MuhurtaNow

Narayaniyam Dashaka 58

Vishnu · Traditional devotional text

ത്വയി വിഹരണലോലേ ബാലജാലൈഃ പ്രലംബ- പ്രമഥനസവിലംബേ ധേനവഃ സ്വൈരചാരാഃ । തൃണകുതുകനിവിഷ്ടാ ദൂരദൂരം ചരംത്യഃ കിമപി വിപിനമൈഷീകാഖ്യമീഷാംബഭൂവുഃ ॥1॥

അനധിഗതനിദാഘക്രൌര്യവൃംദാവനാംതാത് ബഹിരിദമുപയാതാഃ കാനനം ധേനവസ്താഃ । തവ വിരഹവിഷണ്ണാ ഊഷ്മലഗ്രീഷ്മതാപ- പ്രസരവിസരദംഭസ്യാകുലാഃ സ്തംഭമാപുഃ ॥2॥

തദനു സഹ സഹായൈര്ദൂരമന്വിഷ്യ ശൌരേ ഗലിതസരണിമുംജാരണ്യസംജാതഖേദമ് । പശുകുലമഭിവീക്ഷ്യ ക്ഷിപ്രമാനേതുമാരാ- ത്ത്വയി ഗതവതി ഹീ ഹീ സർവതോഽഗ്നിര്ജജൃംഭേ ॥3॥

സകലഹരിതി ദീപ്തേ ഘോരഭാംകാരഭീമേ ശിഖിനി വിഹതമാര്ഗാ അര്ധദഗ്ധാ ഇവാര്താഃ । അഹഹ ഭുവനബംധോ പാഹി പാഹീതി സർവേ ശരണമുപഗതാസ്ത്വാം താപഹര്താരമേകമ് ॥4॥

അലമലമതിഭീത്യാ സർവതോ മീലയധ്വം ദൃശമിതി തവ വാചാ മീലിതാക്ഷേഷു തേഷു । ക്വ നു ദവദഹനോഽസൌ കുത്ര മുംജാടവീ സാ സപദി വവൃതിരേ തേ ഹംത ഭാംഡീരദേശേ ॥5॥

ജയ ജയ തവ മായാ കേയമീശേതി തേഷാം നുതിഭിരുദിതഹാസോ ബദ്ധനാനാവിലാസഃ । പുനരപി വിപിനാംതേ പ്രാചരഃ പാടലാദി- പ്രസവനികരമാത്രഗ്രാഹ്യഘര്മാനുഭാവേ ॥6॥

ത്വയി വിമുഖമിവോച്ചൈസ്താപഭാരം വഹംതം തവ ഭജനവദംതഃ പംകമുച്ഛോഷയംതമ് । തവ ഭുജവദുദംചദ്ഭൂരിതേജഃപ്രവാഹം തപസമയമനൈഷീര്യാമുനേഷു സ്ഥലേഷു ॥7॥

തദനു ജലദജാലൈസ്ത്വദ്വപുസ്തുല്യഭാഭി- ർവികസദമലവിദ്യുത്പീതവാസോവിലാസൈഃ । സകലഭുവനഭാജാം ഹര്ഷദാം വര്ഷവേലാം ക്ഷിതിധരകുഹരേഷു സ്വൈരവാസീ വ്യനൈഷീഃ ॥8॥

കുഹരതലനിവിഷ്ടം ത്വാം ഗരിഷ്ഠം ഗിരീംദ്രഃ ശിഖികുലനവകേകാകാകുഭിഃ സ്തോത്രകാരീ । സ്ഫുടകുടജകദംബസ്തോമപുഷ്പാംജലിം ച പ്രവിദധദനുഭേജേ ദേവ ഗോവര്ധനോഽസൌ ॥9॥

അഥ ശരദമുപേതാം താം ഭവദ്ഭക്തചേതോ- വിമലസലിലപൂരാം മാനയന് കാനനേഷു । തൃണമമലവനാംതേ ചാരു സംചാരയന് ഗാഃ പവനപുരപതേ ത്വം ദേഹി മേ ദേഹസൌഖ്യമ് ॥10॥

About Narayaniyam Dashaka 58

The fifty-eighth dashaka of the Narayaneeyam tells how Krishna swallowed the forest fire. While Krishna and Balarama were playing and slaying Pralamba, the cows strayed far into a strange forest beyond Vrindavan in the summer heat; the cowherds followed, and suddenly a great forest fire surrounded them on all sides. In terror they called to Krishna, who told them to close their eyes and in an instant drank up the whole fire. When they opened their eyes, they were back safely in the Bhandira grove.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana, at Guruvayur, and in times of fear.

Did you know?

  • Krishna swallowing the forest fire (davagni) is a favourite scene in paintings and temple art.
  • The dashaka ends with the coming of autumn and its clear waters, likened to the minds of devotees.

Frequently asked questions

What happens in this dashaka?

Krishna swallows a forest fire to save the cowherds and cows.

What did he tell the cowherds to do?

To close their eyes.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.