̠-ssvaahaa̠ vede̎bhya̠-ssvaahaa̠ gaathaa̎bhya̠-ssvaahaa̍ naaraasha̠gm̠seebhya̠-ssvaahaa̠ raibhee̎bhya̠-ssvaahaa̠ sarva̍smai̠ svaahaa̎ ॥ 34 ॥ (sa̠mvarsha̍te̠ - raibhee̎bhya̠-ssvaahaa̠ - dve cha̍) (a. 11)
da̠tvate̠ svaahaa̍ 'da̠ntakaa̍ya̠ svaahaa̎ praa̠nine̠ svaahaa̎ 'praa̠naaya̠ svaahaa̠ mukha̍vate̠ svaahaa̍-'mu̠khaaya̠ svaahaa̠ naasi̍kavate̠ svaahaa̍ 'naasi̠kaaya̠ svaahaa̎ 'ksha̠nvate̠ svaahaa̍-'na̠kshikaa̍ya̠ svaahaa̍ ka̠rnine̠ svaahaa̍ 'ka̠rnakaa̍ya̠ svaahaa̍ sheersha̠nvate̠ svaahaa̍-'shee̠r̠shakaa̍ya̠ svaahaa̍ pa̠dvate̠ svaahaa̍ 'paa̠dakaa̍ya̠ svaahaa̎ praana̠te svaahaa 'praa̍nate̠ svaahaa̠ vada̍te̠ svaahaa 'va̍date̠ svaahaa̠ pashya̍te̠ svaahaa 'pa̍shyate̠ svaahaa̍ shrinva̠te svaahaa 'shri̍nvate̠ svaahaa̍ mana̠svine̠ svaahaa̍- [mana̠svine̠ svaahaa̎, a̠ma̠nase̠ svaahaa̍] 35
-'ma̠nase̠ svaahaa̍ reta̠svine̠ svaahaa̍ 're̠taskaa̍ya̠ svaahaa̎ pra̠jaabhya̠-ssvaahaa̎ pra̠jana̍naaya̠ svaahaa̠ loma̍vate̠ svaahaa̍ 'lo̠makaa̍ya̠ svaahaa̎ tva̠che svaahaa̠ 'tvakkaa̍ya̠ svaahaa̠ charma̍nvate̠ svaahaa̍ 'cha̠rmakaa̍ya̠ svaahaa̠ lohi̍tavate̠ svaahaa̍-'lohi̠taaya̠ svaahaa̍ maagmsa̠nvate̠ svaahaa̍ 'maa̠gm̠sakaa̍ya̠ svaahaa̠ snaava̍bhya̠-ssvaahaa̎ 'snaa̠vakaa̍ya̠ svaahaa̎ stha̠nvate̠ svaahaa̍-'na̠sthikaa̍ya̠ svaahaa̍ majja̠nvate̠ svaahaa̍ 'ma̠jjakaa̍ya̠ svaahaa̠ 'ngine̠ svaahaa̍-'na̠ngaaya̠ svaahaa̠ ''tmane̠ svaahaa 'naa̎tmane̠ svaahaa̠ sarva̍smai̠ svaahaa̎ ॥ 36 ॥ (ma̠na̠svine̠ svaahaa - 'naa̎tmane̠ svaahaa̠ - dve cha̍) (a. 12)
kastvaa̍ yunakti̠ sa tvaa̍ yunaktu̠ vishnu̍stvaa yunaktva̠sya ya̠jnasyardhyai̠ mahya̠gm̠ sanna̍tyaa a̠mushmai̠ kaamaa̠yaa-''yu̍she tvaa praa̠naaya̍ tvaa 'paa̠naaya̍ tvaa vyaa̠naaya̍ tvaa̠ vyu̍shtyai tvaa ra̠yyai tvaa̠ raadha̍se tvaa̠ ghoshaa̍ya tvaa̠ poshaa̍ya tvaa ''raadgho̠shaaya̍ tvaa̠ prachyu̍tyai tvaa ॥ 37 ॥ (kastvaa̠ - 'shtaatrigm̍shat) (a. 13)
