MuhurtaNow

Narayaniyam Dashaka 58

Vishnu · Traditional devotional text

ತ್ವಯಿ ವಿಹರಣಲೋಲೇ ಬಾಲಜಾಲೈಃ ಪ್ರಲಂಬ- ಪ್ರಮಥನಸವಿಲಂಬೇ ಧೇನವಃ ಸ್ವೈರಚಾರಾಃ । ತೃಣಕುತುಕನಿವಿಷ್ಟಾ ದೂರದೂರಂ ಚರಂತ್ಯಃ ಕಿಮಪಿ ವಿಪಿನಮೈಷೀಕಾಖ್ಯಮೀಷಾಂಬಭೂವುಃ ॥1॥

ಅನಧಿಗತನಿದಾಘಕ್ರೌರ್ಯವೃಂದಾವನಾಂತಾತ್ ಬಹಿರಿದಮುಪಯಾತಾಃ ಕಾನನಂ ಧೇನವಸ್ತಾಃ । ತವ ವಿರಹವಿಷಣ್ಣಾ ಊಷ್ಮಲಗ್ರೀಷ್ಮತಾಪ- ಪ್ರಸರವಿಸರದಂಭಸ್ಯಾಕುಲಾಃ ಸ್ತಂಭಮಾಪುಃ ॥2॥

ತದನು ಸಹ ಸಹಾಯೈರ್ದೂರಮನ್ವಿಷ್ಯ ಶೌರೇ ಗಲಿತಸರಣಿಮುಂಜಾರಣ್ಯಸಂಜಾತಖೇದಮ್ । ಪಶುಕುಲಮಭಿವೀಕ್ಷ್ಯ ಕ್ಷಿಪ್ರಮಾನೇತುಮಾರಾ- ತ್ತ್ವಯಿ ಗತವತಿ ಹೀ ಹೀ ಸರ್ವತೋಽಗ್ನಿರ್ಜಜೃಂಭೇ ॥3॥

ಸಕಲಹರಿತಿ ದೀಪ್ತೇ ಘೋರಭಾಂಕಾರಭೀಮೇ ಶಿಖಿನಿ ವಿಹತಮಾರ್ಗಾ ಅರ್ಧದಗ್ಧಾ ಇವಾರ್ತಾಃ । ಅಹಹ ಭುವನಬಂಧೋ ಪಾಹಿ ಪಾಹೀತಿ ಸರ್ವೇ ಶರಣಮುಪಗತಾಸ್ತ್ವಾಂ ತಾಪಹರ್ತಾರಮೇಕಮ್ ॥4॥

ಅಲಮಲಮತಿಭೀತ್ಯಾ ಸರ್ವತೋ ಮೀಲಯಧ್ವಂ ದೃಶಮಿತಿ ತವ ವಾಚಾ ಮೀಲಿತಾಕ್ಷೇಷು ತೇಷು । ಕ್ವ ನು ದವದಹನೋಽಸೌ ಕುತ್ರ ಮುಂಜಾಟವೀ ಸಾ ಸಪದಿ ವವೃತಿರೇ ತೇ ಹಂತ ಭಾಂಡೀರದೇಶೇ ॥5॥

ಜಯ ಜಯ ತವ ಮಾಯಾ ಕೇಯಮೀಶೇತಿ ತೇಷಾಂ ನುತಿಭಿರುದಿತಹಾಸೋ ಬದ್ಧನಾನಾವಿಲಾಸಃ । ಪುನರಪಿ ವಿಪಿನಾಂತೇ ಪ್ರಾಚರಃ ಪಾಟಲಾದಿ- ಪ್ರಸವನಿಕರಮಾತ್ರಗ್ರಾಹ್ಯಘರ್ಮಾನುಭಾವೇ ॥6॥

ತ್ವಯಿ ವಿಮುಖಮಿವೋಚ್ಚೈಸ್ತಾಪಭಾರಂ ವಹಂತಂ ತವ ಭಜನವದಂತಃ ಪಂಕಮುಚ್ಛೋಷಯಂತಮ್ । ತವ ಭುಜವದುದಂಚದ್ಭೂರಿತೇಜಃಪ್ರವಾಹಂ ತಪಸಮಯಮನೈಷೀರ್ಯಾಮುನೇಷು ಸ್ಥಲೇಷು ॥7॥

ತದನು ಜಲದಜಾಲೈಸ್ತ್ವದ್ವಪುಸ್ತುಲ್ಯಭಾಭಿ- ರ್ವಿಕಸದಮಲವಿದ್ಯುತ್ಪೀತವಾಸೋವಿಲಾಸೈಃ । ಸಕಲಭುವನಭಾಜಾಂ ಹರ್ಷದಾಂ ವರ್ಷವೇಲಾಂ ಕ್ಷಿತಿಧರಕುಹರೇಷು ಸ್ವೈರವಾಸೀ ವ್ಯನೈಷೀಃ ॥8॥

ಕುಹರತಲನಿವಿಷ್ಟಂ ತ್ವಾಂ ಗರಿಷ್ಠಂ ಗಿರೀಂದ್ರಃ ಶಿಖಿಕುಲನವಕೇಕಾಕಾಕುಭಿಃ ಸ್ತೋತ್ರಕಾರೀ । ಸ್ಫುಟಕುಟಜಕದಂಬಸ್ತೋಮಪುಷ್ಪಾಂಜಲಿಂ ಚ ಪ್ರವಿದಧದನುಭೇಜೇ ದೇವ ಗೋವರ್ಧನೋಽಸೌ ॥9॥

ಅಥ ಶರದಮುಪೇತಾಂ ತಾಂ ಭವದ್ಭಕ್ತಚೇತೋ- ವಿಮಲಸಲಿಲಪೂರಾಂ ಮಾನಯನ್ ಕಾನನೇಷು । ತೃಣಮಮಲವನಾಂತೇ ಚಾರು ಸಂಚಾರಯನ್ ಗಾಃ ಪವನಪುರಪತೇ ತ್ವಂ ದೇಹಿ ಮೇ ದೇಹಸೌಖ್ಯಮ್ ॥10॥

About Narayaniyam Dashaka 58

The fifty-eighth dashaka of the Narayaneeyam tells how Krishna swallowed the forest fire. While Krishna and Balarama were playing and slaying Pralamba, the cows strayed far into a strange forest beyond Vrindavan in the summer heat; the cowherds followed, and suddenly a great forest fire surrounded them on all sides. In terror they called to Krishna, who told them to close their eyes and in an instant drank up the whole fire. When they opened their eyes, they were back safely in the Bhandira grove.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana, at Guruvayur, and in times of fear.

Did you know?

  • Krishna swallowing the forest fire (davagni) is a favourite scene in paintings and temple art.
  • The dashaka ends with the coming of autumn and its clear waters, likened to the minds of devotees.

Frequently asked questions

What happens in this dashaka?

Krishna swallows a forest fire to save the cowherds and cows.

What did he tell the cowherds to do?

To close their eyes.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.