MuhurtaNow

Narayaniyam Dashaka 55

Vishnu · Traditional devotional text

അഥ വാരിണി ഘോരതരം ഫണിനം പ്രതിവാരയിതും കൃതധീര്ഭഗവന് । ദ്രുതമാരിഥ തീരഗനീപതരും വിഷമാരുതശോഷിതപര്ണചയമ് ॥1॥

അധിരുഹ്യ പദാംബുരുഹേണ ച തം നവപല്ലവതുല്യമനോജ്ഞരുചാ । ഹ്രദവാരിണി ദൂരതരം ന്യപതഃ പരിഘൂര്ണിതഘോരതരംഗ്ഗണേ ॥2॥

ഭുവനത്രയഭാരഭൃതോ ഭവതോ ഗുരുഭാരവികംപിവിജൃംഭിജലാ । പരിമജ്ജയതി സ്മ ധനുശ്ശതകം തടിനീ ഝടിതി സ്ഫുടഘോഷവതീ ॥3॥

അഥ ദിക്ഷു വിദിക്ഷു പരിക്ഷുഭിത- ഭ്രമിതോദരവാരിനിനാദഭരൈഃ । ഉദകാദുദഗാദുരഗാധിപതി- സ്ത്വദുപാംതമശാംതരുഷാഽംധമനാഃ ॥4॥

ഫണശൃംഗസഹസ്രവിനിസ്സൃമര- ജ്വലദഗ്നികണോഗ്രവിഷാംബുധരമ് । പുരതഃ ഫണിനം സമലോകയഥാ ബഹുശൃംഗിണമംജനശൈലമിവ ॥5॥

ജ്വലദക്ഷി പരിക്ഷരദുഗ്രവിഷ- ശ്വസനോഷ്മഭരഃ സ മഹാഭുജഗഃ । പരിദശ്യ ഭവംതമനംതബലം സമവേഷ്ടയദസ്ഫുടചേഷ്ടമഹോ ॥6॥

അവിലോക്യ ഭവംതമഥാകുലിതേ തടഗാമിനി ബാലകധേനുഗണേ । വ്രജഗേഹതലേഽപ്യനിമിത്തശതം സമുദീക്ഷ്യ ഗതാ യമുനാം പശുപാഃ ॥7॥

അഖിലേഷു വിഭോ ഭവദീയ ദശാ- മവലോക്യ ജിഹാസുഷു ജീവഭരമ് । ഫണിബംധനമാശു വിമുച്യ ജവാ- ദുദഗമ്യത ഹാസജുഷാ ഭവതാ ॥8॥

അധിരുഹ്യ തതഃ ഫണിരാജഫണാന് നനൃതേ ഭവതാ മൃദുപാദരുചാ । കലശിംജിതനൂപുരമംജുമില- ത്കരകംകണസംകുലസംക്വണിതമ് ॥9॥

ജഹൃഷുഃ പശുപാസ്തുതുഷുര്മുനയോ വവൃഷുഃ കുസുമാനി സുരേംദ്രഗണാഃ । ത്വയി നൃത്യതി മാരുതഗേഹപതേ പരിപാഹി സ മാം ത്വമദാംതഗദാത് ॥10॥

About Narayaniyam Dashaka 55

The fifty-fifth dashaka of the Narayaneeyam tells of Kaliya Mardana, the subduing of the serpent Kaliya. To free the Yamuna from the serpent's poison, Krishna climbs a kadamba tree on the bank, whose leaves had withered from the poisoned air, leaps into the deep pool, and dances on Kaliya's many hoods while the cowherds rejoice, the sages praise him and the gods shower flowers.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana, at Guruvayur, and on Krishna Janmashtami.

Did you know?

  • Melpathur Narayana Bhattathiri addresses each dashaka to Guruvayurappan, here called "Marutagehapate", lord of the temple of the Wind god.
  • Krishna's dance on Kaliya's hoods is one of the best-loved scenes in temple art and Kathakali.

Frequently asked questions

What story does this dashaka tell?

Krishna subduing the serpent Kaliya in the Yamuna.

Who wrote the Narayaneeyam?

Melpathur Narayana Bhattathiri, in 1586.

Whom does each dashaka address?

Guruvayurappan, Krishna of Guruvayur.

Offered for worship and study, not as prediction. Non-commercial.