a̠gnaye̍ gaaya̠traaya̍ tri̠vrite̠ raatha̍ntaraaya vaasa̠ntaayaa̠-shtaaka̍paala̠ indraa̍ya̠ traishtu̍bhaaya panchada̠shaaya̠ baarha̍taaya̠ graishmaa̠yaikaa̍dashakapaalo̠ vishve̎bhyo de̠vebhyo̠ jaaga̍tebhya-ssaptada̠shebhyo̍ vairoo̠pebhyo̠ vaarshi̍kebhyo̠ dvaada̍shakapaalo mi̠traavaru̍naabhyaa̠-maanu̍shtubhaabhyaa-mekavi̠gm̠shaabhyaa̎m vairaa̠jaabhyaagm̍ shaara̠daabhyaa̎-mpaya̠syaa̍ briha̠spata̍ye̠ paanktaa̍ya trina̠vaaya̍ shaakva̠raaya̠ haima̍ntikaaya cha̠ru-ssa̍vi̠tra aa̍tichchhanda̠saaya̍ trayastri̠gm̠shaaya̍ raiva̠taaya̍ shaishi̠raaya̠ dvaada̍shakapaa̠lo 'di̍tyai̠ vishnu̍patnyai cha̠rura̠gnaye̍ vaishvaana̠raaya̠ dvaada̍shakapaa̠lo 'nu̍matyai cha̠ruh kaa̠ya eka̍kapaalah ॥ 38 ॥ (a̠gnaye-'di̍tyaa̠ anu̍matyai - sa̠ptacha̍tvaarigmshat) (a. 14)
yo vaa a̠gnaava̠gnih pra̍hri̠yate̠ yashcha̠ somo̠ raajaa̠ tayo̍re̠sha aa̍ti̠thyam yada̍gneesho̠meeyo-'thai̠sha ru̠dro yashchee̠yate̠ ya-thsanchi̍te̠-'gnaave̠taani̍ ha̠veegmshi̠ na ni̠rvape̍de̠sha e̠va ru̠dro-'shaa̎mta upo̠tthaaya̍ pra̠jaa-mpa̠shoon yaja̍maanasyaa̠bhi ma̍nyeta̠ ya-thsanchi̍te̠-'gnaave̠taani̍ ha̠veegmshi̍ ni̠rvapa̍ti bhaaga̠dheye̍nai̠vainagm̍ shamayati̠ naasya̍ ru̠dro-'shaa̎mta [ru̠dro-'shaa̎mtah, u̠po̠tthaaya̍] 39
upo̠tthaaya̍ pra̠jaa-mpa̠shoona̠bhi ma̍nyate̠ dasha̍ ha̠veegmshi̍ bhavanti̠ nava̠ vai puru̍she praa̠naa naabhi̍rdasha̠mee praa̠naane̠va yaja̍maane dadhaa̠tyatho̠ dashaa̎ksharaa vi̠raadanna̍m vi̠raa-dvi̠raajye̠vaannaadye̠ prati̍ tishthatyri̠tubhi̠rvaa e̠sha chhando̍bhi̠-sstomai̎h pri̠shthaishche̍ta̠vya̍ ityaa̍hu̠ryade̠taani̍ ha̠veegmshi̍ ni̠rvapa̍tyri̠tubhi̍re̠vaina̠-nchhando̍bhi̠-sstomai̎h pri̠shthaishchi̍nute̠ disha̍-ssushuvaa̠nenaa̍ - [ ] 40
-bhi̠jityaa̠ ityaa̍hu̠ryade̠taani̍ ha̠veegmshi̍ ni̠rvapa̍ti di̠shaama̠bhiji̍tyaa e̠tayaa̠ vaa indra̍-nde̠vaa a̍yaajaya̠-ntasmaa̍dindrasa̠va e̠tayaa̠ manu̍-mmanu̠shyaa̎stasmaa̎-nmanusa̠vo yathendro̍ de̠vaanaa̠m yathaa̠ manu̍rmanu̠shyaa̍naame̠va-mbha̍vati̠ ya e̠vam vi̠dvaane̠tayeshtyaa̠ yaja̍te̠ digva̍teeh puro-'nuvaa̠kyaa̍ bhavanti̠ sarvaa̍saa-ndi̠shaama̠bhiji̍tyai ॥ 41 ॥ (ashaa̎mtah - sushuvaa̠nenai - ka̍chatvaarigmshachcha) (a. 15)
yah praa̍na̠to ni̍misha̠to ma̍hi̠tvaika̠ idraajaa̠ jaga̍to ba̠bhoova̍ । ya eeshe̍ a̠sya dvi̠pada̠shchatu̍shpada̠h kasmai̍ de̠vaaya̍ ha̠vishaa̍ vidhema ॥ u̠pa̠yaa̠magri̍heeto-'si pra̠jaapa̍taye tvaa̠ jushta̍-ngrihnaami̠ tasya̍ te̠ dyaurma̍hi̠maa naksha̍traani roo̠pamaa̍di̠tyaste̠ teja̠stasmai̎ tvaa mahi̠mne pra̠jaapa̍taye̠ svaahaa̎ ॥ 42 ॥ (yah praa̍na̠to dyauraa̍di̠tyo̎ - 'shtaatrigm̍shat ) (a. 16)
ya aa̎tma̠daa ba̍la̠daa yasya̠ vishva̍ u̠paasa̍te pra̠shisha̠m yasya̍ de̠vaah । yasya̍ chhaa̠yaa-'mrita̠m yasya̍ mri̠tyuh kasmai̍ de̠vaaya̍ ha̠vishaa̍ vidhema ॥ u̠pa̠yaa̠magri̍heeto-'si pra̠jaapa̍taye tvaa̠ jushta̍-ngrihnaami̠ tasya̍ te prithi̠vee ma̍hi̠mausha̍dhayo̠ vana̠spata̍yo roo̠pama̠gniste̠ teja̠stasmai̎ tvaa mahi̠mne pra̠jaapa̍taye̠ svaahaa̎ ॥ 43 ॥ (ya aa̎tma̠daah pri̍thi̠vya̍gni-rekaa̠nnacha̍tvaari̠gm̠shat) (a. 17)
aa brahma̍-nbraahma̠no bra̍hmavarcha̠see jaa̍yataa̠maa 'smi-nraa̠shtre raa̍ja̠nya̍ isha̠vya̍-shshooro̍ mahaara̠tho jaa̍yataa̠-ndogdhree̍dhe̠nurvodhaa̍ 'na̠dvaanaa̠shu-ssapti̠h pura̍ndhi̠ryoshaa̍ ji̠shnoo ra̍the̠shthaa-ssa̠bheyo̠ yuvaa ''sya yaja̍maanasya vee̠ro jaa̍yataa-nnikaa̠meni̍kaame nah pa̠rjanyo̍ varshatu pha̠linyo̍ na̠ osha̍dhayah pachyantaam yogakshe̠mona̍h kalpataam ॥ 44 ॥ (aa brahma̠ - nneka̍chatvaarigmshat )(aa18)
aa-'kraan̍ vaa̠jee pri̍thi̠veema̠gnim yuja̍makrita vaa̠jyarvaa ''kraan̍ vaa̠jya̍ntari̍ksham vaa̠yum yuja̍makrita vaa̠jyarvaa̠ dyaam vaa̠jyaa-'kragg̍sta̠ soorya̠m yuja̍makrita vaa̠jyarvaa̠ 'gniste̍ vaaji̠n̠ yunnanu̠ tvaa '' ra̍bhe sva̠sti maa̠ sa-mpaa̍raya vaa̠yuste̍ vaaji̠n̠ yunnanu̠ tvaa '' ra̍bhe sva̠sti maa̠ sa- [sva̠sti maa̠ sam, paa̠ra̠yaa̠ ''di̠tyaste̍] 45
-mpaa̍rayaa ''di̠tyaste̍ vaaji̠n̠ yunnanu̠ tvaa '' ra̍bhe sva̠sti maa̠ sa-mpaa̍raya praana̠dhriga̍si praa̠na-mme̍ drigmha vyaana̠dhriga̍si vyaa̠na-mme̍ drigmhaa 'paana̠dhriga̍syapaa̠na-mma̍ drigmha̠ chakshu̍rasi̠ chakshu̠rmayi̍ dhehi̠ shrotra̍masi̠ shrotra̠-mmayi̍ dhe̠hyaayu̍ra̠syaayu̠rmayi̍ dhehi ॥ 46 ॥ (vaa̠yuste̍ vaaji̠n̠ yunnanu̠ tvaa '' ra̍bhe sva̠sti maa̠ sam - tricha̍tvaarigmshachcha) (a. 19)
jajni̠ beeja̠m varshtaa̍ pa̠rjanya̠h paktaa̍ sa̠syagm su̍pippa̠laa osha̍dhaya-ssvadhichara̠neyagm soo̍pasada̠no̎-'gni-ssva̍ddhya̠kshama̠ntari̍kshagmsupaa̠vah pava̍maana-ssoopasthaa̠naa dyau-shshi̠vama̠sau tapa̍n yathaapoo̠rvama̍horaa̠tre pa̍nchada̠shino̎ 'rdhamaa̠saa-stri̠gm̠shino̠ maasaa̎h kLi̠ptaa ri̠tava̍-shshaa̠nta-ssa̍mvathsa̠rah ॥ 47 ॥ (jajni̠ beeja̠ - meka̍trigmshat) (a. 20)
aa̠gne̠yo̎-'shtaaka̍paala-ssau̠myashcha̠ru-ssaa̍vi̠tro̎-'shtaaka̍paalah pau̠shnashcha̠roo rau̠drashcha̠rura̠gnaye̍ vaishvaana̠raaya̠ dvaada̍shakapaalo mrigaakha̠re yadi̠ naa-''gachchhe̍-da̠gnaye-'gm̍ho̠muche̠-'shtaaka̍paala-ssau̠rya-mpayo̍ vaaya̠vya̍ aajya̍bhaagah ॥ 48 ॥ (aa̠gne̠ya - shchatu̍rvigmshatih) (a. 21)
a̠gnaye-'gm̍ho̠muche̠-'shtaaka̍paala̠ indraa̍yaa-'gmho̠mucha̠ ekaa̍dashakapaalo mi̠traavaru̍naabhyaa-maago̠mugbhyaa̎-mpaya̠syaa̍ vaayosaavi̠tra aa̍go̠mugbhyaa̎-ncha̠rura̠shvibhyaa̍-maago̠mugbhyaa̎-ndhaa̠naa ma̠rudbhya̍ eno̠mugbhya̍-ssa̠ptaka̍paalo̠ vishve̎bhyo de̠vebhya̍ eno̠mugbhyo̠ dvaada̍shakapaa̠lo 'nu̍matyai cha̠rura̠gnaye̍ vaishvaana̠raaya̠ dvaada̍shakapaalo̠ dyaavaa̍prithi̠veebhyaa̍-magmho̠mugbhyaa̎-ndvikapaa̠lah ॥ 49 ॥ (a̠gnaye-'gm̍ho̠muche̎ - tri̠gm̠shat) (a. 22)
a̠gnaye̠ sama̍nama-tprithi̠vyai sama̍nama̠dyathaa̠-'gnih pri̍thi̠vyaa sa̠mana̍made̠va-mmahya̍-mbha̠draa-ssanna̍taya̠-ssa-nna̍mantu vaa̠yave̠ sama̍namada̠ntari̍kshaaya̠ sama̍nama̠dyathaa̍ vaa̠yura̠ntari̍kshena̠ sooryaa̍ya̠ sama̍namaddi̠ve sama̍nama̠dyathaa̠ sooryo̍ di̠vaa cha̠ndrama̍se̠ sama̍nama̠nnaksha̍trebhya̠-ssama̍nama̠dyathaa̍ cha̠ndramaa̠ naksha̍trai̠rvaru̍naaya̠ sama̍namada̠dbhya-ssama̍nama̠-dyathaa̠ [-ssama̍nama̠-dyathaa̎, varu̍no̠-'dbhi-ssaamne̠] 50
varu̍no̠-'dbhi-ssaamne̠ sama̍namadri̠che sama̍nama̠dyathaa̠ saama̠rchaa brahma̍ne̠ sama̍nama-tksha̠traaya̠ sama̍nama̠dyathaa̠ brahma̍ ksha̠trena̠ raajne̠ sama̍nama-dvi̠she sama̍nama̠dyathaa̠ raajaa̍ vi̠shaa rathaa̍ya̠-ssama̍nama̠dashve̎bhya̠-ssama̍nama̠dyathaa̠ ratho-'shvai̎h pra̠jaapa̍taye̠ sama̍nama-dbhoo̠tebhya̠-ssama̍nama̠dyathaa̎ pra̠jaapa̍tirbhoo̠tai-ssa̠mana̍made̠va-mmahya̍-mbha̠draa-ssanna̍taya̠-ssa-nna̍mantu ॥ 51 ॥ (a̠dbhya-ssama̍nama̠dyathaa̠-mahya̍m-cha̠tvaari̍ cha) (a. 23)
ye te̠ panthaa̍na-ssavitah poo̠rvyaaso̍-'re̠navo̠ vita̍taa a̠ntari̍kshe । tebhi̍rno a̠dya pa̠thibhi̍-ssu̠gebhee̠ rakshaa̍ cha no̠ adhi̍ cha deva broohi ॥ namo̠-'gnaye̍ prithivi̠kshite̍ loka̠sprite̍ lo̠kama̠smai yaja̍maanaaya dehi̠ namo̍ vaa̠yave̎-'ntariksha̠kshite̍ loka̠sprite̍ lo̠kama̠smai yaja̍maanaaya dehi̠ nama̠-ssooryaa̍ya divi̠kshite̍ loka̠sprite̍ lo̠kama̠smai yaja̍maanaaya dehi ॥ 52 ॥ (ye te̠ - chatu̍shchatvaarigmshat) (a. 24)
yo vaa ashva̍sya̠ meddhya̍sya̠ shiro̠ veda̍ sheersha̠nvaa-nmeddhyo̍ bhavatyu̠shaa vaa ashva̍sya̠ meddhya̍sya̠ shira̠-ssoorya̠shchakshu̠rvaata̍h praa̠nashcha̠ndramaa̠-shshrotra̠-ndisha̠h paadaa̍ avaantaradi̠shaah parsha̍vo-'horaa̠tre ni̍me̠sho̎-'rdhamaa̠saah parvaa̍ni̠ maasaa̎-ssa̠dhaannaa̎nyri̠tavo-'ngaa̍ni samvathsa̠ra aa̠tmaa ra̠shmaya̠h keshaa̠ naksha̍traani roo̠pa-ntaara̍kaa a̠sthaani̠ nabho̍ maa̠gm̠saanyosha̍dhayo̠ lomaa̍ni̠ vana̠spata̍yo̠ vaalaa̍ a̠gnirmukha̍m vaishvaana̠ro vyaattagm̍ [vyaatta̎m, sa̠mu̠dra u̠dara̍ma̠ntari̍ksha-] 53
samu̠dra u̠dara̍ma̠ntari̍ksha-mpaa̠yu-rdyaavaa̍prithi̠vee aa̠ndau graavaa̠ shepa̠-ssomo̠ reto̠ yajja̍nja̠bhyate̠ tadvi dyo̍tate̠ yadvi̍dhoonu̠te ta-thsta̍nayati̠ yanmeha̍ti̠ tadva̍rshati̠ vaage̠vaasya̠ vaagaha̠rvaa ashva̍sya̠ jaaya̍maanasya mahi̠maa pu̠rastaa̎jjaayate̠ raatri̍rena-mmahi̠maa pa̠shchaadanu̍ jaayata e̠tau vai ma̍hi̠maanaa̠-vashva̍ma̠bhita̠-ssa-mba̍bhoovatu̠r̠hayo̍ de̠vaana̍vaha̠ darvaa-'su̍raan vaa̠jee ga̍ndha̠rvaa-nashvo̍ manu̠shyaa̎m-thsamu̠dro vaa ashva̍sya̠ yoni̍-ssamu̠dro bandhu̍h ॥ 54 ॥ (vyaatta̍ - mavaha̠-d- dvaada̍sha cha ) (a. 25)
(gaavo̠ - gaava̠-ssishaa̍santeeh- pratha̠me maa̠si - sa̍maa̠nyo̍ - yadi̠ somau̍- shada̠hai - ru̠-thsrijyaa(3)n - de̠vaanaa̍ - ma̠rkye̍na̠ - charmaa-'va̍ - prithi̠vyai - da̠tvate̠ - kastvaa̠ - 'gnaye̠ - yo vai - yah praa̍na̠to - ya aa̎tma̠daa - aa brahma̠ - nnaa-'kraa̠n - jajni̠ beeja̍ - maagne̠yo̎-'shtaaka̍paalo̠ - 'gnaye-'gm̍ho̠muche̠-'shtaaka̍paalo̠ - 'gnaye̠sama̍nama̠--dye te̠ panthaa̍no̠ - yo vaa ashva̍sya̠meddhya̍sya̠ shira̠h - pancha̍vigmshatih)
(gaava̍h - samaa̠nya̍h - sava̍namashtaa̠bhi - rvaa e̠te de̠vakri̍tanchaa - 'bhi̠jityaa̠ ityaa̍hu̠ -rvaru̍no̠-'dbhi-ssaamne̠ - chatu̍sh panchaa̠sat)
(gaavo̠, yoni̍ ssamu̠dro bandhu̍h)
(pra̠janana̍gm - saadyaah - pra̠java̠m - briha̠spati̠ - rgaavah - pancha̍) (7)
(i̠she, vaa̍ya̠vya̍, mpra̠jaapa̍ti, ryunjaa̠naa, ssaa̍vi̠traani̍, praacheena̍vagmsha, mpra̠jana̍nagm, sapta) (7)
॥ hari̍h om ॥
॥ krishna yajurvedeeya taittireeya samhitaayaam saptamakaande panchamah prashna-ssamaaptah ॥
॥ iti taittireeyasamhitaa samaaptaa ॥
About KYTS 7.5 Gaavo Vaa Etathsatramaasata - Krishna Yajurveda Taittiriya Samhita Patha
This is the fifth prashna of the seventh kanda of the Krishna Yajurveda Taittiriya Samhita, and the last section of the whole Samhita. It describes particular sattras, long sacrificial sessions, beginning with the story "The cows held this sattra": the cows performed a year-long session to win horns, and from this comes the gavam ayana, "the course of the cows", a great year-long sattra. Later sections describe other special sessions and their rites, and the prashna ends with the words "here the Taittiriya Samhita is complete".
Source: Krishna Yajurveda, Taittiriya Samhita 7.5
When to chant: In Vedic chanting and in traditional study of the Taittiriya Samhita.
Did you know?
- The gavam ayana, "the cows' course", is the model for many year-long Vedic sattras.
- With this prashna the recitation of the entire Taittiriya Samhita, seven kandas in all, comes to an end.
Frequently asked questions
What is the gavam ayana?
A year-long sattra modelled on the cows' session.
What is special about this prashna?
It is the last section of the whole Taittiriya Samhita.
Which Veda is it from?
The Krishna Yajurveda, Taittiriya Samhita 7.5.
Offered for worship and study, not as prediction. Non-commercial.
More devotional texts